तत्र भगवान् पुनरपि चन्द्रप्रभं कुमारभूतमामन्त्रयते स्म - तस्मात्तर्हि कुमार दिव्यानि चक्रवर्तिराज्यैश्वर्यसुखान्यपहाय प्रव्रजिष्यामीत्येवं त्वया कुमार सदा शिक्षितव्यम् । प्रव्रजितेन कुमार धूतगुणसंलेखप्रतिष्ठितेन विवेकचारिणा क्षान्तिसौरत्यसंपन्नेन भवितव्यम् । सदा च आरब्धवीर्येण ते कुमार आदीप्तशिरश्चैलोपमेन अयं सर्वधर्मस्वभावसमताविपञ्चितः समाधिः श्रोतव्य उद्ग्रहीतव्यः पर्यवाप्तव्यः प्रवर्तयितव्यो धारयितव्यो वाचयितव्यः उद्देष्टव्यः स्वाध्यातव्यो ऽरणाभावनया भावयितव्यो बहुलीकर्तव्यः, परेभ्यश्च विस्तरेण संप्रकाशयितव्यः । खङ्गविषाणभूतेन अद्वितीयेन च ते कुमार अरण्यनिषेविणा सदा भवितव्यम् । आत्मपरित्यागेनापि ते कुमार सर्वसत्त्वानामर्थः सदा करणीय इति ॥ अथ खलु भगवांस्तस्या वेलायामेतमेवार्थमुद्भावयंश्चन्द्रप्रभस्य कुमारभूतस्येमं पूर्वयोगकथापरिवर्तं गाथाभिगीतेन विस्तरेण संप्रकाशयति स्म - स्मरमी अतीत बहुकल्पशता यद आसि नायकु अनन्तयशाः । नरदेवनागगणपूजनियो नामेन तेजगुणि राज जिनो
tatra bhagavān punarapi candraprabhaṃ kumārabhūtamāmantrayate sma - tasmāttarhi kumāra divyāni cakravartirājyaiśvaryasukhānyapahāya pravrajiṣyāmītyevaṃ tvayā kumāra sadā śikṣitavyam | pravrajitena kumāra dhūtaguṇasaṃlekhapratiṣṭhitena vivekacāriṇā kṣāntisauratyasaṃpannena bhavitavyam | sadā ca ārabdhavīryeṇa te kumāra ādīptaśiraścailopamena ayaṃ sarvadharmasvabhāvasamatāvipañcitaḥ samādhiḥ śrotavya udgrahītavyaḥ paryavāptavyaḥ pravartayitavyo dhārayitavyo vācayitavyaḥ uddeṣṭavyaḥ svādhyātavyo 'raṇābhāvanayā bhāvayitavyo bahulīkartavyaḥ, parebhyaśca vistareṇa saṃprakāśayitavyaḥ | khaṅgaviṣāṇabhūtena advitīyena ca te kumāra araṇyaniṣeviṇā sadā bhavitavyam | ātmaparityāgenāpi te kumāra sarvasattvānāmarthaḥ sadā karaṇīya iti || atha khalu bhagavāṃstasyā velāyāmetamevārthamudbhāvayaṃścandraprabhasya kumārabhūtasyemaṃ pūrvayogakathāparivartaṃ gāthābhigītena vistareṇa saṃprakāśayati sma - smaramī atīta bahukalpaśatā yada āsi nāyaku anantayaśāḥ / naradevanāgagaṇapūjaniyo nāmena tejaguṇi rāja jino
Sanskrit only: no published translation is held for this verse.
दश भिक्षुकोटि षडभिज्ञरुहाः प्रतिसंविदान वशिपारगताः । धूतवृत्त संलेखित शान्तमनाः इति तस्य तेन समयेन गणाः
daśa bhikṣukoṭi ṣaḍabhijñaruhāḥ pratisaṃvidāna vaśipāragatāḥ / dhūtavṛtta saṃlekhita śāntamanāḥ iti tasya tena samayena gaṇāḥ
Sanskrit only: no published translation is held for this verse.
षट्सप्तती नगर कोटिशताः पञ्चाशयोजनप्रमाण समाः । रतनान सप्तन विशिष्टवरा इह जम्बुद्वीपि तद कालि अभूत्
ṣaṭsaptatī nagara koṭiśatāḥ pañcāśayojanapramāṇa samāḥ / ratanāna saptana viśiṣṭavarā iha jambudvīpi tada kāli abhūt
Sanskrit only: no published translation is held for this verse.
तद कालि ते पुरवरा सकलाः प्रतिमण्डिता बहु उद्यानशतैः । उद्यान सर्वि घनमेघनिभाः फलपुष्पमण्डित तरुनिचिताः
tada kāli te puravarā sakalāḥ pratimaṇḍitā bahu udyānaśataiḥ / udyāna sarvi ghanameghanibhāḥ phalapuṣpamaṇḍita tarunicitāḥ
Sanskrit only: no published translation is held for this verse.
कर्णिकारचम्पकपुन्नागशतैः प्रतिमण्डितास्त उद्यानवराः
karṇikāracampakapunnāgaśataiḥ pratimaṇḍitāsta udyānavarāḥ
Sanskrit only: no published translation is held for this verse.
न्यग्रोध सर्वि द्विजसंघरुताः कलविङ्ककोकिलमयूरशतैः । शुकजीवंजीवककुणालरुता बहुपक्षिसंघरुत कालि तदा
nyagrodha sarvi dvijasaṃgharutāḥ kalaviṅkakokilamayūraśataiḥ / śukajīvaṃjīvakakuṇālarutā bahupakṣisaṃgharuta kāli tadā
Sanskrit only: no published translation is held for this verse.
धृतराष्ट्रराजहंसोपनिभा भृङ्गकुणाला वरघोषरुताः । चित्राङ्गरक्तमहावर्णप्रभाः सुमनोज्ञशब्द मधुरा मुदिताः
dhṛtarāṣṭrarājahaṃsopanibhā bhṛṅgakuṇālā varaghoṣarutāḥ / citrāṅgaraktamahāvarṇaprabhāḥ sumanojñaśabda madhurā muditāḥ
Sanskrit only: no published translation is held for this verse.
इति पक्षि समागत कालि तदा कलविङ्कमयूरविहङ्गरुतैः । परपुष्ट शारिक विचित्र द्विजा बहुपक्षिघोषरुत नानविधाः
iti pakṣi samāgata kāli tadā kalaviṅkamayūravihaṅgarutaiḥ / parapuṣṭa śārika vicitra dvijā bahupakṣighoṣaruta nānavidhāḥ
Sanskrit only: no published translation is held for this verse.
तेहि निषेवित उद्यानशता मुचिलिन्दवार्षिक अशोकशतैः । अतिमुक्तकाथ जवपुष्पपत्रैः पद्मोत्पलैः कुमुदपुण्डरिकैः
tehi niṣevita udyānaśatā mucilindavārṣika aśokaśataiḥ / atimuktakātha javapuṣpapatraiḥ padmotpalaiḥ kumudapuṇḍarikaiḥ
Sanskrit only: no published translation is held for this verse.
पदुमैः सहस्रशतपत्रचिता इमि पुष्प पुष्करिणिशोभकराः । प्रतिमण्डिताः सुरभिगन्धवराः शोभन्ति पुष्करिणियो रुचिराः
padumaiḥ sahasraśatapatracitā imi puṣpa puṣkariṇiśobhakarāḥ / pratimaṇḍitāḥ surabhigandhavarāḥ śobhanti puṣkariṇiyo rucirāḥ
Sanskrit only: no published translation is held for this verse.
तहि कालि राज इह जम्बुध्वजे दृढदत्तु आसि मनुजाधिपतिः । पुत्राण तस्य अभु पञ्चशताः प्रासादिकाः परमदर्शनिकाः
tahi kāli rāja iha jambudhvaje dṛḍhadattu āsi manujādhipatiḥ / putrāṇa tasya abhu pañcaśatāḥ prāsādikāḥ paramadarśanikāḥ
Sanskrit only: no published translation is held for this verse.
तहि कालि राज्यु शिवु क्षेम अभूत् अनुपद्रुतं सुरमणीय शिवम् । अयु जम्बुद्वीप कुसुमैर्निचितो निर्विंशेष देवभवनेहि समम्
tahi kāli rājyu śivu kṣema abhūt anupadrutaṃ suramaṇīya śivam / ayu jambudvīpa kusumairnicito nirviṃśeṣa devabhavanehi samam
Sanskrit only: no published translation is held for this verse.
तहि कालि सो दशबलो अनिधो जिनु भाषते इमु समाधिवरम् । स्वप्नोपमा भवगती सकला न व कश्चि जायति न चो म्रियते
tahi kāli so daśabalo anidho jinu bhāṣate imu samādhivaram / svapnopamā bhavagatī sakalā na va kaści jāyati na co mriyate
Sanskrit only: no published translation is held for this verse.
न सत्त्व लभ्यति न जीवु नरो इमि धर्म फेनकदलीसदृशाः । मायोपमा गगनविद्युसमा दकचन्द्रसंनिभ मरीचिसमाः
na sattva labhyati na jīvu naro imi dharma phenakadalīsadṛśāḥ / māyopamā gaganavidyusamā dakacandrasaṃnibha marīcisamāḥ
Sanskrit only: no published translation is held for this verse.
न च अस्मि लोकि मृतु कश्चि नरो परलोकि संक्रमति गच्छति वा । न च कर्म नश्यति कदाचि कृतं फलमेति कृष्ण शुभ संसरतो
na ca asmi loki mṛtu kaści naro paraloki saṃkramati gacchati vā / na ca karma naśyati kadāci kṛtaṃ phalameti kṛṣṇa śubha saṃsarato
Sanskrit only: no published translation is held for this verse.
न च शाश्वतं न च उच्छेदु पुनो न च कर्मसंचयु न चापि स्थितिः । न च सो ऽपि कृत्व पुनरस्पृशती न च अन्यु कृत्व पुन वेदयते
na ca śāśvataṃ na ca ucchedu puno na ca karmasaṃcayu na cāpi sthitiḥ / na ca so 'pi kṛtva punaraspṛśatī na ca anyu kṛtva puna vedayate
Sanskrit only: no published translation is held for this verse.
न च संक्रमो न च पुनागमनं न च सर्वमस्ति न च नास्ति पुनः । न च दृष्टिस्थानु गतिशुद्धिरिहो न च सत्त्वचरु न प्रशान्तगती
na ca saṃkramo na ca punāgamanaṃ na ca sarvamasti na ca nāsti punaḥ / na ca dṛṣṭisthānu gatiśuddhiriho na ca sattvacaru na praśāntagatī
Sanskrit only: no published translation is held for this verse.
अनुपादु शान्तु अनिमित्तपदं सुगतान गोचरु जिनान गुणाः । बल धारणी दशबलान बलं बुद्धानियं वृषभिता परमा
anupādu śāntu animittapadaṃ sugatāna gocaru jināna guṇāḥ / bala dhāraṇī daśabalāna balaṃ buddhāniyaṃ vṛṣabhitā paramā
Sanskrit only: no published translation is held for this verse.
वरशुक्लधर्म गुणसंनिचयो गुणज्ञानधारणिबलं परमम् । ऋद्धिविकुर्वणाविधिः परमा वरपञ्चाभिज्ञा प्रतिलाभनयः
varaśukladharma guṇasaṃnicayo guṇajñānadhāraṇibalaṃ paramam / ṛddhivikurvaṇāvidhiḥ paramā varapañcābhijñā pratilābhanayaḥ
Sanskrit only: no published translation is held for this verse.
न च धर्मधातु व्रजतीह क्वचि एवं गती अगति धर्मगती
na ca dharmadhātu vrajatīha kvaci evaṃ gatī agati dharmagatī
Sanskrit only: no published translation is held for this verse.
न च घोषसंचयु स्वभावगती गतियो स्वभावु न कहिंचि स्थितः । अस्थिता अनिश्रिता स्वभावगती जिनगोचरो विरजु शान्तपदम्
na ca ghoṣasaṃcayu svabhāvagatī gatiyo svabhāvu na kahiṃci sthitaḥ / asthitā aniśritā svabhāvagatī jinagocaro viraju śāntapadam
Sanskrit only: no published translation is held for this verse.
शान्तप्रशान्त उपशान्तगती न च सा गती क्वचन संस्थिहती । भावु स्वभावु नुगताः सततं निपुणं सुदुर्दृशु पदं अचलम्
śāntapraśānta upaśāntagatī na ca sā gatī kvacana saṃsthihatī / bhāvu svabhāvu nugatāḥ satataṃ nipuṇaṃ sudurdṛśu padaṃ acalam
Sanskrit only: no published translation is held for this verse.
न च सा चला हि स्वयमेव स्थिता अस्थिता अनागत स्वभावु स्थिता । न च शक्य भाषितु स्वभावु स्थिती शून्या च सा अचलु धर्मस्थिती
na ca sā calā hi svayameva sthitā asthitā anāgata svabhāvu sthitā / na ca śakya bhāṣitu svabhāvu sthitī śūnyā ca sā acalu dharmasthitī
Sanskrit only: no published translation is held for this verse.
घोषश्च उक्त न च घोषगती घोषस्वभावगति धर्मगती । न च घोषसंचयु स्थिती च क्वचि एवंस्वभावु गति धर्मगती
ghoṣaśca ukta na ca ghoṣagatī ghoṣasvabhāvagati dharmagatī / na ca ghoṣasaṃcayu sthitī ca kvaci evaṃsvabhāvu gati dharmagatī
Sanskrit only: no published translation is held for this verse.
गतिशब्द उक्तु न च सत्त्वगती धर्मस्वभाव निपुणार्थगती । घोषो ऽपि चोक्तु न च सत्त्वगती न च घोषु लभ्यति न सत्त्वगतिः
gatiśabda uktu na ca sattvagatī dharmasvabhāva nipuṇārthagatī / ghoṣo 'pi coktu na ca sattvagatī na ca ghoṣu labhyati na sattvagatiḥ
Sanskrit only: no published translation is held for this verse.
न च अनन्त नान्त न च मध्यगतिः नैवास्ति नास्ति न च देशगती । ज्ञाता च यादृश स्वभावगती इय देशना जिनवराण समा
na ca ananta nānta na ca madhyagatiḥ naivāsti nāsti na ca deśagatī / jñātā ca yādṛśa svabhāvagatī iya deśanā jinavarāṇa samā
Sanskrit only: no published translation is held for this verse.
विरजं विशुद्धि परमार्थपदं शान्त प्रशान्त अरजं विरजम् । न च कल्प मन्यन प्रशान्तपदं जिनु भाषते परमकारुणिको
virajaṃ viśuddhi paramārthapadaṃ śānta praśānta arajaṃ virajam / na ca kalpa manyana praśāntapadaṃ jinu bhāṣate paramakāruṇiko
Sanskrit only: no published translation is held for this verse.
न पि चास्ति अक्षरप्रचार इहो विपुला गतिर्विपुला अर्थगती । बुद्धेहि सेवित जिनेहि स्तुता अवभास धर्मनय सूक्ष्मगती
na pi cāsti akṣarapracāra iho vipulā gatirvipulā arthagatī / buddhehi sevita jinehi stutā avabhāsa dharmanaya sūkṣmagatī
Sanskrit only: no published translation is held for this verse.
धर्मनिधान विरजं विपुलं यत्र स्थिता अप्रतिमा सुगता । देशेन्ति धर्मरतनं विरजं परमार्थशून्य निपुणार्थगती
dharmanidhāna virajaṃ vipulaṃ yatra sthitā apratimā sugatā / deśenti dharmaratanaṃ virajaṃ paramārthaśūnya nipuṇārthagatī
Sanskrit only: no published translation is held for this verse.
अश्रौषि राज दृढदत्तु तदा द्विपदेन्द्र भाषति समाधिमिमम् । सो ऽशीतिकोटिनयुतेहि तदा उपसंक्रमी तद जिनु कारुणिकम्
aśrauṣi rāja dṛḍhadattu tadā dvipadendra bhāṣati samādhimimam / so 'śītikoṭinayutehi tadā upasaṃkramī tada jinu kāruṇikam
Sanskrit only: no published translation is held for this verse.
बलवन्तु गौरवु जनेत्व जिने वन्दित्व पादु मनुजाधिपतिः । पुरतः स्थितो दशबलस्य तदा कृताञ्जलिर्दशनखः प्रमुदितः
balavantu gauravu janetva jine vanditva pādu manujādhipatiḥ / purataḥ sthito daśabalasya tadā kṛtāñjalirdaśanakhaḥ pramuditaḥ
Sanskrit only: no published translation is held for this verse.
तस्यो विदित्व परिशुद्ध चरीं जिन इन्द्रियेषु वशि पारगतः । अधुमुक्तिकोविदु नरः प्रवरो इमु तस्य देशयि समाधिवरम्
tasyo viditva pariśuddha carīṃ jina indriyeṣu vaśi pāragataḥ / adhumuktikovidu naraḥ pravaro imu tasya deśayi samādhivaram
Sanskrit only: no published translation is held for this verse.
यद तेन राज्ञ परमार्थ श्रुतो उत्पन्न प्रीति अरिया विपुला । उज्झित्व द्वीप सकलांश्चतुरो विजहित्व काम अभिनिष्क्रमि सो
yada tena rājña paramārtha śruto utpanna prīti ariyā vipulā / ujjhitva dvīpa sakalāṃścaturo vijahitva kāma abhiniṣkrami so
Sanskrit only: no published translation is held for this verse.
यद राज प्रव्रजि जहित्व महीं बोधाय अर्थिकु भविष्यजिनः । सर्वे मनुष्य इह जम्बुध्वजे विजहित्व कामरती प्रव्रजिता
yada rāja pravraji jahitva mahīṃ bodhāya arthiku bhaviṣyajinaḥ / sarve manuṣya iha jambudhvaje vijahitva kāmaratī pravrajitā
Sanskrit only: no published translation is held for this verse.
अकृष्टा अनुप्त तद ओषधयो प्रादुर्भूता मरुत्परिचराः
akṛṣṭā anupta tada oṣadhayo prādurbhūtā marutparicarāḥ
Sanskrit only: no published translation is held for this verse.
काषाय त्रिचीवर प्रादुर्भूता समच्छिन्न सुसीवित ते ऽनुपमाः । अमला विरजाश्च सुवर्णचित्ता बुद्धस्य गुणोचित पुण्यबलाः
kāṣāya tricīvara prādurbhūtā samacchinna susīvita te 'nupamāḥ / amalā virajāśca suvarṇacittā buddhasya guṇocita puṇyabalāḥ
Sanskrit only: no published translation is held for this verse.
पश्यो कुमार स हि राजवरो विजहित्व सर्व महि प्रव्रजितः । भेष्यन्ति सत्त्व क्षयकालि बहु अपरीत्तभोगा न त्यजन्ति गृहान्
paśyo kumāra sa hi rājavaro vijahitva sarva mahi pravrajitaḥ / bheṣyanti sattva kṣayakāli bahu aparīttabhogā na tyajanti gṛhān
Sanskrit only: no published translation is held for this verse.
ताडन बन्धन कुदण्ड बहु आक्रोश तर्जनमनिष्टदुखम् । सहिष्यन्ति राजकुल पीड बहु सुपरीत्तभोग न च भक्तु गृहे
tāḍana bandhana kudaṇḍa bahu ākrośa tarjanamaniṣṭadukham / sahiṣyanti rājakula pīḍa bahu suparīttabhoga na ca bhaktu gṛhe
Sanskrit only: no published translation is held for this verse.
अपरीत्त आयु न च अस्ति धनं सुमहान् प्रमादु न च पुण्यबलम् । न च शिल्पस्थानकुशला अबुधा दारिद्रियं च न च वित्तु गृहे
aparītta āyu na ca asti dhanaṃ sumahān pramādu na ca puṇyabalam / na ca śilpasthānakuśalā abudhā dāridriyaṃ ca na ca vittu gṛhe
Sanskrit only: no published translation is held for this verse.
परदारगृद्ध अविशुद्धमना ईर्ष्यालुकाः परमसाहसिकाः । संक्लिष्टधर्म न च वृत्तु स्थिता वक्ष्यन्ति बुद्ध भविष्याम् वयम्
paradāragṛddha aviśuddhamanā īrṣyālukāḥ paramasāhasikāḥ / saṃkliṣṭadharma na ca vṛttu sthitā vakṣyanti buddha bhaviṣyām vayam
Sanskrit only: no published translation is held for this verse.
उत्कोचवञ्चनक साहसिका अहमाढ्यु धर्म धनदास्मि जगे । उपघातकाः कुहक नैकृतिका वक्ष्यन्ति बुद्ध भविष्याम वयम्
utkocavañcanaka sāhasikā ahamāḍhyu dharma dhanadāsmi jage / upaghātakāḥ kuhaka naikṛtikā vakṣyanti buddha bhaviṣyāma vayam
Sanskrit only: no published translation is held for this verse.
वधबन्धुपद्रवि परस्य रताः दुःशील दारुण प्रदुष्टमनाः । अकृतज्ञ भेदक विहिंसस्थिता वक्ष्यन्ति हं ते भण बोधिचरिम्
vadhabandhupadravi parasya ratāḥ duḥśīla dāruṇa praduṣṭamanāḥ / akṛtajña bhedaka vihiṃsasthitā vakṣyanti haṃ te bhaṇa bodhicarim
Sanskrit only: no published translation is held for this verse.
श्रुत्वा च बुधं स्खलितमेकपदं तस्यैव भाषति अवर्णशतान्
śrutvā ca budhaṃ skhalitamekapadaṃ tasyaiva bhāṣati avarṇaśatān
Sanskrit only: no published translation is held for this verse.
तदिमां कुमार मम श्रुत्व गिरं मा तेहि संस्तवु करोहि तदा । सुपिनान्तरे ऽपि अविश्वस्त सिया यदि इच्छसे स्पृशितु बोधिचरीम्
tadimāṃ kumāra mama śrutva giraṃ mā tehi saṃstavu karohi tadā / supināntare 'pi aviśvasta siyā yadi icchase spṛśitu bodhicarīm
Sanskrit only: no published translation is held for this verse.
धूतवृत्त संलिखित नैकगुणान् परिकीर्तयन्तु बहुकल्पशतान् । भणती गुणान्न च गुणेषु स्थितो न स बुध्यते परमबोधिगिराम्
dhūtavṛtta saṃlikhita naikaguṇān parikīrtayantu bahukalpaśatān / bhaṇatī guṇānna ca guṇeṣu sthito na sa budhyate paramabodhigirām
Sanskrit only: no published translation is held for this verse.
भवथा सदापि अखिला मधुरा सद शुद्धशील सुप्रसन्नमनाः । परिशुद्धशील भवथा सततं नचिरेण लप्स्यथ समाधिवरम्
bhavathā sadāpi akhilā madhurā sada śuddhaśīla suprasannamanāḥ / pariśuddhaśīla bhavathā satataṃ nacireṇa lapsyatha samādhivaram
Sanskrit only: no published translation is held for this verse.
न करोथ मान न जनेथ खिलं परिशुद्धमानस सदा भवथा । मद मान म्रक्ष विजहित्व ततः प्रतिलप्स्यथा इमु समाधिवरम्
na karotha māna na janetha khilaṃ pariśuddhamānasa sadā bhavathā / mada māna mrakṣa vijahitva tataḥ pratilapsyathā imu samādhivaram
Sanskrit only: no published translation is held for this verse.
गुणतो अनुस्मरि जिनं सततं वरकाञ्चनच्छविप्रभासकरम् । गगनं च रात्रिय नक्षत्रस्फुटं तथ कायु लक्षणस्फुटो मुनिनो
guṇato anusmari jinaṃ satataṃ varakāñcanacchaviprabhāsakaram / gaganaṃ ca rātriya nakṣatrasphuṭaṃ tatha kāyu lakṣaṇasphuṭo munino
Sanskrit only: no published translation is held for this verse.
ध्वजच्छत्रवितानपताकवरां चूर्णानुलेपनं गृहीत्व बहून् । पूजां करोथ सुगतस्य सदा नचिरेण लप्स्यथ समाधिवरम्
dhvajacchatravitānapatākavarāṃ cūrṇānulepanaṃ gṛhītva bahūn / pūjāṃ karotha sugatasya sadā nacireṇa lapsyatha samādhivaram
Sanskrit only: no published translation is held for this verse.
जिनस्तूपि पूज प्रकरोथ सदा नचिरेण लप्स्यथ समाधिवरम्
jinastūpi pūja prakarotha sadā nacireṇa lapsyatha samādhivaram
Sanskrit only: no published translation is held for this verse.
पणवैः सुघोषकमृदङ्गशतैः पटहैर्विपञ्चिवरवेणुरवैः । मधुरस्वरैर्विंविधवाद्यगणैः पूजेथ नायकु प्रसन्नमनाः
paṇavaiḥ sughoṣakamṛdaṅgaśataiḥ paṭahairvipañcivaraveṇuravaiḥ / madhurasvarairviṃvidhavādyagaṇaiḥ pūjetha nāyaku prasannamanāḥ
Sanskrit only: no published translation is held for this verse.
कारेथ बुद्धप्रतिमां रुचिरां रतनामयीं सुपरिकर्मकृताम् । प्रासादिकां परमसुदर्शनीयां नचिरेण लप्स्यथ समाधिवरम्
kāretha buddhapratimāṃ rucirāṃ ratanāmayīṃ suparikarmakṛtām / prāsādikāṃ paramasudarśanīyāṃ nacireṇa lapsyatha samādhivaram
Sanskrit only: no published translation is held for this verse.
वनषण्ड सेवथ विविक्त सदा विजहित्व ग्रामनगरेषु रतिम् । अद्वितीय खङ्गसम भोथ सदा नचिरेण लप्स्यथ समाधिवरम्
vanaṣaṇḍa sevatha vivikta sadā vijahitva grāmanagareṣu ratim / advitīya khaṅgasama bhotha sadā nacireṇa lapsyatha samādhivaram
Sanskrit only: no published translation is held for this verse.
अहु धर्मस्वामि मम यूयु सुता अनुशिक्षथा मम समाधिचरिम् । अहु सो अभूषि दिशता सुविश्रुतो दृढदत्तु नाम मनुजाधिपतिः
ahu dharmasvāmi mama yūyu sutā anuśikṣathā mama samādhicarim / ahu so abhūṣi diśatā suviśruto dṛḍhadattu nāma manujādhipatiḥ
Sanskrit only: no published translation is held for this verse.
मय बुद्ध पूजित अनन्त पुरे मय शीलु रक्षितु विशुद्धमनाः । मय गौरवं दशबलेषु कृतं इमु शान्तमेषत समाधिवरम्
maya buddha pūjita ananta pure maya śīlu rakṣitu viśuddhamanāḥ / maya gauravaṃ daśabaleṣu kṛtaṃ imu śāntameṣata samādhivaram
Sanskrit only: no published translation is held for this verse.
मय पुत्र दार परित्यक्त पुरे शिरहस्तपादनयनाग्रवराः । न च लीनचित्तत कदाचि कृता इमु शान्तमेषत समाधिवरम्
maya putra dāra parityakta pure śirahastapādanayanāgravarāḥ / na ca līnacittata kadāci kṛtā imu śāntameṣata samādhivaram
Sanskrit only: no published translation is held for this verse.
धनधान्य दास बहुदासिशता रतना प्रभूत परित्यक्त मया । संतर्पिता पि बहुयाचनका इमु शान्तमेषत समाधिवरम्
dhanadhānya dāsa bahudāsiśatā ratanā prabhūta parityakta mayā / saṃtarpitā pi bahuyācanakā imu śāntameṣata samādhivaram
Sanskrit only: no published translation is held for this verse.
मय मुक्ति स्फाटिक सुवर्ण बहु वैदूर्य शङ्ख शिल त्यक्त पुरे । मणि शुद्धरूपिय प्रवाल घना इमु शान्तमेषत समाधिवरम्
maya mukti sphāṭika suvarṇa bahu vaidūrya śaṅkha śila tyakta pure / maṇi śuddharūpiya pravāla ghanā imu śāntameṣata samādhivaram
Sanskrit only: no published translation is held for this verse.
मय त्यक्त आभरण नानविधा वरमुक्तहार तथ सीहनुकाः । रतनान जालिक विशिष्ट पृथु इमु शान्तमेषत समाधिवरम्
maya tyakta ābharaṇa nānavidhā varamuktahāra tatha sīhanukāḥ / ratanāna jālika viśiṣṭa pṛthu imu śāntameṣata samādhivaram
Sanskrit only: no published translation is held for this verse.
मय वस्त्रकोट्य परमा सुखुमाः परिशुद्ध काशिकदुकूलवराः । बहुहेमचित्र परित्यक्त परे इमु शान्तमेषत समाधिवरम्
maya vastrakoṭya paramā sukhumāḥ pariśuddha kāśikadukūlavarāḥ / bahuhemacitra parityakta pare imu śāntameṣata samādhivaram
Sanskrit only: no published translation is held for this verse.
मय हस्ति अश्व रथ नानविधाः परित्यक्त स्वप्रियसुतो महिलाः । न च दौर्मनस्यत कदाचि कृता इमु शान्तमेषत समाधिवरम्
maya hasti aśva ratha nānavidhāḥ parityakta svapriyasuto mahilāḥ / na ca daurmanasyata kadāci kṛtā imu śāntameṣata samādhivaram
Sanskrit only: no published translation is held for this verse.
मय दृष्ट्व पूर्वि सुदरिद्र नराः पर्येष्टिदुःखित च कृच्छ्रगताः । मय ते धनेन अदरिद्र कृताः इमु शान्तमेषत समाधिवरम्
maya dṛṣṭva pūrvi sudaridra narāḥ paryeṣṭiduḥkhita ca kṛcchragatāḥ / maya te dhanena adaridra kṛtāḥ imu śāntameṣata samādhivaram
Sanskrit only: no published translation is held for this verse.
हस्ती रथाश्वरथका नयुताः प्रच्छन्नरतनमणिजालचिताः । दत्ता मया याचनकान पुरा इमु शान्तमेषत समाधिवरम्
hastī rathāśvarathakā nayutāḥ pracchannaratanamaṇijālacitāḥ / dattā mayā yācanakāna purā imu śāntameṣata samādhivaram
Sanskrit only: no published translation is held for this verse.
हर्षेत्व मानसु जनित्व कृपां इमु शान्तमेषत समाधिवरम्
harṣetva mānasu janitva kṛpāṃ imu śāntameṣata samādhivaram
Sanskrit only: no published translation is held for this verse.
ग्रामाथ राष्ट्रनगरा निगमाः समलंकरित्व मय दत्त पुरा । दत्वा च प्रीतिमनुभोमि सदा इमु शान्तमेषत समाधिवरम्
grāmātha rāṣṭranagarā nigamāḥ samalaṃkaritva maya datta purā / datvā ca prītimanubhomi sadā imu śāntameṣata samādhivaram
Sanskrit only: no published translation is held for this verse.
रतनान राशय सुमेरुसमास्तथ चीवराभरणकाश्च बहु । ये दत्त पूर्वि मय याचनके इमु शान्तमेषत समाधिवरम्
ratanāna rāśaya sumerusamāstatha cīvarābharaṇakāśca bahu / ye datta pūrvi maya yācanake imu śāntameṣata samādhivaram
Sanskrit only: no published translation is held for this verse.
सुदरिद्र सत्त्व कृत आढ्य मया परिकृच्छ्रप्राप्त परित्रात बहु । बहुदुःखपद्रुत सुखी मि कृता इमु शान्तमेषत समाधिवरम्
sudaridra sattva kṛta āḍhya mayā parikṛcchraprāpta paritrāta bahu / bahuduḥkhapadruta sukhī mi kṛtā imu śāntameṣata samādhivaram
Sanskrit only: no published translation is held for this verse.
यद आसि ईश्चरु महीय अहं दुखितां च पश्यमि बहुं जनताम् । उत्सृष्ट तेषु मय राज्यमभूत् कृप संजनेत्व सुखितो च यथा
yada āsi īścaru mahīya ahaṃ dukhitāṃ ca paśyami bahuṃ janatām / utsṛṣṭa teṣu maya rājyamabhūt kṛpa saṃjanetva sukhito ca yathā
Sanskrit only: no published translation is held for this verse.
ये मे कुमार कृत आश्चरिया कृत दुष्कराणि बहु कल्पशता । न च ते मय क्षपण शक्य सिया कल्पान कोटिनयुता भणतः
ye me kumāra kṛta āścariyā kṛta duṣkarāṇi bahu kalpaśatā / na ca te maya kṣapaṇa śakya siyā kalpāna koṭinayutā bhaṇataḥ
Sanskrit only: no published translation is held for this verse.
उन्मत्तचित्तभूमि गच्छि नरा । अश्रद्दधन्त सुगतस्य चरिम् । कृत ये मि दुष्कर तदाश्चरिया इमु शान्तमेषत समाधिवरम्
unmattacittabhūmi gacchi narā | aśraddadhanta sugatasya carim / kṛta ye mi duṣkara tadāścariyā imu śāntameṣata samādhivaram
Sanskrit only: no published translation is held for this verse.
आरोचयामि च कुमार इदं श्रद्दधन्त मे अवितथं वचनम् । न हि वाच भाषति मृषां सुगतः सद सत्यवादि जिनु कारुणिकः
ārocayāmi ca kumāra idaṃ śraddadhanta me avitathaṃ vacanam / na hi vāca bhāṣati mṛṣāṃ sugataḥ sada satyavādi jinu kāruṇikaḥ
Sanskrit only: no published translation is held for this verse.
अन्ये इमे ऽपि च प्रकार बहू चरता शोधित य कल्पशताः । कथमहं लभित्विमु समाधिवरं मोचेय सत्त्वनियुतां दुखिताम्
anye ime 'pi ca prakāra bahū caratā śodhita ya kalpaśatāḥ / kathamahaṃ labhitvimu samādhivaraṃ moceya sattvaniyutāṃ dukhitām
Sanskrit only: no published translation is held for this verse.
यस्मिन् क्षणे अयु समाधि मया प्रतिलब्ध भूत महाज्ञानपथः । सो ऽहं लभित्विमु समाधिवरं पश्यामि बुद्धनयुतान् सुबहून्
yasmin kṣaṇe ayu samādhi mayā pratilabdha bhūta mahājñānapathaḥ / so 'haṃ labhitvimu samādhivaraṃ paśyāmi buddhanayutān subahūn
Sanskrit only: no published translation is held for this verse.
ऋद्धी अनन्त प्रतिलब्ध मया स विकुर्वमाणु व्रजि क्षेत्रशतान् । गत्वा च पृच्छि अहु कारुणिकान् प्रश्नान कोटिनियुतान बहुम्
ṛddhī ananta pratilabdha mayā sa vikurvamāṇu vraji kṣetraśatān / gatvā ca pṛcchi ahu kāruṇikān praśnāna koṭiniyutāna bahum
Sanskrit only: no published translation is held for this verse.
यश्चैव भाषि मम ते सुगता प्रश्नान कोटिनियुतान तदा । गृह्णित्व सर्वमहु धारयमी न च भ्रश्यते एकपदं पि ममा
yaścaiva bhāṣi mama te sugatā praśnāna koṭiniyutāna tadā / gṛhṇitva sarvamahu dhārayamī na ca bhraśyate ekapadaṃ pi mamā
Sanskrit only: no published translation is held for this verse.
तं चो श्रुणित्व अहु भूतनयं प्रश्नान कोटिनयुतान बहुम् । देशित्व तं विरज शान्तपदं स्थापेमि सत्त्व बहु ज्ञानपथे
taṃ co śruṇitva ahu bhūtanayaṃ praśnāna koṭinayutāna bahum / deśitva taṃ viraja śāntapadaṃ sthāpemi sattva bahu jñānapathe
Sanskrit only: no published translation is held for this verse.
अस्मिन् समाधिय स्थिहित्व मया शिक्षित्व भूतनय कल्पशतान् । बहुसत्त्वकोटिनयुतानि पुरा ये स्थापिता विरजि मार्गवरे
asmin samādhiya sthihitva mayā śikṣitva bhūtanaya kalpaśatān / bahusattvakoṭinayutāni purā ye sthāpitā viraji mārgavare
Sanskrit only: no published translation is held for this verse.
येही न दृष्ट पुरिमा सुगता भाषन्तका इमु नयं विरजम् । तेही न शक्यमिह श्रद्दधितुं परमार्थशून्यत समाधिवरम्
yehī na dṛṣṭa purimā sugatā bhāṣantakā imu nayaṃ virajam / tehī na śakyamiha śraddadhituṃ paramārthaśūnyata samādhivaram
Sanskrit only: no published translation is held for this verse.
ते ना त्रसन्ति न च संत्रसिषू श्रुत्वा च भोन्ति सद आत्तमनाः
te nā trasanti na ca saṃtrasiṣū śrutvā ca bhonti sada āttamanāḥ
Sanskrit only: no published translation is held for this verse.
ते ते धरेन्ति वरबोधि समा ते ते हि पुत्र अनुजात ममा । ते ते ह्युदुम्बरकुसुमसमास्तेषार्थ हं चरितु कल्पशतान्
te te dharenti varabodhi samā te te hi putra anujāta mamā / te te hyudumbarakusumasamāsteṣārtha haṃ caritu kalpaśatān
Sanskrit only: no published translation is held for this verse.
न पि तस्य अस्ति विनिपातभयं अष्टाक्षणा विगत तस्य सदा । द्रक्ष्यन्ति बुद्धनयुतान् सुबहून् इमु यः समाधि नरु धारयती
na pi tasya asti vinipātabhayaṃ aṣṭākṣaṇā vigata tasya sadā / drakṣyanti buddhanayutān subahūn imu yaḥ samādhi naru dhārayatī
Sanskrit only: no published translation is held for this verse.
यथ मैत्रको जिनु अनन्तयशाः सत्त्वान भेष्यि बहु अर्थकरः । तथ व्याकरोम्यहमनन्तमतिं हस्तस्मि यस्य सुसमाधिवरम्
yatha maitrako jinu anantayaśāḥ sattvāna bheṣyi bahu arthakaraḥ / tatha vyākaromyahamanantamatiṃ hastasmi yasya susamādhivaram
Sanskrit only: no published translation is held for this verse.
स्मृतिमान् स भोति मतिमान् ज्ञानोद्गतः श्रुतिधरो भवति । प्रतिभानु तस्य भवति विपुलं इमु यः समाधि नरु धारयती
smṛtimān sa bhoti matimān jñānodgataḥ śrutidharo bhavati / pratibhānu tasya bhavati vipulaṃ imu yaḥ samādhi naru dhārayatī
Sanskrit only: no published translation is held for this verse.
देवानां च स भवति पूजनियो मरुतां च सद नमस्यनीयः । अभिरक्षितः सतत देवगणैः इमु यः समाधि नरु धारयति
devānāṃ ca sa bhavati pūjaniyo marutāṃ ca sada namasyanīyaḥ / abhirakṣitaḥ satata devagaṇaiḥ imu yaḥ samādhi naru dhārayati
Sanskrit only: no published translation is held for this verse.
न च सो ऽग्निमध्ये म्रियते न जले न च तस्य शस्त्र क्रमते न विषम् । न च वैरिणां गमनियो भवती इमु यः समाधि नरु धारयती
na ca so 'gnimadhye mriyate na jale na ca tasya śastra kramate na viṣam / na ca vairiṇāṃ gamaniyo bhavatī imu yaḥ samādhi naru dhārayatī
Sanskrit only: no published translation is held for this verse.
वनकन्दरे वसतु तस्य सदा मरुता करोन्ति वर पारिचरिम् । उपस्थायकाश्च बहु यक्षशता इमु यः समाधि नरु धारयती
vanakandare vasatu tasya sadā marutā karonti vara pāricarim / upasthāyakāśca bahu yakṣaśatā imu yaḥ samādhi naru dhārayatī
Sanskrit only: no published translation is held for this verse.
ज्ञानेन सागरसमो भवती न सज्जते गुण भणन्तु मुनेः । भूतांश्च बुद्धगुण कीर्तयते इमु यः समाधि नरु धारयती
jñānena sāgarasamo bhavatī na sajjate guṇa bhaṇantu muneḥ / bhūtāṃśca buddhaguṇa kīrtayate imu yaḥ samādhi naru dhārayatī
Sanskrit only: no published translation is held for this verse.
नान्तो न चास्य पर्यन्तु श्रुते न प्रमाणु लभ्यति यथा गगने । ज्ञानोल्कधारि तिमिरं हरति इमु यः समाधि नरु धारयती
nānto na cāsya paryantu śrute na pramāṇu labhyati yathā gagane / jñānolkadhāri timiraṃ harati imu yaḥ samādhi naru dhārayatī
Sanskrit only: no published translation is held for this verse.
स्निग्धं सुयुक्त सद मुञ्च गिरां पर्षत्सु भाषति सुप्रेमणियाम् । सिंहो यथा स विनदं भणती इमु यः समाधि नरु धारयती
snigdhaṃ suyukta sada muñca girāṃ parṣatsu bhāṣati supremaṇiyām / siṃho yathā sa vinadaṃ bhaṇatī imu yaḥ samādhi naru dhārayatī
Sanskrit only: no published translation is held for this verse.
वैद्यो भिषकु समु सो भवती गति लेनु त्राण शरणं बहूनाम् । आलोकभूतु जगि सो भवति इमु यः समाधि नरु धारयती
vaidyo bhiṣaku samu so bhavatī gati lenu trāṇa śaraṇaṃ bahūnām / ālokabhūtu jagi so bhavati imu yaḥ samādhi naru dhārayatī
Sanskrit only: no published translation is held for this verse.
न च तस्य मैथुनि मनो रमते शमथे रतः स्पृशति ध्यानसुखम् । शान्तां स भाषति प्रशान्त गिरम् इमु यः समाधि नरु धारयती
na ca tasya maithuni mano ramate śamathe rataḥ spṛśati dhyānasukham / śāntāṃ sa bhāṣati praśānta giram imu yaḥ samādhi naru dhārayatī
Sanskrit only: no published translation is held for this verse.
न च तस्य मानसु निमित्तरतं सर्वे विभावित निमित्त पृथु । सततं समाहितु विदू भवती इमु यः समाधि नरु धारयती
na ca tasya mānasu nimittarataṃ sarve vibhāvita nimitta pṛthu / satataṃ samāhitu vidū bhavatī imu yaḥ samādhi naru dhārayatī
Sanskrit only: no published translation is held for this verse.
चक्षुश्च सो लभति अप्राकृतकं येनो स पश्यति अनन्तजिनान् । सो ऽनन्तचक्षुर्भवति वृषभो इमु यः समाधि नरु धारयती
cakṣuśca so labhati aprākṛtakaṃ yeno sa paśyati anantajinān / so 'nantacakṣurbhavati vṛṣabho imu yaḥ samādhi naru dhārayatī
Sanskrit only: no published translation is held for this verse.
क्रौञ्चस्वरो मधुरयुक्तगिरो कलविङ्कदुन्दुभिस्वरो भवती । संगीतियुक्तस्वरु मञ्जुगिरो इमु यः समाधि नरु धारयती
krauñcasvaro madhurayuktagiro kalaviṅkadundubhisvaro bhavatī / saṃgītiyuktasvaru mañjugiro imu yaḥ samādhi naru dhārayatī
Sanskrit only: no published translation is held for this verse.
मेघाभिगर्जितस्वरो भवती हंसस्वरो रवति मञ्जुगिरः । पञ्चस्वराङ्गशतयुक्तस्वरो इमु यः समाधि नरु धारयती
meghābhigarjitasvaro bhavatī haṃsasvaro ravati mañjugiraḥ / pañcasvarāṅgaśatayuktasvaro imu yaḥ samādhi naru dhārayatī
Sanskrit only: no published translation is held for this verse.
बहुकल्पकोटिनयुता विविधा मधुरस्वराङ्गसुप्रयुक्तस्वराः । अचिन्तिया स गिर निश्चरती इमु यः समाधि नरु धारयती
bahukalpakoṭinayutā vividhā madhurasvarāṅgasuprayuktasvarāḥ / acintiyā sa gira niścaratī imu yaḥ samādhi naru dhārayatī
Sanskrit only: no published translation is held for this verse.
न च भोजने भवति गृध्नुमना न पात्रचीवररतो भवती । अल्पेच्छु संतुष्ट सुसंलिखितो इमु यः समाधि नरु धारयती
na ca bhojane bhavati gṛdhnumanā na pātracīvararato bhavatī / alpecchu saṃtuṣṭa susaṃlikhito imu yaḥ samādhi naru dhārayatī
Sanskrit only: no published translation is held for this verse.
न च आत्म उत्कर्षकु सो भवती न परस्य भाषति अवर्णु क्वचित् । ध्याने रतः सुखुमचित्तु सदा इमु यः समाधि नरु धारयती
na ca ātma utkarṣaku so bhavatī na parasya bhāṣati avarṇu kvacit / dhyāne rataḥ sukhumacittu sadā imu yaḥ samādhi naru dhārayatī
Sanskrit only: no published translation is held for this verse.
आत्मानुप्रेक्षी सततं भवती न परस्य स्खलितेमेषति च । अविरुद्धु सर्वि जगि सो भवती इमु यः समाधि नरु धारयती
ātmānuprekṣī satataṃ bhavatī na parasya skhalitemeṣati ca / aviruddhu sarvi jagi so bhavatī imu yaḥ samādhi naru dhārayatī
Sanskrit only: no published translation is held for this verse.
अकिलिष्टचित्तु परिशुद्धचरी अशठो अवञ्चकु सदा भवती । सदमार्दवः सद विमोक्षरतो इमु यः समाधि नरु धारयती
akiliṣṭacittu pariśuddhacarī aśaṭho avañcaku sadā bhavatī / sadamārdavaḥ sada vimokṣarato imu yaḥ samādhi naru dhārayatī
Sanskrit only: no published translation is held for this verse.
त्यागाधिमुक्त सततं भवती मात्सर्यचित्तु न च तस्य रतम् । शीलेनुपेतु सततं भवती इमु यः समाधि नरु धारयती
tyāgādhimukta satataṃ bhavatī mātsaryacittu na ca tasya ratam / śīlenupetu satataṃ bhavatī imu yaḥ samādhi naru dhārayatī
Sanskrit only: no published translation is held for this verse.
द्वात्रिंशल्लक्षणधरो भवती इमु यः समाधि नरु धारयती
dvātriṃśallakṣaṇadharo bhavatī imu yaḥ samādhi naru dhārayatī
Sanskrit only: no published translation is held for this verse.
प्रासादिकश्च सद सो भवती अभिलक्षितो बहुजनस्य प्रियो । प्रेक्षन्त तृप्ति न लभन्ति नरा इमु यः समाधि नरु धारयती
prāsādikaśca sada so bhavatī abhilakṣito bahujanasya priyo / prekṣanta tṛpti na labhanti narā imu yaḥ samādhi naru dhārayatī
Sanskrit only: no published translation is held for this verse.
देवास्य नाग तथ यक्षगणास्तुष्टा उदग्राः सद आत्तमनाः । भाषन्ति वर्ण प्रविशित्व कुलानिमु यः समाधि नरु धारयती
devāsya nāga tatha yakṣagaṇāstuṣṭā udagrāḥ sada āttamanāḥ / bhāṣanti varṇa praviśitva kulānimu yaḥ samādhi naru dhārayatī
Sanskrit only: no published translation is held for this verse.
ब्रह्मा च शक्र वशवर्ति वहु उपस्थानु तस्य प्रकरोन्ति सदा । न च तस्य उन्नत मनो भवती । इमु यः समाधि नरु धारयती
brahmā ca śakra vaśavarti vahu upasthānu tasya prakaronti sadā / na ca tasya unnata mano bhavatī | imu yaḥ samādhi naru dhārayatī
Sanskrit only: no published translation is held for this verse.
न च तस्य दुर्गतिभयं भवती न पि चाक्षणा न विनिपातभयम् । परिमुक्तु सर्वविनिपातभयादिमु यः समाधि नरु धारयती
na ca tasya durgatibhayaṃ bhavatī na pi cākṣaṇā na vinipātabhayam / parimuktu sarvavinipātabhayādimu yaḥ samādhi naru dhārayatī
Sanskrit only: no published translation is held for this verse.
न च तस्य काङ्क्ष विमतिर्भवती वर बुद्धधर्म श्रुणिया निपुणान् । गम्भीरज्ञानानुगतो भवती इमु यः समाधि नरु धारयती
na ca tasya kāṅkṣa vimatirbhavatī vara buddhadharma śruṇiyā nipuṇān / gambhīrajñānānugato bhavatī imu yaḥ samādhi naru dhārayatī
Sanskrit only: no published translation is held for this verse.
यं यं पि धर्मं श्रुणती सुखुमं सर्वत्र भोति वशि पारगतः । बलवन्तु हेतुनिपुणो भवती इमु यः समाधि नरु धारयती
yaṃ yaṃ pi dharmaṃ śruṇatī sukhumaṃ sarvatra bhoti vaśi pāragataḥ / balavantu hetunipuṇo bhavatī imu yaḥ samādhi naru dhārayatī
Sanskrit only: no published translation is held for this verse.
एवं प्रभाषित जिनेन गिरा अहु तेन भोमि परिचीर्ण सदा । लभते च धारणि विशिष्ट वरामिमु यः समाधि नरु धारयती
evaṃ prabhāṣita jinena girā ahu tena bhomi paricīrṇa sadā / labhate ca dhāraṇi viśiṣṭa varāmimu yaḥ samādhi naru dhārayatī
Sanskrit only: no published translation is held for this verse.
भिक्षुगणेन सह कारुणिको इमु यः समाधि नरु धारयती
bhikṣugaṇena saha kāruṇiko imu yaḥ samādhi naru dhārayatī
Sanskrit only: no published translation is held for this verse.
लाभी च धारणिय सो भवती धर्मनिधान वशिपारगतः । प्रतिभानवाननाच्छेद्यगिरो य इमं समाधि नरु धारयती
lābhī ca dhāraṇiya so bhavatī dharmanidhāna vaśipāragataḥ / pratibhānavānanācchedyagiro ya imaṃ samādhi naru dhārayatī
Sanskrit only: no published translation is held for this verse.
येनैव सो व्रजति धर्मधरो आलोकभूत भवती जगतः । सिप्रशान्तचर सुविशुद्धमना इमु यः समाधि नरु धारयती
yenaiva so vrajati dharmadharo ālokabhūta bhavatī jagataḥ / sipraśāntacara suviśuddhamanā imu yaḥ samādhi naru dhārayatī
Sanskrit only: no published translation is held for this verse.
वर धर्मकोश विविधं निपुणं सो धर्मकाय वशि पारगतः । सो संशयं छिनत्ति सर्वजगे इमु यः समाधि नरु धारयती
vara dharmakośa vividhaṃ nipuṇaṃ so dharmakāya vaśi pāragataḥ / so saṃśayaṃ chinatti sarvajage imu yaḥ samādhi naru dhārayatī
Sanskrit only: no published translation is held for this verse.
सर्वे ऽपि सत्त्व सिय कारुणिका भगवान् भवान्तकरणे सुगतः । तान् सत्करेय्या बहु कल्पशतान् यथ गङ्गवालुक तथोत्तरि वा
sarve 'pi sattva siya kāruṇikā bhagavān bhavāntakaraṇe sugataḥ / tān satkareyyā bahu kalpaśatān yatha gaṅgavāluka tathottari vā
Sanskrit only: no published translation is held for this verse.
यश्चैव पश्चि क्षयकालि इमं श्रुत्वा समाधिमिह कश्चि नरः । अनुमोदमीति भणतैकगिरं कल पुण्यस्कन्ध न स पूर्व भवेत्
yaścaiva paści kṣayakāli imaṃ śrutvā samādhimiha kaści naraḥ / anumodamīti bhaṇataikagiraṃ kala puṇyaskandha na sa pūrva bhavet
Sanskrit only: no published translation is held for this verse.
यस्यो कुमार इय शान्तगती परमार्थशून्यत समाधिवरो । प्रावर्तु भोति तथ पुस्तगतः सो धर्मभाणकु स्थितः सुमतिः
yasyo kumāra iya śāntagatī paramārthaśūnyata samādhivaro / prāvartu bhoti tatha pustagataḥ so dharmabhāṇaku sthitaḥ sumatiḥ
Sanskrit only: no published translation is held for this verse.