तथ गुण समुदानिता जिनेभिः इमु वरु शान्त समाधिमेषमाणैः
tatha guṇa samudānitā jinebhiḥ imu varu śānta samādhimeṣamāṇaiḥ
Sanskrit only: no published translation is held for this verse.
Samadhirajasutra 3
परमसु-अभिरूपदर्शनीयाः कन्य अलंकृतगात्र प्रेमणीयाः । दत्त पुरि अदीनमानसेन इमु वरु शान्त समाधिमेषता मे
paramasu-abhirūpadarśanīyāḥ kanya alaṃkṛtagātra premaṇīyāḥ / datta puri adīnamānasena imu varu śānta samādhimeṣatā me
Sanskrit only: no published translation is held for this verse.
तथ मयि धनधान्यदासिदासा तथ मणिमुक्तिसुवर्णरूप्यकं च । त्यक्त मयि अदीनमानसेन इमु वरु शान्त समाधिमेषता मे
tatha mayi dhanadhānyadāsidāsā tatha maṇimuktisuvarṇarūpyakaṃ ca / tyakta mayi adīnamānasena imu varu śānta samādhimeṣatā me
Sanskrit only: no published translation is held for this verse.
मणिरतनविचित्रमुक्तहारा रुचिर पु वसन शङ्खसुवर्णसूत्रा । त्यक्त मयि पुरा विनायकेषु इमु वरु शान्त समाधिमेषता मे
maṇiratanavicitramuktahārā rucira pu vasana śaṅkhasuvarṇasūtrā / tyakta mayi purā vināyakeṣu imu varu śānta samādhimeṣatā me
Sanskrit only: no published translation is held for this verse.
अपरिमित अनन्त कल्पकोट्यः परमसुगन्धिक वार्षिकाश्च । त्यक्त मयि जिनान चेतियेषु परमनिरुत्तरु चित्तु संजनित्वा
aparimita ananta kalpakoṭyaḥ paramasugandhika vārṣikāśca / tyakta mayi jināna cetiyeṣu paramaniruttaru cittu saṃjanitvā
Sanskrit only: no published translation is held for this verse.
तथरिव मयि दत्तु धर्मदानं पर्षगतेन जनित्व चित्रिकारम् । न च मम समुत्पन्न जातु चित्तं सिय मम ज्ञात्रु ददित्व धर्मदानम्
tathariva mayi dattu dharmadānaṃ parṣagatena janitva citrikāram / na ca mama samutpanna jātu cittaṃ siya mama jñātru daditva dharmadānam
Sanskrit only: no published translation is held for this verse.
एत गुण समुदानितुं मि पूर्वा वन वरु सेवित नित्यमल्पशब्दम् । कृपबहुलु भवामि नित्यकालं सद मम चित्तु लभेय बुद्धज्ञानम्
eta guṇa samudānituṃ mi pūrvā vana varu sevita nityamalpaśabdam / kṛpabahulu bhavāmi nityakālaṃ sada mama cittu labheya buddhajñānam
Sanskrit only: no published translation is held for this verse.
ददमि अहु प्रभूत देयधर्मं सद मम चित्तु लभेय बुद्धज्ञानम्
dadami ahu prabhūta deyadharmaṃ sada mama cittu labheya buddhajñānam
Sanskrit only: no published translation is held for this verse.
अखिलमधुरसंविभागशीलः स्मितवदनः श्रुतिधारि स्निग्धघोषः । सुमधुरवचनः प्रियो बहूनां जन मम सर्वि अतृप्त दर्शनेन
akhilamadhurasaṃvibhāgaśīlaḥ smitavadanaḥ śrutidhāri snigdhaghoṣaḥ / sumadhuravacanaḥ priyo bahūnāṃ jana mama sarvi atṛpta darśanena
Sanskrit only: no published translation is held for this verse.
क्षणमपि च न मत्सरी भवामि भवनियुतेन न जातु ईर्ष्यमासीत् । सद अहु परितृप्त पिण्डपाते सकल निमन्त्रण वर्जितान्यशेषा
kṣaṇamapi ca na matsarī bhavāmi bhavaniyutena na jātu īrṣyamāsīt / sada ahu paritṛpta piṇḍapāte sakala nimantraṇa varjitānyaśeṣā
Sanskrit only: no published translation is held for this verse.
बहुश्रुत श्रुतधारि ये भवन्ति गाथ इतो धरये चतुष्पदां पि । ते मयि सद सत्कृता अभूवन् परम निरुत्तर प्रेम संजनित्वा
bahuśruta śrutadhāri ye bhavanti gātha ito dharaye catuṣpadāṃ pi / te mayi sada satkṛtā abhūvan parama niruttara prema saṃjanitvā
Sanskrit only: no published translation is held for this verse.
बहुविधमनन्त दानु दत्तं तथपि च रक्षितु शीलु दीर्घरात्रम् । पूज बहु कृता विनायकेषु इमु वरु शान्त समाधिमेषता मे
bahuvidhamananta dānu dattaṃ tathapi ca rakṣitu śīlu dīrgharātram / pūja bahu kṛtā vināyakeṣu imu varu śānta samādhimeṣatā me
Sanskrit only: no published translation is held for this verse.
पृथु विविध अनन्त लोकधातून् मणिरतनैः परिपूर्य दानु दद्यात् । इतु धरयि समाधितश्च गाथाम् इमु तत्पुण्य विशिष्यते उदारम्
pṛthu vividha ananta lokadhātūn maṇiratanaiḥ paripūrya dānu dadyāt / itu dharayi samādhitaśca gāthām imu tatpuṇya viśiṣyate udāram
Sanskrit only: no published translation is held for this verse.
यावत् पृथु केचिदस्ति पुष्पा तथरिव गन्ध मनोरमा उदाराः । तेहि जिनु महेय्य पुण्यकामा बहुमपि कल्प अनन्त अप्रमेयान्
yāvat pṛthu kecidasti puṣpā tathariva gandha manoramā udārāḥ / tehi jinu maheyya puṇyakāmā bahumapi kalpa ananta aprameyān
Sanskrit only: no published translation is held for this verse.
यावत् पृथु केचिदस्ति वाद्या तथ बहु भोजन अन्नपानवस्त्राः । तेहि जिनु महेय्य पुण्यकामा बहुमपि कल्प अनन्त अप्रमेयान्
yāvat pṛthu kecidasti vādyā tatha bahu bhojana annapānavastrāḥ / tehi jinu maheyya puṇyakāmā bahumapi kalpa ananta aprameyān
Sanskrit only: no published translation is held for this verse.
यश्च नरु जनित्व बोधिचित्तम् अहु जिनु भेष्यु स्वयंभु धर्मराजः । गाथमिमु धरे समाहितैकां ततो विशिष्यते पुण्यमुदारम्
yaśca naru janitva bodhicittam ahu jinu bheṣyu svayaṃbhu dharmarājaḥ / gāthamimu dhare samāhitaikāṃ tato viśiṣyate puṇyamudāram
Sanskrit only: no published translation is held for this verse.
यावत पृथु गङ्गवालिकाः स्युस्तावत कल्प भणेय आनुशंसा । न च परिक्षय शक्यु कीर्त्यमाने बहुतर पुण्यसमाधि धारयित्वा
yāvata pṛthu gaṅgavālikāḥ syustāvata kalpa bhaṇeya ānuśaṃsā / na ca parikṣaya śakyu kīrtyamāne bahutara puṇyasamādhi dhārayitvā
Sanskrit only: no published translation is held for this verse.
तस्मात्तर्हि कुमार बोधिसत्त्वेन् महासत्त्वेन उद्ग्रहीतव्यो धारयितव्यो वाचयितव्यः पर्यवाप्तव्यः । उद्गृह्य धारयित्वा वाचयित्वा पर्यवाप्य अरणाभावनायोगमनुयुक्तेन च भवितव्यम् । तद् भविष्यति बहुजनहिताय बहुजनसुखाय लोकानुकम्पायै महतो जनकायस्यार्थाय हिताय सुखाय देवानां च मनुष्याणां च । अथ खलु भगवास्तस्यां वेलायामिमा गाथा अभाषत - तस्माच्छ्रुत्वेति बुद्धानामानुशंसान् सुभद्रकान् । क्षिप्रमुद्दिशथा एतं समाधिं बुद्धवर्णितम्
tasmāttarhi kumāra bodhisattven mahāsattvena udgrahītavyo dhārayitavyo vācayitavyaḥ paryavāptavyaḥ | udgṛhya dhārayitvā vācayitvā paryavāpya araṇābhāvanāyogamanuyuktena ca bhavitavyam | tad bhaviṣyati bahujanahitāya bahujanasukhāya lokānukampāyai mahato janakāyasyārthāya hitāya sukhāya devānāṃ ca manuṣyāṇāṃ ca | atha khalu bhagavāstasyāṃ velāyāmimā gāthā abhāṣata - tasmācchrutveti buddhānāmānuśaṃsān subhadrakān / kṣipramuddiśathā etaṃ samādhiṃ buddhavarṇitam
Sanskrit only: no published translation is held for this verse.
त्रिसप्ततिबुद्धकोट्यः पूर्वजातिषु सत्कृताः । सर्वेहि तेहि बुद्धेहि इदं सूत्रं प्रकाशितम्
trisaptatibuddhakoṭyaḥ pūrvajātiṣu satkṛtāḥ / sarvehi tehi buddhehi idaṃ sūtraṃ prakāśitam
Sanskrit only: no published translation is held for this verse.
महाकरुणजेतारमिदं सूत्रं निरुच्यते । बाहुश्रुत्यस्मि शिक्षित्वा बुद्धधर्मा न दुर्लभाः
mahākaruṇajetāramidaṃ sūtraṃ nirucyate / bāhuśrutyasmi śikṣitvā buddhadharmā na durlabhāḥ
Sanskrit only: no published translation is held for this verse.
भेष्यन्ति पश्चिमे काले निर्वृते लोकनायके । बहु असंयता भिक्षु बाहुश्रुत्ये अनर्थिकाः
bheṣyanti paścime kāle nirvṛte lokanāyake / bahu asaṃyatā bhikṣu bāhuśrutye anarthikāḥ
Sanskrit only: no published translation is held for this verse.
शीलस्य वर्णं वक्ष्यन्ति शीलेन च अनर्थिकाः । समाधिवर्णं वक्ष्यन्ति समाधिय अनर्थिकाः
śīlasya varṇaṃ vakṣyanti śīlena ca anarthikāḥ / samādhivarṇaṃ vakṣyanti samādhiya anarthikāḥ
Sanskrit only: no published translation is held for this verse.
प्रज्ञाय वर्णं वक्ष्यन्ति प्रज्ञाय च अनर्थिकाः । विमुक्त्या बहु भाषन्ते विमुक्त्या च अनर्थिकाः
prajñāya varṇaṃ vakṣyanti prajñāya ca anarthikāḥ / vimuktyā bahu bhāṣante vimuktyā ca anarthikāḥ
Sanskrit only: no published translation is held for this verse.
चन्दनस्य यथा कश्चिद् भाषते पुरुषो गुणान् । ईदृशं चन्दनं नाम गन्धजातं मनोरमम्
candanasya yathā kaścid bhāṣate puruṣo guṇān / īdṛśaṃ candanaṃ nāma gandhajātaṃ manoramam
Sanskrit only: no published translation is held for this verse.
अथान्यः पुरुषः कश्चिदेवं पृच्छेत तं नरम् । गृहीत चन्दनं किंचिद् यस्य वण प्रभाषसे
athānyaḥ puruṣaḥ kaścidevaṃ pṛccheta taṃ naram / gṛhīta candanaṃ kiṃcid yasya vaṇa prabhāṣase
Sanskrit only: no published translation is held for this verse.
स नरं तं प्रतिब्रूयाद् गन्धवर्णं ब्रवीम्यहम् । जीविकां येन कल्पेमि तं च गन्धं न वेद्म्यहम्
sa naraṃ taṃ pratibrūyād gandhavarṇaṃ bravīmyaham / jīvikāṃ yena kalpemi taṃ ca gandhaṃ na vedmyaham
Sanskrit only: no published translation is held for this verse.
एवं योगे ऽप्ययुक्तानां शीलवर्णेन जीविका । पश्चिमे भेष्यते काले शीलं चैषां न भेष्यते
evaṃ yoge 'pyayuktānāṃ śīlavarṇena jīvikā / paścime bheṣyate kāle śīlaṃ caiṣāṃ na bheṣyate
Sanskrit only: no published translation is held for this verse.
एवं योगे ऽप्ययुक्तानां समाधिवर्णेन जीविका । पश्चिमे भेष्यते काले समाधिश्चैषां न भेष्यते
evaṃ yoge 'pyayuktānāṃ samādhivarṇena jīvikā / paścime bheṣyate kāle samādhiścaiṣāṃ na bheṣyate
Sanskrit only: no published translation is held for this verse.
एवं योगे ऽप्ययुक्तानां प्रज्ञावर्णन जीविका । भेष्यते पश्चिमे काले प्रज्ञा चैषां न भेष्यते
evaṃ yoge 'pyayuktānāṃ prajñāvarṇana jīvikā / bheṣyate paścime kāle prajñā caiṣāṃ na bheṣyate
Sanskrit only: no published translation is held for this verse.
एवं योगे ऽप्ययुक्तानां विमुक्तिवर्णेन जीविका । भेष्यते पश्चिमे काले विमुक्तिश्चैषां न भेष्यते
evaṃ yoge 'pyayuktānāṃ vimuktivarṇena jīvikā / bheṣyate paścime kāle vimuktiścaiṣāṃ na bheṣyate
Sanskrit only: no published translation is held for this verse.
यथ पुरुषु दरिद्रु कश्चिदेव सचे परिभूतु भवेन्महाजनस्य । स च लभति निधानु पश्चकाले धनपति भूत्व जनान सत्करेय्या
yatha puruṣu daridru kaścideva sace paribhūtu bhavenmahājanasya / sa ca labhati nidhānu paścakāle dhanapati bhūtva janāna satkareyyā
Sanskrit only: no published translation is held for this verse.
एवमिमु न समाधि याव लब्धो न च बहुमतो भवतीह बोधिसत्त्वः । मरुमनुजकुम्भाण्डराक्षसा नो यथ पुरुषु दरिद्रु अर्थहीनः
evamimu na samādhi yāva labdho na ca bahumato bhavatīha bodhisattvaḥ / marumanujakumbhāṇḍarākṣasā no yatha puruṣu daridru arthahīnaḥ
Sanskrit only: no published translation is held for this verse.
यद पुनरिय लब्ध भोति भूमी अतुलियु धर्मनिधानु पण्डितेन । मरु मनुज स्पृहं जनेन्ति तत्र स च धनु देति निरुत्तरं प्रजानाम्
yada punariya labdha bhoti bhūmī atuliyu dharmanidhānu paṇḍitena / maru manuja spṛhaṃ janenti tatra sa ca dhanu deti niruttaraṃ prajānām
Sanskrit only: no published translation is held for this verse.
तस्म इमि श्रुणित्व आनुशंसां परमप्रणीतयः कीर्तिता जिनेन । सर्व जहिय ज्ञात्रलाभसौख्यमिमु वरमुद्दिशथा समाधि शान्तम्
tasma imi śruṇitva ānuśaṃsāṃ paramapraṇītayaḥ kīrtitā jinena / sarva jahiya jñātralābhasaukhyamimu varamuddiśathā samādhi śāntam
Sanskrit only: no published translation is held for this verse.
ये केचि बुद्धा दिशता सुनिर्वृता अनागता ये ऽपि च प्रत्युत्पन्नाः । सर्वे च शिक्षित्व इह समाधौ बोधिं विबुद्धा अतुलामचिन्तियाम्
ye keci buddhā diśatā sunirvṛtā anāgatā ye 'pi ca pratyutpannāḥ / sarve ca śikṣitva iha samādhau bodhiṃ vibuddhā atulāmacintiyām
Sanskrit only: no published translation is held for this verse.
चन्द्रप्रभः कुमारु हृष्टचित्तः पुरतु जिनस्य स्थिहित्व वाच भाषी । अहु पुरुषवरस्य निर्वृतस्य सुकिसरि कालि इदं धरिष्ये सूत्रम्
candraprabhaḥ kumāru hṛṣṭacittaḥ puratu jinasya sthihitva vāca bhāṣī / ahu puruṣavarasya nirvṛtasya sukisari kāli idaṃ dhariṣye sūtram
Sanskrit only: no published translation is held for this verse.
काय अहु त्यजित्व जीवितं च तथपि च सौख्य यदस्ति लोके । तत्र अहु महाभये ऽपि काले इमु वरु शान्त समाधि धारयिष्ये
kāya ahu tyajitva jīvitaṃ ca tathapi ca saukhya yadasti loke / tatra ahu mahābhaye 'pi kāle imu varu śānta samādhi dhārayiṣye
Sanskrit only: no published translation is held for this verse.
महकरुण जनित्व सत्त्वकाये सुदुखित सत्त्व अनाथ प्राप्त दृष्ट्वा । तेष्वहमुपसंहरित्व मैत्रीमिमु वर शान्त समाधि देशयिष्ये
mahakaruṇa janitva sattvakāye sudukhita sattva anātha prāpta dṛṣṭvā / teṣvahamupasaṃharitva maitrīmimu vara śānta samādhi deśayiṣye
Sanskrit only: no published translation is held for this verse.
पञ्चशत अनून तस्मिन् काले य उत्थित तत्र समाधिधारकाणाम् । पूर्वंगम कुमार तेष आसीदिह वरसूत्रपरिग्रहे उदारे
pañcaśata anūna tasmin kāle ya utthita tatra samādhidhārakāṇām / pūrvaṃgama kumāra teṣa āsīdiha varasūtraparigrahe udāre
Sanskrit only: no published translation is held for this verse.