Samadhirajasutra 30

अथ खलु भगवान् पुनरेव चन्द्रप्रभं कुमारभूतमामन्त्रयते स्म - तस्मात्तर्हि कुमार य आकाङ्क्षेद् बोधिसत्त्वो महासत्त्वः - किमित्यहं सर्वसत्त्वानां रुतमधिगच्छेयमिन्द्रियाणां च परापरज्ञतां विज्ञाय धर्मं देशयेयमिति,तेन कुमार बोधिसत्त्वेन महासत्त्वेन अयं सर्वधर्मस्वभावसमताविपञ्चितः समाधिः श्रोतव्य उद्ग्रहीतव्यः पर्यवाप्तव्यो धारयितव्यो वाचयितव्यः अरणाभावनया भावयितव्यो बहुलीकर्तव्यः परेभ्यश्च विस्तरेण संप्रकाशयितव्यः ॥ अथ खलु भगवांस्तस्यां वेलायामिमा गाथा अभाषत - अपरिमित अतीत नायकास्तेन दृष्टाः पुरतु कथ प्रयुक्ता पृच्छिता लोकनाथाः । प्रवर कुशलमूले तिष्ठतो बोधिसत्त्वो इमु विरजसमाधिं धारयन् मोक्षकामः

atha khalu bhagavān punareva candraprabhaṃ kumārabhūtamāmantrayate sma - tasmāttarhi kumāra ya ākāṅkṣed bodhisattvo mahāsattvaḥ - kimityahaṃ sarvasattvānāṃ rutamadhigaccheyamindriyāṇāṃ ca parāparajñatāṃ vijñāya dharmaṃ deśayeyamiti,tena kumāra bodhisattvena mahāsattvena ayaṃ sarvadharmasvabhāvasamatāvipañcitaḥ samādhiḥ śrotavya udgrahītavyaḥ paryavāptavyo dhārayitavyo vācayitavyaḥ araṇābhāvanayā bhāvayitavyo bahulīkartavyaḥ parebhyaśca vistareṇa saṃprakāśayitavyaḥ || atha khalu bhagavāṃstasyāṃ velāyāmimā gāthā abhāṣata - aparimita atīta nāyakāstena dṛṣṭāḥ puratu katha prayuktā pṛcchitā lokanāthāḥ / pravara kuśalamūle tiṣṭhato bodhisattvo imu virajasamādhiṃ dhārayan mokṣakāmaḥ

Sanskrit only: no published translation is held for this verse.

लभति सुख प्रणीतं दिव्यमानुष्यकं चो लभति परमपूजां दिव्यमानुष्यकां सो । लभति सुख प्रणीतं ध्यानसौख्यार्यसौख्यम् इमु विरज समाधिं धारयन् मोक्षकामः

labhati sukha praṇītaṃ divyamānuṣyakaṃ co labhati paramapūjāṃ divyamānuṣyakāṃ so / labhati sukha praṇītaṃ dhyānasaukhyāryasaukhyam imu viraja samādhiṃ dhārayan mokṣakāmaḥ

Sanskrit only: no published translation is held for this verse.

वर्णु श्रुणिय उदारं हर्षु तस्यो न भोति न पि च पुनरवर्णे मङ्कुभावं निगच्छेत् । शैलोपमु अकम्पेय्यो अष्टभिर्लोकधर्मैर् इमु विरज समाधिं धारयन् मोक्षकामः

varṇu śruṇiya udāraṃ harṣu tasyo na bhoti na pi ca punaravarṇe maṅkubhāvaṃ nigacchet / śailopamu akampeyyo aṣṭabhirlokadharmair imu viraja samādhiṃ dhārayan mokṣakāmaḥ

Sanskrit only: no published translation is held for this verse.

अखिलमधुरवाणी श्लक्ष्णवाचा सुयुक्ता अपगतभ्रुकुटिश्चो पूर्वआलापि भोति । सततस्मितमुखश्चो शिक्षितो नायकानाम् इमु विरजसमाधिं धारयन् मोक्षकामः

akhilamadhuravāṇī ślakṣṇavācā suyuktā apagatabhrukuṭiśco pūrvaālāpi bhoti / satatasmitamukhaśco śikṣito nāyakānām imu virajasamādhiṃ dhārayan mokṣakāmaḥ

Sanskrit only: no published translation is held for this verse.

भवति स सुखवासः सूरतः स्निग्धचित्तो भवति सद सुदान्तो दान्तभूमिस्थितश्च । सुमधुर प्रियवाणी स्निग्धसत्याभिधायी इमु विरजसमाधिं धारयन् बोधिकामः

bhavati sa sukhavāsaḥ sūrataḥ snigdhacitto bhavati sada sudānto dāntabhūmisthitaśca / sumadhura priyavāṇī snigdhasatyābhidhāyī imu virajasamādhiṃ dhārayan bodhikāmaḥ

Sanskrit only: no published translation is held for this verse.

प्रमुदितु सद भोती सूरतो मार्दवश्च इमु विरज समाधिं धारयन् बोधिकामः

pramuditu sada bhotī sūrato mārdavaśca imu viraja samādhiṃ dhārayan bodhikāmaḥ

Sanskrit only: no published translation is held for this verse.

भवति च सद विद्वांस्त्यागि नित्याभियुक्तः सुदुखित जन दृष्ट्वा तेषमन्नं ददाति । प्रियतरु परित्यक्तुं भोति नित्यं सुदाता इमु विरजसमाधिं धारयन् बोधिकामः

bhavati ca sada vidvāṃstyāgi nityābhiyuktaḥ sudukhita jana dṛṣṭvā teṣamannaṃ dadāti / priyataru parityaktuṃ bhoti nityaṃ sudātā imu virajasamādhiṃ dhārayan bodhikāmaḥ

Sanskrit only: no published translation is held for this verse.

देवशतसहस्राण स्पृहां ये संजनेन्ती नाग असुर यक्षा नित्युपस्थायकास्य । वनि पवनि वसन्ते रक्ष तस्या करोन्ती इमु विरज समाधिं यो नरो धारयति

devaśatasahasrāṇa spṛhāṃ ye saṃjanentī nāga asura yakṣā nityupasthāyakāsya / vani pavani vasante rakṣa tasyā karontī imu viraja samādhiṃ yo naro dhārayati

Sanskrit only: no published translation is held for this verse.

भणि वचनमसक्तं ब्रह्मधोषस्वरो ऽसौ हंसरवितघोषः किन्नरोद्गीतघोषः । पञ्चशतस्वराङ्गो हर्षणीयस्वरश्चो भवति नदितशब्दो घुष्टशब्दः सुशब्दः

bhaṇi vacanamasaktaṃ brahmadhoṣasvaro 'sau haṃsaravitaghoṣaḥ kinnarodgītaghoṣaḥ / pañcaśatasvarāṅgo harṣaṇīyasvaraśco bhavati naditaśabdo ghuṣṭaśabdaḥ suśabdaḥ

Sanskrit only: no published translation is held for this verse.

यावततु पृथु क्षत्राण नरः कश्चिदेव सूक्ष्म रज करेय्या शक्य ते लक्षणाय । ततु बहुतरु तस्यो ये स्वरा निश्चरन्ती इमु विरज समाधिं यो नरो धारयाति

yāvatatu pṛthu kṣatrāṇa naraḥ kaścideva sūkṣma raja kareyyā śakya te lakṣaṇāya / tatu bahutaru tasyo ye svarā niścarantī imu viraja samādhiṃ yo naro dhārayāti

Sanskrit only: no published translation is held for this verse.