Samadhirajasutra 36

तस्मात्तर्हि कुमार य आकाङ्क्षेद्बोधिसत्त्वो महासत्त्वः किमित्यहं सुखमनुत्तरां सम्यक्संबोधिमभिसंबुध्येयमिति, तेन कुमार बोधिसत्त्वेन महासत्त्वेन शीलस्कन्धे सुप्रतिष्ठितेन भवितव्यम्, सर्वबोधिसत्त्वेषु च शास्तृप्रेमसंज्ञा उपस्थापयितव्या ॥ अथ खलु भगवांस्तस्यां वेलायामिमा गाथा अभाषत - यः शीलस्कन्धे प्रतिष्ठितु बोधिसत्त्वो हितैषिचित्तो विचरति चारिकायाम् । क्षिप्रं स गत्वा अभिरतिबुद्धक्षेत्रं क्षान्तिंं लभित्वा भविष्यति धर्मराजः

tasmāttarhi kumāra ya ākāṅkṣedbodhisattvo mahāsattvaḥ kimityahaṃ sukhamanuttarāṃ samyaksaṃbodhimabhisaṃbudhyeyamiti, tena kumāra bodhisattvena mahāsattvena śīlaskandhe supratiṣṭhitena bhavitavyam, sarvabodhisattveṣu ca śāstṛpremasaṃjñā upasthāpayitavyā || atha khalu bhagavāṃstasyāṃ velāyāmimā gāthā abhāṣata - yaḥ śīlaskandhe pratiṣṭhitu bodhisattvo hitaiṣicitto vicarati cārikāyām / kṣipraṃ sa gatvā abhiratibuddhakṣetraṃ kṣāntiṃṃ labhitvā bhaviṣyati dharmarājaḥ

Sanskrit only: no published translation is held for this verse.

तस्मात् समग्रा भवथ अदुष्टचित्ताः सर्वे च भोगा सतत मनापकारी । दृष्ट्वा च बुद्धान् शिरिघन अप्रमेयान् बोधिं स्पृशित्वा भविष्यथ धर्मस्वामी

tasmāt samagrā bhavatha aduṣṭacittāḥ sarve ca bhogā satata manāpakārī / dṛṣṭvā ca buddhān śirighana aprameyān bodhiṃ spṛśitvā bhaviṣyatha dharmasvāmī

Sanskrit only: no published translation is held for this verse.

तस्माच्छ्रुणित्वा इम वर आनुशंसान् दृष्टा च भिक्षून् परम सुशीलवन्ता । निःशाठियेनो विदु सद सेवितव्याः समाधिप्ताप्ता भविष्यथ नोचिरेण

tasmācchruṇitvā ima vara ānuśaṃsān dṛṣṭā ca bhikṣūn parama suśīlavantā / niḥśāṭhiyeno vidu sada sevitavyāḥ samādhiptāptā bhaviṣyatha nocireṇa

Sanskrit only: no published translation is held for this verse.

सचेन्निधानापरिमिताप्रमाण पूर्णा भवेयु मणिरतनेभि सप्तैः । तथैव भूयो रतनवराण पूर्णाः क्षेत्रा भवेयुर्वालिकगङ्गतुल्याः

sacennidhānāparimitāpramāṇa pūrṇā bhaveyu maṇiratanebhi saptaiḥ / tathaiva bhūyo ratanavarāṇa pūrṇāḥ kṣetrā bhaveyurvālikagaṅgatulyāḥ

Sanskrit only: no published translation is held for this verse.

दानाधिमुक्तो भविय स बोधिसत्त्व एकैक रात्रिंदिवमिह दानु दद्यात् । एवं ददन् सो बहुविध कल्पकोटीः नो विष्ठितः स्याद् वालिक गङ्गतुल्याः

dānādhimukto bhaviya sa bodhisattva ekaika rātriṃdivamiha dānu dadyāt / evaṃ dadan so bahuvidha kalpakoṭīḥ no viṣṭhitaḥ syād vālika gaṅgatulyāḥ

Sanskrit only: no published translation is held for this verse.

यश्चो समाधिं इमुमिह बोधिसत्त्वो श्रुत्वान धारेत सुगतवराण गञ्जम् । यः पुण्यस्कन्धो भवति गृहीतु तेनो तत् सर्वदानं कलमपि नानुभोति

yaśco samādhiṃ imumiha bodhisattvo śrutvāna dhāreta sugatavarāṇa gañjam / yaḥ puṇyaskandho bhavati gṛhītu teno tat sarvadānaṃ kalamapi nānubhoti

Sanskrit only: no published translation is held for this verse.

एषो वरो अनुपम पुण्यस्कन्धो ज्ञानस्य कोश अपरिमिताकरोपम । श्राद्धो नरो यो इमु आनुलोमिकं धारेय्य अग्रं इमु विरजं समाधिम्

eṣo varo anupama puṇyaskandho jñānasya kośa aparimitākaropama / śrāddho naro yo imu ānulomikaṃ dhāreyya agraṃ imu virajaṃ samādhim

Sanskrit only: no published translation is held for this verse.

धारेय्य एत विरज समाधि शान्त महाधनो भवति स बोधिसत्त्वः । महासमुद्रो बहुविधरतनस्य आकरो न तस्य पुण्यस्य प्रमाणमस्ति

dhāreyya eta viraja samādhi śānta mahādhano bhavati sa bodhisattvaḥ / mahāsamudro bahuvidharatanasya ākaro na tasya puṇyasya pramāṇamasti

Sanskrit only: no published translation is held for this verse.

वरेहि धर्मेहि अचिन्तियेहि संबृहितो वुच्चति बोधिसत्त्वः । न तस्य बोधाय कदाचि संशयो य उद्दिशेयाति इमः समाधिम्

varehi dharmehi acintiyehi saṃbṛhito vuccati bodhisattvaḥ / na tasya bodhāya kadāci saṃśayo ya uddiśeyāti imaḥ samādhim

Sanskrit only: no published translation is held for this verse.

संस्थाप्य लोकाचरियं विनायकं बुद्धं महाकारुणिकं स्वयंभुवम् । यः पुण्यस्कन्धेन वरेणुपेतो अचिन्तियो यस्य प्रमाणु नास्ति

saṃsthāpya lokācariyaṃ vināyakaṃ buddhaṃ mahākāruṇikaṃ svayaṃbhuvam / yaḥ puṇyaskandhena vareṇupeto acintiyo yasya pramāṇu nāsti

Sanskrit only: no published translation is held for this verse.

न उत्तरो तस्य च सत्त्व कश्चित् महासहस्राय कदाचि विद्यते । यः पुण्यस्कन्धेन समो भवेत ज्ञानेन वासादृशाचिन्तियेन

na uttaro tasya ca sattva kaścit mahāsahasrāya kadāci vidyate / yaḥ puṇyaskandhena samo bhaveta jñānena vāsādṛśācintiyena

Sanskrit only: no published translation is held for this verse.

अन्यत्र यः श्रुत्व समाधिमेतं धारेय्य वाचेय्य पर्यापुणेय्या । पर्येषमाणो ऽतुल बुधबोधिं न तस्य ज्ञानेन समो भवेत

anyatra yaḥ śrutva samādhimetaṃ dhāreyya vāceyya paryāpuṇeyyā / paryeṣamāṇo 'tula budhabodhiṃ na tasya jñānena samo bhaveta

Sanskrit only: no published translation is held for this verse.

सचेत् कुमारा सिय अयु धर्मरूप यः पुण्यस्कन्धो उपचितु तेन भोति । धारतु वाचेतु इमं समाधिं न सो विचेय्या इह पृथुलोकधातुषु

sacet kumārā siya ayu dharmarūpa yaḥ puṇyaskandho upacitu tena bhoti / dhāratu vācetu imaṃ samādhiṃ na so viceyyā iha pṛthulokadhātuṣu

Sanskrit only: no published translation is held for this verse.

असङ्गनिर्देशपदार्थकोविदो अतीत उत्पन्न तथागतांश्च धारेतु वाचेतु इमं समाधिम्

asaṅganirdeśapadārthakovido atīta utpanna tathāgatāṃśca dhāretu vācetu imaṃ samādhim

Sanskrit only: no published translation is held for this verse.

एषा हि सा बोधि तथागतानां श्रद्धेहि मह्यं वचनं कुमाराः । न भाषते वाचमृषां तथागतो न हीदृशाः सत्त्व मृषां वदन्ति

eṣā hi sā bodhi tathāgatānāṃ śraddhehi mahyaṃ vacanaṃ kumārāḥ / na bhāṣate vācamṛṣāṃ tathāgato na hīdṛśāḥ sattva mṛṣāṃ vadanti

Sanskrit only: no published translation is held for this verse.

यस्मिन् मया शोधितु आत्मग्राहो इतः पुरे कल्पशतानचिन्तियान् । श्रेष्ठा चरन्तेन पि बोधिचारिकां पर्येषमाणेन इमां समाधिम्

yasmin mayā śodhitu ātmagrāho itaḥ pure kalpaśatānacintiyān / śreṣṭhā carantena pi bodhicārikāṃ paryeṣamāṇena imāṃ samādhim

Sanskrit only: no published translation is held for this verse.

तस्मादिमं श्रुत्व अथ धर्मगञ्जं यः सूत्रकोटीनयुतान आगमः । यः पुण्यस्कन्धो विपुलो अचिन्तियो येनो लघुं बुध्यति बुद्धज्ञानम्

tasmādimaṃ śrutva atha dharmagañjaṃ yaḥ sūtrakoṭīnayutāna āgamaḥ / yaḥ puṇyaskandho vipulo acintiyo yeno laghuṃ budhyati buddhajñānam

Sanskrit only: no published translation is held for this verse.

सर्वेष सूत्राणिदमग्रसूत्रमचिन्तियस्यो कुशलस्य आकरम् । पर्यन्तु धर्माण न तेष लभ्यते यां सो सदा निर्दिशते विशारदः

sarveṣa sūtrāṇidamagrasūtramacintiyasyo kuśalasya ākaram / paryantu dharmāṇa na teṣa labhyate yāṃ so sadā nirdiśate viśāradaḥ

Sanskrit only: no published translation is held for this verse.

छिन्दित्व भिन्दित्व महासहस्रं शक्यं गणेतुं परमाणुसंचयः । न त्वेव ते सूत्रशता अचिन्तियान् प्रमातु यं भाषति सो अविष्ठितः

chinditva bhinditva mahāsahasraṃ śakyaṃ gaṇetuṃ paramāṇusaṃcayaḥ / na tveva te sūtraśatā acintiyān pramātu yaṃ bhāṣati so aviṣṭhitaḥ

Sanskrit only: no published translation is held for this verse.

आश्वास प्रश्वास गणेतु शक्यं सर्वेष सत्त्वानिह बुद्धक्षेत्रे । पर्यन्तु सूत्राण न तेष शक्यं यान् भाषते सो ऽत्र समाधिये स्थितः

āśvāsa praśvāsa gaṇetu śakyaṃ sarveṣa sattvāniha buddhakṣetre / paryantu sūtrāṇa na teṣa śakyaṃ yān bhāṣate so 'tra samādhiye sthitaḥ

Sanskrit only: no published translation is held for this verse.

बुद्धान क्षेत्रा यथ गङ्गवालिका ये तेष सत्त्वा गति तेषूपपन्नाः । गणेतु ते शक्यमथापि चिन्तितुं न तेष सूत्राण य नित्यु भाषते

buddhāna kṣetrā yatha gaṅgavālikā ye teṣa sattvā gati teṣūpapannāḥ / gaṇetu te śakyamathāpi cintituṃ na teṣa sūtrāṇa ya nityu bhāṣate

Sanskrit only: no published translation is held for this verse.

गणेतु शक्यमित कल्पकोटिभिः महासमुद्रेष्विह यात्ति वालिकाः । नदीषु कुण्डेषु ह्रदेषु तद्वद् अनन्त सूत्रान्त स यत् प्रभाषते

gaṇetu śakyamita kalpakoṭibhiḥ mahāsamudreṣviha yātti vālikāḥ / nadīṣu kuṇḍeṣu hradeṣu tadvad ananta sūtrānta sa yat prabhāṣate

Sanskrit only: no published translation is held for this verse.

शक्यं गणेतुं बहुकल्पकोटिषु य आपस्कन्धः सद तत्र तिष्ठति । शताय भिन्नाय वालाग्रकोटियो स्वराङ्ग तेषां न तु शक्यु सर्वशः

śakyaṃ gaṇetuṃ bahukalpakoṭiṣu ya āpaskandhaḥ sada tatra tiṣṭhati / śatāya bhinnāya vālāgrakoṭiyo svarāṅga teṣāṃ na tu śakyu sarvaśaḥ

Sanskrit only: no published translation is held for this verse.

शक्यं गणेतुं बहुकल्पकोटिभिर्ये सत्त्व आसन् पुरिमेण तत्र । य आत्मभावे विनिबद्धसारा न तेष सूत्रान्तनिर्हार जानितुम्

śakyaṃ gaṇetuṃ bahukalpakoṭibhirye sattva āsan purimeṇa tatra / ya ātmabhāve vinibaddhasārā na teṣa sūtrāntanirhāra jānitum

Sanskrit only: no published translation is held for this verse.

गणेतु शक्यं रुत सर्वप्राणिनां ये सन्ति सत्त्वा दशसु दिशासु । न शक्यु सूत्रान्त गणेतु तस्य यद् भाषते ऽसौ सततमविष्ठितः

gaṇetu śakyaṃ ruta sarvaprāṇināṃ ye santi sattvā daśasu diśāsu / na śakyu sūtrānta gaṇetu tasya yad bhāṣate 'sau satatamaviṣṭhitaḥ

Sanskrit only: no published translation is held for this verse.

सर्वेष धर्माण निदेशु जानति निरुक्तिनिर्देशपदार्थकोविदः । विनिश्चये भूतनयेषु शिक्षितो विशालबुद्धिः सद हर्षप्रज्ञः

sarveṣa dharmāṇa nideśu jānati niruktinirdeśapadārthakovidaḥ / viniścaye bhūtanayeṣu śikṣito viśālabuddhiḥ sada harṣaprajñaḥ

Sanskrit only: no published translation is held for this verse.

अभिन्नबुद्धिर्विपुलार्थचिन्ती अचिन्त्य चिन्तेति सदा प्रजानति । घोषस्वभावं पृथु सर्व जानती शब्दांश्च तान् निर्दिशतो न सज्जति

abhinnabuddhirvipulārthacintī acintya cinteti sadā prajānati / ghoṣasvabhāvaṃ pṛthu sarva jānatī śabdāṃśca tān nirdiśato na sajjati

Sanskrit only: no published translation is held for this verse.

असक्त सो वुच्चति धर्मभाणको न सज्जते सर्वजगस्य भाषतः । प्रश्नान निर्देशपदेहि कोविदः तथाहि तेनो परमार्थु ज्ञातः

asakta so vuccati dharmabhāṇako na sajjate sarvajagasya bhāṣataḥ / praśnāna nirdeśapadehi kovidaḥ tathāhi teno paramārthu jñātaḥ

Sanskrit only: no published translation is held for this verse.

असङ्गनिर्देशपदार्थकोविदो भाषन्तु सो पर्षगतो न सज्जते

asaṅganirdeśapadārthakovido bhāṣantu so parṣagato na sajjate

Sanskrit only: no published translation is held for this verse.

यः सुस्थितो भोति इहो समाधिये स बोधिसत्त्वो भवती अकम्पियः । धर्मे बलाधानविशेषप्राप्तः करोति सो ऽर्थं बहुप्राणकोटिनाम्

yaḥ susthito bhoti iho samādhiye sa bodhisattvo bhavatī akampiyaḥ / dharme balādhānaviśeṣaprāptaḥ karoti so 'rthaṃ bahuprāṇakoṭinām

Sanskrit only: no published translation is held for this verse.

यथैव मेरुरचलो अकम्पियः सर्वेहि वातेहि न शक्य कम्पितुम् । तथैव भिक्षुर्विदु धर्मभाणकं कम्पेतु शक्यं न परप्रवादिभिः

yathaiva meruracalo akampiyaḥ sarvehi vātehi na śakya kampitum / tathaiva bhikṣurvidu dharmabhāṇakaṃ kampetu śakyaṃ na parapravādibhiḥ

Sanskrit only: no published translation is held for this verse.

महासहस्रेष्विह लोकधातुषु ये पर्वता उक्त अकम्पनीयाः । ते शक्य वातेन प्रकम्पनाय न त्वेव धर्मे स्थितु शून्यि भिक्षुः

mahāsahasreṣviha lokadhātuṣu ye parvatā ukta akampanīyāḥ / te śakya vātena prakampanāya na tveva dharme sthitu śūnyi bhikṣuḥ

Sanskrit only: no published translation is held for this verse.

य शून्यतायां सततं प्रयुक्तो बुद्धान एषो नियतं विहारः । प्रजानती निश्चितु धर्म शून्यां स सर्ववादीभि न शक्यु क्षोभितुम्

ya śūnyatāyāṃ satataṃ prayukto buddhāna eṣo niyataṃ vihāraḥ / prajānatī niścitu dharma śūnyāṃ sa sarvavādībhi na śakyu kṣobhitum

Sanskrit only: no published translation is held for this verse.

अकम्पियो भोति परप्रवादिभिः सवप्रवादेहि अनाभिभूतः । अनाभिभूतश्च अनिन्दितश्च इमुमुद्दिशित्वान समाधि शान्तम्

akampiyo bhoti parapravādibhiḥ savapravādehi anābhibhūtaḥ / anābhibhūtaśca aninditaśca imumuddiśitvāna samādhi śāntam

Sanskrit only: no published translation is held for this verse.

गतिं गतो भोति स शुन्यतायां सर्वेषु धर्मेषु न काङ्क्षते ऽसौ । अनन्तज्ञाने सद सुप्रतिष्ठितो इमुमुद्दिशित्वान समाधि शान्तम्

gatiṃ gato bhoti sa śunyatāyāṃ sarveṣu dharmeṣu na kāṅkṣate 'sau / anantajñāne sada supratiṣṭhito imumuddiśitvāna samādhi śāntam

Sanskrit only: no published translation is held for this verse.

बलानि बोध्यङ्ग न तस्य दुर्लभा प्रतिसंविदो ऋद्धिविधी अचिन्तिया । अभिज्ञ नो तस्य भवन्ति दुर्लभा धारेत्व वाचेत्व इम समाधिम्

balāni bodhyaṅga na tasya durlabhā pratisaṃvido ṛddhividhī acintiyā / abhijña no tasya bhavanti durlabhā dhāretva vācetva ima samādhim

Sanskrit only: no published translation is held for this verse.

भवाभिवृत्तस्य न तस्य दुर्लभं अनन्तज्ञानेन जिनान दर्शनम् । संबुद्ध कोटीनयुतानचिन्तियान् सो द्रक्ष्यते एतु समाधि धारयन्

bhavābhivṛttasya na tasya durlabhaṃ anantajñānena jināna darśanam / saṃbuddha koṭīnayutānacintiyān so drakṣyate etu samādhi dhārayan

Sanskrit only: no published translation is held for this verse.

सर्वेष चो तेष जिनान अन्तिके स श्रोष्यते एतु समाधि शान्तम् । वरेण ज्ञानेन उपेतु भेष्यती प्रतिसंविदासु वश पारमिं गतः

sarveṣa co teṣa jināna antike sa śroṣyate etu samādhi śāntam / vareṇa jñānena upetu bheṣyatī pratisaṃvidāsu vaśa pāramiṃ gataḥ

Sanskrit only: no published translation is held for this verse.

सचेद् भवेन्मणिरतनान पूर्णा महासहस्रा इय लोकधातुः । ये दिव्य श्रेष्ठा मणिरतनाः प्रधाना हेष्टं उपादाय भवाग्रु यावत्

saced bhavenmaṇiratanāna pūrṇā mahāsahasrā iya lokadhātuḥ / ye divya śreṣṭhā maṇiratanāḥ pradhānā heṣṭaṃ upādāya bhavāgru yāvat

Sanskrit only: no published translation is held for this verse.

यावन्त क्षेत्रा बहुविध ते अनन्ता जाम्बूनदासंस्तृत पूर्ण सर्वे । दानं ददे जिनवरेषु सर्वं भूमीतलादुपरि भवाग्र यावत्

yāvanta kṣetrā bahuvidha te anantā jāmbūnadāsaṃstṛta pūrṇa sarve / dānaṃ dade jinavareṣu sarvaṃ bhūmītalādupari bhavāgra yāvat

Sanskrit only: no published translation is held for this verse.

यावन्ति सन्ति बहु विविधा हि सत्त्वा दानं ददेयुर्विविधमनन्तकल्पान् । बुद्धान दद्युः सततमविष्ठिहन्तो बोध्यर्थिको चो ददितु दानस्कन्धम्

yāvanti santi bahu vividhā hi sattvā dānaṃ dadeyurvividhamanantakalpān / buddhāna dadyuḥ satatamaviṣṭhihanto bodhyarthiko co daditu dānaskandham

Sanskrit only: no published translation is held for this verse.

यश्चैव भिक्षुरभिरतु शून्यतायां बुद्धान्नमस्ये दशनखप्राञ्जलीयो । न स दानस्कन्धः पुरिमकु याति संख्यां यः शून्यतायामभिरतु बोधिसत्त्वः

yaścaiva bhikṣurabhiratu śūnyatāyāṃ buddhānnamasye daśanakhaprāñjalīyo / na sa dānaskandhaḥ purimaku yāti saṃkhyāṃ yaḥ śūnyatāyāmabhiratu bodhisattvaḥ

Sanskrit only: no published translation is held for this verse.

तं चो लभित्वा स हि नरु पुण्यवन्तो दानं ददेति विपुलु जनेत्व श्रद्धाम् । पर्येषमाणो अतुलिय बुद्धबोधिं औपम्यमेतं कृतु पुरुषोत्तमेन

taṃ co labhitvā sa hi naru puṇyavanto dānaṃ dadeti vipulu janetva śraddhām / paryeṣamāṇo atuliya buddhabodhiṃ aupamyametaṃ kṛtu puruṣottamena

Sanskrit only: no published translation is held for this verse.

यश्चो समाधिमिमु वरु श्रेष्ठ गृह्णेच्चतुष्पदां गाथ स तुष्टचित्तः । यः पुण्यस्कन्धो उपचितु तेन भोति तत् सर्वदानं शतिमकला नु भोति

yaśco samādhimimu varu śreṣṭha gṛhṇeccatuṣpadāṃ gātha sa tuṣṭacittaḥ / yaḥ puṇyaskandho upacitu tena bhoti tat sarvadānaṃ śatimakalā nu bhoti

Sanskrit only: no published translation is held for this verse.

न ताव शीघ्रं प्रतिलभि बुद्धज्ञानं दानं ददेत् सो हितकरु बोधिसत्त्वः । अश्रुत्व एतं विरजु समाधि शान्तं यथ श्रुत्व शीघ्रं लभति स बुद्धज्ञानम्

na tāva śīghraṃ pratilabhi buddhajñānaṃ dānaṃ dadet so hitakaru bodhisattvaḥ / aśrutva etaṃ viraju samādhi śāntaṃ yatha śrutva śīghraṃ labhati sa buddhajñānam

Sanskrit only: no published translation is held for this verse.

यश्चो लभित्वा इमु वर शान्तभूमिं श्रुतस्य गोत्रं इमु विरजं समाधिम् । पुर्यापुणेय्या प्रमुदितु बोधिसत्त्वः स शीघ्रमेतं प्रतिलभि बुद्धज्ञानम्

yaśco labhitvā imu vara śāntabhūmiṃ śrutasya gotraṃ imu virajaṃ samādhim / puryāpuṇeyyā pramuditu bodhisattvaḥ sa śīghrametaṃ pratilabhi buddhajñānam

Sanskrit only: no published translation is held for this verse.

यो ऽपी निधानं प्रतिलभि एवरूपं क्षेत्राननन्तान् यथरिव गङ्गवालिकाः । ते चो भवेयुर्मणिरतनान पूर्णा दिव्यान चो तथपि च मानुषाणाम्

yo 'pī nidhānaṃ pratilabhi evarūpaṃ kṣetrānanantān yathariva gaṅgavālikāḥ / te co bhaveyurmaṇiratanāna pūrṇā divyāna co tathapi ca mānuṣāṇām

Sanskrit only: no published translation is held for this verse.

दुर्धर्षु सो भोति प्रेभूतकोशो महाधनो धनरतनेनुपेतः । यो बोधिसत्त्वो लभति इमं समाधिं पर्यापुणन्तः सततमतृप्तु भोति

durdharṣu so bhoti prebhūtakośo mahādhano dhanaratanenupetaḥ / yo bodhisattvo labhati imaṃ samādhiṃ paryāpuṇantaḥ satatamatṛptu bhoti

Sanskrit only: no published translation is held for this verse.

राज्यं लभित्वा परमसमृद्ध स्फीतं न तेन तुष्टो भवति कदाचि विज्ञः । यथा लभित्वा इमु विरजं समाधिं तुष्टो उदग्रो भवति स बोधिसत्त्वः

rājyaṃ labhitvā paramasamṛddha sphītaṃ na tena tuṣṭo bhavati kadāci vijñaḥ / yathā labhitvā imu virajaṃ samādhiṃ tuṣṭo udagro bhavati sa bodhisattvaḥ

Sanskrit only: no published translation is held for this verse.

ते ते धर्मधरा भवन्ति सततं बुद्धान सर्वज्ञिनां धारेन्ती वरधर्मनेत्रि विपुलां क्षीणान्तकाले तथा । धर्मकोशधरा महामतिधराः सर्वज्ञगञ्जंधराः ते ते सत्त्व सहस्रकोटिनियुतांस्तोषन्ति धर्मस्वरैः

te te dharmadharā bhavanti satataṃ buddhāna sarvajñināṃ dhārentī varadharmanetri vipulāṃ kṣīṇāntakāle tathā / dharmakośadharā mahāmatidharāḥ sarvajñagañjaṃdharāḥ te te sattva sahasrakoṭiniyutāṃstoṣanti dharmasvaraiḥ

Sanskrit only: no published translation is held for this verse.

ते ते शीलधनेनुपेत मतिमान् शिक्षाधनाढ्या नराः ते ते शीलव्रते स्थिता अभिरता धर्मद्रुमस्याङ्कुराः । ते ते रक्तकषायचीवरधरा नैष्क्रम्यतुष्टाः सदा ते ते सत्त्वहिताय अप्रतिसमाः सर्वज्ञतां प्रस्थिताः

te te śīladhanenupeta matimān śikṣādhanāḍhyā narāḥ te te śīlavrate sthitā abhiratā dharmadrumasyāṅkurāḥ / te te raktakaṣāyacīvaradharā naiṣkramyatuṣṭāḥ sadā te te sattvahitāya apratisamāḥ sarvajñatāṃ prasthitāḥ

Sanskrit only: no published translation is held for this verse.

ते ते दान्त सुदान्त सत्त्वदमका दमथेनुपेताः सदा ते ते शान्त सुशान्ततामनुगताः शान्तप्रशान्तेन्द्रियाः । ते ते सुप्त प्रसुप्त सत्त्व सततं धर्मस्वनैर्बोधयी बोधित्वा वरश्रेष्ठ धर्मरतनैः सत्त्वान् प्रतिष्ठापयी

te te dānta sudānta sattvadamakā damathenupetāḥ sadā te te śānta suśāntatāmanugatāḥ śāntapraśāntendriyāḥ / te te supta prasupta sattva satataṃ dharmasvanairbodhayī bodhitvā varaśreṣṭha dharmaratanaiḥ sattvān pratiṣṭhāpayī

Sanskrit only: no published translation is held for this verse.

ते ते दानपती भवन्ति सततं सद मुक्तत्यागी विदु ते ते मत्सरियैर्न संवसि महात्यागे रमन्ते सदा । ते ते सत्त्व दरिद्र दृष्ट्व दुखितान् भोगेहि संतर्पयी ते ते सत्त्वहिते सुखाय सततं सर्वज्ञतां प्रस्थिताः

te te dānapatī bhavanti satataṃ sada muktatyāgī vidu te te matsariyairna saṃvasi mahātyāge ramante sadā / te te sattva daridra dṛṣṭva dukhitān bhogehi saṃtarpayī te te sattvahite sukhāya satataṃ sarvajñatāṃ prasthitāḥ

Sanskrit only: no published translation is held for this verse.

ते ते आहनि धर्मभेरि विपुलां ज्ञाने सदा शिक्षिताः छिन्दन्ती जन सर्व संशयलतां ज्ञाने सदा प्रस्थिताः । ते ते सुश्रुत धर्मधारि विरजा सूत्रान्तकोटीशतान् पर्षायां स्थित आसने मतिधराः प्रव्याहरी पण्डिताः

te te āhani dharmabheri vipulāṃ jñāne sadā śikṣitāḥ chindantī jana sarva saṃśayalatāṃ jñāne sadā prasthitāḥ / te te suśruta dharmadhāri virajā sūtrāntakoṭīśatān parṣāyāṃ sthita āsane matidharāḥ pravyāharī paṇḍitāḥ

Sanskrit only: no published translation is held for this verse.

ते ते भोन्ति बहुश्रुताः श्रुतिधराः संबुद्धधर्मंधराः कोशान् धर्ममयान् धरन्ति मुनिनां धर्मान्निधाने रताः । ते ते भोन्ति विशालप्रज्ञ विपुलां प्रीइतिं जनेन्ति सदा देशेन्ता वरधर्म शान्त निपुणं नैर्याणिकं दुर्दृशम्

te te bhonti bahuśrutāḥ śrutidharāḥ saṃbuddhadharmaṃdharāḥ kośān dharmamayān dharanti munināṃ dharmānnidhāne ratāḥ / te te bhonti viśālaprajña vipulāṃ prīitiṃ janenti sadā deśentā varadharma śānta nipuṇaṃ nairyāṇikaṃ durdṛśam

Sanskrit only: no published translation is held for this verse.

ते ते धर्ममधर्मज्ञेय मतिमान् धर्मे स्थिताः सूरताः धर्मराज्यि प्रशासि अप्रतिसमा वरधर्मचारी सदा । ते ते भोन्ति विशिष्टधर्मगुरुका गुरुगौरवे च स्थिताः धर्मे नगवरे स्थिता मतिधरा धर्मध्वजोच्छ्रायिकाः

te te dharmamadharmajñeya matimān dharme sthitāḥ sūratāḥ dharmarājyi praśāsi apratisamā varadharmacārī sadā / te te bhonti viśiṣṭadharmagurukā gurugaurave ca sthitāḥ dharme nagavare sthitā matidharā dharmadhvajocchrāyikāḥ

Sanskrit only: no published translation is held for this verse.

ते ते मत्त प्रमत्त सत्त्व सततं दृष्ट्वा प्रमादे स्थितान् दृष्ट्वा चैव प्रनष्ट उत्पथगतान् संसारमार्गे स्थितान् । तेषू मैत्र जनित्वुदार करुणा मुदिताप्युपेक्षा स्थिता तेषां मार्गवरं प्रदर्शयि शिवमष्टाङ्गिकं दुर्दृशम्

te te matta pramatta sattva satataṃ dṛṣṭvā pramāde sthitān dṛṣṭvā caiva pranaṣṭa utpathagatān saṃsāramārge sthitān / teṣū maitra janitvudāra karuṇā muditāpyupekṣā sthitā teṣāṃ mārgavaraṃ pradarśayi śivamaṣṭāṅgikaṃ durdṛśam

Sanskrit only: no published translation is held for this verse.

ते तु नाव करित्व धर्म सुदृढां धारेन्ति सत्त्वान् बहून् उद्यन्तान् महार्णवेषु पतितान् संसारस्रोतोगतान् । बोध्यङ्गा बल इन्द्रियैः कवचिताः सद्धर्मनावारुहाः तीरे पारमि क्षेम नित्यमभये स्थापेन्ति सत्त्वान् सदा

te tu nāva karitva dharma sudṛḍhāṃ dhārenti sattvān bahūn udyantān mahārṇaveṣu patitān saṃsārasrotogatān / bodhyaṅgā bala indriyaiḥ kavacitāḥ saddharmanāvāruhāḥ tīre pārami kṣema nityamabhaye sthāpenti sattvān sadā

Sanskrit only: no published translation is held for this verse.

ते ते वैद्यवरा व्रतेषु चरिता वैद्योत्तमा वेदका विद्याज्ञानविमुक्तिपारगमिता सद्धर्मभैषज्यदाः । दृष्ट्वा सत्त्व गिलान नेकविविधै रोगैः समभ्याहतान् तेषां धर्मविरेचनं ददति तद्धर्मैश्चिकित्सन्ति तान्

te te vaidyavarā vrateṣu caritā vaidyottamā vedakā vidyājñānavimuktipāragamitā saddharmabhaiṣajyadāḥ / dṛṣṭvā sattva gilāna nekavividhai rogaiḥ samabhyāhatān teṣāṃ dharmavirecanaṃ dadati taddharmaiścikitsanti tān

Sanskrit only: no published translation is held for this verse.

ते ते वादि अपवादिमथना लोकेन्द्र वागीश्वराः सर्वज्ञेयप्रभंकरा मतिधरा वरज्ञानभूमिस्थिताः । शूर ज्ञानबला बलप्रमथनाः संवर्णिता ज्ञानिभिः ज्ञानेनो बहुसत्त्वकोटिनियुतांस्तोष्यन्ति धर्मे स्थिताः

te te vādi apavādimathanā lokendra vāgīśvarāḥ sarvajñeyaprabhaṃkarā matidharā varajñānabhūmisthitāḥ / śūra jñānabalā balapramathanāḥ saṃvarṇitā jñānibhiḥ jñāneno bahusattvakoṭiniyutāṃstoṣyanti dharme sthitāḥ

Sanskrit only: no published translation is held for this verse.

ते ते ऽधिपति सार्थवाह विपदः सत्त्वान त्राणार्थिकाः दृष्ट्वा सत्त्व प्रमूढ मार्गरतने सद मारपाशे स्थिताः । तेषां मार्गवरं प्रकाशयि शिवं क्षेमं सदा निर्वृती येन ज्ञानपथेन नेन्ति कुशलान् बहुसत्त्वकोटीशतान्

te te 'dhipati sārthavāha vipadaḥ sattvāna trāṇārthikāḥ dṛṣṭvā sattva pramūḍha mārgaratane sada mārapāśe sthitāḥ / teṣāṃ mārgavaraṃ prakāśayi śivaṃ kṣemaṃ sadā nirvṛtī yena jñānapathena nenti kuśalān bahusattvakoṭīśatān

Sanskrit only: no published translation is held for this verse.

ते ते लेनु भवन्ति त्राणु शरणं चक्षुः प्रदीपंकराः भीतानामभयप्रदाश्च सततं त्रस्तान चाश्वासकाः । ते ऽतिदुःखित सत्त्व ज्ञात्व परमान् जात्यन्धभूतानिमान् धर्मालोकु करोन्ति धर्मरतने भूतनये शिक्षिताः

te te lenu bhavanti trāṇu śaraṇaṃ cakṣuḥ pradīpaṃkarāḥ bhītānāmabhayapradāśca satataṃ trastāna cāśvāsakāḥ / te 'tiduḥkhita sattva jñātva paramān jātyandhabhūtānimān dharmāloku karonti dharmaratane bhūtanaye śikṣitāḥ

Sanskrit only: no published translation is held for this verse.

ये ये शिल्पवरा जगे बहुकराः सत्त्वान अर्थावहा येभिः सत्त्व सदा भवन्ति सुखिताः शिल्पेषु संशिक्षिताः । शिक्षापारमितां गताः सुकुशला आश्चर्यप्राप्ताद्भुता ये बोधीनभिप्रस्थिता मतिधरा लोकस्य चक्षुर्ददाः

ye ye śilpavarā jage bahukarāḥ sattvāna arthāvahā yebhiḥ sattva sadā bhavanti sukhitāḥ śilpeṣu saṃśikṣitāḥ / śikṣāpāramitāṃ gatāḥ sukuśalā āścaryaprāptādbhutā ye bodhīnabhiprasthitā matidharā lokasya cakṣurdadāḥ

Sanskrit only: no published translation is held for this verse.

नो ते तृप्त कदाचिदप्रतिसमा वरबुद्धधर्मश्रुताः शीलक्षान्तिसमाधिपारगमिता गम्भीरधर्मश्रुताः । नो तृप्ताश्च परेषु धर्मरतनं ते देशयन्तः शिवं मोक्षोपायु प्रवर्षमाणु वर्षं धर्मैर्नरांस्तर्पयी

no te tṛpta kadācidapratisamā varabuddhadharmaśrutāḥ śīlakṣāntisamādhipāragamitā gambhīradharmaśrutāḥ / no tṛptāśca pareṣu dharmaratanaṃ te deśayantaḥ śivaṃ mokṣopāyu pravarṣamāṇu varṣaṃ dharmairnarāṃstarpayī

Sanskrit only: no published translation is held for this verse.

यावन्तो बहु सत्त्व तेषुपगता धर्मार्थिकाः पण्डिताः श्रोष्यामो वरधर्मश्रेष्ठरतनं मार्गं ऋजुं अञ्जसम् । तेषां छिन्दिषु संशयान् मतिअधरा धर्मेण संतोषयी शीलक्षान्तिसमाधिपारमिगता जानन्त सत्त्वशयान्

yāvanto bahu sattva teṣupagatā dharmārthikāḥ paṇḍitāḥ śroṣyāmo varadharmaśreṣṭharatanaṃ mārgaṃ ṛjuṃ añjasam / teṣāṃ chindiṣu saṃśayān matiadharā dharmeṇa saṃtoṣayī śīlakṣāntisamādhipāramigatā jānanta sattvaśayān

Sanskrit only: no published translation is held for this verse.

ज्ञानी ज्ञानवराग्र पारमिगताः सत्त्वाशये कोविदाः जानन्तः परसत्त्वचित्तचरितं येषां कथा यादृशी । ये ये ज्ञानकथाय सत्त्वनयुता वरधर्मचक्षुर्लभाः ते ते ज्ञानविशेषपारमिगता मार्गोपदेशंकराः

jñānī jñānavarāgra pāramigatāḥ sattvāśaye kovidāḥ jānantaḥ parasattvacittacaritaṃ yeṣāṃ kathā yādṛśī / ye ye jñānakathāya sattvanayutā varadharmacakṣurlabhāḥ te te jñānaviśeṣapāramigatā mārgopadeśaṃkarāḥ

Sanskrit only: no published translation is held for this verse.

मारा कोटिसहस्र तेष विदुषां चित्तं पि नो जानिषु आकाशे यथ पक्षिणां पदगतिं ज्ञातुं न शक्या क्वचित् । शान्ता दान्त प्रशान्त ज्ञानवशिनो आर्यस्मि ज्ञाने स्थिताः सर्वान् मार निहत्य शूर वृषभा बुध्यन्ति बोधिं शिवाम्

mārā koṭisahasra teṣa viduṣāṃ cittaṃ pi no jāniṣu ākāśe yatha pakṣiṇāṃ padagatiṃ jñātuṃ na śakyā kvacit / śāntā dānta praśānta jñānavaśino āryasmi jñāne sthitāḥ sarvān māra nihatya śūra vṛṣabhā budhyanti bodhiṃ śivām

Sanskrit only: no published translation is held for this verse.

चक्षुस्तेष न सज्जते दशदिशे पश्यन्ति रूपान् बहु ये चो सत्त्व दशद्दिशे भवस्थिताः सर्वेष ते नायकाः

cakṣusteṣa na sajjate daśadiśe paśyanti rūpān bahu ye co sattva daśaddiśe bhavasthitāḥ sarveṣa te nāyakāḥ

Sanskrit only: no published translation is held for this verse.

ते तस्यो भणि आनुशंस सकलां कल्पान कोटीशतान् नो चो पूर्वचरीय वर्ण क्षपये प्रतिभानतो भाषतो । बुद्धानां धनमक्षयं सुविपुलं ज्ञानस्य चो सागरं यो एतं विरजं समाधिमतुलं धारेय कश्चिन्नरः

te tasyo bhaṇi ānuśaṃsa sakalāṃ kalpāna koṭīśatān no co pūrvacarīya varṇa kṣapaye pratibhānato bhāṣato / buddhānāṃ dhanamakṣayaṃ suvipulaṃ jñānasya co sāgaraṃ yo etaṃ virajaṃ samādhimatulaṃ dhāreya kaścinnaraḥ

Sanskrit only: no published translation is held for this verse.