Library·Sāmaveda Saṃhitā (Kauthuma)·1·1.4·1.4.2
गायन्ति त्वा गायत्रिणो ऽर्चन्त्यर्कमर्किणः । ब्रह्माणस्त्वा शतक्रत उद्वंशमिव येमिरे ॥ ३४२
gāyanti tvā gāyatriṇo 'rcantyarkamarkiṇaḥ . brahmāṇastvā śatakrata udvaṃśamiva yemire .. 342
The chanters hymn thee, they who say the word of praise magnify thee. The priests have raised thee up on high, O Satakratu, like a pole.
Translated by Ralph T. H. Griffith (1896)This is the translator's rendering of the same verse where it occurs at RV 1.10.1; the wording of this text may differ in places.
इन्द्रं विश्वा अवीवृधन्त्समुद्रव्यचसं गिरः । रथीतमं रथीनां वाजानां सत्पतिं पतिम् ॥ ३४३
indraṃ viśvā avīvṛdhantsamudravyacasaṃ giraḥ . rathītamaṃ rathīnāṃ vājānāṃ satpatiṃ patim .. 343
All sacred songs have magnified Indra expansive as the sea, The best of warriors borne on cars, the Lord, the very Lord of strength.
Translated by Ralph T. H. Griffith (1896)This is the translator's rendering of the same verse where it occurs at RV 1.11.1; the wording of this text may differ in places.
इममिन्द्र सुतं पिब ज्येष्ठममर्त्यं मदम् । शुक्रस्य त्वाभ्यक्षरन्धारा ऋतस्य सादने ॥ ३४४
imamindra sutaṃ piba jyeṣṭhamamartyaṃ madam . śukrasya tvābhyakṣarandhārā ṛtasya sādane .. 344
This poured libation, Indra, drink, immortal, gladdening, excellent. Streams of the bright have flowed to thee here at the seat of holy Law.
Translated by Ralph T. H. Griffith (1896)This is the translator's rendering of the same verse where it occurs at RV 1.84.4; the wording of this text may differ in places.
यदिन्द्र चित्र म इह नास्ति त्वादातमद्रिवः । राधस्तन्नो विदद्वस उभयाहस्त्या भर ॥ ३४५
yadindra citra ma iha nāsti tvādātamadrivaḥ . rādhastanno vidadvasa ubhayāhastyā bhara .. 345
Stone-DARTING Indra. Wondrous One, what wealth is richly given from thee, That bounty, Treasure-Finder! bring filling both thy hands, to us.
Translated by Ralph T. H. Griffith (1896)This is the translator's rendering of the same verse where it occurs at RV 5.39.1; the wording of this text may differ in places.
श्रुदी हवं तिरश्च्या इन्द्र यस्त्वा सपर्यति । सुवीर्यस्य गोमतो रायस्पूर्धि महां असि ॥ ३४६
śrudī havaṃ tiraścyā indra yastvā saparyati . suvīryasya gomato rāyaspūrdhi mahāṃ asi .. 346
Sanskrit only: no published translation is held for this verse.
असावि सोम इन्द्र ते शविष्ठ धृष्णवा गहि । आ त्वा पृणक्त्विन्द्रियं रजः सूर्यो न रश्मिभिः ॥ ३४७
asāvi soma indra te śaviṣṭha dhṛṣṇavā gahi . ā tvā pṛṇaktvindriyaṃ rajaḥ sūryo na raśmibhiḥ .. 347
The Soma hath been pressed for thee, O Indra; mightiest, bold One, come. May Indra-vigour fill thee full, as the Sun fills mid-air with rays.
Translated by Ralph T. H. Griffith (1896)This is the translator's rendering of the same verse where it occurs at RV 1.84.1; the wording of this text may differ in places.
एन्द्र याहि हरिभिरुप कण्वस्य सुष्टुतिम् । दिवो अमुष्य शासतो दिवं यय दिवावसो ॥ ३४८
endra yāhi haribhirupa kaṇvasya suṣṭutim . divo amuṣya śāsato divaṃ yaya divāvaso .. 348
Come hither, Indra, with thy Bays, come thou to Kanva's eulogy. Ye by command of yonder Dyaus, God bright by day! have gone to heaven.
Translated by Ralph T. H. Griffith (1896)This is the translator's rendering of the same verse where it occurs at RV 8.34.1; the wording of this text may differ in places.
आ त्वा गिरो रथीरिवास्थुः सुतेषु गिर्वणः । अभि त्वा समनूषत गावो वत्सं न धेनवः ॥ ३४९
ā tvā giro rathīrivāsthuḥ suteṣu girvaṇaḥ . abhi tvā samanūṣata gāvo vatsaṃ na dhenavaḥ .. 349
Sanskrit only: no published translation is held for this verse.
एतो न्विन्द्रं स्तवाम शुद्धं शुद्धेन साम्ना । शुद्धैरुक्थैर्वावृध्वांसं शुद्धैराशीर्वान्ममत्तु ॥ ३५०
eto nvindraṃ stavāma śuddhaṃ śuddhena sāmnā . śuddhairukthairvāvṛdhvāṃsaṃ śuddhairāśīrvānmamattu .. 350
Sanskrit only: no published translation is held for this verse.
यो रयिं वो रयिन्तमो यो द्युम्नैर्द्युम्नवत्तमः । सोमः सुतः स इन्द्र ते ऽस्ति स्वधापते मदः ॥ ३५१
yo rayiṃ vo rayintamo yo dyumnairdyumnavattamaḥ . somaḥ sutaḥ sa indra te 'sti svadhāpate madaḥ .. 351
Sanskrit only: no published translation is held for this verse.
प्रत्यस्मै पिपीषते विश्वानि विदुषे भर । अरङ्गमाय जग्मये ऽपश्चादध्वने नरः ॥ ३५२
pratyasmai pipīṣate viśvāni viduṣe bhara . araṅgamāya jagmaye 'paścādadhvane naraḥ .. 352
Bring sacrificial gifts to him, Omniscient, for he longs to drink, The Wanderer who comes with speed, the Hero ever in the van.
Translated by Ralph T. H. Griffith (1896)This is the translator's rendering of the same verse where it occurs at RV 6.42.1; the wording of this text may differ in places.
आ नो वयोवयःशयं महान्तं गह्वरेष्ठां महान्तं पूर्विनेष्ठाम् । उग्रं वचो अपावधीः ॥ ३५३
ā no vayovayaḥśayaṃ mahāntaṃ gahvareṣṭhāṃ mahāntaṃ pūrvineṣṭhām . ugraṃ vaco apāvadhīḥ .. 353
Sanskrit only: no published translation is held for this verse.
आ त्वा रथं यथोतये सुम्नाय वर्तयामसि । तुविकूर्मिमृतीषहमिन्द्रं शविष्ठ सत्पतिम् ॥ ३५४
ā tvā rathaṃ yathotaye sumnāya vartayāmasi . tuvikūrmimṛtīṣahamindraṃ śaviṣṭha satpatim .. 354
Sanskrit only: no published translation is held for this verse.
स पूर्व्यो महोनां वेनः क्रतुभिरानजे । यस्य द्वारा मनुः पिता देवेषु धिय आनजे ॥ ३५५
sa pūrvyo mahonāṃ venaḥ kratubhirānaje . yasya dvārā manuḥ pitā deveṣu dhiya ānaje .. 355
Sanskrit only: no published translation is held for this verse.
यदी वहन्त्याशवो भ्राजमाना रथेष्वा । पिबन्तो मदिरं मधु तत्र श्रवांसि कृण्वते ॥ ३५६
yadī vahantyāśavo bhrājamānā ratheṣvā . pibanto madiraṃ madhu tatra śravāṃsi kṛṇvate .. 356
Sanskrit only: no published translation is held for this verse.
त्यमु वो अप्रहणं गृणीषे शवसस्पतिम् । इन्द्रं विश्वासाहं नरं शचिष्ठं विश्ववेदसम् ॥ ३५७
tyamu vo aprahaṇaṃ gṛṇīṣe śavasaspatim . indraṃ viśvāsāhaṃ naraṃ śaciṣṭhaṃ viśvavedasam .. 357
Sanskrit only: no published translation is held for this verse.
दधिक्राव्णो अकारिषं जिष्णोरश्वस्य वाजिनः । सुरभि नो मुखा करत्प्र न आयूंषि तारिषत् ॥ ३५८
dadhikrāvṇo akāriṣaṃ jiṣṇoraśvasya vājinaḥ . surabhi no mukhā karatpra na āyūṃṣi tāriṣat .. 358
So have I glorified with praise strong Dadhikravan, conquering Steed. Sweet may he make our mouths; may he prolong the days we have to live.
Translated by Ralph T. H. Griffith (1896)This is the translator's rendering of the same verse where it occurs at RV 4.39.6; the wording of this text may differ in places.
पुरां भिन्दुर्युवा कविरमितौजा अजायत । इन्द्रो विश्वस्य कर्मणो धर्त्ता वज्री पुरुष्टुतः ॥ ३५९
purāṃ bhinduryuvā kaviramitaujā ajāyata . indro viśvasya karmaṇo dharttā vajrī puruṣṭutaḥ .. 359
Crusher of forts, the young, the wise, of strength unmeasured, was he born Sustainer of each sacred rite, Indra, the Thunderer, much-extolled.
Translated by Ralph T. H. Griffith (1896)This is the translator's rendering of the same verse where it occurs at RV 1.11.4; the wording of this text may differ in places.
प्रप्र वस्त्रिष्टुभमिषं वन्दद्वीरायेन्दवे । धिया वो मेधसातये पुरन्ध्या विवासति ॥ ३६०
prapra vastriṣṭubhamiṣaṃ vandadvīrāyendave . dhiyā vo medhasātaye purandhyā vivāsati .. 360
Sanskrit only: no published translation is held for this verse.
कश्यपस्य स्वर्विदो यावाहुः सयुजाविति । ययोर्विश्वमपि व्रतं यज्ञं धीरा निचाय्य ॥ ३६१
kaśyapasya svarvido yāvāhuḥ sayujāviti . yayorviśvamapi vrataṃ yajñaṃ dhīrā nicāyya .. 361
Sanskrit only: no published translation is held for this verse.
अर्चत प्रार्चता नरः प्रियमेधासो अर्चत । अर्चन्तु पुत्रका उत पुरमिद्धृष्ण्वर्चत ॥ ३६२
arcata prārcatā naraḥ priyamedhāso arcata . arcantu putrakā uta puramiddhṛṣṇvarcata .. 362
Sanskrit only: no published translation is held for this verse.
उक्थमिन्द्राय शंस्यं वर्धनं पुरुनिःषिधे । शक्रो यथा सुतेषु नो रारणत्सख्येषु च ॥ ३६३
ukthamindrāya śaṃsyaṃ vardhanaṃ puruniḥṣidhe . śakro yathā suteṣu no rāraṇatsakhyeṣu ca .. 363
To Indra must a laud be said, to strengthen him who freely gives, That Sakra may take pleasure in our friendship and drink-offerings.
Translated by Ralph T. H. Griffith (1896)This is the translator's rendering of the same verse where it occurs at RV 1.10.5; the wording of this text may differ in places.
विश्वानरस्य वस्पतिमनानतस्य शवसः । एवैश्च चर्षणीनामूती हुवे रथानाम् ॥ ३६४
viśvānarasya vaspatimanānatasya śavasaḥ . evaiśca carṣaṇīnāmūtī huve rathānām .. 364
Sanskrit only: no published translation is held for this verse.
स घा यस्ते दिवो नरो धिया मर्तस्य शमतः । ऊती स बृहतो दिवो द्विषो अंहो न तरति ॥ ३६५
sa ghā yaste divo naro dhiyā martasya śamataḥ . ūtī sa bṛhato divo dviṣo aṃho na tarati .. 365
Sanskrit only: no published translation is held for this verse.
विभोष्ट इन्द्र राधसो विभ्वी रातिः शतक्रतो । अथा नो विश्वचर्षणे द्युम्नं सुदत्र मंहय ॥ ३६६
vibhoṣṭa indra rādhaso vibhvī rātiḥ śatakrato . athā no viśvacarṣaṇe dyumnaṃ sudatra maṃhaya .. 366
Sanskrit only: no published translation is held for this verse.
वयश्चित्ते पतत्रिणो द्विपाच्चतुष्पादर्जुनि । उषः प्रारन्नृतूंरनु दिवो अन्तेभ्यस्परि ॥ ३६७
vayaścitte patatriṇo dvipāccatuṣpādarjuni . uṣaḥ prārannṛtūṃranu divo antebhyaspari .. 367
Bright Usas, when thy times return, all quadrupeds and bipeds stir, And round about flock winged birds from all the boundaries of heaven.
Translated by Ralph T. H. Griffith (1896)This is the translator's rendering of the same verse where it occurs at RV 1.49.3; the wording of this text may differ in places.
अमी ये देवा स्थन मध्य आ रोचने दिवः । कद्व ऋतं कदमृतं का प्रत्ना व आहुतिः ॥ ३६८
amī ye devā sthana madhya ā rocane divaḥ . kadva ṛtaṃ kadamṛtaṃ kā pratnā va āhutiḥ .. 368
Sanskrit only: no published translation is held for this verse.
ऋचं साम यजामहे याभ्यां कर्माणि कृण्वते । वि ते सदसि राजतो यज्ञं देवेषु वक्षतः ॥ ३६९
ṛcaṃ sāma yajāmahe yābhyāṃ karmāṇi kṛṇvate . vi te sadasi rājato yajñaṃ deveṣu vakṣataḥ .. 369
Sanskrit only: no published translation is held for this verse.
विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे । क्रत्वे वरे स्थेमन्यामुरीमुतोग्रमोजिष्ठं तरसं तरस्विनम् ॥ ३७०
viśvāḥ pṛtanā abhibhūtaraṃ naraḥ sajūstatakṣurindraṃ jajanuśca rājase . kratve vare sthemanyāmurīmutogramojiṣṭhaṃ tarasaṃ tarasvinam .. 370
Sanskrit only: no published translation is held for this verse.
श्रत्ते दधामि प्रथमाय मन्यवे ऽहन्यद्दस्युं नर्यं विवेरपः । उभे यत्वा रोदसी धावतामनु भ्यसात्ते शुष्मात्पृथिवी चिदद्रिवः ॥ ३७१
śratte dadhāmi prathamāya manyave 'hanyaddasyuṃ naryaṃ viverapaḥ . ubhe yatvā rodasī dhāvatāmanu bhyasātte śuṣmātpṛthivī cidadrivaḥ .. 371
Sanskrit only: no published translation is held for this verse.
समेत विश्वा ओजसा पतिं दिवो य एक इद्भूरतिथिर्जनानाम् स पूर्व्यो नूतनमाजिगीषं तं वर्त्तनीरनु वावृत एक इत् ॥ ३७२
sameta viśvā ojasā patiṃ divo ya eka idbhūratithirjanānām sa pūrvyo nūtanamājigīṣaṃ taṃ varttanīranu vāvṛta eka it .. 372
Sanskrit only: no published translation is held for this verse.
इमे त इन्द्र ते वयं पुरुष्टुत ये त्वारभ्य चरामसि प्रभूवसो । न हि त्वदन्यो गिर्वणो गिरः सघत्क्षोणीरिव प्रति तद्धर्य नो वचः ॥ ३७३
ime ta indra te vayaṃ puruṣṭuta ye tvārabhya carāmasi prabhūvaso . na hi tvadanyo girvaṇo giraḥ saghatkṣoṇīriva prati taddharya no vacaḥ .. 373
Thine, Indra, praised by many, excellently rich! are we who trusting in thy help draw near to thee. Lover of praise, none else but thou receives our laud: as earth loves all her creatures, love thou this our hymn.
Translated by Ralph T. H. Griffith (1896)This is the translator's rendering of the same verse where it occurs at RV 1.57.4; the wording of this text may differ in places.
चर्षणीधृतं मघवानमुक्थ्या३मिन्द्रं गिरो बृहतीरभ्यनूषत । वावृधानं पुरुहूतं सुवृक्तिभिरमर्त्यं जरमाणं दिवेदिवे ॥ ३७४
carṣaṇīdhṛtaṃ maghavānamukthyā3mindraṃ giro bṛhatīrabhyanūṣata . vāvṛdhānaṃ puruhūtaṃ suvṛktibhiramartyaṃ jaramāṇaṃ divedive .. 374
High hymns have sounded forth the praise of Maghavan, supporter of mankind, of Indra meet for lauds; Him who hath waxen great, invoked with beauteous songs, Immortal One, whose praise each day is sung aloud.
Translated by Ralph T. H. Griffith (1896)This is the translator's rendering of the same verse where it occurs at RV 3.51.1; the wording of this text may differ in places.
अच्छा व इन्द्रं मतयः स्वर्युवः सध्रीचीर्विश्वा उशतीरनूषत । परि ष्वजन्त जनयो यथा पतिं मर्यं न शुन्ध्युं मघवानमूतये ॥ ३७५
acchā va indraṃ matayaḥ svaryuvaḥ sadhrīcīrviśvā uśatīranūṣata . pari ṣvajanta janayo yathā patiṃ maryaṃ na śundhyuṃ maghavānamūtaye .. 375
In perfect unison all yearning hymns of mine that find the light of heaven have sung forth Indra's praise. As wives embrace their lord, the comely bridegroom, so they compass Maghavan about that he may help.
Translated by Ralph T. H. Griffith (1896)This is the translator's rendering of the same verse where it occurs at RV 10.43.1; the wording of this text may differ in places.
अभि त्यं मेषं पुरुहूतमृग्मियमिन्द्रं गीर्भिर्मदता वस्वो अर्णवम् । यस्य द्यावो न विचरन्ति मानुषं भुजे मंहिष्ठमभि विप्रमर्चत ॥ ३७६
abhi tyaṃ meṣaṃ puruhūtamṛgmiyamindraṃ gīrbhirmadatā vasvo arṇavam . yasya dyāvo na vicaranti mānuṣaṃ bhuje maṃhiṣṭhamabhi vipramarcata .. 376
Make glad with songs that Ram whom many men invoke, worthy of songs of praise, Indra, the sea of wealth; Whose gracious deeds for men spread like the heavens abroad: sing praise to him the Sage, most liberal for our good.
Translated by Ralph T. H. Griffith (1896)This is the translator's rendering of the same verse where it occurs at RV 1.51.1; the wording of this text may differ in places.
त्यं सु मेषं महया स्वर्विदं शतं यस्य सुभुवः साकमीरते । अत्यं न वाजं हवनस्यदं रथमेन्द्रं ववृत्यामवसे सुवृक्तिभिः ॥ ३७७
tyaṃ su meṣaṃ mahayā svarvidaṃ śataṃ yasya subhuvaḥ sākamīrate . atyaṃ na vājaṃ havanasyadaṃ rathamendraṃ vavṛtyāmavase suvṛktibhiḥ .. 377
I GLORIFY that Ram who finds the light of heaven, whose hundred nobly-natured ones go forth with him. With hymns may I turn hither Indra to mine aid,--the Car which like a strong steed hasteth to the call.
Translated by Ralph T. H. Griffith (1896)This is the translator's rendering of the same verse where it occurs at RV 1.52.1; the wording of this text may differ in places.
घृतवती भुवनानामभिश्रियोर्वी पृथ्वी मधुदुघे सुपेशसा । द्यावापृथिवी वरुणस्य धर्मणा विष्कभिते अजरे भूरिरेतसा ॥ ३७८
ghṛtavatī bhuvanānāmabhiśriyorvī pṛthvī madhudughe supeśasā . dyāvāpṛthivī varuṇasya dharmaṇā viṣkabhite ajare bhūriretasā .. 378
Filled full of fatness, compassing all things that be, wide, spacious, dropping meath, beautiful in their form, The Heaven and the Earth by Varuna's decree, unwasting, rich in germs, stand parted each from each.
Translated by Ralph T. H. Griffith (1896)This is the translator's rendering of the same verse where it occurs at RV 6.70.1; the wording of this text may differ in places.
उभे यदिन्द्र रोदसी आपप्राथोषा इव । महान्तं त्वा महीनां सम्राजं चर्षणीनाम् । देवी जनित्र्यजीजनद्भद्रा जनित्र्यजीजनत् ॥ ३७९
ubhe yadindra rodasī āpaprāthoṣā iva . mahāntaṃ tvā mahīnāṃ samrājaṃ carṣaṇīnām . devī janitryajījanadbhadrā janitryajījanat .. 379
As, like the Morning, thou hast filled, O Indra, both the earth and heaven. So as the Mighty One, great King of all the mighty world of men, the Goddess Mother brought thee forth, the Blessed Mother gave thee life.
Translated by Ralph T. H. Griffith (1896)This is the translator's rendering of the same verse where it occurs at RV 10.134.1; the wording of this text may differ in places.
प्र मन्दिने पितुमदर्चता वचो यः कृष्णगर्भा निरहन्नृजिश्वना । अवस्यवो वृषणं वज्रदक्षिणं मरुत्वन्तं सख्याय हुवेमहि ॥ ३८०
pra mandine pitumadarcatā vaco yaḥ kṛṣṇagarbhā nirahannṛjiśvanā . avasyavo vṛṣaṇaṃ vajradakṣiṇaṃ marutvantaṃ sakhyāya huvemahi .. 380
Sing, with oblation, praise to him who maketh glad, who with Rjisvan drove the dusky brood away. Fain for help, him the strong whose right hand wields the bolt, him girt by Maruts we invoke to be our Friend.
Translated by Ralph T. H. Griffith (1896)This is the translator's rendering of the same verse where it occurs at RV 1.101.1; the wording of this text may differ in places.
इन्द्र सुतेषु सोमेषु क्रतुं पुनीष उक्थ्यम् । विदे वृधस्य दक्षस्य महां हि षः ॥ ३८१
indra suteṣu someṣu kratuṃ punīṣa ukthyam . vide vṛdhasya dakṣasya mahāṃ hi ṣaḥ .. 381
Sanskrit only: no published translation is held for this verse.
तमु अभि प्र गायत पुरुहूतं पुरुष्टुतम् । इन्द्रं गीर्भिस्तविषमा विवासत ॥ ३८२
tamu abhi pra gāyata puruhūtaṃ puruṣṭutam . indraṃ gīrbhistaviṣamā vivāsata .. 382
Sing forth to him whom many men invoke, to him whom many laud. Invite the powerful Indra with your songs of praise.
Translated by Ralph T. H. Griffith (1896)This is the translator's rendering of the same verse where it occurs at RV 8.15.1; the wording of this text may differ in places.
तं ते मदं गृणीमसि वृषणं पृक्षु सासहिम् । उ लोककृत्नुमद्रिवो हरिश्रियम् ॥ ३८३
taṃ te madaṃ gṛṇīmasi vṛṣaṇaṃ pṛkṣu sāsahim . u lokakṛtnumadrivo hariśriyam .. 383
We sing this strong and wild delight of thine which conquers in the fray, Which, Caster of the Stone! gives room and shines like gold.
Translated by Ralph T. H. Griffith (1896)This is the translator's rendering of the same verse where it occurs at RV 8.15.4; the wording of this text may differ in places.
यत्सोममिन्द्र विष्णवि यद्वा घ त्रित आप्त्ये । यद्वा मरुत्सु मन्दसे समिन्दुभिः ॥ ३८४
yatsomamindra viṣṇavi yadvā gha trita āptye . yadvā marutsu mandase samindubhiḥ .. 384
If, Indra, thou drink Soma by Visnu's or Trta Aptya's side, Or with the Maruts take delight in flowing drops;
Translated by Ralph T. H. Griffith (1896)This is the translator's rendering of the same verse where it occurs at RV 8.12.16; the wording of this text may differ in places.
एदु मधोर्मदिन्तरं सिञ्चाध्वर्यो अन्धसः । एवा हि वीरस्तवते सदावृधः ॥ ३८५
edu madhormadintaraṃ siñcādhvaryo andhasaḥ . evā hi vīrastavate sadāvṛdhaḥ .. 385
O ministering priest, pour out of the sweet juice what gladdens most: So is the Hero praised who ever prospers us.
Translated by Ralph T. H. Griffith (1896)This is the translator's rendering of the same verse where it occurs at RV 8.24.16; the wording of this text may differ in places.
एन्दुमिन्द्राय सिञ्चत पिबाति सोम्यं मधु । प्र राधांसि चोदयते महित्वना ॥ ३८६
endumindrāya siñcata pibāti somyaṃ madhu . pra rādhāṃsi codayate mahitvanā .. 386
For Indra pour ye out the drops meath blent with Soma let him drink With bounty and with majesty will he further us.
Translated by Ralph T. H. Griffith (1896)This is the translator's rendering of the same verse where it occurs at RV 8.24.13; the wording of this text may differ in places.
एतो न्विन्द्रं स्तवाम सखायः स्तोम्यं नरम् । कृष्टीर्यो विश्वा अभ्यस्त्येक इत् ॥ ३८७
eto nvindraṃ stavāma sakhāyaḥ stomyaṃ naram . kṛṣṭīryo viśvā abhyastyeka it .. 387
Come, sing we praise to Indra, friends, the Hero who deserves the laud, Him who with none to aid o'ercomes all tribes of men.
Translated by Ralph T. H. Griffith (1896)This is the translator's rendering of the same verse where it occurs at RV 8.24.19; the wording of this text may differ in places.
इन्द्राय साम गायत विप्राय बृहते बृहत् । ब्रह्मकृते विपश्चिते पनस्यवे ॥ ३८८
indrāya sāma gāyata viprāya bṛhate bṛhat . brahmakṛte vipaścite panasyave .. 388
Sanskrit only: no published translation is held for this verse.
य एक इद्विदयते वसु मर्ताय दाशुषे । ईशानो अप्रतिष्कुत इन्द्रो अङ्ग ॥ ३८९
ya eka idvidayate vasu martāya dāśuṣe . īśāno apratiṣkuta indro aṅga .. 389
He who alone bestoweth on mortal man who offereth gifts, The ruler of resistless power, is Indra, sure.
Translated by Ralph T. H. Griffith (1896)This is the translator's rendering of the same verse where it occurs at RV 1.84.7; the wording of this text may differ in places.
सखाय आ शिषामहे ब्रह्मेन्द्राय वज्रिणे । स्तुष ऊ षु वो नृतमाय धृष्णवे ॥ ३९०
sakhāya ā śiṣāmahe brahmendrāya vajriṇe . stuṣa ū ṣu vo nṛtamāya dhṛṣṇave .. 390
Companions, let us learn a prayer to Indra, whom the thunder arms, To glorify your bold and most heroic Friend.
Translated by Ralph T. H. Griffith (1896)This is the translator's rendering of the same verse where it occurs at RV 8.24.1; the wording of this text may differ in places.