Sāmavidhāna Brāhmaṇa 1.5

अथातः प्रायश्चित्तानाम्

athātaḥ prāyaścittānām

Sanskrit only: no published translation is held for this verse.

अनादेशे मन्त्रा बलवन्तस् तपोऽन्विताः पावना भवन्ति

anādeśe mantrā balavantas tapo'nvitāḥ pāvanā bhavanti

Sanskrit only: no published translation is held for this verse.

आपन्नः प्रायश्चित्तं चरेत्

āpannaḥ prāyaścittaṃ caret

Sanskrit only: no published translation is held for this verse.

अभ्यासः साम्नां शतं दशावरम्

abhyāsaḥ sāmnāṃ śataṃ daśāvaram

Sanskrit only: no published translation is held for this verse.

काहलम् उक्त्वा दधिक्राव्णो अकारिषम् इत्य् एतद् गायेत्

kāhalam uktvā dadhikrāvṇo akāriṣam ity etad gāyet

Sanskrit only: no published translation is held for this verse.

परुषम् उक्त्वेदं विष्णुर् विचक्रम इति

paruṣam uktvedaṃ viṣṇur vicakrama iti

Sanskrit only: no published translation is held for this verse.

ब्राह्मणम् उक्त्वा त्रिः

brāhmaṇam uktvā triḥ

Sanskrit only: no published translation is held for this verse.

भ्रातरं मातुलं पितृव्यम् इति गुरुजातीयान् प्रसाद्य पक्षिणीं रात्रिम् उपोष्य तवाहं सोम रारणेति प्रथमम् एकविंशतिकृत्वः

bhrātaraṃ mātulaṃ pitṛvyam iti gurujātīyān prasādya pakṣiṇīṃ rātrim upoṣya tavāhaṃ soma rāraṇeti prathamam ekaviṃśatikṛtvaḥ

Sanskrit only: no published translation is held for this verse.

उपाध्यायं मातरं पितरम् इत्य् एतेषु त्रिरात्रम् उपवसेन् नेतरस्यैवान्त्यम्

upādhyāyaṃ mātaraṃ pitaram ity eteṣu trirātram upavasen netarasyaivāntyam

Sanskrit only: no published translation is held for this verse.

अनध्याप्यम् अध्याप्य सप्तरात्रम् उपवसन् सदा गावः शुचयो विश्वधायस इत्य् एतद् गायेत्

anadhyāpyam adhyāpya saptarātram upavasan sadā gāvaḥ śucayo viśvadhāyasa ity etad gāyet

Sanskrit only: no published translation is held for this verse.

अयाज्ययाजने दक्षिणास् त्यक्त्वा मासं चतुर्थे काले भुञ्जानः कानीत्य् एतद् गायेत्

ayājyayājane dakṣiṇās tyaktvā māsaṃ caturthe kāle bhuñjānaḥ kānīty etad gāyet

Sanskrit only: no published translation is held for this verse.

अमेध्यदर्शने ये ते पन्था अधो दिव इति तथामेध्यघ्राणे

amedhyadarśane ye te panthā adho diva iti tathāmedhyaghrāṇe

Sanskrit only: no published translation is held for this verse.

अभोज्यभोजने ऽमेध्यप्राशने वा निष्पुरीषीभावस् त्रिरात्रावरं तूपवसन् नेतो न्व् इन्द्रं स्तवाम शुद्धम् इति पूर्वं सदा सहस्रकृत्व आवर्तयन्

abhojyabhojane 'medhyaprāśane vā niṣpurīṣībhāvas trirātrāvaraṃ tūpavasan neto nv indraṃ stavāma śuddham iti pūrvaṃ sadā sahasrakṛtva āvartayan

Sanskrit only: no published translation is held for this verse.

बहून्य् अप्य् उपपतनीयानि कृत्वा त्रिभिर् अनश्नत्पारायणैः पूतो भवति

bahūny apy upapatanīyāni kṛtvā tribhir anaśnatpārāyaṇaiḥ pūto bhavati

Sanskrit only: no published translation is held for this verse.

सुरां पीत्वा संवत्सरम् अष्टमे काले भुञ्जानो यत् पाण्योः सम्भवेद् अवाङ्नाभ्य् ऊर्ध्वंजानु परिहितस् त्रिर् अह्न उपस्पृशंस् तथा रात्रौ स्थानासनाभ्यां पवित्रं त इत्य् उत्तरेणाहोरात्राणि जपन् ग्रामद्वारे स्थानासनभोजनानि यत्र लभेत् तत्र वसेन् न प्रवसेत् स्वकर्मणाभिभाषेत चतुर्णां ब्राह्मणानाम् अग्रतः प्राश्नीयात् ग्रामद्वारस्यैवाग्रत आवश्यकायाभिक्रामेत् अतो ऽन्यथा शङ्क्यम् पूर्णे संवत्सरे तैलं लवणं क्षुरम् अग्निं गां बीजानीत्य् आलब्धवन्तं ब्राह्मणा ब्रूयुश् चरितं तवेत्य् ओम् भो इति ब्रूयात् सप्तावरान् सप्त परान् हन्त्य् अनृतं चरितं तव सुचरितं तवेत्य् ओम् भो इति ब्रूयात् अत ऊर्ध्वं केशश्मश्रुलोमनखानि वापयित्वाहतं वसनं परिधाय ब्राह्मणान् स्वस्ति वाचयित्वा पूतो भवति

surāṃ pītvā saṃvatsaram aṣṭame kāle bhuñjāno yat pāṇyoḥ sambhaved avāṅnābhy ūrdhvaṃjānu parihitas trir ahna upaspṛśaṃs tathā rātrau sthānāsanābhyāṃ pavitraṃ ta ity uttareṇāhorātrāṇi japan grāmadvāre sthānāsanabhojanāni yatra labhet tatra vasen na pravaset svakarmaṇābhibhāṣeta caturṇāṃ brāhmaṇānām agrataḥ prāśnīyāt grāmadvārasyaivāgrata āvaśyakāyābhikrāmet ato 'nyathā śaṅkyam pūrṇe saṃvatsare tailaṃ lavaṇaṃ kṣuram agniṃ gāṃ bījānīty ālabdhavantaṃ brāhmaṇā brūyuś caritaṃ tavety om bho iti brūyāt saptāvarān sapta parān hanty anṛtaṃ caritaṃ tava sucaritaṃ tavety om bho iti brūyāt ata ūrdhvaṃ keśaśmaśrulomanakhāni vāpayitvāhataṃ vasanaṃ paridhāya brāhmaṇān svasti vācayitvā pūto bhavati

Sanskrit only: no published translation is held for this verse.

एतेन कल्पेन भ्रूणहा पूर्वम् एतेन ब्रह्महा शुद्धाशुद्धीयम् उत्तरम् एतेन सुवर्णस्तेनो ऽभित्रिपृष्ठम् इत्य् अभि त्रिपृष्ठम् इति

etena kalpena bhrūṇahā pūrvam etena brahmahā śuddhāśuddhīyam uttaram etena suvarṇasteno 'bhitripṛṣṭham ity abhi tripṛṣṭham iti

Sanskrit only: no published translation is held for this verse.