Sāmavidhāna Brāhmaṇa 1.7

राज्ञः प्रतिगृह्य मासम् उदके वसन् दिवा भुञ्जानो महत् तत् सोमो महिषश् चकारेत्य् एतद् गायेत्

rājñaḥ pratigṛhya māsam udake vasan divā bhuñjāno mahat tat somo mahiṣaś cakārety etad gāyet

Sanskrit only: no published translation is held for this verse.

अन्यस्याप्रतिग्राह्यस्य कृच्छ्रं चरंस् त्रिकद्रुकेष्व् इत्य् एतत्

anyasyāpratigrāhyasya kṛcchraṃ caraṃs trikadrukeṣv ity etat

Sanskrit only: no published translation is held for this verse.

अदत्तादान एकरात्रम् उपवसन्न् अग्निस् तिग्मेनेति द्वितीयम्

adattādāna ekarātram upavasann agnis tigmeneti dvitīyam

Sanskrit only: no published translation is held for this verse.

ब्राह्मणायावगूर्य प्राणं गायेत् निहत्यापानम् शोणिते क्षरति प्र सोम देववीतय इति द्वितीयम्

brāhmaṇāyāvagūrya prāṇaṃ gāyet nihatyāpānam śoṇite kṣarati pra soma devavītaya iti dvitīyam

Sanskrit only: no published translation is held for this verse.

राजन्यवैश्यौ सवनगतौ हत्वा ब्राह्मणस्वकल्पेन शुद्धाशुद्धीयम् उत्तरम्

rājanyavaiśyau savanagatau hatvā brāhmaṇasvakalpena śuddhāśuddhīyam uttaram

Sanskrit only: no published translation is held for this verse.

शूद्रं हत्वा द्वादशरात्रम् उपवास उदके च वासो ऽयं त इन्द्र सोम इति द्वितीयम्

śūdraṃ hatvā dvādaśarātram upavāsa udake ca vāso 'yaṃ ta indra soma iti dvitīyam

Sanskrit only: no published translation is held for this verse.

गां हत्वा द्वादशरात्रम् उपवास उदके च वासो वयं घ त्वा सुतावन्त इति द्वितीयम्

gāṃ hatvā dvādaśarātram upavāsa udake ca vāso vayaṃ gha tvā sutāvanta iti dvitīyam

Sanskrit only: no published translation is held for this verse.

अन्यत् प्राणि हत्वैकरात्रम् उपवसन्न् अग्निस् तिग्मेनेति द्वितीयम्

anyat prāṇi hatvaikarātram upavasann agnis tigmeneti dvitīyam

Sanskrit only: no published translation is held for this verse.

अवकीर्णी त्रीन् कृच्छ्रांश् चरन् परीतो षिञ्चता सुतम् इति चतुर्थम् आवर्तयेत्

avakīrṇī trīn kṛcchrāṃś caran parīto ṣiñcatā sutam iti caturtham āvartayet

Sanskrit only: no published translation is held for this verse.

एतेन कल्पेन परिवेत्ता परिविन्दश् च सोमं राजानं वरुणम् इत्य् एतत्

etena kalpena parivettā parivindaś ca somaṃ rājānaṃ varuṇam ity etat

Sanskrit only: no published translation is held for this verse.

अयोनौ रेतः सिक्त्वाग्निर् मूर्धा घृतवती द्वितीयं यद् इतस् तन्वो ममेति च

ayonau retaḥ siktvāgnir mūrdhā ghṛtavatī dvitīyaṃ yad itas tanvo mameti ca

Sanskrit only: no published translation is held for this verse.

शूद्रजीविकायां सेवित्वोपरम्य त्रीन् कृच्छ्रांश् चरंश् चक्रम् इत्य् एतद् गायेत्

śūdrajīvikāyāṃ sevitvoparamya trīn kṛcchrāṃś caraṃś cakram ity etad gāyet

Sanskrit only: no published translation is held for this verse.

वैश्यजीविकायां वयः सुपर्णा इत्य् एतत् राजन्यजीविकायां पवस्व सोम मधुमाꣳ ऋतावेत्य् एतद् अभि त्वं मेषम् इति वा

vaiśyajīvikāyāṃ vayaḥ suparṇā ity etat rājanyajīvikāyāṃ pavasva soma madhumāṁ ṛtāvety etad abhi tvaṃ meṣam iti vā

Sanskrit only: no published translation is held for this verse.

सदा प्रयोगः

sadā prayogaḥ

Sanskrit only: no published translation is held for this verse.

ब्राह्मणम् अनृतम् अभिशस्य तत्पापं प्रतिपद्यते गुह्यं प्रकाशयन्न् अर्धभाग् भवति

brāhmaṇam anṛtam abhiśasya tatpāpaṃ pratipadyate guhyaṃ prakāśayann ardhabhāg bhavati

Sanskrit only: no published translation is held for this verse.

अग्निस् तिग्मेनेति वर्गं प्रयुञ्जानस् तेन तत् तरति तेन तत् तरति

agnis tigmeneti vargaṃ prayuñjānas tena tat tarati tena tat tarati

Sanskrit only: no published translation is held for this verse.