अथातो धान्यानाम्
athāto dhānyānām
Sanskrit only: no published translation is held for this verse.
Library·Sāmavidhāna Brāhmaṇa·3
Sāmavidhāna Brāhmaṇa 3
शुक्लवाससा प्रयोगः स्नानम् अवलेखनम् अनिष्ठीवनं सदा चाञ्जनं सत्यवचनं सुमनसां धारणं केशश्मश्रुलोमनखानां तु नान्यत्र व्रताद् दारान् एवोपेयात् काले एवंव्रतो यद् उदीरत आ हर्यतायेति वर्ग एतेषाम् एकम् अनेकं वा सर्वाणि वा प्रयुञ्जानः श्रीमान् यशस्वी पुष्टिमान् धन्यो भवति
śuklavāsasā prayogaḥ snānam avalekhanam aniṣṭhīvanaṃ sadā cāñjanaṃ satyavacanaṃ sumanasāṃ dhāraṇaṃ keśaśmaśrulomanakhānāṃ tu nānyatra vratād dārān evopeyāt kāle evaṃvrato yad udīrata ā haryatāyeti varga eteṣām ekam anekaṃ vā sarvāṇi vā prayuñjānaḥ śrīmān yaśasvī puṣṭimān dhanyo bhavati
Sanskrit only: no published translation is held for this verse.
गिर्वणः पाहि नः सुतम् इति चैतत् सदा प्रयुञ्जीत मयि श्रीर् इति चास्य निधनं कुर्याच् छ्रीमान् भवति
girvaṇaḥ pāhi naḥ sutam iti caitat sadā prayuñjīta mayi śrīr iti cāsya nidhanaṃ kuryāc chrīmān bhavati
Sanskrit only: no published translation is held for this verse.
त्रीन् वोदकाञ्जलीन्त् सदाचामेद् अयं सहस्रमानव इत्य् एताभ्यां श्रीर् इति चोत्तरस्य निधनं कुर्यात् श्रीमान् भवति
trīn vodakāñjalīnt sadācāmed ayaṃ sahasramānava ity etābhyāṃ śrīr iti cottarasya nidhanaṃ kuryāt śrīmān bhavati
Sanskrit only: no published translation is held for this verse.
सक्तुमन्थं दधिमधुघृतमिश्रम् आ त्वा विशन्त्व् इन्दव इत्य् एतेन संनयेत् आ मा विशन्त्व् इन्दवो न माम् इन्द्रातिरिच्यत इत्य् एतेन पिबेत् अलक्ष्मीं नुदते
saktumanthaṃ dadhimadhughṛtamiśram ā tvā viśantv indava ity etena saṃnayet ā mā viśantv indavo na mām indrātiricyata ity etena pibet alakṣmīṃ nudate
Sanskrit only: no published translation is held for this verse.
तिष्येण घृतं क्रीणीयात् आयाहि सुषुमा हि त इत्य् एतेन पिबेत् अलक्ष्मीं नुदते
tiṣyeṇa ghṛtaṃ krīṇīyāt āyāhi suṣumā hi ta ity etena pibet alakṣmīṃ nudate
Sanskrit only: no published translation is held for this verse.
गौरान्त् सर्षपांस् तिष्येण चूर्णं कारयित्वेन्द्रेहि मत्स्यन्धस इत्य् एतेन संयूय तैर् मुखं पाणी च सर्वाणि चाङ्गानि सर्वांश् च संश्लेषानुत्सादयन्न् अलक्ष्मीं नुदते
gaurānt sarṣapāṃs tiṣyeṇa cūrṇaṃ kārayitvendrehi matsyandhasa ity etena saṃyūya tair mukhaṃ pāṇī ca sarvāṇi cāṅgāni sarvāṃś ca saṃśleṣānutsādayann alakṣmīṃ nudate
Sanskrit only: no published translation is held for this verse.
गौरान्त् सर्षपान् अग्नौ जुहुयाद् यद् वीडाव् इन्द्र यत् स्थिर इत्य् एतेन हिरण्यं लभते
gaurānt sarṣapān agnau juhuyād yad vīḍāv indra yat sthira ity etena hiraṇyaṃ labhate
Sanskrit only: no published translation is held for this verse.
व्रीहियवान् अग्नौ जुहुयात् सुनीथो घ स मर्त्य इत्य् एतेन धान्यं लभते
vrīhiyavān agnau juhuyāt sunītho gha sa martya ity etena dhānyaṃ labhate
Sanskrit only: no published translation is held for this verse.
व्रीहियवौ सर्पिर्मधुमिश्राव् आस्ये ऽवधाय स पूर्व्यो महोनाम् इत्य् एतन् मनसानुद्रुत्यान्ते स्वाहाकारेण निगिरेत् एवं सदा प्रयुञ्जानः सहस्रं लभते
vrīhiyavau sarpirmadhumiśrāv āsye 'vadhāya sa pūrvyo mahonām ity etan manasānudrutyānte svāhākāreṇa nigiret evaṃ sadā prayuñjānaḥ sahasraṃ labhate
Sanskrit only: no published translation is held for this verse.
इम उ त्वा विचक्षत इत्य् एतेनाहुतिसहस्रं जुहुयात् सहस्रं लभते
ima u tvā vicakṣata ity etenāhutisahasraṃ juhuyāt sahasraṃ labhate
Sanskrit only: no published translation is held for this verse.
मासोपोषितो बिल्वानां दधिमधुघृताक्तानां श्रायन्तीयेनाष्टसहस्रं जुहुयात् सिद्धे सौवर्णान्य् असिद्धे राजतानि
māsopoṣito bilvānāṃ dadhimadhughṛtāktānāṃ śrāyantīyenāṣṭasahasraṃ juhuyāt siddhe sauvarṇāny asiddhe rājatāni
Sanskrit only: no published translation is held for this verse.
नैयग्रोधं दन्तपवनं घृतमधुलिप्तं गव्यो षु ण इत्य् एताभ्याम् अनिष्ठीवन्त् संवत्सरं भक्षयन्त् सहस्रं लभते सहस्रं लभते
naiyagrodhaṃ dantapavanaṃ ghṛtamadhuliptaṃ gavyo ṣu ṇa ity etābhyām aniṣṭhīvant saṃvatsaraṃ bhakṣayant sahasraṃ labhate sahasraṃ labhate
Sanskrit only: no published translation is held for this verse.
त्रिरात्रोपोषितो भद्रो नो अग्निर् आहुत इत्य् एतेनाहुतिसहस्रं जुहुयात् सहस्रं लभते
trirātropoṣito bhadro no agnir āhuta ity etenāhutisahasraṃ juhuyāt sahasraṃ labhate
Sanskrit only: no published translation is held for this verse.
औदुम्बरीर् वा समिधो घृताक्ताः सहस्रं जुहुयात् गा लभते
audumbarīr vā samidho ghṛtāktāḥ sahasraṃ juhuyāt gā labhate
Sanskrit only: no published translation is held for this verse.
व्रीहियवान् अग्नौ जुहुयात् धान्यं लभते
vrīhiyavān agnau juhuyāt dhānyaṃ labhate
Sanskrit only: no published translation is held for this verse.
द्वादशरात्रोपोषित एवा ह्य् असि वीरयुर् इत्य् एतेनाहुतिसहस्रं जुहुयात् ग्रामं लभते एतांश् च सर्वान् कामान् अवाप्नोति
dvādaśarātropoṣita evā hy asi vīrayur ity etenāhutisahasraṃ juhuyāt grāmaṃ labhate etāṃś ca sarvān kāmān avāpnoti
Sanskrit only: no published translation is held for this verse.
श्रत्तष्टकं प्रयुञ्जानः प्रथमेन हिरण्यं लभते द्वितीयेन धान्यं तृतीयेन पशून् चतुर्थेन पुत्रान् पञ्चमेन ग्रामान् षष्ठेन यशः सप्तमेन ब्रह्मवर्चसम् अष्टमेन स्वर्गं लोकम् अवाप्नोति
śrattaṣṭakaṃ prayuñjānaḥ prathamena hiraṇyaṃ labhate dvitīyena dhānyaṃ tṛtīyena paśūn caturthena putrān pañcamena grāmān ṣaṣṭhena yaśaḥ saptamena brahmavarcasam aṣṭamena svargaṃ lokam avāpnoti
Sanskrit only: no published translation is held for this verse.
संवत्सरं गोग्रासम् आहरेद् गावश् चिद्ध समन्यव इत्य् एतेनानन्त्यां विन्दते श्रियम्
saṃvatsaraṃ gogrāsam āhared gāvaś ciddha samanyava ity etenānantyāṃ vindate śriyam
Sanskrit only: no published translation is held for this verse.
वैरूपाष्टकं नित्यं प्रयुञ्जानो लक्ष्मीं जुषते
vairūpāṣṭakaṃ nityaṃ prayuñjāno lakṣmīṃ juṣate
Sanskrit only: no published translation is held for this verse.
अन्त्यं वा जानुदघ्न उदके तिष्ठन्
antyaṃ vā jānudaghna udake tiṣṭhan
Sanskrit only: no published translation is held for this verse.
नाभिदघ्ने धान्यं कक्षदघ्ने पशून् आस्यदघ्ने पुत्रान् ग्रामं च
nābhidaghne dhānyaṃ kakṣadaghne paśūn āsyadaghne putrān grāmaṃ ca
Sanskrit only: no published translation is held for this verse.
अनपेक्षितो वासकृद् गीत्वोत्तीर्णः सहस्रं लभते
anapekṣito vāsakṛd gītvottīrṇaḥ sahasraṃ labhate
Sanskrit only: no published translation is held for this verse.
आहुतिसहस्रं वा जुहुयात् सामान्तेषु स्वाहाकारैः
āhutisahasraṃ vā juhuyāt sāmānteṣu svāhākāraiḥ
Sanskrit only: no published translation is held for this verse.
एतेषां कल्पानां यथा भूयस् तथा श्रेयस् तथा श्रेयः
eteṣāṃ kalpānāṃ yathā bhūyas tathā śreyas tathā śreyaḥ
Sanskrit only: no published translation is held for this verse.
गाः प्रकाल्यमानाश् चोपकाल्यमानाश् च सदोपतिष्ठेत गव्यो षु ण इत्य् एताभ्यां स्फीयन्ते बहुला भवन्ति
gāḥ prakālyamānāś copakālyamānāś ca sadopatiṣṭheta gavyo ṣu ṇa ity etābhyāṃ sphīyante bahulā bhavanti
Sanskrit only: no published translation is held for this verse.
सदा भोजनस्योपनीतस्याग्रम् अग्नौ जुहुयाद् अग्ने विवस्वद् उषस इति पूर्वेण बलिं चोत्तरेण कुर्याद् बहुपशुधनधान्यो भवति
sadā bhojanasyopanītasyāgram agnau juhuyād agne vivasvad uṣasa iti pūrveṇa baliṃ cottareṇa kuryād bahupaśudhanadhānyo bhavati
Sanskrit only: no published translation is held for this verse.
अष्टरात्रोपोषितो ऽमावास्यायां निश्य् एकवृक्षे क्षीरिण्य् अरण्ये मांसं सुसंस्कृतम् एकतृप्त्यवरार्ध्यं माणिभद्रायोपहरेद् एष स्य ते मधुमाꣳ इन्द्र सोम इत्य् एतेन हिरण्यद्रोणं लभते
aṣṭarātropoṣito 'māvāsyāyāṃ niśy ekavṛkṣe kṣīriṇy araṇye māṃsaṃ susaṃskṛtam ekatṛptyavarārdhyaṃ māṇibhadrāyopahared eṣa sya te madhumāṁ indra soma ity etena hiraṇyadroṇaṃ labhate
Sanskrit only: no published translation is held for this verse.
त्रिरात्रोपोषितः शुक्लचतुर्दश्यां शौनं मांसं पायसं वोपहरेत् त्रिर् अस्मै सप्त धेनवो दुदुहिर इत्य् एतेन दैवान् पोषान् पुष्यति बहुपुरुषं चास्य भवति क्रियाश् चानेन कुरुते
trirātropoṣitaḥ śuklacaturdaśyāṃ śaunaṃ māṃsaṃ pāyasaṃ vopaharet trir asmai sapta dhenavo duduhira ity etena daivān poṣān puṣyati bahupuruṣaṃ cāsya bhavati kriyāś cānena kurute
Sanskrit only: no published translation is held for this verse.
त्रिरात्रोपोषितः कृष्णचतुर्दश्यां मत्स्यान् उपहरेन् महाराजाय संश्रवस इति वर्गेणासुरान् पोषान् पुष्यति बहुपुरुषं चास्य भवति क्रियाश् चानेन कुरुते
trirātropoṣitaḥ kṛṣṇacaturdaśyāṃ matsyān upaharen mahārājāya saṃśravasa iti vargeṇāsurān poṣān puṣyati bahupuruṣaṃ cāsya bhavati kriyāś cānena kurute
Sanskrit only: no published translation is held for this verse.
अथातो वास्तुशमनम्
athāto vāstuśamanam
Sanskrit only: no published translation is held for this verse.
प्रदक्षिणं प्रतिदिशं रज्ज्वा यच्छेत् अवान्तरदेशेषु च यत्राभिसमेयुस् तत्रोपलिम्पेत् रज्ज्वन्तेषु च शमीपलाशश्रीपर्णिनां पत्रैर् वास्तूपकिरेत् अक्षतैश् च सुमनोभिश् च पूर्वैः प्रोष्ठपदैर् गृहे ऽग्निं प्रतिष्ठाप्य धानावन्तं करम्भिणम् इत्य् एतद् गीत्वा पायसम् अग्नौ जुहुयात् परेषां च पलाशपर्णमध्यमेषु बल्युपहारः प्रजापतये स्वाहेति मध्य उपहरेद् इन्द्रायेति पुरस्ताद् वायव इत्य् अवान्तरदेशे वरुणायेति पश्चान् महाराजायेत्य् अवान्तरदेशे सोमायेत्य् उत्तरतो महेन्द्रायेत्य् अवान्तरदेशे वासुकय इत्य् अधस्ताद् ऊर्ध्वं नमो ब्रह्मण इति दिवि बहुपशुधनधान्यहिरण्यम् आयुष्मत्पुरुषं वीरसूसुभगाविधवस्त्रीकं शिवं पुण्यं वास्तु भवति चतुर्षु मासेषु प्रयोगः संवत्सरे वा पुनः प्रयोगः पुनः प्रयोगः
pradakṣiṇaṃ pratidiśaṃ rajjvā yacchet avāntaradeśeṣu ca yatrābhisameyus tatropalimpet rajjvanteṣu ca śamīpalāśaśrīparṇināṃ patrair vāstūpakiret akṣataiś ca sumanobhiś ca pūrvaiḥ proṣṭhapadair gṛhe 'gniṃ pratiṣṭhāpya dhānāvantaṃ karambhiṇam ity etad gītvā pāyasam agnau juhuyāt pareṣāṃ ca palāśaparṇamadhyameṣu balyupahāraḥ prajāpataye svāheti madhya upahared indrāyeti purastād vāyava ity avāntaradeśe varuṇāyeti paścān mahārājāyety avāntaradeśe somāyety uttarato mahendrāyety avāntaradeśe vāsukaya ity adhastād ūrdhvaṃ namo brahmaṇa iti divi bahupaśudhanadhānyahiraṇyam āyuṣmatpuruṣaṃ vīrasūsubhagāvidhavastrīkaṃ śivaṃ puṇyaṃ vāstu bhavati caturṣu māseṣu prayogaḥ saṃvatsare vā punaḥ prayogaḥ punaḥ prayogaḥ
Sanskrit only: no published translation is held for this verse.
अथातो ऽदृष्टदर्शनम्
athāto 'dṛṣṭadarśanam
Sanskrit only: no published translation is held for this verse.
संकरात् संकरेवासिनीम् आवहेच्छूर्पेणाक्षतान् गन्धान्त् सुमनसश् चात्र कृत्वा संविष्टिः प्राक्शिराः शुचौ देशे शिरस्तः कृत्वा क इमम् उ हुवेत्य् एतद् गीत्वा वाग्यतः प्रस्वपेत् पश्यति ह
saṃkarāt saṃkarevāsinīm āvahecchūrpeṇākṣatān gandhānt sumanasaś cātra kṛtvā saṃviṣṭiḥ prākśirāḥ śucau deśe śirastaḥ kṛtvā ka imam u huvety etad gītvā vāgyataḥ prasvapet paśyati ha
Sanskrit only: no published translation is held for this verse.
गरगोलिकां वा समुद्गे ऽवधायायाहि सुषमा हि त इत्य् एतद् गीत्वा वाग्यतः प्रस्वपेत् पश्यति ह
garagolikāṃ vā samudge 'vadhāyāyāhi suṣamā hi ta ity etad gītvā vāgyataḥ prasvapet paśyati ha
Sanskrit only: no published translation is held for this verse.
कन्यां वोपवासयेद् अदृष्टरजसम् आदर्शं चायम् अग्निः श्रेष्ठतम इत्य् एतेन व्युष्टायां रात्राव् एतेनैवाभिगीय परिमृज्य ब्रूयात् पश्येति पश्यति ह
kanyāṃ vopavāsayed adṛṣṭarajasam ādarśaṃ cāyam agniḥ śreṣṭhatama ity etena vyuṣṭāyāṃ rātrāv etenaivābhigīya parimṛjya brūyāt paśyeti paśyati ha
Sanskrit only: no published translation is held for this verse.
उदशरावं वोपवासयेत् प्र मित्राय प्रार्यम्ण इत्य् एतेन व्युष्टायां रात्राव् एतेनैवाभिगीय परिमृज्य ब्रूयात् पश्येति पश्यति ह
udaśarāvaṃ vopavāsayet pra mitrāya prāryamṇa ity etena vyuṣṭāyāṃ rātrāv etenaivābhigīya parimṛjya brūyāt paśyeti paśyati ha
Sanskrit only: no published translation is held for this verse.
वंशमय्यौ वा शलाके गन्धैः प्रलिप्य मध्यमेनोपवासयेद् व्युष्टायां रात्राव् एतेनैवाभिगीय परिमृज्य ब्रह्मचारिणौ ब्रूयाद् धारयतम् इति संनमत्योः सिद्धिं विद्यात्
vaṃśamayyau vā śalāke gandhaiḥ pralipya madhyamenopavāsayed vyuṣṭāyāṃ rātrāv etenaivābhigīya parimṛjya brahmacāriṇau brūyād dhārayatam iti saṃnamatyoḥ siddhiṃ vidyāt
Sanskrit only: no published translation is held for this verse.
यष्टिं वान्त्येन चतुरङ्गुलशो निमायोपवासयेत् व्युष्टायां रात्राव् एतेनैवाभिगीय परिमृज्य प्रमिणुयाद् अङ्गुलिपर्वभिः पूर्यमाणेषु सिध्यति
yaṣṭiṃ vāntyena caturaṅgulaśo nimāyopavāsayet vyuṣṭāyāṃ rātrāv etenaivābhigīya parimṛjya pramiṇuyād aṅguliparvabhiḥ pūryamāṇeṣu sidhyati
Sanskrit only: no published translation is held for this verse.
आषाढ्यां पौर्णमास्यां बीजानि धारयित्वोपवासयेत् तुलां चेन्द्रम् इद् देवतातय इत्य् एतेन व्युष्टायां रात्राव् एतेनैवाभिगीय परिमृज्य प्रोक्ष्य धारयेत् यानि गरीयांसि तान्य् ऋध्यन्ते
āṣāḍhyāṃ paurṇamāsyāṃ bījāni dhārayitvopavāsayet tulāṃ cendram id devatātaya ity etena vyuṣṭāyāṃ rātrāv etenaivābhigīya parimṛjya prokṣya dhārayet yāni garīyāṃsi tāny ṛdhyante
Sanskrit only: no published translation is held for this verse.
अक्षतानां द्वौ राशी कुर्याद् भावाभावयोर् आ नो विश्वासु हव्यम् इत्य् एतेन व्युष्टायां रात्राव् एतेनैवाभिगीय प्रोक्ष्य ब्रूयाद् आलभस्वेति भावम् आलभमाने सिध्यति
akṣatānāṃ dvau rāśī kuryād bhāvābhāvayor ā no viśvāsu havyam ity etena vyuṣṭāyāṃ rātrāv etenaivābhigīya prokṣya brūyād ālabhasveti bhāvam ālabhamāne sidhyati
Sanskrit only: no published translation is held for this verse.
ज्योतिष्मतां विधूमानाम् अङ्गाराणां द्वौ राशी कुर्यात् यावन्तो वा स्युस् तेनार्थिनः श्रुष्ट्य् अग्ने नवस्य म इत्य् एतेनैनान् युगपद् घृतेनाभिषिञ्चेत् यः पूर्वः प्रज्वलितो विधूमेनार्चिषा प्रदक्षिणम् अभिपर्यावर्तते स जयतीति विद्यात्
jyotiṣmatāṃ vidhūmānām aṅgārāṇāṃ dvau rāśī kuryāt yāvanto vā syus tenārthinaḥ śruṣṭy agne navasya ma ity etenainān yugapad ghṛtenābhiṣiñcet yaḥ pūrvaḥ prajvalito vidhūmenārciṣā pradakṣiṇam abhiparyāvartate sa jayatīti vidyāt
Sanskrit only: no published translation is held for this verse.
ज्योतिष्कान् कुर्यान् मानुषीणां घृतेन सद्योमथितेन प्र सोम देववीतय इत्य् एतेनैनान् ज्वलयेत् यः पश्चाच् छाम्यति स चिरं जीवति स चिरं जीवति
jyotiṣkān kuryān mānuṣīṇāṃ ghṛtena sadyomathitena pra soma devavītaya ity etenainān jvalayet yaḥ paścāc chāmyati sa ciraṃ jīvati sa ciraṃ jīvati
Sanskrit only: no published translation is held for this verse.
राजानम् अभिषेचयेत् तिष्येण श्रवणेन वा
rājānam abhiṣecayet tiṣyeṇa śravaṇena vā
Sanskrit only: no published translation is held for this verse.
व्रीहियवैस् तिलमाषैर् दधिमधुसुमनोजातरूपैर् यशस्विनीभ्यो नदीभ्यः समुद्राच् चोदकान्य् आहृत्यौदुम्बरे भद्रासने वैयाघ्रे चर्मण्य् उत्तरलोम्न्य् आसीनं जीवन्तीनां गवां शृङ्गकोशैर् अभिषिञ्चेद् अभ्रातृव्य इति रहस्येन
vrīhiyavais tilamāṣair dadhimadhusumanojātarūpair yaśasvinībhyo nadībhyaḥ samudrāc codakāny āhṛtyaudumbare bhadrāsane vaiyāghre carmaṇy uttaralomny āsīnaṃ jīvantīnāṃ gavāṃ śṛṅgakośair abhiṣiñced abhrātṛvya iti rahasyena
Sanskrit only: no published translation is held for this verse.
यं कामयेतैकराजः स्यान् नास्य चक्रं प्रतिहन्येतेत्य् एकवृषेणाभिषिञ्चेत्
yaṃ kāmayetaikarājaḥ syān nāsya cakraṃ pratihanyetety ekavṛṣeṇābhiṣiñcet
Sanskrit only: no published translation is held for this verse.
अभिषेक्त्रे दद्याद् ग्रामवरं दासीशतं सहस्रं तदधीनश् च भवेत्
abhiṣektre dadyād grāmavaraṃ dāsīśataṃ sahasraṃ tadadhīnaś ca bhavet
Sanskrit only: no published translation is held for this verse.
अद्भुते यवद्रोणं जुहुयाद् वात आ वातु भेषजम् इत्य् एतेन शाम्यति ह
adbhute yavadroṇaṃ juhuyād vāta ā vātu bheṣajam ity etena śāmyati ha
Sanskrit only: no published translation is held for this verse.
कृष्णांस् तिलान् अग्नौ जुहुयात् प्र दैवोदासो अग्निर् इत्य् एतेन नैनं कृतानि हिंसन्ति तान्य् एव प्रतिगच्छन्ति
kṛṣṇāṃs tilān agnau juhuyāt pra daivodāso agnir ity etena nainaṃ kṛtāni hiṃsanti tāny eva pratigacchanti
Sanskrit only: no published translation is held for this verse.
व्रीहियवान् अग्नौ जुहुयात् पञ्चनिधनेन वामदेव्येन नैनं कृतानि हिंसन्ति तान्य् एव प्रतिगच्छन्ति
vrīhiyavān agnau juhuyāt pañcanidhanena vāmadevyena nainaṃ kṛtāni hiṃsanti tāny eva pratigacchanti
Sanskrit only: no published translation is held for this verse.
ताम्ररजतजातरूपायसीं मुद्रां कारयित्वोच्चा ते जातम् अन्धस इति चतुर्थेनाभिजुहुयात् सहस्रकृत्वः शतावरम् तां मुद्रां दक्षिणेन पाणिना धारयेत् नैनं कृतानि हिंसन्ति तान्य् एव प्रतिगच्छन्ति तान्य् एव प्रतिगच्छन्ति
tāmrarajatajātarūpāyasīṃ mudrāṃ kārayitvoccā te jātam andhasa iti caturthenābhijuhuyāt sahasrakṛtvaḥ śatāvaram tāṃ mudrāṃ dakṣiṇena pāṇinā dhārayet nainaṃ kṛtāni hiṃsanti tāny eva pratigacchanti tāny eva pratigacchanti
Sanskrit only: no published translation is held for this verse.
संग्रामं युयुत्समानस्योदकम् अभिजुहुयात् सोमं राजानं वरुणम् इत्य् एतेन तत एनं पाययेद् यो राजा चर्षणीनाम् इति पूर्वेण ये चात्र मुख्याः स्युस् तान् उत्तरेणाभिषिञ्चेत्
saṃgrāmaṃ yuyutsamānasyodakam abhijuhuyāt somaṃ rājānaṃ varuṇam ity etena tata enaṃ pāyayed yo rājā carṣaṇīnām iti pūrveṇa ye cātra mukhyāḥ syus tān uttareṇābhiṣiñcet
Sanskrit only: no published translation is held for this verse.
अथ हैनं संनाहयेत् प्र सेनानीर् इति वर्गेण
atha hainaṃ saṃnāhayet pra senānīr iti vargeṇa
Sanskrit only: no published translation is held for this verse.
अथास्य रथं युञ्ज्याद् आ त्वा सहस्रम् आ शतम् इति वर्गेण
athāsya rathaṃ yuñjyād ā tvā sahasram ā śatam iti vargeṇa
Sanskrit only: no published translation is held for this verse.
बृहद्रथन्तराभ्यां चक्रे वामदेव्येनाधिष्ठानम्
bṛhadrathantarābhyāṃ cakre vāmadevyenādhiṣṭhānam
Sanskrit only: no published translation is held for this verse.
स घ तं वृषणं रथम् इत्य् एतेनाधितिष्ठेत् प्रयान्तं चैनम् अनुगायेद् इन्द्रस्य नु वीर्याणीत्यादि
sa gha taṃ vṛṣaṇaṃ ratham ity etenādhitiṣṭhet prayāntaṃ cainam anugāyed indrasya nu vīryāṇītyādi
Sanskrit only: no published translation is held for this verse.
शीर्षं गत्वा त्रीन् इषून् अस्येद् उत् त्वा मन्दन्तु सोम इत्य् एतेन जयति न पराजीयते
śīrṣaṃ gatvā trīn iṣūn asyed ut tvā mandantu soma ity etena jayati na parājīyate
Sanskrit only: no published translation is held for this verse.
संदर्शने धूम्रायाः गोः सरूपवत्साया घृतद्रोणं जुहुयात् सत्यम् इत्थेत्य् रहस्येन जयति न पराजीयते
saṃdarśane dhūmrāyāḥ goḥ sarūpavatsāyā ghṛtadroṇaṃ juhuyāt satyam itthety rahasyena jayati na parājīyate
Sanskrit only: no published translation is held for this verse.
बाधकमयीनां समिधां घृताक्तानां सहस्रं जुहुयाद् अभि त्वा पूर्वपीतय इति वषट्कारं चास्य निधनं कुर्यात् जयति न पराजीयते
bādhakamayīnāṃ samidhāṃ ghṛtāktānāṃ sahasraṃ juhuyād abhi tvā pūrvapītaya iti vaṣaṭkāraṃ cāsya nidhanaṃ kuryāt jayati na parājīyate
Sanskrit only: no published translation is held for this verse.
सैध्रकमयीनां समिधां घृताक्तानां सहस्रं जुहुयाद् अभि त्यं मेषम् इतीन्द्र इव दस्यूꣳ प्रमृण इति चास्य निधनं कुर्यात् जयति न पराजीयते
saidhrakamayīnāṃ samidhāṃ ghṛtāktānāṃ sahasraṃ juhuyād abhi tyaṃ meṣam itīndra iva dasyūṁ pramṛṇa iti cāsya nidhanaṃ kuryāt jayati na parājīyate
Sanskrit only: no published translation is held for this verse.
सप्तरात्रोपोषितः सप्तमुख्यान् उद्दिश्य सद्यःपीडितेन सर्षपतैलेन सप्तहेनाहुतिसहस्रं जुहुयात् सप्तरात्रान् न भवन्ति
saptarātropoṣitaḥ saptamukhyān uddiśya sadyaḥpīḍitena sarṣapatailena saptahenāhutisahasraṃ juhuyāt saptarātrān na bhavanti
Sanskrit only: no published translation is held for this verse.
हस्त्यश्वरथपदातीनां पिष्टमयीः प्रतिकृतीः कृत्वा पिष्टस्वेदं स्वेदयित्वा सर्षपतैलेनाभ्यज्य तासां क्षुरेणाङ्गान्य् अवदायाग्नौ जुहुयाद् अभि त्वा शूर नोनुम इति रहस्येन यत्र हीशब्दः यावतां जुहोति सर्वे न भवन्ति
hastyaśvarathapadātīnāṃ piṣṭamayīḥ pratikṛtīḥ kṛtvā piṣṭasvedaṃ svedayitvā sarṣapatailenābhyajya tāsāṃ kṣureṇāṅgāny avadāyāgnau juhuyād abhi tvā śūra nonuma iti rahasyena yatra hīśabdaḥ yāvatāṃ juhoti sarve na bhavanti
Sanskrit only: no published translation is held for this verse.
त्रिरात्रोपोषितः कृष्णचतुर्दश्यां शवाद् अङ्गारम् आहृत्य चतुष्पथे बाधकम् इध्मम् उपसमाधाय वैभीतकेन स्रुवेण सर्षपतैलेनाहुतिसहस्रं जुहुयात् संमील्येन यत्र वृश्चशब्दः स्यात् तत्र पुरुषः शूलहस्त उत्तिष्ठति तं ब्रूयाद् अमुं जहीति हन्त्य् एनम्
trirātropoṣitaḥ kṛṣṇacaturdaśyāṃ śavād aṅgāram āhṛtya catuṣpathe bādhakam idhmam upasamādhāya vaibhītakena sruveṇa sarṣapatailenāhutisahasraṃ juhuyāt saṃmīlyena yatra vṛścaśabdaḥ syāt tatra puruṣaḥ śūlahasta uttiṣṭhati taṃ brūyād amuṃ jahīti hanty enam
Sanskrit only: no published translation is held for this verse.
आमगर्भस्य वा क्षुरेणाङ्गान्य् अवदायाग्नौ जुहुयात् कक्षवर्गाद्यैश् चतुर्भिः सपत्नं मनसा ध्यायन्त् सद्यो न भवति सद्यो न भवति
āmagarbhasya vā kṣureṇāṅgāny avadāyāgnau juhuyāt kakṣavargādyaiś caturbhiḥ sapatnaṃ manasā dhyāyant sadyo na bhavati sadyo na bhavati
Sanskrit only: no published translation is held for this verse.
अथ यः कामयेतामुह्यन्त् सर्वाण्य् आ जनित्राणि परिक्रामेयम् इति महे नो अद्य बोधयेत्य् एतत् सदा प्रयुञ्जीतान्तवेलायां चैतत् स्मरेद् अमुह्यन्त् सर्वाण्य् आ जनित्राणि परिक्रामति
atha yaḥ kāmayetāmuhyant sarvāṇy ā janitrāṇi parikrāmeyam iti mahe no adya bodhayety etat sadā prayuñjītāntavelāyāṃ caitat smared amuhyant sarvāṇy ā janitrāṇi parikrāmati
Sanskrit only: no published translation is held for this verse.
अथ यः कामयेत सर्वत्राग्निर् मे ज्वलेद् इति संवत्सरं शिरसाग्निं धारयेद् अग्न आयाहि वीतय इति प्रथमेनोपतिष्ठेद् द्वितीयेन परिहरेत् तृतीयेन परिचरेत् सर्वत्र हास्य ज्वलति यद् इच्छति तद् दहति
atha yaḥ kāmayeta sarvatrāgnir me jvaled iti saṃvatsaraṃ śirasāgniṃ dhārayed agna āyāhi vītaya iti prathamenopatiṣṭhed dvitīyena pariharet tṛtīyena paricaret sarvatra hāsya jvalati yad icchati tad dahati
Sanskrit only: no published translation is held for this verse.
अथ यः कामयेत पिशाचान् गुणीभूतान् पश्येयम् इति संवत्सरम् चतुर्थे काले भुञ्जानः कपालेन भैक्षं चरन् प्राणाः शिशुर् इत्यन्त्यं सदा सहस्रकृत्वः आवर्तयन् पश्यति
atha yaḥ kāmayeta piśācān guṇībhūtān paśyeyam iti saṃvatsaram caturthe kāle bhuñjānaḥ kapālena bhaikṣaṃ caran prāṇāḥ śiśur ityantyaṃ sadā sahasrakṛtvaḥ āvartayan paśyati
Sanskrit only: no published translation is held for this verse.
अयाचितम् एतेन कल्पेन द्वितीयं प्रयुञ्जानः पितॄन् पश्यति
ayācitam etena kalpena dvitīyaṃ prayuñjānaḥ pitṝn paśyati
Sanskrit only: no published translation is held for this verse.
संवत्सरम् अष्टमे काले भुञ्जानः पाणिभ्यां पात्रार्थं कुर्वाणो वृत्रस्य त्वा श्वसथादीषमाणा इत्य् एतयोः पूर्वं सदा सहस्रकृत्व आवर्तयन् गन्धर्वाप्सरसः पश्यति
saṃvatsaram aṣṭame kāle bhuñjānaḥ pāṇibhyāṃ pātrārthaṃ kurvāṇo vṛtrasya tvā śvasathādīṣamāṇā ity etayoḥ pūrvaṃ sadā sahasrakṛtva āvartayan gandharvāpsarasaḥ paśyati
Sanskrit only: no published translation is held for this verse.
अयाचितम् एतेन कल्पेन द्वितीयं प्रयुञ्जानो देवान् पश्यति
ayācitam etena kalpena dvitīyaṃ prayuñjāno devān paśyati
Sanskrit only: no published translation is held for this verse.
यद् वर्च इति दिशां व्रतं दशानुगानम् एतेन कल्पेन चत्वारि वर्षाणि प्रयुञ्जीत निधयो ऽस्य प्रकाशन्ते ये दैवास् तांस् तेन
yad varca iti diśāṃ vrataṃ daśānugānam etena kalpena catvāri varṣāṇi prayuñjīta nidhayo 'sya prakāśante ye daivās tāṃs tena
Sanskrit only: no published translation is held for this verse.
मासम् उपवसेद् एकम् एकम् अयाचितं भुञ्जीत मयि वर्च इत्य् एतेन कल्पेन चत्वारि वर्षाणि प्रयुञ्जीत निधयो ऽस्य प्रकाशन्ते ये पृथिव्याम्
māsam upavased ekam ekam ayācitaṃ bhuñjīta mayi varca ity etena kalpena catvāri varṣāṇi prayuñjīta nidhayo 'sya prakāśante ye pṛthivyām
Sanskrit only: no published translation is held for this verse.
अष्टरात्रोपोषितो ऽमावास्यायां मुख आज्यं कृत्वा अग्निं नर इत्य् एतयोः पूर्वं मनसानुद्रुत्यान्ते स्वाहाकारेणाग्नौ जुहुयात् व्युष्टायां रात्रौ भूतौ पञ्च हास्य कार्षापणा भवन्ति व्ययकृताश् च पुनर् आयन्ति मूलम् अशून्यं कुर्यात्
aṣṭarātropoṣito 'māvāsyāyāṃ mukha ājyaṃ kṛtvā agniṃ nara ity etayoḥ pūrvaṃ manasānudrutyānte svāhākāreṇāgnau juhuyāt vyuṣṭāyāṃ rātrau bhūtau pañca hāsya kārṣāpaṇā bhavanti vyayakṛtāś ca punar āyanti mūlam aśūnyaṃ kuryāt
Sanskrit only: no published translation is held for this verse.
गवां प्रविशन्तीनां या पश्चात् स्यात् तस्याः शिरो ऽभ्यनुमृज्य पुच्छम् अनुमृज्य पाणी संहृत्यानङ्गमेजयस् तिष्ठेत् सर्वां रात्रिं द्वितीयम् आवर्तयन् जम्भका हास्य सार्वकामिका भवन्ति सार्वकामिका भवन्ति
gavāṃ praviśantīnāṃ yā paścāt syāt tasyāḥ śiro 'bhyanumṛjya puccham anumṛjya pāṇī saṃhṛtyānaṅgamejayas tiṣṭhet sarvāṃ rātriṃ dvitīyam āvartayan jambhakā hāsya sārvakāmikā bhavanti sārvakāmikā bhavanti
Sanskrit only: no published translation is held for this verse.
अथ यः कामयेत पुनर् न प्रत्याजायेयम् इति
atha yaḥ kāmayeta punar na pratyājāyeyam iti
Sanskrit only: no published translation is held for this verse.
रात्रिं प्रपद्ये पुनर्भूं मयोभूं कन्यां शिखण्डिनीं पाशहस्तां युवतिं कुमारिणीम् आदित्यश् चक्षुषे वातः प्राणाय सोमो गन्धायापः स्नेहाय मनो ऽनुज्ञाय पृथिव्यै शरीरम्
rātriṃ prapadye punarbhūṃ mayobhūṃ kanyāṃ śikhaṇḍinīṃ pāśahastāṃ yuvatiṃ kumāriṇīm ādityaś cakṣuṣe vātaḥ prāṇāya somo gandhāyāpaḥ snehāya mano 'nujñāya pṛthivyai śarīram
Sanskrit only: no published translation is held for this verse.
सा हैनम् उवाचास्मिन्त् संवत्सरे मरिष्यस्य् अस्मिन्न् अयने ऽस्मिन्न् ऋताव् अस्मिन् मासे ऽस्मिन्न् अर्द्धमासे ऽस्मिन् द्वादशरात्रे ऽस्मिन् षड्रात्रे ऽस्मिंस् त्रिरात्रे ऽस्मिन् द्विरात्रे ऽस्मिन्न् अहोरात्रे ऽस्मिन्न् अहन्य् अस्यां रात्राव् अस्यां वेलायाम् अस्मिन् मुहूर्ते मरिष्यस्य् एहि स्वर्गं लोकं गच्छ देवलोकं वा ब्रह्मलोकं वा क्षत्रलोकं वा विरोचमानस् तिष्ठ विरोचमानाम् एहि योनिं प्रविश
sā hainam uvācāsmint saṃvatsare mariṣyasy asminn ayane 'sminn ṛtāv asmin māse 'sminn arddhamāse 'smin dvādaśarātre 'smin ṣaḍrātre 'smiṃs trirātre 'smin dvirātre 'sminn ahorātre 'sminn ahany asyāṃ rātrāv asyāṃ velāyām asmin muhūrte mariṣyasy ehi svargaṃ lokaṃ gaccha devalokaṃ vā brahmalokaṃ vā kṣatralokaṃ vā virocamānas tiṣṭha virocamānām ehi yoniṃ praviśa
Sanskrit only: no published translation is held for this verse.
नाहं योनिं प्रवेक्ष्यामि भूतोत्तमाया ब्रह्मणो दुहितुः संरागवस्त्राया जायते म्रियते संधीयते च
nāhaṃ yoniṃ pravekṣyāmi bhūtottamāyā brahmaṇo duhituḥ saṃrāgavastrāyā jāyate mriyate saṃdhīyate ca
Sanskrit only: no published translation is held for this verse.
रात्रिस् तु मा पुनातु रात्रिः खम् एतत् पुष्पान्तं यत् पुराणम् आकाशं तत्र मे स्थानं कुर्व् अपुनर्भवायापुनर्जन्मन एतावद् एव रात्रौ रात्रेर् व्रतं च रात्रेर् व्रतं च
rātris tu mā punātu rātriḥ kham etat puṣpāntaṃ yat purāṇam ākāśaṃ tatra me sthānaṃ kurv apunarbhavāyāpunarjanmana etāvad eva rātrau rātrer vrataṃ ca rātrer vrataṃ ca
Sanskrit only: no published translation is held for this verse.
चतुरो मासान् पयोभक्षो गा अनुगत्वारण्ये शुचौ देशे मठं कृत्वा तत्र प्रविशेत् कमण्डलुम् उदकोपस्पर्शनार्थम् आदाय त्रीन्त् सप्तरात्रान् अनुदक उपवसन्न् ऋचं साम यजामह इत्य् एतयोः पूर्वं सदा सहस्रकृत्व आवर्तयन् यदि देवताः पश्यति सिद्धं तद् इति अथोत्थानम् अन्तरिक्ष्या हास्य सिद्धा भवन्त्य् अन्तरिक्षक्रमणं च द्वाराणि चास्य विव्लीयन्ते
caturo māsān payobhakṣo gā anugatvāraṇye śucau deśe maṭhaṃ kṛtvā tatra praviśet kamaṇḍalum udakopasparśanārtham ādāya trīnt saptarātrān anudaka upavasann ṛcaṃ sāma yajāmaha ity etayoḥ pūrvaṃ sadā sahasrakṛtva āvartayan yadi devatāḥ paśyati siddhaṃ tad iti athotthānam antarikṣyā hāsya siddhā bhavanty antarikṣakramaṇaṃ ca dvārāṇi cāsya vivlīyante
Sanskrit only: no published translation is held for this verse.
द्वितीयम् एतेन कल्पेन प्रयुञ्जानः कामचारी मनोजवो भवति
dvitīyam etena kalpena prayuñjānaḥ kāmacārī manojavo bhavati
Sanskrit only: no published translation is held for this verse.
शुक्लान् उपवसेत् सर्वान् कालान् मृष्टः शुक्लवासाश् चन्दनेनानुलिप्तः सुमनसो धारयंस्त्यमूषु पूर्वं सदा सहस्रकृत्व आवर्तयन् ये मानुषाः कामास् तान् अवाप्नोति
śuklān upavaset sarvān kālān mṛṣṭaḥ śuklavāsāś candanenānuliptaḥ sumanaso dhārayaṃstyamūṣu pūrvaṃ sadā sahasrakṛtva āvartayan ye mānuṣāḥ kāmās tān avāpnoti
Sanskrit only: no published translation is held for this verse.
द्वितीयम् एतेन कल्पेन प्रयुञ्जानो ये दैवास् तांस् तेन
dvitīyam etena kalpena prayuñjāno ye daivās tāṃs tena
Sanskrit only: no published translation is held for this verse.
मासम् उपवसेद् एकम् एकम् अयाचितं भुञ्जीत मयि वर्च इत्य् एतेन कल्पेन चत्वारि वर्षाणि प्रयुञ्जानस् त्रयाणां लोकानाम् आधिपत्यं गच्छति वृद्धाव् अप्य् अस्यैकस्य
māsam upavased ekam ekam ayācitaṃ bhuñjīta mayi varca ity etena kalpena catvāri varṣāṇi prayuñjānas trayāṇāṃ lokānām ādhipatyaṃ gacchati vṛddhāv apy asyaikasya
Sanskrit only: no published translation is held for this verse.
अथ यान्य् अनादिष्टकामकल्पानि तेषां यथाश्रुति स्मृतिलिङ्गैः कामाः क्षुरसंयुक्ताः
atha yāny anādiṣṭakāmakalpāni teṣāṃ yathāśruti smṛtiliṅgaiḥ kāmāḥ kṣurasaṃyuktāḥ
Sanskrit only: no published translation is held for this verse.
आभिप्रायिकं कर्म
ābhiprāyikaṃ karma
Sanskrit only: no published translation is held for this verse.
सो ऽयं प्राजापत्यो विधिस् तम् इमं प्रजापतिर् बृहस्पतये प्रोवाच बृहस्पतिर् नारदाय नारदो विष्वक्सेनाय विष्वक्सेनो व्यासाय पाराशर्याय व्यासः पाराशर्यो जैमिनये जैमिनिः पौष्पिञ्ज्याय पौष्पिञ्ज्यः पाराशर्यायणाय पाराशर्यायणो बादरायणाय बादरायणस् ताण्डिशाट्यायनिभ्यां ताण्डिशाट्यायनिनौ बहुभ्यः
so 'yaṃ prājāpatyo vidhis tam imaṃ prajāpatir bṛhaspataye provāca bṛhaspatir nāradāya nārado viṣvaksenāya viṣvakseno vyāsāya pārāśaryāya vyāsaḥ pārāśaryo jaiminaye jaiminiḥ pauṣpiñjyāya pauṣpiñjyaḥ pārāśaryāyaṇāya pārāśaryāyaṇo bādarāyaṇāya bādarāyaṇas tāṇḍiśāṭyāyanibhyāṃ tāṇḍiśāṭyāyaninau bahubhyaḥ
Sanskrit only: no published translation is held for this verse.
सो ऽयम् अनूचानाय ब्रह्मचारिणे समावर्तमानायाख्येयः
so 'yam anūcānāya brahmacāriṇe samāvartamānāyākhyeyaḥ
Sanskrit only: no published translation is held for this verse.
उपाध्यायाय ग्रामवरं सहस्रं श्वेतं चाश्वं प्रदायानुज्ञातो वा यं कामं कामयते तम् आप्नोति तम् आप्नोति
upādhyāyāya grāmavaraṃ sahasraṃ śvetaṃ cāśvaṃ pradāyānujñāto vā yaṃ kāmaṃ kāmayate tam āpnoti tam āpnoti
Sanskrit only: no published translation is held for this verse.
वेदार्थस्य प्रकाशेन तमो हार्दं निवारयन् पुमर्थाश् चतुरो देयाद् विद्यातीर्थमहेश्वरः
vedārthasya prakāśena tamo hārdaṃ nivārayan pumarthāś caturo deyād vidyātīrthamaheśvaraḥ
Sanskrit only: no published translation is held for this verse.