Bhoja: Samarāṅgaṇa-sūtradhāra 10

जगद्गुरोर्महेशस्य श्रियो वह्नेश्च मन्दिरम्। पूर्वोत्तरस्यां ककुभि प्रविधेयं मनोरमम्

jagadgurormaheśasya śriyo vahneśca mandiram| pūrvottarasyāṃ kakubhi pravidheyaṃ manoramam

Sanskrit only: no published translation is held for this verse.

नदीनामम्बुधीनां च समन्तान्नगरस्य च। कान्तारेष्वद्रि षु स्थानं सर्वत्रेष्टमुमापतेः

nadīnāmambudhīnāṃ ca samantānnagarasya ca| kāntāreṣvadri ṣu sthānaṃ sarvatreṣṭamumāpateḥ

Sanskrit only: no published translation is held for this verse.

निवेश्यन्ते स्वदिग्भागेष्वेवं यस्मिन् सुरोत्तमाः। सम्यक्समृद्धिमासाद्य चिरं नन्दति तत्पुरम्

niveśyante svadigbhāgeṣvevaṃ yasmin surottamāḥ| samyaksamṛddhimāsādya ciraṃ nandati tatpuram

Sanskrit only: no published translation is held for this verse.

नगरस्य विदूरेऽपि ककुप्सु निखिलाखपि। बाह्यतोऽभिमुखा देवाः शस्यन्ते न पराङ्मुखाः

nagarasya vidūre'pi kakupsu nikhilākhapi| bāhyato'bhimukhā devāḥ śasyante na parāṅmukhāḥ

Sanskrit only: no published translation is held for this verse.

क्रियते यदि भूभागे वंशेन स पराङ्मुखः। विधिमेनं तदा तस्मिंस्तज्ज्ञः शास्त्रोक्तमाचरेत्

kriyate yadi bhūbhāge vaṃśena sa parāṅmukhaḥ| vidhimenaṃ tadā tasmiṃstajjñaḥ śāstroktamācaret

Sanskrit only: no published translation is held for this verse.

तद्वेषवर्णभूषास्त्रवाहनैरन्वितं सुरम्। तद्भित्तौ प्रकटाकारं नगराभिमुखं लिखेत्

tadveṣavarṇabhūṣāstravāhanairanvitaṃ suram| tadbhittau prakaṭākāraṃ nagarābhimukhaṃ likhet

Sanskrit only: no published translation is held for this verse.

वैकङ्कतशमीबिल्वैः क्षीरकण्टकिभिर्द्रुमैः। उदपानाग्न्यगारेषु स्यान्न दोषोऽन्तरस्थितैः

vaikaṅkataśamībilvaiḥ kṣīrakaṇṭakibhirdrumaiḥ| udapānāgnyagāreṣu syānna doṣo'ntarasthitaiḥ

Sanskrit only: no published translation is held for this verse.

अर्चाश्रितेष्वयं प्रोक्तो विधिर्नालेग्व्यवर्तिषु। कर्तव्याः सर्वतोवक्त्रास्तस्माच्चित्रगताः सुराः

arcāśriteṣvayaṃ prokto vidhirnālegvyavartiṣu| kartavyāḥ sarvatovaktrāstasmāccitragatāḥ surāḥ

Sanskrit only: no published translation is held for this verse.

विधानं यद्यथा प्रोक्तं सुरधाम्नां पुराद्बहिः। तत्तथाभ्यन्तरेऽपि स्यात्कार्यं स्वस्वदिगाश्रयम्

vidhānaṃ yadyathā proktaṃ suradhāmnāṃ purādbahiḥ| tattathābhyantare'pi syātkāryaṃ svasvadigāśrayam

Sanskrit only: no published translation is held for this verse.

मध्ये पुरस्य कर्तव्यं गृहमम्भोजजन्मनः। निवेशनं तथेन्द्र स्य तथैव हलिकृष्णयोः

madhye purasya kartavyaṃ gṛhamambhojajanmanaḥ| niveśanaṃ tathendra sya tathaiva halikṛṣṇayoḥ

Sanskrit only: no published translation is held for this verse.

मातृयक्षगणाधीशान् शिवकान् भूतसङ्घकान्। विनापि वेश्मभिः कुर्यात्पुरे चत्वरमार्गगान्

mātṛyakṣagaṇādhīśān śivakān bhūtasaṅghakān| vināpi veśmabhiḥ kuryātpure catvaramārgagān

Sanskrit only: no published translation is held for this verse.

राज्ञा वर्णाश्रमकलापण्यशिल्पोपजीविनः। स्वदिक्पदस्थाः कर्तव्यास्ते देवाश्चेच्छता श्रियम्

rājñā varṇāśramakalāpaṇyaśilpopajīvinaḥ| svadikpadasthāḥ kartavyāste devāścecchatā śriyam

Sanskrit only: no published translation is held for this verse.

प्रासादे सति भक्तीच्छाशक्तियुक्तो यदापरम्। प्रासादं कारयेत्पूर्वं न तदा पीडयेत् सुधीः

prāsāde sati bhaktīcchāśaktiyukto yadāparam| prāsādaṃ kārayetpūrvaṃ na tadā pīḍayet sudhīḥ

Sanskrit only: no published translation is held for this verse.

प्रतिवेश्म प्रतिग्रामं प्रतिदेवकुलं तथा। कुर्यात्प्रतिपुरं चापि न प्राङ्मानगुणाधिकम्

prativeśma pratigrāmaṃ pratidevakulaṃ tathā| kuryātpratipuraṃ cāpi na prāṅmānaguṇādhikam

Sanskrit only: no published translation is held for this verse.

पूर्वप्रासादतो रुद्र सोमयोर्ब्रह्मणोऽथवा। प्रासादे विहितेऽन्यस्मिन् भवेत् पीडाग्रजन्मनाम्

pūrvaprāsādato rudra somayorbrahmaṇo'thavā| prāsāde vihite'nyasmin bhavet pīḍāgrajanmanām

Sanskrit only: no published translation is held for this verse.

कृते धाम्न्यधिकेऽन्यस्मिन् वह्नेर्वाचस्पतेरुत। पुरोधसां भयं विद्याद्ध्रुवं ज्योतिर्विदां तथा

kṛte dhāmnyadhike'nyasmin vahnervācaspateruta| purodhasāṃ bhayaṃ vidyāddhruvaṃ jyotirvidāṃ tathā

Sanskrit only: no published translation is held for this verse.

धनाधिपामराधीशयमानां वरुणस्य वा। अधिकेविहिते धाम्नि भयं विद्यान्महीपतेः

dhanādhipāmarādhīśayamānāṃ varuṇasya vā| adhikevihite dhāmni bhayaṃ vidyānmahīpateḥ

Sanskrit only: no published translation is held for this verse.

स्कन्दधाम्नोऽधिकेऽन्यस्मिन् विहिते तस्य वेश्मनि। सेनापतेर्बलानां च पीडा सञ्जायते ध्रुवम्

skandadhāmno'dhike'nyasmin vihite tasya veśmani| senāpaterbalānāṃ ca pīḍā sañjāyate dhruvam

Sanskrit only: no published translation is held for this verse.

प्रजापतेरभ्यधिकं हरेर्वान्यत् कृतं गृहम्। कर्तुः कारयितुश्च स्याद्बन्धाय च विनष्टये

prajāpaterabhyadhikaṃ harervānyat kṛtaṃ gṛham| kartuḥ kārayituśca syādbandhāya ca vinaṣṭaye

Sanskrit only: no published translation is held for this verse.

गणेशयक्षफणिनामधिकोऽन्यः कृतो यदि। प्रासादः स्यात्तदा नित्यं सेनाङ्गानां महद्भयम्

gaṇeśayakṣaphaṇināmadhiko'nyaḥ kṛto yadi| prāsādaḥ syāttadā nityaṃ senāṅgānāṃ mahadbhayam

Sanskrit only: no published translation is held for this verse.

स्त्रीनाम्न्यो देवतास्तासां पीड्यन्ते यदि वेश्मभिः। मुख्यानां पुरनारीणां तदा कुर्वन्त्युपद्र वम्

strīnāmnyo devatāstāsāṃ pīḍyante yadi veśmabhiḥ| mukhyānāṃ puranārīṇāṃ tadā kurvantyupadra vam

Sanskrit only: no published translation is held for this verse.

पूर्वामरेषु सर्वेषु पीडितेष्वमरालयैः। अन्यैस्तल्लिङ्गिनां पीडा चैत्यैर्वा चैत्यपीडितैः

pūrvāmareṣu sarveṣu pīḍiteṣvamarālayaiḥ| anyaistalliṅgināṃ pīḍā caityairvā caityapīḍitaiḥ

Sanskrit only: no published translation is held for this verse.

हीनाधिकप्रमाणेषु दुर्निविष्टेषु धामसु। कर्तुः कारयितुः पीडा स्यान्न पूजा तथास्य च

hīnādhikapramāṇeṣu durniviṣṭeṣu dhāmasu| kartuḥ kārayituḥ pīḍā syānna pūjā tathāsya ca

Sanskrit only: no published translation is held for this verse.

नैवातिसंभृतं कुर्यात्स्वल्पमल्पामरालयम्। पुरं चानाश्रितं कुर्याद् वेधभागाश्रितं न च

naivātisaṃbhṛtaṃ kuryātsvalpamalpāmarālayam| puraṃ cānāśritaṃ kuryād vedhabhāgāśritaṃ na ca

Sanskrit only: no published translation is held for this verse.

ज्येष्ठमध्यकनिष्ठानि नवषट्त्रिपदान्तरे। सुरवेश्मानि कुर्वीत दोषायापरथा पुनः

jyeṣṭhamadhyakaniṣṭhāni navaṣaṭtripadāntare| suraveśmāni kurvīta doṣāyāparathā punaḥ

Sanskrit only: no published translation is held for this verse.

कथितोऽयं विधिः स्वैः स्वैस्त्रिदशानां निवेशने। बहिर्निवेशनात्स्वेच्छं विदध्यादमरालयम्

kathito'yaṃ vidhiḥ svaiḥ svaistridaśānāṃ niveśane| bahirniveśanātsvecchaṃ vidadhyādamarālayam

Sanskrit only: no published translation is held for this verse.

नगरेषु समग्रेषु ग्रामेषु निखिलेषु च। खेटकेषु च सर्वेषु सामान्योऽयं विधिः स्मृतः

nagareṣu samagreṣu grāmeṣu nikhileṣu ca| kheṭakeṣu ca sarveṣu sāmānyo'yaṃ vidhiḥ smṛtaḥ

Sanskrit only: no published translation is held for this verse.

इत्युक्त एष नगरोपगतः सुराणां। स्वस्वप्रभागविहितः पदसन्निवेशः। ब्रूमो विभागमधुनां गृहदेवतानां। सम्यक्शुभाशुभफलप्रविभागयुक्तम्

ityukta eṣa nagaropagataḥ surāṇāṃ| svasvaprabhāgavihitaḥ padasanniveśaḥ| brūmo vibhāgamadhunāṃ gṛhadevatānāṃ| samyakśubhāśubhaphalapravibhāgayuktam

Sanskrit only: no published translation is held for this verse.