Bhoja: Samarāṅgaṇa-sūtradhāra 11

चतुरश्रीकृते क्षेत्रे विभक्ते नवधा ततः। मध्ये महाद्युतिर्ब्रह्मा विधेयो नवभिः पदैः

caturaśrīkṛte kṣetre vibhakte navadhā tataḥ| madhye mahādyutirbrahmā vidheyo navabhiḥ padaiḥ

Sanskrit only: no published translation is held for this verse.

तस्मादनन्तरं प्राच्यां षट्पदः कीर्तितोऽर्यमा। आग्नेयकर्णे सवितृसावित्रौ पदिकावुभौ

tasmādanantaraṃ prācyāṃ ṣaṭpadaḥ kīrtito'ryamā| āgneyakarṇe savitṛsāvitrau padikāvubhau

Sanskrit only: no published translation is held for this verse.

ब्रह्मणोऽनन्तरं याम्ये विवस्वान् षट्पदाश्रितः। नैरृते पदिकौ कर्णे जयेन्द्रौ कथितावुभौ

brahmaṇo'nantaraṃ yāmye vivasvān ṣaṭpadāśritaḥ| nairṛte padikau karṇe jayendrau kathitāvubhau

Sanskrit only: no published translation is held for this verse.

षट्पदः स्यात्ततो मित्रः काष्ठायां पत्युरम्भसः। कर्णेऽपरोत्तरे यक्ष्मा रुद्र श्च पदिकावुभौ

ṣaṭpadaḥ syāttato mitraḥ kāṣṭhāyāṃ patyurambhasaḥ| karṇe'parottare yakṣmā rudra śca padikāvubhau

Sanskrit only: no published translation is held for this verse.

षड्भिः पदैस्ततः सौम्ये निश्चलः पृथिवीधरः। आपस्तथापवत्सश्च पदिकावीशदिग्गतौ

ṣaḍbhiḥ padaistataḥ saumye niścalaḥ pṛthivīdharaḥ| āpastathāpavatsaśca padikāvīśadiggatau

Sanskrit only: no published translation is held for this verse.

इत्यन्तःसंश्रया देवाः प्रोक्ता ब्रूमो बहिःस्थितान्। ज्ञेयं प्रदक्षिणं तेषां स्थानं पूर्वोत्तरादितः

ityantaḥsaṃśrayā devāḥ proktā brūmo bahiḥsthitān| jñeyaṃ pradakṣiṇaṃ teṣāṃ sthānaṃ pūrvottarāditaḥ

Sanskrit only: no published translation is held for this verse.

अग्निस्तदनु पर्जन्यो जयन्तश्चेन्द्र एव च। रविः सत्यो भृशश्चेति न भस्तस्मात्ततोऽनिलः

agnistadanu parjanyo jayantaścendra eva ca| raviḥ satyo bhṛśaśceti na bhastasmāttato'nilaḥ

Sanskrit only: no published translation is held for this verse.

पूषाख्यो वितथाख्यश्च गृहक्षतयमावथ। गन्धर्वो भृङ्गराजश्च मृगः पितृगणस्ततः

pūṣākhyo vitathākhyaśca gṛhakṣatayamāvatha| gandharvo bhṛṅgarājaśca mṛgaḥ pitṛgaṇastataḥ

Sanskrit only: no published translation is held for this verse.

दौवारिकोऽथ सुग्रीवः पुष्पदन्तो जलेश्वरः। असुरः शोषनामा च पापयक्ष्मा ततः परम्

dauvāriko'tha sugrīvaḥ puṣpadanto jaleśvaraḥ| asuraḥ śoṣanāmā ca pāpayakṣmā tataḥ param

Sanskrit only: no published translation is held for this verse.

रोगो नागश्च मुख्यश्च भल्लाटः सोम एव च। चरकोऽथादितिर्दैत्यमातेति पददेवताः

rogo nāgaśca mukhyaśca bhallāṭaḥ soma eva ca| carako'thāditirdaityamāteti padadevatāḥ

Sanskrit only: no published translation is held for this verse.

वह्नेर्वायोः पितॄणां च व्याधेश्चैव क्रमाद्बहिः। चरकी च विदारी च पूतना पापराक्षसी

vahnervāyoḥ pitṝṇāṃ ca vyādheścaiva kramādbahiḥ| carakī ca vidārī ca pūtanā pāparākṣasī

Sanskrit only: no published translation is held for this verse.

पदभोगोऽस्ति नैतासां स्थानमेव हि केवलम्। पदभोगमथ ब्रूमो बहिःस्थानां नभःसदाम्

padabhogo'sti naitāsāṃ sthānameva hi kevalam| padabhogamatha brūmo bahiḥsthānāṃ nabhaḥsadām

Sanskrit only: no published translation is held for this verse.

तत्राष्टौ द्विपदाधीशा जयन्तो भृश एव च। वितथो भृङ्गसुग्रीवशोषमुख्यास्तथादितिः

tatrāṣṭau dvipadādhīśā jayanto bhṛśa eva ca| vitatho bhṛṅgasugrīvaśoṣamukhyāstathāditiḥ

Sanskrit only: no published translation is held for this verse.

एभ्यः शेषा बहिर्ये तु ते स्युः पदभुजः सुराः। एकाशीतिपदे प्रोक्तो देवतानां पदक्रमः

ebhyaḥ śeṣā bahirye tu te syuḥ padabhujaḥ surāḥ| ekāśītipade prokto devatānāṃ padakramaḥ

Sanskrit only: no published translation is held for this verse.

चतुरश्रीकृते क्षेत्रे दशधा प्रविभाजिते। भवेच्छतपदो वास्तुर्ब्रूमोऽत्राप्यमरस्थितिम्

caturaśrīkṛte kṣetre daśadhā pravibhājite| bhavecchatapado vāsturbrūmo'trāpyamarasthitim

Sanskrit only: no published translation is held for this verse.

द्विरष्टगुणितं मध्ये पदमेकं पितामहः। भुङ्क्ते शतपदे वास्तौ चतुर्गुणितमर्यमा

dviraṣṭaguṇitaṃ madhye padamekaṃ pitāmahaḥ| bhuṅkte śatapade vāstau caturguṇitamaryamā

Sanskrit only: no published translation is held for this verse.

विवस्वतोऽथ मित्रस्य तद्वच्च पृथिवीभृतः। भोगमिच्छन्ति वै तेषामर्यम्ण इव सूरयः

vivasvato'tha mitrasya tadvacca pṛthivībhṛtaḥ| bhogamicchanti vai teṣāmaryamṇa iva sūrayaḥ

Sanskrit only: no published translation is held for this verse.

सवित्राद्यापवत्सान्ता ये च नोक्ताः सुरोत्तमाः। यथैकाशीतिके तद्वत्तेषां भोगः पदाष्टकम्

savitrādyāpavatsāntā ye ca noktāḥ surottamāḥ| yathaikāśītike tadvatteṣāṃ bhogaḥ padāṣṭakam

Sanskrit only: no published translation is held for this verse.

अग्न्यन्तरिक्षपवना मृगश्च पितरोऽपि च। रोगोऽदितिस्तथाध्यर्धपदभाजो बहिः स्थिताः

agnyantarikṣapavanā mṛgaśca pitaro'pi ca| rogo'ditistathādhyardhapadabhājo bahiḥ sthitāḥ

Sanskrit only: no published translation is held for this verse.

चतुर्विंशतिरुक्ता ये पर्जन्याद्याः सुरोत्तमाः। अदित्यन्ता द्विपदिकास्ते शेषं प्राक्प्रसाधितम्

caturviṃśatiruktā ye parjanyādyāḥ surottamāḥ| adityantā dvipadikāste śeṣaṃ prākprasādhitam

Sanskrit only: no published translation is held for this verse.

चतुरश्रीकृते क्षेत्रे पूर्ववद्भाजितेऽष्टभिः। चतुःषष्टिपदो वास्तुश्चतुःषष्ट्या पदैर्भवेत्

caturaśrīkṛte kṣetre pūrvavadbhājite'ṣṭabhiḥ| catuḥṣaṣṭipado vāstuścatuḥṣaṣṭyā padairbhavet

Sanskrit only: no published translation is held for this verse.

अस्मिन्पदानि चत्वारि भुनक्त्यन्तः पितामहः। अर्यमाद्याः सुराश्चात्र द्वे द्वे मध्यगताः पदे

asminpadāni catvāri bhunaktyantaḥ pitāmahaḥ| aryamādyāḥ surāścātra dve dve madhyagatāḥ pade

Sanskrit only: no published translation is held for this verse.

पध्येऽष्टौ बाह्यतोऽष्टौ ये स्थिताः कर्णेषु चाष्टसु। ये देवाः सर्व एवात्र ते पदार्धभुजः स्मृताः

padhye'ṣṭau bāhyato'ṣṭau ye sthitāḥ karṇeṣu cāṣṭasu| ye devāḥ sarva evātra te padārdhabhujaḥ smṛtāḥ

Sanskrit only: no published translation is held for this verse.

पर्जन्योऽथ भृशः पूषा भृङ्गदौवारिकौ तथा। शोषनागादितिप्रान्ताः स्युरध्यर्धपदस्पृशः

parjanyo'tha bhṛśaḥ pūṣā bhṛṅgadauvārikau tathā| śoṣanāgāditiprāntāḥ syuradhyardhapadaspṛśaḥ

Sanskrit only: no published translation is held for this verse.

जयन्तादिषु बाह्येषु चरकान्तेषु कीर्तिता। प्रत्येकं षोडशस्वत्र सुरेषु द्विपदस्थितिः

jayantādiṣu bāhyeṣu carakānteṣu kīrtitā| pratyekaṃ ṣoḍaśasvatra sureṣu dvipadasthitiḥ

Sanskrit only: no published translation is held for this verse.

सिरां वह्निपदादूर्ध्वं नयेत्पितृपदान्ततः। बाह्याशानिर्गतां चैनां रोगनामानमानयेत्

sirāṃ vahnipadādūrdhvaṃ nayetpitṛpadāntataḥ| bāhyāśānirgatāṃ caināṃ roganāmānamānayet

Sanskrit only: no published translation is held for this verse.

द्विनाम्नः प्रापयेद्भृङ्गं भृङ्गात्सुग्रीवमानयेत्। ततोऽदितिं तां गमयेद्द्विनामानं प्रवेशयेत्

dvināmnaḥ prāpayedbhṛṅgaṃ bhṛṅgātsugrīvamānayet| tato'ditiṃ tāṃ gamayeddvināmānaṃ praveśayet

Sanskrit only: no published translation is held for this verse.

सौराद्याम्यं पदं नीत्वा वारुणं प्रापयेत्ततः। नयेत्पदं ततः सौम्यं तत आदित्यमानयेत्

saurādyāmyaṃ padaṃ nītvā vāruṇaṃ prāpayettataḥ| nayetpadaṃ tataḥ saumyaṃ tata ādityamānayet

Sanskrit only: no published translation is held for this verse.

भृशादानीय वितथं शोषाख्यं वितथादथ। शोषान्मुख्यं समानीय नयेत् तस्मात्पुनर्भृशम्

bhṛśādānīya vitathaṃ śoṣākhyaṃ vitathādatha| śoṣānmukhyaṃ samānīya nayet tasmātpunarbhṛśam

Sanskrit only: no published translation is held for this verse.

ये विभागाः समुद्दिष्टा यथासङ्ख्येन तैरिह। यज्ञामरनृणां वास्तु समस्तं विभजेत्सुधीः

ye vibhāgāḥ samuddiṣṭā yathāsaṅkhyena tairiha| yajñāmaranṛṇāṃ vāstu samastaṃ vibhajetsudhīḥ

Sanskrit only: no published translation is held for this verse.

देवैः सर्वैरप्यमीभिर्विशोकः। प्रीत्युत्कर्षादित्थमालोक्यतेऽसौ। कृत्स्नानेषोऽप्यब्जपत्रायताक्षः। पश्यत्येतान् स्फारितेनेक्षणेन

devaiḥ sarvairapyamībhirviśokaḥ| prītyutkarṣāditthamālokyate'sau| kṛtsnāneṣo'pyabjapatrāyatākṣaḥ| paśyatyetān sphāritenekṣaṇena

Sanskrit only: no published translation is held for this verse.