Bhoja: Samarāṅgaṇa-sūtradhāra 13

एकाशीतिपदो यः स्यात्तथा शतपदश्च यः। चतुःषष्टिपदो यश्च वास्तुरत्र त्रिधोदितः

ekāśītipado yaḥ syāttathā śatapadaśca yaḥ| catuḥṣaṣṭipado yaśca vāsturatra tridhoditaḥ

Sanskrit only: no published translation is held for this verse.

यद्येन विभजेत्तेषु तदिदानीं प्रचक्ष्महे। यानि मर्माणि चैतेषां कथ्यन्त इह तान्यपि

yadyena vibhajetteṣu tadidānīṃ pracakṣmahe| yāni marmāṇi caiteṣāṃ kathyanta iha tānyapi

Sanskrit only: no published translation is held for this verse.

वर्णिनां भवनादीनि निवेशा राजवेश्मनाम्। एकाशीतिपदेनेन्द्र स्थानं च विभजेत् सुधीः

varṇināṃ bhavanādīni niveśā rājaveśmanām| ekāśītipadenendra sthānaṃ ca vibhajet sudhīḥ

Sanskrit only: no published translation is held for this verse.

प्रासादा विविधास्तद्वद्विचित्राश्चात्र मण्डपाः। तान् मापयेच्छतपदप्रविभागेन बुद्धिमान्

prāsādā vividhāstadvadvicitrāścātra maṇḍapāḥ| tān māpayecchatapadapravibhāgena buddhimān

Sanskrit only: no published translation is held for this verse.

यः पुनः स्याच्चतुःषष्टिपदस्तेन विभाजयेत्। नरेन्द्र शिबिरग्रामखेटादि नगरादि च

yaḥ punaḥ syāccatuḥṣaṣṭipadastena vibhājayet| narendra śibiragrāmakheṭādi nagarādi ca

Sanskrit only: no published translation is held for this verse.

अन्तस्त्रयोदश सुरा द्वात्रिंशद्बाह्यतश्च ये। तेषां स्थानानि मर्माणि सिरा वंशाश्च तेषु तु

antastrayodaśa surā dvātriṃśadbāhyataśca ye| teṣāṃ sthānāni marmāṇi sirā vaṃśāśca teṣu tu

Sanskrit only: no published translation is held for this verse.

मुखे हृदि च नाभौ च मूर्ध्नि च स्तनयोस्तथा। मर्माणि वास्तुपुंसोऽस्य षण्महान्ति प्रचक्षते

mukhe hṛdi ca nābhau ca mūrdhni ca stanayostathā| marmāṇi vāstupuṃso'sya ṣaṇmahānti pracakṣate

Sanskrit only: no published translation is held for this verse.

वंशानुवंशसम्पाताः पदमध्यानि यानि च। देवस्थानानि तान्याद्ये पदषोडशकान्विते

vaṃśānuvaṃśasampātāḥ padamadhyāni yāni ca| devasthānāni tānyādye padaṣoḍaśakānvite

Sanskrit only: no published translation is held for this verse.

देवस्थानानि सम्पाताश्चतुःषष्टिपदे पुनः। तथैकाशीतिपदिके पदान्तशतिकेऽपि च

devasthānāni sampātāścatuḥṣaṣṭipade punaḥ| tathaikāśītipadike padāntaśatike'pi ca

Sanskrit only: no published translation is held for this verse.

चतुर्ष्वपि विभागेषु सिरा याः स्युश्चतुर्दिशम्। मर्माणि तानि चोक्तानि द्वारमध्यानि यानि च

caturṣvapi vibhāgeṣu sirā yāḥ syuścaturdiśam| marmāṇi tāni coktāni dvāramadhyāni yāni ca

Sanskrit only: no published translation is held for this verse.

भित्तिविस्तृतमध्येन यद्वा मध्येन दारुणः। मर्म यत्पीड्यते येन गृहे तत्रोच्यते फलम्

bhittivistṛtamadhyena yadvā madhyena dāruṇaḥ| marma yatpīḍyate yena gṛhe tatrocyate phalam

Sanskrit only: no published translation is held for this verse.

द्वारैर्वा भित्तिभिर्वापि मर्मणां परिपीडनात्। दौर्गत्यं गृहिणः प्राहुः कुलहानिमथापि वा

dvārairvā bhittibhirvāpi marmaṇāṃ paripīḍanāt| daurgatyaṃ gṛhiṇaḥ prāhuḥ kulahānimathāpi vā

Sanskrit only: no published translation is held for this verse.

भवेत्स्वामिक्षयः स्तम्भैस्तुलाभिः स्त्रीपरिक्षयः। स्नुषावधो जयन्तीभिर्बन्धुनाशश्च सङ्ग्रहैः

bhavetsvāmikṣayaḥ stambhaistulābhiḥ strīparikṣayaḥ| snuṣāvadho jayantībhirbandhunāśaśca saṅgrahaiḥ

Sanskrit only: no published translation is held for this verse.

मर्मस्थानगतैः कायैर्भर्तुः कायो निपीड्यते। सुहृद्विश्लेषमिच्छन्ति सन्धिपालैश्च तद्विदः

marmasthānagataiḥ kāyairbhartuḥ kāyo nipīḍyate| suhṛdviśleṣamicchanti sandhipālaiśca tadvidaḥ

Sanskrit only: no published translation is held for this verse.

नागपाशैर्धनोच्छेदो नागदन्तैः सुहृत्क्षयः। कपिच्छकैश्च मर्मस्थैः प्रेष्याणां क्षयमादिशेत्

nāgapāśairdhanocchedo nāgadantaiḥ suhṛtkṣayaḥ| kapicchakaiśca marmasthaiḥ preṣyāṇāṃ kṣayamādiśet

Sanskrit only: no published translation is held for this verse.

षड्दारुकाण्यनुसिरागवाक्षालोकनानि च। मर्ममध्योपगान्येतान्यावहन्ति धनक्षयम्

ṣaḍdārukāṇyanusirāgavākṣālokanāni ca| marmamadhyopagānyetānyāvahanti dhanakṣayam

Sanskrit only: no published translation is held for this verse.

द्वारद्र व्यतुलास्तम्भनागदन्तगवाक्षकैः। द्वारमध्यार्दितै रोगकुलपीडाधनक्षयान्

dvāradra vyatulāstambhanāgadantagavākṣakaiḥ| dvāramadhyārditai rogakulapīḍādhanakṣayān

Sanskrit only: no published translation is held for this verse.

नृपदण्डभयं पत्युः पीडनं च प्रचक्षते। द्वारमध्येषु षड्दारुमध्येष्वपि च सूरयः

nṛpadaṇḍabhayaṃ patyuḥ pīḍanaṃ ca pracakṣate| dvāramadhyeṣu ṣaḍdārumadhyeṣvapi ca sūrayaḥ

Sanskrit only: no published translation is held for this verse.

कर्णद्र व्यादिभिर्विद्धेष्वेतदेव फलं विदुः। शय्यानुवंशविहिता गृहिणां कुलनाशिनी

karṇadra vyādibhirviddheṣvetadeva phalaṃ viduḥ| śayyānuvaṃśavihitā gṛhiṇāṃ kulanāśinī

Sanskrit only: no published translation is held for this verse.

क्षयावहा नागदन्ता भर्तुः शय्यावितानगाः। वातायनैरथ स्तम्भैर्ये विद्धा नागदन्तकाः

kṣayāvahā nāgadantā bhartuḥ śayyāvitānagāḥ| vātāyanairatha stambhairye viddhā nāgadantakāḥ

Sanskrit only: no published translation is held for this verse.

ते शस्त्रभीतिदा भर्तुर्यद्वा चौरभयप्रदाः। द्र व्यधान्यविनाशाय शोकाय कलहाय च

te śastrabhītidā bharturyadvā caurabhayapradāḥ| dra vyadhānyavināśāya śokāya kalahāya ca

Sanskrit only: no published translation is held for this verse.

गृहमध्यगतं द्वारं भवेत्स्त्रीदूषणाय च। द्र व्येणान्यतरेणापि महामर्म निपीडितम्

gṛhamadhyagataṃ dvāraṃ bhavetstrīdūṣaṇāya ca| dra vyeṇānyatareṇāpi mahāmarma nipīḍitam

Sanskrit only: no published translation is held for this verse.

भवेत्सर्वस्वनाशाय गृहिणो मरणाय च। अंशुकाश्चोर्ध्ववंशाश्च तुम्बिकाः सेन्द्र कीलकाः

bhavetsarvasvanāśāya gṛhiṇo maraṇāya ca| aṃśukāścordhvavaṃśāśca tumbikāḥ sendra kīlakāḥ

Sanskrit only: no published translation is held for this verse.

पुरप्रासादगेहानां वेधेऽप्येते न दोषदाः। इत्थं सुरक्षितिपवर्णगृहाश्रितोऽयं। भेदः पदेष्वखिलमर्मगतो व्यधश्च। उक्तः पृथक्पृथगमुष्य फलं च सम्यग्। ब्रूमोऽथ वास्तुपुरुषाङ्गविभागमत्र

puraprāsādagehānāṃ vedhe'pyete na doṣadāḥ| itthaṃ surakṣitipavarṇagṛhāśrito'yaṃ| bhedaḥ padeṣvakhilamarmagato vyadhaśca| uktaḥ pṛthakpṛthagamuṣya phalaṃ ca samyag| brūmo'tha vāstupuruṣāṅgavibhāgamatra

Sanskrit only: no published translation is held for this verse.