Bhoja: Samarāṅgaṇa-sūtradhāra 17

सुराणामर्थसिद्ध्यर्थं वधाय च सुरद्रुहाम्। यथा शक्रध्वजोत्थानं प्राह ब्रह्मा तथोच्यते

surāṇāmarthasiddhyarthaṃ vadhāya ca suradruhām| yathā śakradhvajotthānaṃ prāha brahmā tathocyate

Sanskrit only: no published translation is held for this verse.

भगवन्तमथाम्भोजसंभव वचसांपतिः। प्रोवाच कथमिन्द्रे ण जेतव्यास्त्रिदशद्विषः

bhagavantamathāmbhojasaṃbhava vacasāṃpatiḥ| provāca kathamindre ṇa jetavyāstridaśadviṣaḥ

Sanskrit only: no published translation is held for this verse.

सोऽब्रवीत्सर्वरत्नानां ध्वजं कुरुत सङ्गताः। तं चाभिचारिकैर्मन्त्रैरुद्वहन्तोऽभिमन्त्रितम्

so'bravītsarvaratnānāṃ dhvajaṃ kuruta saṅgatāḥ| taṃ cābhicārikairmantrairudvahanto'bhimantritam

Sanskrit only: no published translation is held for this verse.

स्थितं चोपरि यन्त्रस्य सम्यक् पक्षिशतान्वितम्। अग्रतो देवसैन्यस्य नयन्तो जेष्यथ द्विषः

sthitaṃ copari yantrasya samyak pakṣiśatānvitam| agrato devasainyasya nayanto jeṣyatha dviṣaḥ

Sanskrit only: no published translation is held for this verse.

सहस्रधारमप्येकमन्यं रिपुकुलान्तकम्। दिव्यरूपमयं प्रादाद्ध्वजमिन्द्रा य दुर्धरम्

sahasradhāramapyekamanyaṃ ripukulāntakam| divyarūpamayaṃ prādāddhvajamindrā ya durdharam

Sanskrit only: no published translation is held for this verse.

वीर्यप्रवर्धनी चेष्टिरेतदर्थं विधीयते। कर्मणानेन निःशेषाञ्शक्रः शत्रूञ्जयेदिति

vīryapravardhanī ceṣṭiretadarthaṃ vidhīyate| karmaṇānena niḥśeṣāñśakraḥ śatrūñjayediti

Sanskrit only: no published translation is held for this verse.

जयैषी तमथ क्षिप्रमसृजच्चेतसा ध्वजम्। यन्त्रस्थितं स येनाजावमोहयदरीन् हरिः

jayaiṣī tamatha kṣipramasṛjaccetasā dhvajam| yantrasthitaṃ sa yenājāvamohayadarīn hariḥ

Sanskrit only: no published translation is held for this verse.

आदित्या वसवो रुद्रा विश्वेदेवास्तथाश्विनौ। अलञ्चक्रुस्तमालोक्य मरुतश्च विभूषणैः

ādityā vasavo rudrā viśvedevāstathāśvinau| alañcakrustamālokya marutaśca vibhūṣaṇaiḥ

Sanskrit only: no published translation is held for this verse.

तेजो वीर्यं वपुश्चेष्टां बलमप्येष पश्यताम्। अहरच्छत्रुसैन्यानां तेजस्वी तरसा ध्वजः

tejo vīryaṃ vapuśceṣṭāṃ balamapyeṣa paśyatām| aharacchatrusainyānāṃ tejasvī tarasā dhvajaḥ

Sanskrit only: no published translation is held for this verse.

तमभ्यर्च्य सुराधीशः शत्रून् बलवतोऽप्यसौ। त्रिरात्रेणाजयद्युद्धे कुलिशेन बलाद्बली

tamabhyarcya surādhīśaḥ śatrūn balavato'pyasau| trirātreṇājayadyuddhe kuliśena balādbalī

Sanskrit only: no published translation is held for this verse.

ततः प्रीतस्तमृक्षेऽसौ वैष्णवे द्वादशे तिथौ। त्रैलोक्यराज्यं प्राप्याभ्यषिञ्चद्बलनिषूदनः

tataḥ prītastamṛkṣe'sau vaiṣṇave dvādaśe tithau| trailokyarājyaṃ prāpyābhyaṣiñcadbalaniṣūdanaḥ

Sanskrit only: no published translation is held for this verse.

स सर्वलोकमभ्यर्च्य सर्वलोकाभिपूजितः। ध्वजमभ्यर्च्य तुष्टाव वाक्यैर्वृत्रनिषूदनः

sa sarvalokamabhyarcya sarvalokābhipūjitaḥ| dhvajamabhyarcya tuṣṭāva vākyairvṛtraniṣūdanaḥ

Sanskrit only: no published translation is held for this verse.

ततस्तमन्तिके वीक्ष्य ध्वजं प्रोवाच वासवः। इन्द्र ध्वजाक्षया लोकाः करिष्यन्ति तवार्चनम्

tatastamantike vīkṣya dhvajaṃ provāca vāsavaḥ| indra dhvajākṣayā lokāḥ kariṣyanti tavārcanam

Sanskrit only: no published translation is held for this verse.

वीक्षमाणा निमित्तानि भूमिपालाश्च शास्त्रतः। ततः प्रभृत्यसौ लोके सर्वलक्षणसंभृतः

vīkṣamāṇā nimittāni bhūmipālāśca śāstrataḥ| tataḥ prabhṛtyasau loke sarvalakṣaṇasaṃbhṛtaḥ

Sanskrit only: no published translation is held for this verse.

वरप्रदानादिन्द्र स्य नृपैः शक्रध्वजोऽर्च्यते। दुर्गमायतनं वह्निशरणं वेदिकाः कृताः

varapradānādindra sya nṛpaiḥ śakradhvajo'rcyate| durgamāyatanaṃ vahniśaraṇaṃ vedikāḥ kṛtāḥ

Sanskrit only: no published translation is held for this verse.

विचित्राः स्थालिकापाका भक्षपानानि यानि च। एतान्यायतनात् प्राक्स्युर्यद्वान्यानि प्रकल्पयेत्

vicitrāḥ sthālikāpākā bhakṣapānāni yāni ca| etānyāyatanāt prāksyuryadvānyāni prakalpayet

Sanskrit only: no published translation is held for this verse.

विजेतुं यदि वाञ्छास्ति दुर्धर्षान् द्वेषिणो रणे। तेजो बलं यशश्चाप्तुं तदैन्द्रं कारयेद्ध्वजम्

vijetuṃ yadi vāñchāsti durdharṣān dveṣiṇo raṇe| tejo balaṃ yaśaścāptuṃ tadaindraṃ kārayeddhvajam

Sanskrit only: no published translation is held for this verse.

सेनायां वा पुरे वापि प्रतिष्ठाप्य पुरन्दरम्। विजयार्थं महीपालैरभिप्रशमनाय च

senāyāṃ vā pure vāpi pratiṣṭhāpya purandaram| vijayārthaṃ mahīpālairabhipraśamanāya ca

Sanskrit only: no published translation is held for this verse.

यथा शक्रध्वजोत्थानविधानं जगतीभुजः। करिष्यन्ति तथा सम्यक् कार्त्स्न्येन प्रतिपाद्यते

yathā śakradhvajotthānavidhānaṃ jagatībhujaḥ| kariṣyanti tathā samyak kārtsnyena pratipādyate

Sanskrit only: no published translation is held for this verse.

वनादुपाहृतं द्र व्यमथ प्राग्विधिना सुधीः। पाद्यार्घ्यादिभिरभ्यर्च्य गन्धैर्माल्यैरलङ्कृतम्

vanādupāhṛtaṃ dra vyamatha prāgvidhinā sudhīḥ| pādyārghyādibhirabhyarcya gandhairmālyairalaṅkṛtam

Sanskrit only: no published translation is held for this verse.

द्विजान् संपूज्य च शुचौ देशे सम्यक्समाहितः। पूर्वाग्रमुत्तराग्रं वा प्रयत्नादवतारयेत्

dvijān saṃpūjya ca śucau deśe samyaksamāhitaḥ| pūrvāgramuttarāgraṃ vā prayatnādavatārayet

Sanskrit only: no published translation is held for this verse.

प्रागुदग्वा पुरस्याथ स्थपतिः कर्मवानपि। कारयेत् सर्वयन्त्राणि ध्वजपूर्वाणि शिल्पिभिः

prāgudagvā purasyātha sthapatiḥ karmavānapi| kārayet sarvayantrāṇi dhvajapūrvāṇi śilpibhiḥ

Sanskrit only: no published translation is held for this verse.

श्रेष्ठं द्वात्रिंशता हस्तैर्विंशत्या युतयाष्टभिः। मानं स्यान्मध्यमं तस्य चतुरन्वितयाधमम्

śreṣṭhaṃ dvātriṃśatā hastairviṃśatyā yutayāṣṭabhiḥ| mānaṃ syānmadhyamaṃ tasya caturanvitayādhamam

Sanskrit only: no published translation is held for this verse.

मूलविस्तृतिरायामादङ्गुलार्धं करे करे। विष्कम्भोऽग्रे च मूलार्धात् तत्त्र्यंशाद्वाखिलेष्वपि

mūlavistṛtirāyāmādaṅgulārdhaṃ kare kare| viṣkambho'gre ca mūlārdhāt tattryaṃśādvākhileṣvapi

Sanskrit only: no published translation is held for this verse.

ध्वजमूलाष्टमांशोनं विस्तारात्कुष्यमिष्यते। विस्तारार्धेन च स्थूलं स्थूलत्वत्रिगुणायतम्

dhvajamūlāṣṭamāṃśonaṃ vistārātkuṣyamiṣyate| vistārārdhena ca sthūlaṃ sthūlatvatriguṇāyatam

Sanskrit only: no published translation is held for this verse.

ध्वजविस्तारबहलं साङ्घ्रिबाहल्यविस्तृतम्। भ्रमपीठं विधातव्यं सार्धायामं शुभावहम्

dhvajavistārabahalaṃ sāṅghribāhalyavistṛtam| bhramapīṭhaṃ vidhātavyaṃ sārdhāyāmaṃ śubhāvaham

Sanskrit only: no published translation is held for this verse.

सम्मितो ध्वजकुष्येण वेधः स्याद्भ्रमपीठगः। कुष्यकोट्यधिकावृत्तावक्षौ कोटिद्वयायतौ

sammito dhvajakuṣyeṇa vedhaḥ syādbhramapīṭhagaḥ| kuṣyakoṭyadhikāvṛttāvakṣau koṭidvayāyatau

Sanskrit only: no published translation is held for this verse.

कार्यावङ्घ्री भ्रमस्थूलौ भ्रमविस्तृतिविस्तृतौ। तद्युक्तिवेधे तावेत द्विस्तृतेर्द्विगुणोच्छ्रितौ

kāryāvaṅghrī bhramasthūlau bhramavistṛtivistṛtau| tadyuktivedhe tāveta dvistṛterdviguṇocchritau

Sanskrit only: no published translation is held for this verse.

ध्वजायतिचतुर्भागात्पीठमत्र प्रकल्पयेत्। मल्लप्रतिष्ठितं मध्ये प्रान्तयोः स्तम्भधारितम्

dhvajāyaticaturbhāgātpīṭhamatra prakalpayet| mallapratiṣṭhitaṃ madhye prāntayoḥ stambhadhāritam

Sanskrit only: no published translation is held for this verse.

तत्पीठस्तम्भनीयाभ्यां द्वाराभ्यामन्वितं दृढम्। याम्योत्तरप्रतिक्षोभं प्राङ्मुखं सुदृढार्गलम्

tatpīṭhastambhanīyābhyāṃ dvārābhyāmanvitaṃ dṛḍham| yāmyottarapratikṣobhaṃ prāṅmukhaṃ sudṛḍhārgalam

Sanskrit only: no published translation is held for this verse.

केतुव्यासार्धविस्तारं तद्दैर्घ्याष्टांशकोच्छ्रितम्। विस्तारसदृशायामं मध्ये स्याद्वज्रिणो गृहम्

ketuvyāsārdhavistāraṃ taddairghyāṣṭāṃśakocchritam| vistārasadṛśāyāmaṃ madhye syādvajriṇo gṛham

Sanskrit only: no published translation is held for this verse.

मल्लश्च पीठिकाङ्घ्री च बाहू स्तम्भविनिर्गतौ। शक्रमाता कुमार्यश्च ध्वजविस्तृतिविस्तृताः

mallaśca pīṭhikāṅghrī ca bāhū stambhavinirgatau| śakramātā kumāryaśca dhvajavistṛtivistṛtāḥ

Sanskrit only: no published translation is held for this verse.

निम्नभागाश्च सर्वेषां स्वविस्तृतिचतुर्गुणाः। कार्या वा पञ्चगुणिताः सप्त मूलदेशतः

nimnabhāgāśca sarveṣāṃ svavistṛticaturguṇāḥ| kāryā vā pañcaguṇitāḥ sapta mūladeśataḥ

Sanskrit only: no published translation is held for this verse.

कन्यानामुदयः प्रोक्तो यः षष्ठांशस्त्रिसंगुणः। इन्द्र माता तु सर्वाभ्यः स्यात्तदष्टांशतोऽधिका

kanyānāmudayaḥ prokto yaḥ ṣaṣṭhāṃśastrisaṃguṇaḥ| indra mātā tu sarvābhyaḥ syāttadaṣṭāṃśato'dhikā

Sanskrit only: no published translation is held for this verse.

वेधः स्वविस्तरैः सप्तभागे स्यात् कन्यकोदयात्। निर्वेधश्चतुरश्रः स्याल्लकटस्य समाहितः

vedhaḥ svavistaraiḥ saptabhāge syāt kanyakodayāt| nirvedhaścaturaśraḥ syāllakaṭasya samāhitaḥ

Sanskrit only: no published translation is held for this verse.

निर्वेधावस्य चोर्ध्वाधः सप्तांशान्तरवर्तिनौ। कार्यौ सूचीव्यधावन्यौ सूचीमानप्रमाणतः

nirvedhāvasya cordhvādhaḥ saptāṃśāntaravartinau| kāryau sūcīvyadhāvanyau sūcīmānapramāṇataḥ

Sanskrit only: no published translation is held for this verse.

कन्याव्यासत्रिभागेन सूची विस्तारतो भवेत्। पादोनबहला चारुदारुजा दृढसंहिता

kanyāvyāsatribhāgena sūcī vistārato bhavet| pādonabahalā cārudārujā dṛḍhasaṃhitā

Sanskrit only: no published translation is held for this verse.

कुमारीव्याससंयुक्ता द्विगुणा कलटायतिः। एतद्बाह्यान्तरं ज्ञात्वा यन्त्रं संयोजयेत्ततः

kumārīvyāsasaṃyuktā dviguṇā kalaṭāyatiḥ| etadbāhyāntaraṃ jñātvā yantraṃ saṃyojayettataḥ

Sanskrit only: no published translation is held for this verse.

तयोरधस्तदर्धेन मृगाल्यौ सूचिविस्तृतौ। क्षेत्रस्य लेखितं कार्यं सम्बन्धे सूचिकन्ययोः

tayoradhastadardhena mṛgālyau sūcivistṛtau| kṣetrasya lekhitaṃ kāryaṃ sambandhe sūcikanyayoḥ

Sanskrit only: no published translation is held for this verse.

साङ्घ्रिकेतनमूलार्धं लकटे विस्तृतायती। अक्षाभ्यां योजयेत् सम्यग्दृढं बाह्वक्षवेधयोः

sāṅghriketanamūlārdhaṃ lakaṭe vistṛtāyatī| akṣābhyāṃ yojayet samyagdṛḍhaṃ bāhvakṣavedhayoḥ

Sanskrit only: no published translation is held for this verse.

पञ्चानामपि तुल्यैव कन्यानां स्यात्प्रकल्पना। कृत्वानुपूर्व्या यन्त्राणि स्थापयेदखिलान्यपि

pañcānāmapi tulyaiva kanyānāṃ syātprakalpanā| kṛtvānupūrvyā yantrāṇi sthāpayedakhilānyapi

Sanskrit only: no published translation is held for this verse.

आश्विने मासि पक्षे च धवले प्रतिपत्तिथौ। स्थिरोदयैर्ग्रहैः सौम्यैर्वीक्षिते त्वाष्ट्रभेऽपि च

āśvine māsi pakṣe ca dhavale pratipattithau| sthirodayairgrahaiḥ saumyairvīkṣite tvāṣṭrabhe'pi ca

Sanskrit only: no published translation is held for this verse.

पौरजानपदैः सर्ववादित्रध्वनितेन च। यन्त्राण्युत्क्षिप्य यष्टिं च कर्मस्थानान्नयेज्जलम्

paurajānapadaiḥ sarvavāditradhvanitena ca| yantrāṇyutkṣipya yaṣṭiṃ ca karmasthānānnayejjalam

Sanskrit only: no published translation is held for this verse.

चित्रप्रतिसराकीर्णां यष्टिं तत्राज्यलेपिताम्। चूर्णैः सर्वौषधीभिश्च स्थपतिः स्नापयेत् स्वयम्

citrapratisarākīrṇāṃ yaṣṭiṃ tatrājyalepitām| cūrṇaiḥ sarvauṣadhībhiśca sthapatiḥ snāpayet svayam

Sanskrit only: no published translation is held for this verse.

जलाशयात्समुत्तार्य नॄणां कलकलस्वनैः। प्रागग्रां स्थापयेद्दारुहस्तिन्योः प्राक्समुन्नताम्

jalāśayātsamuttārya nṝṇāṃ kalakalasvanaiḥ| prāgagrāṃ sthāpayeddāruhastinyoḥ prāksamunnatām

Sanskrit only: no published translation is held for this verse.

अहतेप्सितवासोभिराच्छाद्यार्च्य स्रगादिभिः। विक्षिप्य च बलिं दिक्षु द्विजातीन् स्वस्ति वाचयेत्

ahatepsitavāsobhirācchādyārcya sragādibhiḥ| vikṣipya ca baliṃ dikṣu dvijātīn svasti vācayet

Sanskrit only: no published translation is held for this verse.

त्रिसध्यं पूजितां तत्र सर्वप्रकृतिभिस्ततः। पञ्चाहं वासयेद्यष्टिं गुप्तां चापधरैर्नरैः

trisadhyaṃ pūjitāṃ tatra sarvaprakṛtibhistataḥ| pañcāhaṃ vāsayedyaṣṭiṃ guptāṃ cāpadharairnaraiḥ

Sanskrit only: no published translation is held for this verse.

तस्मिन्नेवाह्नि यन्त्राणि सर्वाण्यपि च यष्टिवत्। स्नातान्याच्छादितानीन्द्र स्थानदेशं प्रवेशयेत्

tasminnevāhni yantrāṇi sarvāṇyapi ca yaṣṭivat| snātānyācchāditānīndra sthānadeśaṃ praveśayet

Sanskrit only: no published translation is held for this verse.

सूत्रितेऽथ ध्वजस्थाने यष्टेरष्टांशदैर्घ्यतः। तदर्धविस्तृते दिक्स्थे समे प्रागायते शुभे

sūtrite'tha dhvajasthāne yaṣṭeraṣṭāṃśadairghyataḥ| tadardhavistṛte diksthe same prāgāyate śubhe

Sanskrit only: no published translation is held for this verse.

विभक्तेऽत्र विभागानामेकाशीत्या ततः क्रमात्। विन्यस्तास्वथ सर्वासु देवतासु यथातथम्

vibhakte'tra vibhāgānāmekāśītyā tataḥ kramāt| vinyastāsvatha sarvāsu devatāsu yathātatham

Sanskrit only: no published translation is held for this verse.

प्राचि मध्ये मैत्रपदे तन्मध्यान्मरुतो दिशि। मल्लं निम्नप्रमाणेन पादकोणे निवेशयेत्

prāci madhye maitrapade tanmadhyānmaruto diśi| mallaṃ nimnapramāṇena pādakoṇe niveśayet

Sanskrit only: no published translation is held for this verse.

भृङ्गमुख्यपदद्वन्द्वमध्ययोर्वायुकोणयोः। न्यस्येत्स्तम्भौ तयोः पीठीं मल्ले च विनिवेशयेत्

bhṛṅgamukhyapadadvandvamadhyayorvāyukoṇayoḥ| nyasyetstambhau tayoḥ pīṭhīṃ malle ca viniveśayet

Sanskrit only: no published translation is held for this verse.

पीठिका निर्गता बाहुयुग्मात्तत्राग्रयोगतः। स्तम्भिन्यौ रोपयेद्ब्राह्मं पृथक्पदयुगं श्रिते

pīṭhikā nirgatā bāhuyugmāttatrāgrayogataḥ| stambhinyau ropayedbrāhmaṃ pṛthakpadayugaṃ śrite

Sanskrit only: no published translation is held for this verse.

प्रतिक्षोभाविह द्वौ द्वौ बाहुद्वितयमाश्रितौ। बाह्यतः प्रान्तपदयोर्मैत्रयोर्विनिवेशयेत्

pratikṣobhāviha dvau dvau bāhudvitayamāśritau| bāhyataḥ prāntapadayormaitrayorviniveśayet

Sanskrit only: no published translation is held for this verse.

प्राच्यां मल्लाग्रतो ज्ञात्वा शक्रस्योर्ध्वगतिं क्रमात्। योजयेद्भ्रमणोपेतौ भ्रमपादावभङ्गुरौ

prācyāṃ mallāgrato jñātvā śakrasyordhvagatiṃ kramāt| yojayedbhramaṇopetau bhramapādāvabhaṅgurau

Sanskrit only: no published translation is held for this verse.

मल्लात्पश्चिमदिग्भागे वरुणस्याश्रितां पदम्। भद्रां निवेशयेन्निम्नमानतः शक्रमातरम्

mallātpaścimadigbhāge varuṇasyāśritāṃ padam| bhadrāṃ niveśayennimnamānataḥ śakramātaram

Sanskrit only: no published translation is held for this verse.

स्युः पर्जन्यान्तरिक्षद्वार्यक्ष्मणां पदमाश्रिताः। क्रमान्नन्दोपनन्दाख्यजयाख्यविजयाभिधाः

syuḥ parjanyāntarikṣadvāryakṣmaṇāṃ padamāśritāḥ| kramānnandopanandākhyajayākhyavijayābhidhāḥ

Sanskrit only: no published translation is held for this verse.

विन्यस्तास्वथ सर्वासु कुमारीषु विभागशः। त्रयस्त्रयः प्रतिक्षोभा योज्या दार्ढ्याय बाह्यतः

vinyastāsvatha sarvāsu kumārīṣu vibhāgaśaḥ| trayastrayaḥ pratikṣobhā yojyā dārḍhyāya bāhyataḥ

Sanskrit only: no published translation is held for this verse.

निक्षिपन्नखिलं द्र व्यं भावयेत् पददेवताः। प्राप्नोति तत्तदाख्यां तद्द्रव्यं पूजां च तद्गताम्

nikṣipannakhilaṃ dra vyaṃ bhāvayet padadevatāḥ| prāpnoti tattadākhyāṃ taddravyaṃ pūjāṃ ca tadgatām

Sanskrit only: no published translation is held for this verse.

पीठीपृष्ठसमं कन्यापार्श्वयोरुभयोरपि। कुर्यादनुसरद्वन्द्वं कीलकैर्बद्धमायसैः

pīṭhīpṛṣṭhasamaṃ kanyāpārśvayorubhayorapi| kuryādanusaradvandvaṃ kīlakairbaddhamāyasaiḥ

Sanskrit only: no published translation is held for this verse.

संश्रित्यानुसरद्वन्द्वं पीठीं चोपरि सङ्ग्रहात्। बध्नीयात्कीलकैर्लौहैर्यन्त्रनिश्चलताकृते

saṃśrityānusaradvandvaṃ pīṭhīṃ copari saṅgrahāt| badhnīyātkīlakairlauhairyantraniścalatākṛte

Sanskrit only: no published translation is held for this verse.

यन्त्रकर्मणि निर्वृत्त इति शास्त्रविधानतः। प्रवेशयीत स्वस्थाने त्रिदशाधिपमैन्द्र भे

yantrakarmaṇi nirvṛtta iti śāstravidhānataḥ| praveśayīta svasthāne tridaśādhipamaindra bhe

Sanskrit only: no published translation is held for this verse.

स्नातस्य विधिवद्वस्त्रच्छन्नस्यालेपितस्य च। श्रीखण्डाद्यैः सुरभिभिः कुसुमैरर्चितस्य च

snātasya vidhivadvastracchannasyālepitasya ca| śrīkhaṇḍādyaiḥ surabhibhiḥ kusumairarcitasya ca

Sanskrit only: no published translation is held for this verse.

रौहिणादिमुहूर्तेषु त्रिषु मैत्रेऽथ वज्रिणः। प्रवेशमभिनन्दन्ति करणेष्वर्चितेषु च

rauhiṇādimuhūrteṣu triṣu maitre'tha vajriṇaḥ| praveśamabhinandanti karaṇeṣvarciteṣu ca

Sanskrit only: no published translation is held for this verse.

स्थपतिर्वा पुरोधा वा शुचिः स्नातः समाहितः। गन्धमाल्यार्चितान् विप्रांस्तर्पयेद्दक्षिणादिभिः

sthapatirvā purodhā vā śuciḥ snātaḥ samāhitaḥ| gandhamālyārcitān viprāṃstarpayeddakṣiṇādibhiḥ

Sanskrit only: no published translation is held for this verse.

ततो मङ्गलघोषेण वादित्रनिनदेन च। पुण्याहजयशब्दैस्तमुत्क्षिपेयुः समाहिताः

tato maṅgalaghoṣeṇa vāditraninadena ca| puṇyāhajayaśabdaistamutkṣipeyuḥ samāhitāḥ

Sanskrit only: no published translation is held for this verse.

अलङ्कारभृतः पौराः प्रहृष्टमनसोऽखिलाः। नीरुजो बलिनः शक्ताः प्रकृत्यभिमताश्च ये

alaṅkārabhṛtaḥ paurāḥ prahṛṣṭamanaso'khilāḥ| nīrujo balinaḥ śaktāḥ prakṛtyabhimatāśca ye

Sanskrit only: no published translation is held for this verse.

स्तुवीरन् पुण्यमनसः स्तुतिभिः सूतमागधाः। वन्देरन्वन्दिनश्चैनं सेवेरन् गणिका अपि

stuvīran puṇyamanasaḥ stutibhiḥ sūtamāgadhāḥ| vanderanvandinaścainaṃ severan gaṇikā api

Sanskrit only: no published translation is held for this verse.

प्रविशन्तं निजं स्थानमनुगच्छेन्नराधिपः। सुराधिपं बलामात्यपौरजानपदान्वितः

praviśantaṃ nijaṃ sthānamanugacchennarādhipaḥ| surādhipaṃ balāmātyapaurajānapadānvitaḥ

Sanskrit only: no published translation is held for this verse.

प्रोद्यत्कलकलारावसुस्वराः पुरुषा यदि। उत्क्षिपेयुः प्रहृष्टा वा वहेयुर्वा सुराधिपम्

prodyatkalakalārāvasusvarāḥ puruṣā yadi| utkṣipeyuḥ prahṛṣṭā vā vaheyurvā surādhipam

Sanskrit only: no published translation is held for this verse.

तदा भवति भूपालो जयी नन्दन्ति च प्रजाः। राष्ट्रे सुखं पुरे हर्षो भवेन्नश्यन्ति चेतयः

tadā bhavati bhūpālo jayī nandanti ca prajāḥ| rāṣṭre sukhaṃ pure harṣo bhavennaśyanti cetayaḥ

Sanskrit only: no published translation is held for this verse.

मुञ्चत्युत्थापितः कृच्छ्राद्यदि शय्यां स गौरवात्। तदा नृपतिरभ्येति महतीं विमनस्कताम्

muñcatyutthāpitaḥ kṛcchrādyadi śayyāṃ sa gauravāt| tadā nṛpatirabhyeti mahatīṃ vimanaskatām

Sanskrit only: no published translation is held for this verse.

स्खलन्तो दुःखिता दीना निःश्वसन्तः पदे पदे। वैचित्त्यभाजो गच्छेयुर्देशहानिस्तदा ध्रुवम्

skhalanto duḥkhitā dīnā niḥśvasantaḥ pade pade| vaicittyabhājo gaccheyurdeśahānistadā dhruvam

Sanskrit only: no published translation is held for this verse.

भूमौ यदैकदेशेन ह्रसितः पतति ध्वजः। न सुभिक्षं न च क्षेमो न राज्ञो विजयस्तदा

bhūmau yadaikadeśena hrasitaḥ patati dhvajaḥ| na subhikṣaṃ na ca kṣemo na rājño vijayastadā

Sanskrit only: no published translation is held for this verse.

दीर्णे भग्नेऽथ पतिते कृत्स्ने चास्मिन् समुद्धृते। स्यान्नृपस्यावनिच्छेदः सुतध्वंसोऽथवा मृतिः

dīrṇe bhagne'tha patite kṛtsne cāsmin samuddhṛte| syānnṛpasyāvanicchedaḥ sutadhvaṃso'thavā mṛtiḥ

Sanskrit only: no published translation is held for this verse.

वस्त्रालङ्कृतिमाल्यानां हरणात् पतनादुत। तादृशद्र व्यविध्वंसः पौराणां भवति ध्रुवम्

vastrālaṅkṛtimālyānāṃ haraṇāt patanāduta| tādṛśadra vyavidhvaṃsaḥ paurāṇāṃ bhavati dhruvam

Sanskrit only: no published translation is held for this verse.

पुरं भवति निःशब्दं निष्प्रभं वा प्रवेशने। समुच्छ्रये वा शक्रस्य तदा तन्नाशमृच्छति

puraṃ bhavati niḥśabdaṃ niṣprabhaṃ vā praveśane| samucchraye vā śakrasya tadā tannāśamṛcchati

Sanskrit only: no published translation is held for this verse.

शक्रं स्वस्थानमानीतं शीघ्रं सुखमविघ्नतः। प्राग्वत्प्रदक्षिणं न्यस्येत्प्रागग्रं शयने निजे

śakraṃ svasthānamānītaṃ śīghraṃ sukhamavighnataḥ| prāgvatpradakṣiṇaṃ nyasyetprāgagraṃ śayane nije

Sanskrit only: no published translation is held for this verse.

कुर्यात्तत्रैव नक्षत्रे शय्यास्थस्यामरेशितुः। भ्रमे कुष्ये च संयोगं यथाभागविकल्पितम्

kuryāttatraiva nakṣatre śayyāsthasyāmareśituḥ| bhrame kuṣye ca saṃyogaṃ yathābhāgavikalpitam

Sanskrit only: no published translation is held for this verse.

कुष्ये संयोज्यमानश्चेद्ध्वजो निपतति क्षितौ। तदा नरपतेः स्थानभ्रंशो भवति निश्चितः

kuṣye saṃyojyamānaśceddhvajo nipatati kṣitau| tadā narapateḥ sthānabhraṃśo bhavati niścitaḥ

Sanskrit only: no published translation is held for this verse.

कुष्ययोगे यदा शक्रो वामतः परिवर्तते। तदा स्यात्स्थपतेर्मृत्युर्भवेद्भङ्गश्च दक्षिणे

kuṣyayoge yadā śakro vāmataḥ parivartate| tadā syātsthapatermṛtyurbhavedbhaṅgaśca dakṣiṇe

Sanskrit only: no published translation is held for this verse.

स्ववेधं प्रतिपद्येत तद्यष्टिर्यदि कृच्छ्रतः। प्रमादिनस्तदा राज्ञो जायते व्यसनं महत्

svavedhaṃ pratipadyeta tadyaṣṭiryadi kṛcchrataḥ| pramādinastadā rājño jāyate vyasanaṃ mahat

Sanskrit only: no published translation is held for this verse.

निष्कुष्य योजितः शक्रध्वजो विघटते यदि। विश्लिष्यति तदा सन्धिः सामन्तैः सह भूपतेः

niṣkuṣya yojitaḥ śakradhvajo vighaṭate yadi| viśliṣyati tadā sandhiḥ sāmantaiḥ saha bhūpateḥ

Sanskrit only: no published translation is held for this verse.

स्फुटेद्भज्येत वा कुष्ये योज्यमानोऽथ सर्वतः। तदा भङ्गे नृपव्याधिः स्फुटनादङ्गनावधः

sphuṭedbhajyeta vā kuṣye yojyamāno'tha sarvataḥ| tadā bhaṅge nṛpavyādhiḥ sphuṭanādaṅganāvadhaḥ

Sanskrit only: no published translation is held for this verse.

अविदीर्णमपर्यस्तमव्यङ्गमविलम्बितम्। यथावन्न्यासमायाति योगं चेद्वासवध्वजः

avidīrṇamaparyastamavyaṅgamavilambitam| yathāvannyāsamāyāti yogaṃ cedvāsavadhvajaḥ

Sanskrit only: no published translation is held for this verse.

धनभृत्याङ्गनापत्यैः सामन्तैश्चान्वितोऽनुगैः। निरातङ्को बलाङ्गश्च वृद्धिमेति तदा नृपः

dhanabhṛtyāṅganāpatyaiḥ sāmantaiścānvito'nugaiḥ| nirātaṅko balāṅgaśca vṛddhimeti tadā nṛpaḥ

Sanskrit only: no published translation is held for this verse.

यत्नतो रक्ष्यमाणस्य शय्यास्थस्यैव वज्रिणः। तस्याङ्गान्यखिलान्येव कुटन्यादीनि योजयेत्

yatnato rakṣyamāṇasya śayyāsthasyaiva vajriṇaḥ| tasyāṅgānyakhilānyeva kuṭanyādīni yojayet

Sanskrit only: no published translation is held for this verse.

ऐन्द्रं बलाकं यक्षेशं सर्पमादं दिगाह्वयम्। मयूरं चेन्द्र शीर्षं च पिटकाष्टकमित्यदः

aindraṃ balākaṃ yakṣeśaṃ sarpamādaṃ digāhvayam| mayūraṃ cendra śīrṣaṃ ca piṭakāṣṭakamityadaḥ

Sanskrit only: no published translation is held for this verse.

स्वप्रमाणेन कर्तव्यं स्पष्टरूपसमन्वितम्। तदाख्याश्चान्तरेष्वेषां सन्धयो वस्त्रनिर्मिताः

svapramāṇena kartavyaṃ spaṣṭarūpasamanvitam| tadākhyāścāntareṣveṣāṃ sandhayo vastranirmitāḥ

Sanskrit only: no published translation is held for this verse.

मूलादन्वग्रमायातैः स्ववंशैर्विदलैर्दृढैः। गुणैश्च वेष्टयेदेनं घनैरशिथिलैर्ध्वजम्

mūlādanvagramāyātaiḥ svavaṃśairvidalairdṛḍhaiḥ| guṇaiśca veṣṭayedenaṃ ghanairaśithilairdhvajam

Sanskrit only: no published translation is held for this verse.

साङ्घ्रिणा ध्वजनाहेन सत्र्यंशेनाथ विस्तृतिः। विधेया शक्रपिटकस्योच्छ्रयस्तु तदर्धतः

sāṅghriṇā dhvajanāhena satryaṃśenātha vistṛtiḥ| vidheyā śakrapiṭakasyocchrayastu tadardhataḥ

Sanskrit only: no published translation is held for this verse.

अस्मिन्नष्टौ दिशः कृत्वा वंशव्यवहिते ततः। न्यस्येद्दिगीशांश्चतुरस्तस्योपरि यथादिशम्

asminnaṣṭau diśaḥ kṛtvā vaṃśavyavahite tataḥ| nyasyeddigīśāṃścaturastasyopari yathādiśam

Sanskrit only: no published translation is held for this verse.

पञ्चमांशगते कुष्याद्वज्रिणः पिटके कृते। शेषाण्यप्यष्टभागोनान्यस्मिन्न्यस्येद्यथाक्रमम्

pañcamāṃśagate kuṣyādvajriṇaḥ piṭake kṛte| śeṣāṇyapyaṣṭabhāgonānyasminnyasyedyathākramam

Sanskrit only: no published translation is held for this verse.

बलाकादीनि विस्तृत्या चरणोनानि चोच्छ्रितौ। स्ववर्णवन्ति वृत्तानि रामणीयकवन्ति च

balākādīni vistṛtyā caraṇonāni cocchritau| svavarṇavanti vṛttāni rāmaṇīyakavanti ca

Sanskrit only: no published translation is held for this verse.

भङ्गपातविपर्या ससिद्धयः पिटकोद्भवाः। पीडार्त्तिमृत्यवेऽत्यर्थमेकैकस्य प्रकीर्तिताः

bhaṅgapātaviparyā sasiddhayaḥ piṭakodbhavāḥ| pīḍārttimṛtyave'tyarthamekaikasya prakīrtitāḥ

Sanskrit only: no published translation is held for this verse.

शुद्धान्तामात्यचित्तानां बलस्य यशसोऽपि च। वसुमत्याश्च धाम्नां च नृपते राष्ट्रस्य च

śuddhāntāmātyacittānāṃ balasya yaśaso'pi ca| vasumatyāśca dhāmnāṃ ca nṛpate rāṣṭrasya ca

Sanskrit only: no published translation is held for this verse.

केतुषड्भागविस्तारा रज्जवोऽष्टौ सुवर्तिताः। विधेयाः स्युर्ध्वजायामत्रिगुणायतयो दृढाः

ketuṣaḍbhāgavistārā rajjavo'ṣṭau suvartitāḥ| vidheyāḥ syurdhvajāyāmatriguṇāyatayo dṛḍhāḥ

Sanskrit only: no published translation is held for this verse.

छादितं छदिभिः पूर्वं कुट्टनीसहितं शुभम्। यत्नेनासन्नदिवसे विदध्यादमरध्वजम्

chāditaṃ chadibhiḥ pūrvaṃ kuṭṭanīsahitaṃ śubham| yatnenāsannadivase vidadhyādamaradhvajam

Sanskrit only: no published translation is held for this verse.

अर्केन्दुग्रहताराङ्कं वेणुगुल्मेन्द्र शीर्षकम्। साष्टकण्ठगुणं दण्डसूत्रादर्शान्वितं शुभम्

arkendugrahatārāṅkaṃ veṇugulmendra śīrṣakam| sāṣṭakaṇṭhaguṇaṃ daṇḍasūtrādarśānvitaṃ śubham

Sanskrit only: no published translation is held for this verse.

ससस्यफलपुष्पाढ्यं शुभवस्त्रमलङ्कृतम्। दृढमन्वितमष्टाभिः सन्तताभिश्च रज्जुभिः

sasasyaphalapuṣpāḍhyaṃ śubhavastramalaṅkṛtam| dṛḍhamanvitamaṣṭābhiḥ santatābhiśca rajjubhiḥ

Sanskrit only: no published translation is held for this verse.

ध्वजपट्टं विदध्याच्च चित्रं सुरचितं तथा। निमित्तार्थं च लोकानां शोभाहेतोर्ध्वजस्य च

dhvajapaṭṭaṃ vidadhyācca citraṃ suracitaṃ tathā| nimittārthaṃ ca lokānāṃ śobhāhetordhvajasya ca

Sanskrit only: no published translation is held for this verse.

सपत्तनपुरारामगन्धर्वत्रिदशासुरम्। निखिलं जगदालेख्यमस्मिन्नद्रि द्रुमाकुलम्

sapattanapurārāmagandharvatridaśāsuram| nikhilaṃ jagadālekhyamasminnadri drumākulam

Sanskrit only: no published translation is held for this verse.

ध्वजाग्रे रश्मिभिर्नद्धं सुविन्यस्तं च भूतले। विन्यसेत्तमसम्मूढमधोभागसमाश्रितम्

dhvajāgre raśmibhirnaddhaṃ suvinyastaṃ ca bhūtale| vinyasettamasammūḍhamadhobhāgasamāśritam

Sanskrit only: no published translation is held for this verse.

प्रमोदगीतवादित्रनटनर्तकसंयुतः। तदग्रे जागरः कार्यः समस्तामेव तां निशाम्

pramodagītavāditranaṭanartakasaṃyutaḥ| tadagre jāgaraḥ kāryaḥ samastāmeva tāṃ niśām

Sanskrit only: no published translation is held for this verse.

पुरोहितस्ततो भास्वत्युदिते प्रयतेन्द्रि यः। अग्नेः परिग्रहं कुर्यान्मूलस्य प्रागुदग्दिशि

purohitastato bhāsvatyudite prayatendri yaḥ| agneḥ parigrahaṃ kuryānmūlasya prāgudagdiśi

Sanskrit only: no published translation is held for this verse.

कृत्वोपलेपनं तस्मिन्नुल्लेखाभ्युक्षनैस्ततः। संस्कृत्यास्तीर्य दर्भांश्च ज्वालयेत्तत्र पावकम्

kṛtvopalepanaṃ tasminnullekhābhyukṣanaistataḥ| saṃskṛtyāstīrya darbhāṃśca jvālayettatra pāvakam

Sanskrit only: no published translation is held for this verse.

तत्राज्यपात्राण्याज्यं च गन्धांश्च कुसुमानि च। द्र व्याणि वाचनीयानि समिधश्च पलाशजाः

tatrājyapātrāṇyājyaṃ ca gandhāṃśca kusumāni ca| dra vyāṇi vācanīyāni samidhaśca palāśajāḥ

Sanskrit only: no published translation is held for this verse.

सौवर्णौ स्रक्स्रुवाविन्द्र भक्तं च बलयोऽपि च। इत्येतत्सर्वमाहृत्य जुहुयात् पावकं ततः

sauvarṇau sraksruvāvindra bhaktaṃ ca balayo'pi ca| ityetatsarvamāhṛtya juhuyāt pāvakaṃ tataḥ

Sanskrit only: no published translation is held for this verse.

पुत्रदारपशुद्र व्यसैन्ययुक्तस्य भूपतेः। विजयावाप्तिजनकैर्मन्त्रैः शान्तिविधायिभिः

putradārapaśudra vyasainyayuktasya bhūpateḥ| vijayāvāptijanakairmantraiḥ śāntividhāyibhiḥ

Sanskrit only: no published translation is held for this verse.

सुस्वनःसुमहार्चिश्च स्निग्धश्चेद्धोऽपि च स्वयम्। कान्तिमान् सुरभिर्जिघ्नन् होतारं शस्यतेऽनलः

susvanaḥsumahārciśca snigdhaśceddho'pi ca svayam| kāntimān surabhirjighnan hotāraṃ śasyate'nalaḥ

Sanskrit only: no published translation is held for this verse.

तप्तकाञ्चनसच्छायो लाक्षाभः किंशुकच्छविः। प्रवालविद्रुमाशोकसुरगोपसमद्युतिः

taptakāñcanasacchāyo lākṣābhaḥ kiṃśukacchaviḥ| pravālavidrumāśokasuragopasamadyutiḥ

Sanskrit only: no published translation is held for this verse.

ध्वजाङ्कुशगृहच्छत्रयूपप्राकारतोरणैः। सदृशार्चिः प्रशस्तोऽग्निर्माङ्गल्यैरपरैस्तथा

dhvajāṅkuśagṛhacchatrayūpaprākāratoraṇaiḥ| sadṛśārciḥ praśasto'gnirmāṅgalyairaparaistathā

Sanskrit only: no published translation is held for this verse.

स्निग्धः प्रदक्षिणशिखो विधूमो विपुलोऽनलः। सुभिक्षक्षेमदः प्रोक्तो दीप्यमानश्चिरं तथा

snigdhaḥ pradakṣiṇaśikho vidhūmo vipulo'nalaḥ| subhikṣakṣemadaḥ prokto dīpyamānaściraṃ tathā

Sanskrit only: no published translation is held for this verse.

धूम्रो विवर्णः परुषः पीतो वा नीलकोऽथवा। विच्छिन्नो भैरवरवो वामावर्त्तशिखोऽल्पकः

dhūmro vivarṇaḥ paruṣaḥ pīto vā nīlako'thavā| vicchinno bhairavaravo vāmāvarttaśikho'lpakaḥ

Sanskrit only: no published translation is held for this verse.

मन्दार्चिर्द्युतिमुक्तोऽसृग्वसागन्धः स्फुलिङ्गवान्। धूमावृतः सफेनश्च हुतभुग्न जयावहः

mandārcirdyutimukto'sṛgvasāgandhaḥ sphuliṅgavān| dhūmāvṛtaḥ saphenaśca hutabhugna jayāvahaḥ

Sanskrit only: no published translation is held for this verse.

दर्भाणां संस्तरं वह्निर्होमाङ्गान्यपराणि वा। हूयमानो दहति चेद्धानिस्तदभिनिर्दिशेत्

darbhāṇāṃ saṃstaraṃ vahnirhomāṅgānyaparāṇi vā| hūyamāno dahati ceddhānistadabhinirdiśet

Sanskrit only: no published translation is held for this verse.

होमे वोत्सर्पयेत्पीठं दह्यमानो यदाग्निना। भूम्येकदेशनाशः स्याल्लाभः स्यादुपकर्षणात्

home votsarpayetpīṭhaṃ dahyamāno yadāgninā| bhūmyekadeśanāśaḥ syāllābhaḥ syādupakarṣaṇāt

Sanskrit only: no published translation is held for this verse.

सर्वतो वाप्यगाधो यः स वर्धयति पार्थिवान्। यां दिशं यान्ति च ज्वालास्तस्यां विजयमादिशेत्

sarvato vāpyagādho yaḥ sa vardhayati pārthivān| yāṃ diśaṃ yānti ca jvālāstasyāṃ vijayamādiśet

Sanskrit only: no published translation is held for this verse.

दुर्वर्णाशुचि दुर्गन्धि मक्षिकाखुविडम्बितम्। आज्यं राज्यच्छिदे प्राहुर्हूयते यच्च भस्मनि

durvarṇāśuci durgandhi makṣikākhuviḍambitam| ājyaṃ rājyacchide prāhurhūyate yacca bhasmani

Sanskrit only: no published translation is held for this verse.

हीनाधिकप्रमाणाश्च विदीर्णा घुणभक्षिताः। वातरुग्णद्रुमोत्थाश्च समिधोऽर्थक्षयावहाः

hīnādhikapramāṇāśca vidīrṇā ghuṇabhakṣitāḥ| vātarugṇadrumotthāśca samidho'rthakṣayāvahāḥ

Sanskrit only: no published translation is held for this verse.