Bhoja: Samarāṅgaṇa-sūtradhāra 2

अथ पृष्ठे हिमगिरेः शशाङ्कशुचिरोचिषि। सिद्धामरवधूभुक्तमणिमञ्जुगुहागृहे

atha pṛṣṭhe himagireḥ śaśāṅkaśucirociṣi| siddhāmaravadhūbhuktamaṇimañjuguhāgṛhe

Sanskrit only: no published translation is held for this verse.

विस्तीर्णासनमासीनं सर्वज्ञमथ संस्मृताः। आययुर्विश्वकर्माणं चत्वारो मानसाः सुताः

vistīrṇāsanamāsīnaṃ sarvajñamatha saṃsmṛtāḥ| āyayurviśvakarmāṇaṃ catvāro mānasāḥ sutāḥ

Sanskrit only: no published translation is held for this verse.

जयो विजयसिद्धार्थौ चतुर्थश्चापराजितः। तमुपागम्य शिरसा नेमुः प्राञ्जलयो मुनिम्

jayo vijayasiddhārthau caturthaścāparājitaḥ| tamupāgamya śirasā nemuḥ prāñjalayo munim

Sanskrit only: no published translation is held for this verse.

तानुवाच मुनिर्वत्सा विदितं वो यथा पुरा। वास्तुब्रह्म सदा विश्वं व्याप्नोति सकलं जगत्

tānuvāca munirvatsā viditaṃ vo yathā purā| vāstubrahma sadā viśvaṃ vyāpnoti sakalaṃ jagat

Sanskrit only: no published translation is held for this verse.

धर्म्यं कर्म तदा स्वेष्टप्राप्त्यै लोकावनानि च। व्यवस्थाप्य चकारैष लोकपालश्च कल्पनाम्

dharmyaṃ karma tadā sveṣṭaprāptyai lokāvanāni ca| vyavasthāpya cakāraiṣa lokapālaśca kalpanām

Sanskrit only: no published translation is held for this verse.

अहमप्यमुना विश्वनाथेनाम्बुजजन्मना। लोकानां सन्निवेशार्थमादिष्टोऽस्मि स्वयम्भुवा

ahamapyamunā viśvanāthenāmbujajanmanā| lokānāṃ sanniveśārthamādiṣṭo'smi svayambhuvā

Sanskrit only: no published translation is held for this verse.

रम्याणि नगरोद्यानसभास्थानान्यथो मया। सुरासुरोरगादीनां निर्मितान्यात्मबुद्धितः

ramyāṇi nagarodyānasabhāsthānānyatho mayā| surāsuroragādīnāṃ nirmitānyātmabuddhitaḥ

Sanskrit only: no published translation is held for this verse.

गत्वोर्वीं वैन्यनृपतेर्वत्साः प्रियचिकीर्षया। नगरग्रामखेटादीन् करिष्यामि पृथक्पृथक्

gatvorvīṃ vainyanṛpatervatsāḥ priyacikīrṣayā| nagaragrāmakheṭādīn kariṣyāmi pṛthakpṛthak

Sanskrit only: no published translation is held for this verse.

कार्ये त्वमुष्मिन् सकले मम विश्वसृजार्पिते। सम्यक्साहायकैर्भाव्यं भवद्भिरिति नः स्थितम्

kārye tvamuṣmin sakale mama viśvasṛjārpite| samyaksāhāyakairbhāvyaṃ bhavadbhiriti naḥ sthitam

Sanskrit only: no published translation is held for this verse.

यतस्त्रिभुवनालोकप्रोद्यतस्याब्जिनीपतेः। सहायतां तमश्छेदे कलयन्ति मरीचयः

yatastribhuvanālokaprodyatasyābjinīpateḥ| sahāyatāṃ tamaśchede kalayanti marīcayaḥ

Sanskrit only: no published translation is held for this verse.

स्वयं करिष्येऽहमथो निवासाय पृथोः पुरीम्। विचित्रनगरग्रामखेटामतिमनोहराम्

svayaṃ kariṣye'hamatho nivāsāya pṛthoḥ purīm| vicitranagaragrāmakheṭāmatimanoharām

Sanskrit only: no published translation is held for this verse.

भवन्तः पुनरागत्य चत्वारोऽपि चतुर्दिशम्। तांस्तान् निवेशान् कुर्वन्तु पृथग्जनकृताश्रयान्

bhavantaḥ punarāgatya catvāro'pi caturdiśam| tāṃstān niveśān kurvantu pṛthagjanakṛtāśrayān

Sanskrit only: no published translation is held for this verse.

अन्तरेष्वध्वपाथोधिशैलानां सरितां तथा। विधातव्यानि दुर्गाणि नृपाणां भयशान्तये

antareṣvadhvapāthodhiśailānāṃ saritāṃ tathā| vidhātavyāni durgāṇi nṛpāṇāṃ bhayaśāntaye

Sanskrit only: no published translation is held for this verse.

वर्णप्रकृतिवेश्मानि संस्थानानि च लक्ष्मभिः। विधेयानि प्रतिग्रामं प्रतिपूः प्रतिपत्तनम्

varṇaprakṛtiveśmāni saṃsthānāni ca lakṣmabhiḥ| vidheyāni pratigrāmaṃ pratipūḥ pratipattanam

Sanskrit only: no published translation is held for this verse.

तानित्थमात्मतनयानभिधाय सम्यक्। सारार्थभूतमपरिस्फुटतोज्झितं च ।। स्थानार्पितोरुभरनिर्वृतचित्तवृत्ति-। स्तूष्णीं प्रभासतनयो नयविज्जगाम

tānitthamātmatanayānabhidhāya samyak| sārārthabhūtamaparisphuṭatojjhitaṃ ca || sthānārpitorubharanirvṛtacittavṛtti-| stūṣṇīṃ prabhāsatanayo nayavijjagāma

Sanskrit only: no published translation is held for this verse.