Bhoja: Samarāṅgaṇa-sūtradhāra 25

वेश्मनां पञ्चशालानां कथ्यन्ते लक्षणान्यथ। चतुर्विंशतिसंयुक्तं सहस्रं तानि सङ्ख्यया

veśmanāṃ pañcaśālānāṃ kathyante lakṣaṇānyatha| caturviṃśatisaṃyuktaṃ sahasraṃ tāni saṅkhyayā

Sanskrit only: no published translation is held for this verse.

गुरूणां दशसङ्ख्यानां प्रस्तारस्य च कल्पनात्। गृहाणां पञ्चशालानां भेदा लघुविभागतः

gurūṇāṃ daśasaṅkhyānāṃ prastārasya ca kalpanāt| gṛhāṇāṃ pañcaśālānāṃ bhedā laghuvibhāgataḥ

Sanskrit only: no published translation is held for this verse.

पञ्चशालं भवेद्योगाद्गृहयोर्द्वित्रिशालयोः। यद्वा योगाद् भवेदेतच्चतुःशालैकशालयोः

pañcaśālaṃ bhavedyogādgṛhayordvitriśālayoḥ| yadvā yogād bhavedetaccatuḥśālaikaśālayoḥ

Sanskrit only: no published translation is held for this verse.

चतुर्णामपि वर्णानामिदं सद्म प्रशस्यते। हिरण्यनाभप्रभृति वर्णानामिह वेश्मनाम्

caturṇāmapi varṇānāmidaṃ sadma praśasyate| hiraṇyanābhaprabhṛti varṇānāmiha veśmanām

Sanskrit only: no published translation is held for this verse.

सिद्धार्थादिसमायोगान्निष्पद्येत गृहाष्टकम्। योगाद्धिरण्यनाभस्य सिद्धार्थेन गृहं भवेत्

siddhārthādisamāyogānniṣpadyeta gṛhāṣṭakam| yogāddhiraṇyanābhasya siddhārthena gṛhaṃ bhavet

Sanskrit only: no published translation is held for this verse.

हेमकूटाख्यमस्यैव वातेन स्वर्णशेखरम्। सुक्षेत्रस्य च सिद्धार्थसंयोगेन श्रियावहम्

hemakūṭākhyamasyaiva vātena svarṇaśekharam| sukṣetrasya ca siddhārthasaṃyogena śriyāvaham

Sanskrit only: no published translation is held for this verse.

तस्यैव यमसूर्येण भवेद्वेश्म महानिधिः। चुल्ल्यास्तु यमसूर्येण सदादीप्तं प्रजायते

tasyaiva yamasūryeṇa bhavedveśma mahānidhiḥ| cullyāstu yamasūryeṇa sadādīptaṃ prajāyate

Sanskrit only: no published translation is held for this verse.

दण्डसंयोगतस्तस्य चित्रभान्बभिधं भवेत्। पक्षघ्नस्य तु दण्डेन सदादोषं विनिर्दिशेत्

daṇḍasaṃyogatastasya citrabhānbabhidhaṃ bhavet| pakṣaghnasya tu daṇḍena sadādoṣaṃ vinirdiśet

Sanskrit only: no published translation is held for this verse.

पक्षघ्नस्यैव वातेन योगान्निर्विघ्नमुच्यते। न काचचुल्लीसंयोगस्त्रिशालादिषु शस्यते

pakṣaghnasyaiva vātena yogānnirvighnamucyate| na kācacullīsaṃyogastriśālādiṣu śasyate

Sanskrit only: no published translation is held for this verse.

अन्योन्यवीक्ष्यमाणानां भेदास्तेनेहे नोदिताः। एकशालयुतैर्भेदाः स्युश्चतुश्शालवेश्मनि

anyonyavīkṣyamāṇānāṃ bhedāstenehe noditāḥ| ekaśālayutairbhedāḥ syuścatuśśālaveśmani

Sanskrit only: no published translation is held for this verse.

चत्वारः पञ्चशालानां ब्रूमस्तेषां च विंशतिः। यदा भवत्यजा शाला सर्वतोभद्र वेश्मना

catvāraḥ pañcaśālānāṃ brūmasteṣāṃ ca viṃśatiḥ| yadā bhavatyajā śālā sarvatobhadra veśmanā

Sanskrit only: no published translation is held for this verse.

सुदर्शनमिति प्राहुः पञ्चशालं तदा गृहम्। तदेव करिणीयोगात्सुरूपमिति कथ्यते

sudarśanamiti prāhuḥ pañcaśālaṃ tadā gṛham| tadeva kariṇīyogātsurūpamiti kathyate

Sanskrit only: no published translation is held for this verse.

सुन्दरं महिषीयोगाद्गावीयोगात्तु शोभनम्। वर्धमानस्य चैतासां शालानां योगतः क्रमात्

sundaraṃ mahiṣīyogādgāvīyogāttu śobhanam| vardhamānasya caitāsāṃ śālānāṃ yogataḥ kramāt

Sanskrit only: no published translation is held for this verse.

सुनाभं सुप्रभं योग्यं विनोदं च भवेद्गृहम्। नन्द्यावर्तेऽप्येवमेव शालायोगेन जायते

sunābhaṃ suprabhaṃ yogyaṃ vinodaṃ ca bhavedgṛham| nandyāvarte'pyevameva śālāyogena jāyate

Sanskrit only: no published translation is held for this verse.

सुखदं नन्दनं नन्दं पुण्डरीकं च मन्दिरम्। रुचकस्याप्यजादीनां योगेन स्युरनुक्रमात्

sukhadaṃ nandanaṃ nandaṃ puṇḍarīkaṃ ca mandiram| rucakasyāpyajādīnāṃ yogena syuranukramāt

Sanskrit only: no published translation is held for this verse.

नामतो भद्र रुचिररोचिष्णूनि प्रहर्षणम्। स्वस्तिकेऽप्यनया युक्त्या भवेद्गृहचतुष्टयम्

nāmato bhadra rucirarociṣṇūni praharṣaṇam| svastike'pyanayā yuktyā bhavedgṛhacatuṣṭayam

Sanskrit only: no published translation is held for this verse.

घोषं सुघोषणं नन्दिघोषं श्रीपद्ममेव च। विंशतिः सर्वतोभद्र प्रभृत्यालययोगतः

ghoṣaṃ sughoṣaṇaṃ nandighoṣaṃ śrīpadmameva ca| viṃśatiḥ sarvatobhadra prabhṛtyālayayogataḥ

Sanskrit only: no published translation is held for this verse.

जातानि पञ्चशालानि योग्यानि पृथिवीभुजाम्। पूर्वोक्तैरष्टभिः सार्धं स्यादष्टाविंशतिर्गृहैः

jātāni pañcaśālāni yogyāni pṛthivībhujām| pūrvoktairaṣṭabhiḥ sārdhaṃ syādaṣṭāviṃśatirgṛhaiḥ

Sanskrit only: no published translation is held for this verse.

कथ्यते पञ्चशालानां मूषाभेदक्रमोऽधुना। विभद्र मेकं तत्रैकभद्रा णि दशसङ्ख्क्यया

kathyate pañcaśālānāṃ mūṣābhedakramo'dhunā| vibhadra mekaṃ tatraikabhadrā ṇi daśasaṅkhkyayā

Sanskrit only: no published translation is held for this verse.

द्विभद्रा णि पुनः पञ्चचत्वारिंशत्प्रचक्षते। त्रिभद्रा णां शतं विंशत्युत्तरं द्वे दशोत्तरे

dvibhadrā ṇi punaḥ pañcacatvāriṃśatpracakṣate| tribhadrā ṇāṃ śataṃ viṃśatyuttaraṃ dve daśottare

Sanskrit only: no published translation is held for this verse.

चतुर्भद्र गृहाणां तु द्विपञ्चाशच्छतद्वयम्। गृहाणां पञ्चभद्रा णां षड्भद्रा णां दशोत्तरे

caturbhadra gṛhāṇāṃ tu dvipañcāśacchatadvayam| gṛhāṇāṃ pañcabhadrā ṇāṃ ṣaḍbhadrā ṇāṃ daśottare

Sanskrit only: no published translation is held for this verse.

द्वे शते सप्तभद्रा णां स्याद्विंशत्युत्तरं शतम्। गृहाणामष्टभद्रा णां चत्वारिंशच्च पञ्च च

dve śate saptabhadrā ṇāṃ syādviṃśatyuttaraṃ śatam| gṛhāṇāmaṣṭabhadrā ṇāṃ catvāriṃśacca pañca ca

Sanskrit only: no published translation is held for this verse.

दश स्युर्नवभद्रा णि तथैकं दशभद्र कम्। एवं सहस्रमेकं स्याद्विंशतिश्च चतुर्युता

daśa syurnavabhadrā ṇi tathaikaṃ daśabhadra kam| evaṃ sahasramekaṃ syādviṃśatiśca caturyutā

Sanskrit only: no published translation is held for this verse.

गृहाणां पञ्चशालानां मूषावहमसङ्ख्यया। अथ लक्ष्म च संख्यां च ब्रूमः षट्शालवेश्मनाम्

gṛhāṇāṃ pañcaśālānāṃ mūṣāvahamasaṅkhyayā| atha lakṣma ca saṃkhyāṃ ca brūmaḥ ṣaṭśālaveśmanām

Sanskrit only: no published translation is held for this verse.

एकद्वित्रिचतुश्शालगृहाणां योजनान्मिथः। द्विशालस्यैकशालस्य त्रिशालस्य च योगतः

ekadvitricatuśśālagṛhāṇāṃ yojanānmithaḥ| dviśālasyaikaśālasya triśālasya ca yogataḥ

Sanskrit only: no published translation is held for this verse.

षट्शालं जायते वेश्म भेदास्तस्य तु षोडश। पक्षघ्नवातयोर्योगादेकशालगृहस्य च

ṣaṭśālaṃ jāyate veśma bhedāstasya tu ṣoḍaśa| pakṣaghnavātayoryogādekaśālagṛhasya ca

Sanskrit only: no published translation is held for this verse.

स्यात्पङ्कजाङ्कुरं नाम गृहं षट्शालमुत्तमम्। हिरण्यनाभं सिद्धार्थं चैकशालेन वेश्मना

syātpaṅkajāṅkuraṃ nāma gṛhaṃ ṣaṭśālamuttamam| hiraṇyanābhaṃ siddhārthaṃ caikaśālena veśmanā

Sanskrit only: no published translation is held for this verse.

संयोज्यं तु यदा गेहं तदा स्याच्छ्रीगृहं शुभम्। संयोगादेकशालेन सुक्षेत्रयमसूर्ययोः

saṃyojyaṃ tu yadā gehaṃ tadā syācchrīgṛhaṃ śubham| saṃyogādekaśālena sukṣetrayamasūryayoḥ

Sanskrit only: no published translation is held for this verse.

धनेश्वरं नाम गृहं जायते धनवृद्धये। दण्डाख्यचुल्ल्योः संयोगादेकशालगृहस्य च

dhaneśvaraṃ nāma gṛhaṃ jāyate dhanavṛddhaye| daṇḍākhyacullyoḥ saṃyogādekaśālagṛhasya ca

Sanskrit only: no published translation is held for this verse.

प्रभूतकाञ्चनकरं गृहं स्यात्काञ्चनप्रभम्। द्वादशान्यानि जानीयाद्भवनान्यनया दिशा

prabhūtakāñcanakaraṃ gṛhaṃ syātkāñcanaprabham| dvādaśānyāni jānīyādbhavanānyanayā diśā

Sanskrit only: no published translation is held for this verse.

एतेषामेव भेदेषु शुभान्यखिलवर्णिनाम्। तुल्यात्त्रिशालद्वितयात्षट्शालकचतुष्टयम्

eteṣāmeva bhedeṣu śubhānyakhilavarṇinām| tulyāttriśāladvitayātṣaṭśālakacatuṣṭayam

Sanskrit only: no published translation is held for this verse.

स्याद्द्विशालचतुःशालयोगादन्यच्चतुष्टयम्। सिद्धार्थेन चतुःशालं वेश्मनां संयुतिर्यदा

syāddviśālacatuḥśālayogādanyaccatuṣṭayam| siddhārthena catuḥśālaṃ veśmanāṃ saṃyutiryadā

Sanskrit only: no published translation is held for this verse.

गृहं तदा स्यात् षट्शालं त्रैलोक्यानन्दकं शुभम्। यमसूर्येण संयुक्तं विलासचयमुच्यते

gṛhaṃ tadā syāt ṣaṭśālaṃ trailokyānandakaṃ śubham| yamasūryeṇa saṃyuktaṃ vilāsacayamucyate

Sanskrit only: no published translation is held for this verse.

दण्डयुक्तं चतुःशालं सुखदं नामतो भवेत्। वातेन च चतुःशालं संयुक्तं श्रीपदं भवेत्

daṇḍayuktaṃ catuḥśālaṃ sukhadaṃ nāmato bhavet| vātena ca catuḥśālaṃ saṃyuktaṃ śrīpadaṃ bhavet

Sanskrit only: no published translation is held for this verse.

चतुर्विंशतिरन्यानि षट्शालान्यन्ययोगतः। पञ्च यानि चतुश्शालान्युचितानि महीभृताम्

caturviṃśatiranyāni ṣaṭśālānyanyayogataḥ| pañca yāni catuśśālānyucitāni mahībhṛtām

Sanskrit only: no published translation is held for this verse.

तेषां द्विशालयोगेन षट्शालान्यभिदध्महे। सिद्धार्थे सर्वतोभद्र युक्ते स्याच्छ्रीपुरं गृहम्

teṣāṃ dviśālayogena ṣaṭśālānyabhidadhmahe| siddhārthe sarvatobhadra yukte syācchrīpuraṃ gṛham

Sanskrit only: no published translation is held for this verse.

श्रीवासं सर्वतो भद्रे यमसूर्यान्विते भवेत्। दण्डाख्ये भद्र युक्ते श्रीभूषणं जायते गृहम्

śrīvāsaṃ sarvato bhadre yamasūryānvite bhavet| daṇḍākhye bhadra yukte śrībhūṣaṇaṃ jāyate gṛham

Sanskrit only: no published translation is held for this verse.

वाताख्यं सर्वतोभद्र योगाच्छ्रीभाजनं विदुः। सिद्धार्थे वर्धमानेन युक्ते स्याद्भूतिमण्डनम्

vātākhyaṃ sarvatobhadra yogācchrībhājanaṃ viduḥ| siddhārthe vardhamānena yukte syādbhūtimaṇḍanam

Sanskrit only: no published translation is held for this verse.

यमसूर्ये तु तेनैव संयुक्ते भूतिभाजनम्। भूतिमानं तु दण्डाख्ये वाताख्ये भूतिभूषणम्

yamasūrye tu tenaiva saṃyukte bhūtibhājanam| bhūtimānaṃ tu daṇḍākhye vātākhye bhūtibhūṣaṇam

Sanskrit only: no published translation is held for this verse.

नन्द्यावर्तस्य योगेन सिद्धार्थादि चतुष्टयम्। श्रीमुखं श्रीधरं श्रीमृच्छ्रीधरं चेति जायते

nandyāvartasya yogena siddhārthādi catuṣṭayam| śrīmukhaṃ śrīdharaṃ śrīmṛcchrīdharaṃ ceti jāyate

Sanskrit only: no published translation is held for this verse.

सिद्धार्थादिचतुष्कस्य भवेद्रुचकयोगतः। श्रियाकारं श्रियोवासं श्रीयानं श्रीमुखं तथा

siddhārthādicatuṣkasya bhavedrucakayogataḥ| śriyākāraṃ śriyovāsaṃ śrīyānaṃ śrīmukhaṃ tathā

Sanskrit only: no published translation is held for this verse.

सिद्धार्थादिचतुष्कस्य भवेत्स्वस्तिकयोगतः। धनपालधनानन्तधनप्रदधनाह्वयम्

siddhārthādicatuṣkasya bhavetsvastikayogataḥ| dhanapāladhanānantadhanapradadhanāhvayam

Sanskrit only: no published translation is held for this verse.

भवन्त्येवं राजवेश्मयोगतो विंशतिर्गृहाः। प्राक्चतुर्विंशतिश्चेति चत्वारिंशच्चतुर्युता

bhavantyevaṃ rājaveśmayogato viṃśatirgṛhāḥ| prākcaturviṃśatiśceti catvāriṃśaccaturyutā

Sanskrit only: no published translation is held for this verse.

मूषाव्यूढिवशादेकभद्रा दीन्यभिदध्महे। भिदाभिरेकं मूषाभिरभद्रं द्वादशैकया

mūṣāvyūḍhivaśādekabhadrā dīnyabhidadhmahe| bhidābhirekaṃ mūṣābhirabhadraṃ dvādaśaikayā

Sanskrit only: no published translation is held for this verse.

द्वाभ्यां षट्षष्टिरुद्दिष्टा विंशे द्वे तिसृभिः शते। स्याद्व्यूढाभिश्चतसृभिः पञ्चोनं शतपञ्चकम्

dvābhyāṃ ṣaṭṣaṣṭiruddiṣṭā viṃśe dve tisṛbhiḥ śate| syādvyūḍhābhiścatasṛbhiḥ pañconaṃ śatapañcakam

Sanskrit only: no published translation is held for this verse.

शतानि पञ्चभद्रा णां सप्त द्वानवतिस्तथा। चतुर्विंशा नवशती षड्भद्रा णामुदाहृता

śatāni pañcabhadrā ṇāṃ sapta dvānavatistathā| caturviṃśā navaśatī ṣaḍbhadrā ṇāmudāhṛtā

Sanskrit only: no published translation is held for this verse.

जानीयात्सप्तभद्रा णि संख्यया पञ्चभद्र वत्। गृहाणामष्टभद्रा णां पञ्चोनं शतपञ्चकम्

jānīyātsaptabhadrā ṇi saṃkhyayā pañcabhadra vat| gṛhāṇāmaṣṭabhadrā ṇāṃ pañconaṃ śatapañcakam

Sanskrit only: no published translation is held for this verse.

द्वे विंशे नवभद्रा णां भवनानां शते विदुः। षट्षष्टिर्दशभद्रा णि तथा द्वादशसङ्ख्यया

dve viṃśe navabhadrā ṇāṃ bhavanānāṃ śate viduḥ| ṣaṭṣaṣṭirdaśabhadrā ṇi tathā dvādaśasaṅkhyayā

Sanskrit only: no published translation is held for this verse.

स्युरेकादशभद्रा ख्यान्येकं द्वादशभद्र कम्। एवं षट्शालगेहानां स्यात्साहस्रचतुष्टयम्

syurekādaśabhadrā khyānyekaṃ dvādaśabhadra kam| evaṃ ṣaṭśālagehānāṃ syātsāhasracatuṣṭayam

Sanskrit only: no published translation is held for this verse.

षण्णवत्यधिकं ब्रूमः सप्तशालानि साम्प्रतम्। तुल्यं त्रिशालद्वितयमेकशालेन युज्यते

ṣaṇṇavatyadhikaṃ brūmaḥ saptaśālāni sāmpratam| tulyaṃ triśāladvitayamekaśālena yujyate

Sanskrit only: no published translation is held for this verse.

यदा स्युः सप्तशालानि तदा द्वादशसङ्ख्यया। एकशालं द्विशालं च चतुःशालेन युज्यते

yadā syuḥ saptaśālāni tadā dvādaśasaṅkhyayā| ekaśālaṃ dviśālaṃ ca catuḥśālena yujyate

Sanskrit only: no published translation is held for this verse.

यदा तदा सप्तशालमपरं वेश्म जायते। सैकशालं चतुःशालं यमसूर्येण संयुतम्

yadā tadā saptaśālamaparaṃ veśma jāyate| saikaśālaṃ catuḥśālaṃ yamasūryeṇa saṃyutam

Sanskrit only: no published translation is held for this verse.

तदा भवेद्विभेदः स्यात्तद्गृहं श्रीप्रदायकम्। वातेन श्रीपदं तद्वद्दण्डेन श्रीप्रदं भवेत्

tadā bhavedvibhedaḥ syāttadgṛhaṃ śrīpradāyakam| vātena śrīpadaṃ tadvaddaṇḍena śrīpradaṃ bhavet

Sanskrit only: no published translation is held for this verse.

सिद्धार्थकेन श्रीमालं तद्वदेव प्रजायते। पञ्चानां राजयोग्यानां स्युश्चतुश्शालवेश्मनाम्

siddhārthakena śrīmālaṃ tadvadeva prajāyate| pañcānāṃ rājayogyānāṃ syuścatuśśālaveśmanām

Sanskrit only: no published translation is held for this verse.

सप्तशालानि संयोगादेकशालद्विशालयोः। युज्यते सर्वतोभद्रं सिद्धाथं च यदा गृहम्

saptaśālāni saṃyogādekaśāladviśālayoḥ| yujyate sarvatobhadraṃ siddhāthaṃ ca yadā gṛham

Sanskrit only: no published translation is held for this verse.

एकशालेन जायेत श्रीपदं श्रीपदं तथा। सर्वतोभद्र गेहस्य यमसूर्यैकशालयोः

ekaśālena jāyeta śrīpadaṃ śrīpadaṃ tathā| sarvatobhadra gehasya yamasūryaikaśālayoḥ

Sanskrit only: no published translation is held for this verse.

योगेन श्रीफलं नाम स्याद्गृहं श्रीफलावहम्। सर्वतोभद्र दण्डाभ्यामेकशालं युतं यदा

yogena śrīphalaṃ nāma syādgṛhaṃ śrīphalāvaham| sarvatobhadra daṇḍābhyāmekaśālaṃ yutaṃ yadā

Sanskrit only: no published translation is held for this verse.

श्रीस्थलं नाम भवनं तदा स्यादास्पदं श्रियः। स्यादेकशाले मिलिते सर्वतोभद्र वातयोः

śrīsthalaṃ nāma bhavanaṃ tadā syādāspadaṃ śriyaḥ| syādekaśāle milite sarvatobhadra vātayoḥ

Sanskrit only: no published translation is held for this verse.

लक्ष्मीनिवासभवनं गृहं श्रीतनुसंज्ञितम्। यदैकशालं सिद्धार्थं वर्धमानं च युज्यते

lakṣmīnivāsabhavanaṃ gṛhaṃ śrītanusaṃjñitam| yadaikaśālaṃ siddhārthaṃ vardhamānaṃ ca yujyate

Sanskrit only: no published translation is held for this verse.

श्रीपर्वताभिधानं स्यात्तदानीं भवनोत्तमम्। यमसूर्यस्य योगेन वर्धमानैकशालयोः

śrīparvatābhidhānaṃ syāttadānīṃ bhavanottamam| yamasūryasya yogena vardhamānaikaśālayoḥ

Sanskrit only: no published translation is held for this verse.

श्रीवर्धनं नाम गृहं श्रियो वृद्धिकरं भवेत्। दण्डं च वर्धमानं च सैकशालं यदा भवेत्

śrīvardhanaṃ nāma gṛhaṃ śriyo vṛddhikaraṃ bhavet| daṇḍaṃ ca vardhamānaṃ ca saikaśālaṃ yadā bhavet

Sanskrit only: no published translation is held for this verse.

तदा श्रीसङ्गमं नाम भवेद्भवनमुत्तमम्। यदैकशालं वाताख्यं वर्धमानं च युज्यते

tadā śrīsaṅgamaṃ nāma bhavedbhavanamuttamam| yadaikaśālaṃ vātākhyaṃ vardhamānaṃ ca yujyate

Sanskrit only: no published translation is held for this verse.

भवनं श्रीप्र्सङ्गाख्यं नृपयोग्यं तदा भवेत्। सिद्धार्थमेकशालेन नन्द्यावर्तेन चान्वितम्

bhavanaṃ śrīprsaṅgākhyaṃ nṛpayogyaṃ tadā bhavet| siddhārthamekaśālena nandyāvartena cānvitam

Sanskrit only: no published translation is held for this verse.

श्रीभारं नाम भवनं भवेद्भूपालसेवितम्। नन्द्यावर्तस्य योगेन यमसूर्यैकशालयोः

śrībhāraṃ nāma bhavanaṃ bhavedbhūpālasevitam| nandyāvartasya yogena yamasūryaikaśālayoḥ

Sanskrit only: no published translation is held for this verse.

राज्ञां सुखावहं वेश्म श्रीभारमिति च स्मृतम्। श्रीशैलमेकशालेन स्यान्नन्द्यावर्तदण्डयोः

rājñāṃ sukhāvahaṃ veśma śrībhāramiti ca smṛtam| śrīśailamekaśālena syānnandyāvartadaṇḍayoḥ

Sanskrit only: no published translation is held for this verse.

योगाद्भोगावहं राज्ञां सप्तशालं गृहोत्तमम्। एकशालस्य योगेन स्यान्नन्द्यावर्तवातयोः

yogādbhogāvahaṃ rājñāṃ saptaśālaṃ gṛhottamam| ekaśālasya yogena syānnandyāvartavātayoḥ

Sanskrit only: no published translation is held for this verse.

श्रीखण्डं नाम भवनं भूभृतां भूतिकृद्भवेत्। सिद्धार्थस्यैकशालेन संयोगाद्रुचकस्य च

śrīkhaṇḍaṃ nāma bhavanaṃ bhūbhṛtāṃ bhūtikṛdbhavet| siddhārthasyaikaśālena saṃyogādrucakasya ca

Sanskrit only: no published translation is held for this verse.

श्रीषण्डं नामतो वेश्म भवेद्योग्यं महीभृताम्। रुचकस्यैव योगेन यमसूर्यैकशालयोः

śrīṣaṇḍaṃ nāmato veśma bhavedyogyaṃ mahībhṛtām| rucakasyaiva yogena yamasūryaikaśālayoḥ

Sanskrit only: no published translation is held for this verse.

स्याच्छ्रीनिधानं श्रीकुण्डं तस्य दण्डैकशालयोः। वातैकशालरुचकैर्युक्तैः श्रीनाभमुच्यते

syācchrīnidhānaṃ śrīkuṇḍaṃ tasya daṇḍaikaśālayoḥ| vātaikaśālarucakairyuktaiḥ śrīnābhamucyate

Sanskrit only: no published translation is held for this verse.

भवनं भूमिपालानां तद्भवेद्भूतिदायकम्। एकशालेन युज्येते सिद्धार्थस्वस्तिके यदा

bhavanaṃ bhūmipālānāṃ tadbhavedbhūtidāyakam| ekaśālena yujyete siddhārthasvastike yadā

Sanskrit only: no published translation is held for this verse.

श्रीप्रियं स्यात्तदा वेश्म सन्ततं वल्लभं श्रियः। यमसूर्यैकशालाभ्यां स्वस्तिकं युज्यते यदा

śrīpriyaṃ syāttadā veśma santataṃ vallabhaṃ śriyaḥ| yamasūryaikaśālābhyāṃ svastikaṃ yujyate yadā

Sanskrit only: no published translation is held for this verse.

तदा श्रीकान्तमित्याहुर्भवनं भूभृतां हितम्। एकशालेन संयोगो दण्डस्वस्तिकयोर्यदा

tadā śrīkāntamityāhurbhavanaṃ bhūbhṛtāṃ hitam| ekaśālena saṃyogo daṇḍasvastikayoryadā

Sanskrit only: no published translation is held for this verse.

श्रीमतं नामतो वेश्म तदा स्याद्विजयावहम्। वातस्वस्तिकसंयोगमेकशालं यदा व्रजेत्

śrīmataṃ nāmato veśma tadā syādvijayāvaham| vātasvastikasaṃyogamekaśālaṃ yadā vrajet

Sanskrit only: no published translation is held for this verse.

श्रीप्रदत्तमिति प्राहुस्तदा वेश्म महीभृताम्। एकैकस्य द्विभेदत्वाच्चत्वारिंशदियं भवेत्

śrīpradattamiti prāhustadā veśma mahībhṛtām| ekaikasya dvibhedatvāccatvāriṃśadiyaṃ bhavet

Sanskrit only: no published translation is held for this verse.

एवमत्र प्रकाराः स्युश्चत्वारिंशद्युताष्टभिः। यदा त्रिशालं भवनं चतुश्शालेन युज्यते

evamatra prakārāḥ syuścatvāriṃśadyutāṣṭabhiḥ| yadā triśālaṃ bhavanaṃ catuśśālena yujyate

Sanskrit only: no published translation is held for this verse.

तदापि सप्तशालं स्याच्चतुर्धेदं समासतः। पञ्चानां राजगेहानां मिलत्येकतमस्य चेत्

tadāpi saptaśālaṃ syāccaturdhedaṃ samāsataḥ| pañcānāṃ rājagehānāṃ milatyekatamasya cet

Sanskrit only: no published translation is held for this verse.

त्रिशालं स्यात्तदा सप्तशालं विंशतिभेदवत्। हिरण्यनाभभोगेन सर्वतोभद्र मन्दिरम्

triśālaṃ syāttadā saptaśālaṃ viṃśatibhedavat| hiraṇyanābhabhogena sarvatobhadra mandiram

Sanskrit only: no published translation is held for this verse.

श्रीवत्सं जनयेद्वेश्म नरेन्द्रा णां हितावहम्। श्रीवृक्षं सर्वतोभद्रे सुक्षेत्रे मिलिते भवेत्

śrīvatsaṃ janayedveśma narendrā ṇāṃ hitāvaham| śrīvṛkṣaṃ sarvatobhadre sukṣetre milite bhavet

Sanskrit only: no published translation is held for this verse.

चुल्लीयुक्ते पुनस्तस्मिन् श्रीपालं नाम जायते। पक्षघ्ने सर्वतोभद्र युक्ते श्रीकण्ठमुच्यते

cullīyukte punastasmin śrīpālaṃ nāma jāyate| pakṣaghne sarvatobhadra yukte śrīkaṇṭhamucyate

Sanskrit only: no published translation is held for this verse.

हिरण्यनाभे श्रीवासं वर्धमानयुते भवेत्। श्रीनिवासं तु सुक्षेत्रे वर्धमानेन मिश्रिते

hiraṇyanābhe śrīvāsaṃ vardhamānayute bhavet| śrīnivāsaṃ tu sukṣetre vardhamānena miśrite

Sanskrit only: no published translation is held for this verse.

वर्धमानेन चुल्ल्या च गृहं श्रीभूषणं विदुः। पक्षघ्नं वर्धमानेन यदा संयोगमृच्छति

vardhamānena cullyā ca gṛhaṃ śrībhūṣaṇaṃ viduḥ| pakṣaghnaṃ vardhamānena yadā saṃyogamṛcchati

Sanskrit only: no published translation is held for this verse.

तदा श्रीमण्डनं नाम जायते भवनोत्तमम्। जाते हिरण्यनाभस्य नन्द्यावर्तेन सङ्गमे

tadā śrīmaṇḍanaṃ nāma jāyate bhavanottamam| jāte hiraṇyanābhasya nandyāvartena saṅgame

Sanskrit only: no published translation is held for this verse.

स्याद्वेश्म श्रीकुलं नाम श्रियः कुलनिकेतनम्। नन्द्यावर्तेन सुक्षेत्रे युक्ते श्रीगोकुलं भवेत्

syādveśma śrīkulaṃ nāma śriyaḥ kulaniketanam| nandyāvartena sukṣetre yukte śrīgokulaṃ bhavet

Sanskrit only: no published translation is held for this verse.

नन्द्यावर्तस्य चुल्ल्याश्च योगे श्रीस्थावरं गृहम्। नन्द्यावर्तस्य पक्षघ्नयोगे कुम्भं प्रजायते

nandyāvartasya cullyāśca yoge śrīsthāvaraṃ gṛham| nandyāvartasya pakṣaghnayoge kumbhaṃ prajāyate

Sanskrit only: no published translation is held for this verse.

हिरण्यनाभरुचकयोगे स्याच्छ्रीसमुद्गकम्। श्रीनन्दं नाम सुक्षेत्रे रुचकाख्येन संयुते

hiraṇyanābharucakayoge syācchrīsamudgakam| śrīnandaṃ nāma sukṣetre rucakākhyena saṃyute

Sanskrit only: no published translation is held for this verse.

चुल्ल्यां रुचकयुक्तायां श्रीह्रदं नाम जायते। श्रीधरं नाम पक्षघ्ने भवेद्रुचकसंयुते

cullyāṃ rucakayuktāyāṃ śrīhradaṃ nāma jāyate| śrīdharaṃ nāma pakṣaghne bhavedrucakasaṃyute

Sanskrit only: no published translation is held for this verse.

हिरण्यनाभेन युते स्वस्तिके श्रीकरण्डकम्। सुक्षेत्रेण युते तस्मिन् श्रीभाण्डागारसंज्ञितम्

hiraṇyanābhena yute svastike śrīkaraṇḍakam| sukṣetreṇa yute tasmin śrībhāṇḍāgārasaṃjñitam

Sanskrit only: no published translation is held for this verse.

चुल्लीयुते श्रीनिलयं भवेन्नरपतिप्रियम्। स्वस्तिकस्य यदा योगः पक्षघ्नेन प्रजायते

cullīyute śrīnilayaṃ bhavennarapatipriyam| svastikasya yadā yogaḥ pakṣaghnena prajāyate

Sanskrit only: no published translation is held for this verse.

श्रीनिकेतनसंज्ञं स्यात्तदा नृपतिमन्दिरम्। उक्तानि सप्तशालानि नामलक्षणयोगतः

śrīniketanasaṃjñaṃ syāttadā nṛpatimandiram| uktāni saptaśālāni nāmalakṣaṇayogataḥ

Sanskrit only: no published translation is held for this verse.

सर्वाणि सार्वभौमानां नृपाणां मन्त्रिणामपि। भवन्ति च सतां वित्तयशोविजयवृद्धये

sarvāṇi sārvabhaumānāṃ nṛpāṇāṃ mantriṇāmapi| bhavanti ca satāṃ vittayaśovijayavṛddhaye

Sanskrit only: no published translation is held for this verse.

एकादिमूषावहनप्रभेदादथ वेश्मनाम्। एतेषां सप्तशालानां ब्रूमः संख्यामनुक्रमात्

ekādimūṣāvahanaprabhedādatha veśmanām| eteṣāṃ saptaśālānāṃ brūmaḥ saṃkhyāmanukramāt

Sanskrit only: no published translation is held for this verse.

वहत्येकापि नो यत्र मूषैकं तद्भवेद्गृहम्। विभद्र मेकभद्रा णि विजानीयाच्चतुर्दश

vahatyekāpi no yatra mūṣaikaṃ tadbhavedgṛham| vibhadra mekabhadrā ṇi vijānīyāccaturdaśa

Sanskrit only: no published translation is held for this verse.

द्विभद्र वेश्मनां सैका नवतिः परिकीर्तिता। भवनानां त्रिभद्रा णां चतुःषष्टिः शतत्रयम्

dvibhadra veśmanāṃ saikā navatiḥ parikīrtitā| bhavanānāṃ tribhadrā ṇāṃ catuḥṣaṣṭiḥ śatatrayam

Sanskrit only: no published translation is held for this verse.

सहस्रमेकाभ्यधिकं स्याच्चतुर्भद्र वेश्मनाम्। भवतः पञ्चभद्रा णां द्वे सहस्रे द्विसंयुते

sahasramekābhyadhikaṃ syāccaturbhadra veśmanām| bhavataḥ pañcabhadrā ṇāṃ dve sahasre dvisaṃyute

Sanskrit only: no published translation is held for this verse.

षड्भद्रा णां सहस्राणि त्रीणि त्रीणि गृहाणि च। द्वात्रिंशता चतुस्त्रिंशत्सप्तभद्र शतानि च

ṣaḍbhadrā ṇāṃ sahasrāṇi trīṇi trīṇi gṛhāṇi ca| dvātriṃśatā catustriṃśatsaptabhadra śatāni ca

Sanskrit only: no published translation is held for this verse.

अष्टभद्रा णि षड्भद्र सङ्ख्यातुल्यानि जायते। गृहाणां नवभद्रा णां द्वे सहस्रे तथा द्वयम्

aṣṭabhadrā ṇi ṣaḍbhadra saṅkhyātulyāni jāyate| gṛhāṇāṃ navabhadrā ṇāṃ dve sahasre tathā dvayam

Sanskrit only: no published translation is held for this verse.

सहस्रं दशभद्रा णामेकोत्तरमुदाहृतम्। तथैकादशभद्रा णां चतुष्षष्ट्या शतत्रयम्

sahasraṃ daśabhadrā ṇāmekottaramudāhṛtam| tathaikādaśabhadrā ṇāṃ catuṣṣaṣṭyā śatatrayam

Sanskrit only: no published translation is held for this verse.

सैका द्वादशभद्रा णां नवतिर्वेश्मनां भवेत्। स्युस्त्रयोदशभद्रा णि गृहाणीह चतुर्दश

saikā dvādaśabhadrā ṇāṃ navatirveśmanāṃ bhavet| syustrayodaśabhadrā ṇi gṛhāṇīha caturdaśa

Sanskrit only: no published translation is held for this verse.

यच्चतुर्दशभिर्भद्रै रेकमेव हि वेश्म तत्। इत्येषां सप्तशालानां सहस्राण्यत्र षोडश

yaccaturdaśabhirbhadrai rekameva hi veśma tat| ityeṣāṃ saptaśālānāṃ sahasrāṇyatra ṣoḍaśa

Sanskrit only: no published translation is held for this verse.

एकोनत्रिंशती तद्वदशीतिश्चतुरुत्तरा। इदानीमष्टशालानि भवनान्यभिदध्महे

ekonatriṃśatī tadvadaśītiścaturuttarā| idānīmaṣṭaśālāni bhavanānyabhidadhmahe

Sanskrit only: no published translation is held for this verse.

बहिरन्तश्चतुःशालद्वयादेकं समासतः। अन्यानि सर्वभद्रा दिद्वयसंयोगतो दश

bahirantaścatuḥśāladvayādekaṃ samāsataḥ| anyāni sarvabhadrā didvayasaṃyogato daśa

Sanskrit only: no published translation is held for this verse.

एकोनत्रिंशता क्षेत्रं चतुरश्रं विभाजयेत्। भागद्वयेन मूषा स्याच्छाला भागचतुष्टयात्

ekonatriṃśatā kṣetraṃ caturaśraṃ vibhājayet| bhāgadvayena mūṣā syācchālā bhāgacatuṣṭayāt

Sanskrit only: no published translation is held for this verse.

कुर्वीत पञ्चभिर्भागैस्तन्मध्येऽङ्गणवापिकाम्। चतस्रश्च प्रतिदिशं मूषाः स्युस्तत्र वास्तुनि

kurvīta pañcabhirbhāgaistanmadhye'ṅgaṇavāpikām| catasraśca pratidiśaṃ mūṣāḥ syustatra vāstuni

Sanskrit only: no published translation is held for this verse.

शालयोनं सप्तशालं षट्शालं द्वितयोज्झितम्। त्रिहीनं पञ्चशालं स्यादष्टशालमिदं क्वचित्

śālayonaṃ saptaśālaṃ ṣaṭśālaṃ dvitayojjhitam| trihīnaṃ pañcaśālaṃ syādaṣṭaśālamidaṃ kvacit

Sanskrit only: no published translation is held for this verse.

तुल्यत्रिशालद्वितयं द्विशालेन युतं यदा। अष्टौ तदाष्टशालानि गृहाण्यन्यानि निर्दिशेत्

tulyatriśāladvitayaṃ dviśālena yutaṃ yadā| aṣṭau tadāṣṭaśālāni gṛhāṇyanyāni nirdiśet

Sanskrit only: no published translation is held for this verse.

मूषाव्यूढिवशादष्टशालानामथ कथ्यते। सङ्ख्या तत्र विभद्रं स्यादवहन्मूषसंज्ञितम्

mūṣāvyūḍhivaśādaṣṭaśālānāmatha kathyate| saṅkhyā tatra vibhadraṃ syādavahanmūṣasaṃjñitam

Sanskrit only: no published translation is held for this verse.

षोडशैवैकभद्रा णि द्विभद्रा णां शतं विदुः। विंशं षष्ट्या त्रिभद्रा णां विज्ञेयं शतपञ्चकम्

ṣoḍaśaivaikabhadrā ṇi dvibhadrā ṇāṃ śataṃ viduḥ| viṃśaṃ ṣaṣṭyā tribhadrā ṇāṃ vijñeyaṃ śatapañcakam

Sanskrit only: no published translation is held for this verse.

अष्टादशाहुर्विंशानि चतुर्भद्र शतानि च। पञ्चभद्र सहस्राणि चत्वारि स्युः शतत्रयम्

aṣṭādaśāhurviṃśāni caturbhadra śatāni ca| pañcabhadra sahasrāṇi catvāri syuḥ śatatrayam

Sanskrit only: no published translation is held for this verse.

अष्टषष्टिश्च गेहानि तानि सम्यग्विभावयेत्। सहस्राष्टकमष्टौ च षड्भद्रा णि प्रचक्षते

aṣṭaṣaṣṭiśca gehāni tāni samyagvibhāvayet| sahasrāṣṭakamaṣṭau ca ṣaḍbhadrā ṇi pracakṣate

Sanskrit only: no published translation is held for this verse.

एकादशसहस्राणि तथा शतचतुष्टयम्। जानीयात्सप्तभद्रा णि चत्वारिंशद्गृहाणि च

ekādaśasahasrāṇi tathā śatacatuṣṭayam| jānīyātsaptabhadrā ṇi catvāriṃśadgṛhāṇi ca

Sanskrit only: no published translation is held for this verse.

द्वादशैवाष्टभद्रा णां सहस्राणि शताष्टकम्। सप्तत्याभ्यधिकं प्राहुर्वास्तुविद्याविशारदाः

dvādaśaivāṣṭabhadrā ṇāṃ sahasrāṇi śatāṣṭakam| saptatyābhyadhikaṃ prāhurvāstuvidyāviśāradāḥ

Sanskrit only: no published translation is held for this verse.

एकादशसहस्राणि तथा शतचतुष्टयम्। चत्वारिंशच्च गेहानि नवभद्रा णि सङ्ख्यया

ekādaśasahasrāṇi tathā śatacatuṣṭayam| catvāriṃśacca gehāni navabhadrā ṇi saṅkhyayā

Sanskrit only: no published translation is held for this verse.

अष्टौ स्युर्दशभद्रा णां सहस्राण्यष्टभिः सह। तथैकादशभद्रा णां सङ्ख्या स्यात्पञ्चभद्र वत्

aṣṭau syurdaśabhadrā ṇāṃ sahasrāṇyaṣṭabhiḥ saha| tathaikādaśabhadrā ṇāṃ saṅkhyā syātpañcabhadra vat

Sanskrit only: no published translation is held for this verse.

अष्टादशशतानि स्युर्विंशतिर्भवनानि च। इति द्वादशभद्रा णां सङ्ख्या भवति वेश्मनाम्

aṣṭādaśaśatāni syurviṃśatirbhavanāni ca| iti dvādaśabhadrā ṇāṃ saṅkhyā bhavati veśmanām

Sanskrit only: no published translation is held for this verse.

स्यात्त्रयोदशभद्रा णां षष्ट्यग्रं शतपञ्चकम्। स्याच्चतुर्दशभद्रा णां विंशत्यभ्यधिकं शतम्

syāttrayodaśabhadrā ṇāṃ ṣaṣṭyagraṃ śatapañcakam| syāccaturdaśabhadrā ṇāṃ viṃśatyabhyadhikaṃ śatam

Sanskrit only: no published translation is held for this verse.

वेश्मानि स्युस्तथा पञ्चदशभद्रा णि षोडश। एकमेव हि विज्ञेयं गृहं षोडशभद्र कम्

veśmāni syustathā pañcadaśabhadrā ṇi ṣoḍaśa| ekameva hi vijñeyaṃ gṛhaṃ ṣoḍaśabhadra kam

Sanskrit only: no published translation is held for this verse.

पञ्चषष्टिसहस्राणि षट्त्रिंशं शतपञ्चकम्। गृहाणामष्टशालानां भवत्येकत्र सङ्ख्यया

pañcaṣaṣṭisahasrāṇi ṣaṭtriṃśaṃ śatapañcakam| gṛhāṇāmaṣṭaśālānāṃ bhavatyekatra saṅkhyayā

Sanskrit only: no published translation is held for this verse.

स्यात्समानचतुश्शालद्वययोगात्समासतः। एकैकशालयोग्गाच्च नवशालचतुष्टयम्

syātsamānacatuśśāladvayayogātsamāsataḥ| ekaikaśālayoggācca navaśālacatuṣṭayam

Sanskrit only: no published translation is held for this verse.

सर्वतोभद्र मुख्यानां मिथो द्वितययोगतः। एकैकशालयोगाच्च चत्वारिंशत्तथापरा

sarvatobhadra mukhyānāṃ mitho dvitayayogataḥ| ekaikaśālayogācca catvāriṃśattathāparā

Sanskrit only: no published translation is held for this verse.

तुल्यत्रिशालत्रितयोगेन च चतुष्टयम्। गृहाणां नवशालानामन्यदुक्तं पुरातनैः

tulyatriśālatritayogena ca catuṣṭayam| gṛhāṇāṃ navaśālānāmanyaduktaṃ purātanaiḥ

Sanskrit only: no published translation is held for this verse.