Bhoja: Samarāṅgaṇa-sūtradhāra 26

इदानीमभिधास्यामः सूत्रपातविधेः क्रमम्। शस्ते मासि सिते पक्षे विदध्यात्तं शुभेऽहनि

idānīmabhidhāsyāmaḥ sūtrapātavidheḥ kramam| śaste māsi site pakṣe vidadhyāttaṃ śubhe'hani

Sanskrit only: no published translation is held for this verse.

चैत्रे शोकाकुलो भर्ता वैशाखे च धनान्वितः। ज्येष्ठे गृही विपद्येत नश्यन्ति पशवः शुचौ

caitre śokākulo bhartā vaiśākhe ca dhanānvitaḥ| jyeṣṭhe gṛhī vipadyeta naśyanti paśavaḥ śucau

Sanskrit only: no published translation is held for this verse.

श्रावणे धनवृद्धिः स्यान्नभस्ये न वसेद्गृहे। कलहश्चाश्विने मासि भृत्या नश्यन्ति कार्त्तिके

śrāvaṇe dhanavṛddhiḥ syānnabhasye na vasedgṛhe| kalahaścāśvine māsi bhṛtyā naśyanti kārttike

Sanskrit only: no published translation is held for this verse.

मार्गशीर्षे धनप्राप्तिः सहस्ये कामसम्पदः। माघे वह्निभयं चैव फाल्गुने श्रीरनुत्तमा

mārgaśīrṣe dhanaprāptiḥ sahasye kāmasampadaḥ| māghe vahnibhayaṃ caiva phālgune śrīranuttamā

Sanskrit only: no published translation is held for this verse.

द्वितीया पञ्चमी मुख्या सप्तमी नवमी तथा। एकादशीत्रयोदश्यस्तिथयः स्युः शुभावहाः

dvitīyā pañcamī mukhyā saptamī navamī tathā| ekādaśītrayodaśyastithayaḥ syuḥ śubhāvahāḥ

Sanskrit only: no published translation is held for this verse.

चन्द्र ताराबलं भर्तुरनुकूलं च शस्यते। इयं हि सूत्रपाताख्या क्रिया प्रासादकर्मणि

candra tārābalaṃ bharturanukūlaṃ ca śasyate| iyaṃ hi sūtrapātākhyā kriyā prāsādakarmaṇi

Sanskrit only: no published translation is held for this verse.

कार्या पुरनिवेशे च प्रारम्भे भवनस्य च। शिलानिवेशने द्वारस्तम्भोच्छ्रायादिकेषु च

kāryā puraniveśe ca prārambhe bhavanasya ca| śilāniveśane dvārastambhocchrāyādikeṣu ca

Sanskrit only: no published translation is held for this verse.

आद्रि येत सिते पक्षे शोभने लग्न एव हि। रवौ कन्यातुलालिस्थे गृहं वरुणदिङ्मुखम्

ādri yeta site pakṣe śobhane lagna eva hi| ravau kanyātulālisthe gṛhaṃ varuṇadiṅmukham

Sanskrit only: no published translation is held for this verse.

न कुर्यात्तद्धि शून्यं स्यान्न च वृद्धिर्भवेत्प्रभोः। न दक्षिणमुखं कुम्भमृगधन्विस्थिते रवौ

na kuryāttaddhi śūnyaṃ syānna ca vṛddhirbhavetprabhoḥ| na dakṣiṇamukhaṃ kumbhamṛgadhanvisthite ravau

Sanskrit only: no published translation is held for this verse.

कुर्वीत निष्फलं तत्स्यान्नृपदण्डवधादिकृत्। न मीनवृषमेषस्थे कुर्वीत प्राङ्मुखं रवौ

kurvīta niṣphalaṃ tatsyānnṛpadaṇḍavadhādikṛt| na mīnavṛṣameṣasthe kurvīta prāṅmukhaṃ ravau

Sanskrit only: no published translation is held for this verse.

तद्धनघ्नं कलिक्षुद्र राजचौरार्तिकृद्यतः। रवौ मिथुनसिंहस्थे न कर्किस्थेऽप्युदङ्मुखम्

taddhanaghnaṃ kalikṣudra rājacaurārtikṛdyataḥ| ravau mithunasiṃhasthe na karkisthe'pyudaṅmukham

Sanskrit only: no published translation is held for this verse.

कुर्यात्तद्धि दरिद्र त्वं दद्याच्चरणदासताम्। आयव्ययांशकर्क्षाणि प्रवक्ष्यामोऽथ वेश्मनाम्

kuryāttaddhi daridra tvaṃ dadyāccaraṇadāsatām| āyavyayāṃśakarkṣāṇi pravakṣyāmo'tha veśmanām

Sanskrit only: no published translation is held for this verse.

गृहमानवशात्सम्यक्कर्तुः स्थानबलाबलम्। नगरे वा पुरादौ वा दण्डैर्मानं विधीयते

gṛhamānavaśātsamyakkartuḥ sthānabalābalam| nagare vā purādau vā daṇḍairmānaṃ vidhīyate

Sanskrit only: no published translation is held for this verse.

तदलाभे करैः कार्यं सम्यगायविशुद्धये। यत्र हस्तैर्मितिः क्षेत्रे तत्रायो हस्तसंश्रितः

tadalābhe karaiḥ kāryaṃ samyagāyaviśuddhaye| yatra hastairmitiḥ kṣetre tatrāyo hastasaṃśritaḥ

Sanskrit only: no published translation is held for this verse.

क्षेत्रालाभे तु तत्रैव ग्राह्यः स स्यादिहाङ्गुलैः। अङ्गुलैस्तु मिते क्षेत्रे सोऽङ्गुलैस्तदलाभतः

kṣetrālābhe tu tatraiva grāhyaḥ sa syādihāṅgulaiḥ| aṅgulaistu mite kṣetre so'ṅgulaistadalābhataḥ

Sanskrit only: no published translation is held for this verse.

पादैर्वाथ यवैर्वापि ग्राह्यः क्षेत्रानुसारतः। गृहेषु कर्महस्तेन मानं स्वामिकरेण वा

pādairvātha yavairvāpi grāhyaḥ kṣetrānusārataḥ| gṛheṣu karmahastena mānaṃ svāmikareṇa vā

Sanskrit only: no published translation is held for this verse.

देवतानां तु धिष्ण्येषु कर्महस्तेन केवलम्। दैर्घ्यं हन्यात्पृथुत्वेन हरेद्भागं ततोऽष्टभिः

devatānāṃ tu dhiṣṇyeṣu karmahastena kevalam| dairghyaṃ hanyātpṛthutvena haredbhāgaṃ tato'ṣṭabhiḥ

Sanskrit only: no published translation is held for this verse.

यच्छेषमायं तं विद्याच्छास्त्रदृष्टं ध्वजादिकम्। ध्वजो धूमोऽथ सिंहश्च श्वा वृषः खरकुञ्जरौ

yaccheṣamāyaṃ taṃ vidyācchāstradṛṣṭaṃ dhvajādikam| dhvajo dhūmo'tha siṃhaśca śvā vṛṣaḥ kharakuñjarau

Sanskrit only: no published translation is held for this verse.

ध्वाङ्क्षश्चेति त उद्दिष्टाः प्राच्याद्यासु प्रदक्षिणम्। अन्योन्याभ्हिमुखास्ते च कामं स्वच्छन्दचारिणः

dhvāṅkṣaśceti ta uddiṣṭāḥ prācyādyāsu pradakṣiṇam| anyonyābhhimukhāste ca kāmaṃ svacchandacāriṇaḥ

Sanskrit only: no published translation is held for this verse.

पूर्वाचार्यैः समुद्दिष्टा आयवृद्धिविधायकाः। वृषसिंहगजाः शस्ताः प्रासादपुरवेश्मसु

pūrvācāryaiḥ samuddiṣṭā āyavṛddhividhāyakāḥ| vṛṣasiṃhagajāḥ śastāḥ prāsādapuraveśmasu

Sanskrit only: no published translation is held for this verse.

ध्वजेऽर्थलाभः सन्तापो धूमे भोगो मृगाधिपे। कलिः शुनि धनं धान्यं वृषे स्त्रीदूषणं खरे

dhvaje'rthalābhaḥ santāpo dhūme bhogo mṛgādhipe| kaliḥ śuni dhanaṃ dhānyaṃ vṛṣe strīdūṣaṇaṃ khare

Sanskrit only: no published translation is held for this verse.

गजे भद्रा णि दृश्यन्ते ध्वाङ्क्षे तु मरणं ध्रुवम्। वृषस्थाने गजं कुर्यात्सिंहं वृषभहस्तिनोः

gaje bhadrā ṇi dṛśyante dhvāṅkṣe tu maraṇaṃ dhruvam| vṛṣasthāne gajaṃ kuryātsiṃhaṃ vṛṣabhahastinoḥ

Sanskrit only: no published translation is held for this verse.

न कुर्याद्वृषमन्यत्र शस्यते सर्वतो ध्वजः। कल्याणं कुरुते सिंहो ब्राह्मणस्य विशेषतः

na kuryādvṛṣamanyatra śasyate sarvato dhvajaḥ| kalyāṇaṃ kurute siṃho brāhmaṇasya viśeṣataḥ

Sanskrit only: no published translation is held for this verse.

क्षत्त्रियस्य गजः शस्तो वृषभः शस्यते विशः। शूद्र स्य ध्वज एवैकः शस्यतेऽर्थप्रदः सदा

kṣattriyasya gajaḥ śasto vṛṣabhaḥ śasyate viśaḥ| śūdra sya dhvaja evaikaḥ śasyate'rthapradaḥ sadā

Sanskrit only: no published translation is held for this verse.

एवमेते गृहादीनामायाः सर्वे प्रकीर्तिताः। प्रदद्यादासने सिंहमातपत्रेषु तु ध्वजम्

evamete gṛhādīnāmāyāḥ sarve prakīrtitāḥ| pradadyādāsane siṃhamātapatreṣu tu dhvajam

Sanskrit only: no published translation is held for this verse.

चिह्नेष्वपि च सर्वेषु चामरव्यजनादिषु। सिंहं गजं वा शस्त्रेषु रथेषु कवचेषु च

cihneṣvapi ca sarveṣu cāmaravyajanādiṣu| siṃhaṃ gajaṃ vā śastreṣu ratheṣu kavaceṣu ca

Sanskrit only: no published translation is held for this verse.

सार्यश्वगजपर्याणेष्विभं वृषभमेव च। अर्थधारणपात्रेषु शयनेषु मतङ्गजम्

sāryaśvagajaparyāṇeṣvibhaṃ vṛṣabhameva ca| arthadhāraṇapātreṣu śayaneṣu mataṅgajam

Sanskrit only: no published translation is held for this verse.

याने च वाहने चैव मतिमान् योजयेद्गजम्। प्रासादप्रतिमालिङ्गपीठमण्डपवेदिषु

yāne ca vāhane caiva matimān yojayedgajam| prāsādapratimāliṅgapīṭhamaṇḍapavediṣu

Sanskrit only: no published translation is held for this verse.

कुण्डेषु च ध्वजं दद्याद्देवोपकरणेषु च। आयो गृहवदुद्वाहवेदीमण्डपयोर्भवेत्

kuṇḍeṣu ca dhvajaṃ dadyāddevopakaraṇeṣu ca| āyo gṛhavadudvāhavedīmaṇḍapayorbhavet

Sanskrit only: no published translation is held for this verse.

महानसे वृषं दद्याज्जलाधारे जलाशये। स्थाल्यां भोजनपात्रे च कोष्ठागारेऽन्नधारणे

mahānase vṛṣaṃ dadyājjalādhāre jalāśaye| sthālyāṃ bhojanapātre ca koṣṭhāgāre'nnadhāraṇe

Sanskrit only: no published translation is held for this verse.

एतद्गृहे तथा दद्याद्गृहोपकरणेषु च। वृषभं गजशालायां प्रदद्याद्गजमेव वा

etadgṛhe tathā dadyādgṛhopakaraṇeṣu ca| vṛṣabhaṃ gajaśālāyāṃ pradadyādgajameva vā

Sanskrit only: no published translation is held for this verse.

वृषं तुरगशालासु गोशालागोकुलेषु च। गजाश्ववृषशालासु सिंहं यत्नेन वर्जयेत्

vṛṣaṃ turagaśālāsu gośālāgokuleṣu ca| gajāśvavṛṣaśālāsu siṃhaṃ yatnena varjayet

Sanskrit only: no published translation is held for this verse.

अधमानां खरध्वाङ्क्षधूमश्वानः शुभावहाः। धूमोऽग्निजीविनां शस्तो ध्वाङ्क्षः सन्न्यासिनां हितः

adhamānāṃ kharadhvāṅkṣadhūmaśvānaḥ śubhāvahāḥ| dhūmo'gnijīvināṃ śasto dhvāṅkṣaḥ sannyāsināṃ hitaḥ

Sanskrit only: no published translation is held for this verse.

स्वगणानां श्वपाकानां स्ववेश्मानां खरः शुभः। नटनर्तकवेश्मेषु पण्यस्त्रीणां खरः शुभः

svagaṇānāṃ śvapākānāṃ svaveśmānāṃ kharaḥ śubhaḥ| naṭanartakaveśmeṣu paṇyastrīṇāṃ kharaḥ śubhaḥ

Sanskrit only: no published translation is held for this verse.

कुलालरजकादीनां तथा गर्दभजीविनाम्। गृहादिषु क्षेत्रफलं गणयेदष्टभिर्भजेत्

kulālarajakādīnāṃ tathā gardabhajīvinām| gṛhādiṣu kṣetraphalaṃ gaṇayedaṣṭabhirbhajet

Sanskrit only: no published translation is held for this verse.

त्रिघनेन भजेच्छेषं नक्षत्रेऽष्टहृते व्ययः। पिशाचो राक्षसो यक्ष इति त्रेधा व्ययो मतः

trighanena bhajeccheṣaṃ nakṣatre'ṣṭahṛte vyayaḥ| piśāco rākṣaso yakṣa iti tredhā vyayo mataḥ

Sanskrit only: no published translation is held for this verse.

साम्याधिक्यन्यूनताभिरायतः स्याद्यथाक्रमम्। व्ययं क्षेत्रफले क्षिप्त्वा गृहनामाक्षराणि च

sāmyādhikyanyūnatābhirāyataḥ syādyathākramam| vyayaṃ kṣetraphale kṣiptvā gṛhanāmākṣarāṇi ca

Sanskrit only: no published translation is held for this verse.

भागं त्रिभिर्हरेत्तत्र यच्छेषं सॐऽशको भवेत्। चतुरङ्गो यथा मन्त्रो मुख्यो लग्ने नवांशकः

bhāgaṃ tribhirharettatra yaccheṣaṃ saoṃ'śako bhavet| caturaṅgo yathā mantro mukhyo lagne navāṃśakaḥ

Sanskrit only: no published translation is held for this verse.

तथा गृहादिषु प्रोक्तं मुख्यत्वेनांशकत्रयम्। इन्द्रो यमश्च राजा च त्रयो नामाभिरंशकाः

tathā gṛhādiṣu proktaṃ mukhyatvenāṃśakatrayam| indro yamaśca rājā ca trayo nāmābhiraṃśakāḥ

Sanskrit only: no published translation is held for this verse.

स्वनामतुल्यफलदा विज्ञातव्यास्त्रयोऽपि च। गणयेत्स्वामिनक्षत्राद्यावत्स्याद्भवनस्य भम्

svanāmatulyaphaladā vijñātavyāstrayo'pi ca| gaṇayetsvāminakṣatrādyāvatsyādbhavanasya bham

Sanskrit only: no published translation is held for this verse.

नवभिर्भाजिते तस्मिञ्शेषं तारा प्रकीर्तिता। जन्मसम्पद्विपत्क्षेमपापसाधकनैधनीः

navabhirbhājite tasmiñśeṣaṃ tārā prakīrtitā| janmasampadvipatkṣemapāpasādhakanaidhanīḥ

Sanskrit only: no published translation is held for this verse.

मैत्रीपरममैत्र्यौ च प्राहुः संज्ञाः समाः फले। त्रिसप्तपञ्चमीर्भर्तुर्गृहतारा विवर्जयेत्

maitrīparamamaitryau ca prāhuḥ saṃjñāḥ samāḥ phale| trisaptapañcamīrbharturgṛhatārā vivarjayet

Sanskrit only: no published translation is held for this verse.

आद्याद्वितीयाष्टम्यस्तु ताराः स्युरिह मध्यमाः। तथा ऋक्षेऽपि चानिष्टे चन्द्रे ऽष्टमगतेऽपि च

ādyādvitīyāṣṭamyastu tārāḥ syuriha madhyamāḥ| tathā ṛkṣe'pi cāniṣṭe candre 'ṣṭamagate'pi ca

Sanskrit only: no published translation is held for this verse.

नयते दुरितं तारा चतुःषण्णवती नृणाम्। सुरराक्षसमर्त्याख्या ऋक्षाणां स्युर्गणास्त्रयः

nayate duritaṃ tārā catuḥṣaṇṇavatī nṛṇām| surarākṣasamartyākhyā ṛkṣāṇāṃ syurgaṇāstrayaḥ

Sanskrit only: no published translation is held for this verse.

यद्गणर्क्षो भवेद्भर्ता तद्गणर्क्षं गृहं शुभम्। मृगाश्विरेवतीस्वात्यो मैत्रं पुष्यपुनर्वसू

yadgaṇarkṣo bhavedbhartā tadgaṇarkṣaṃ gṛhaṃ śubham| mṛgāśvirevatīsvātyo maitraṃ puṣyapunarvasū

Sanskrit only: no published translation is held for this verse.

हस्तः श्रवण इत्येष देवाख्यो नवको गणः। विशाखा कृत्तिकाश्लेषा नैऋतं वारुणं मघा

hastaḥ śravaṇa ityeṣa devākhyo navako gaṇaḥ| viśākhā kṛttikāśleṣā naiṛtaṃ vāruṇaṃ maghā

Sanskrit only: no published translation is held for this verse.

चित्रा ज्येष्ठा धनिष्ठेति नवको राक्षसो गणः। आर्द्राभरण्यौ रोहिण्यौ तिस्रः पूर्वास्तथोत्तराः

citrā jyeṣṭhā dhaniṣṭheti navako rākṣaso gaṇaḥ| ārdrābharaṇyau rohiṇyau tisraḥ pūrvāstathottarāḥ

Sanskrit only: no published translation is held for this verse.

इति नक्षत्रनवकं विज्ञेयं मानुषे गणे। गणसाम्यं शुभा तारा यस्यायातृ व्ययोऽल्पकः

iti nakṣatranavakaṃ vijñeyaṃ mānuṣe gaṇe| gaṇasāmyaṃ śubhā tārā yasyāyātṛ vyayo'lpakaḥ

Sanskrit only: no published translation is held for this verse.

हितॐऽशकश्च तद्वेश्म भर्तुः शुभफलप्रदम्। आयो व्ययश्च योनित्वं ताराश्च भवनांशकाः

hitaoṃ'śakaśca tadveśma bhartuḥ śubhaphalapradam| āyo vyayaśca yonitvaṃ tārāśca bhavanāṃśakāḥ

Sanskrit only: no published translation is held for this verse.

गृहनामेति चिन्त्यानि करणानि गृहस्य षट्। त्रिभिः शुभैः शुभं वेश्म द्वाभ्यामेकेन चाशुभम्

gṛhanāmeti cintyāni karaṇāni gṛhasya ṣaṭ| tribhiḥ śubhaiḥ śubhaṃ veśma dvābhyāmekena cāśubham

Sanskrit only: no published translation is held for this verse.

करणैश्चतुराद्यैस्तु शुभैरतिशुभं भवेत्। न समायव्ययं वेश्म नाव्ययं नाधिकव्ययम्

karaṇaiścaturādyaistu śubhairatiśubhaṃ bhavet| na samāyavyayaṃ veśma nāvyayaṃ nādhikavyayam

Sanskrit only: no published translation is held for this verse.

न द्वितीयांशमसदृग्योनिभं च न कारयेत्। भर्तृतुल्याभिधानं च गृहं दूरात्परित्यजेत्

na dvitīyāṃśamasadṛgyonibhaṃ ca na kārayet| bhartṛtulyābhidhānaṃ ca gṛhaṃ dūrātparityajet

Sanskrit only: no published translation is held for this verse.

समसप्तकमेकर्क्षं तृतीयैकादशं तथा। चतुर्थदशकं चेति कर्तव्यं मन्द्रि रं सदा

samasaptakamekarkṣaṃ tṛtīyaikādaśaṃ tathā| caturthadaśakaṃ ceti kartavyaṃ mandri raṃ sadā

Sanskrit only: no published translation is held for this verse.

षट्कोष्ठकं त्रिकोणं च वर्ज्यं द्विर्द्वादशं तथा। षट्कोष्ठके मृतिर्दैन्यं वियोगश्च भवेद्गृहे

ṣaṭkoṣṭhakaṃ trikoṇaṃ ca varjyaṃ dvirdvādaśaṃ tathā| ṣaṭkoṣṭhake mṛtirdainyaṃ viyogaśca bhavedgṛhe

Sanskrit only: no published translation is held for this verse.

त्रिकोणे वसतां दुःखं वैधव्यं च प्रजायते। द्विर्द्वादशे पुत्रपौत्रगुरुबन्धुधनक्षयः

trikoṇe vasatāṃ duḥkhaṃ vaidhavyaṃ ca prajāyate| dvirdvādaśe putrapautragurubandhudhanakṣayaḥ

Sanskrit only: no published translation is held for this verse.

हृतेऽष्टभिः क्षेत्रफले खनेत्रशशिभाजिते। शेषं जीवितमेतस्मिन् पञ्चभक्ते भवेन्मृतिः

hṛte'ṣṭabhiḥ kṣetraphale khanetraśaśibhājite| śeṣaṃ jīvitametasmin pañcabhakte bhavenmṛtiḥ

Sanskrit only: no published translation is held for this verse.

सभुजं सहषड्दारु मुखमण्डपसंयुतम्। आयामतः पृथुत्वाच्च मानं कृत्वा विभाजयेत्

sabhujaṃ sahaṣaḍdāru mukhamaṇḍapasaṃyutam| āyāmataḥ pṛthutvācca mānaṃ kṛtvā vibhājayet

Sanskrit only: no published translation is held for this verse.

सर्वतः शोधितं वास्तु यच्च सम्यङ्मितं भवेत्। स्वामिनस्तद्भवेद्धन्यं स्थपतेश्च यशस्करम्

sarvataḥ śodhitaṃ vāstu yacca samyaṅmitaṃ bhavet| svāminastadbhaveddhanyaṃ sthapateśca yaśaskaram

Sanskrit only: no published translation is held for this verse.

अर्चितं वर्धते वास्तु नारीभिः पशुभिर्नरैः। कीर्त्त्यायुर्धनधान्यैश्च प्रमोदैस्तु महोत्सवैः

arcitaṃ vardhate vāstu nārībhiḥ paśubhirnaraiḥ| kīrttyāyurdhanadhānyaiśca pramodaistu mahotsavaiḥ

Sanskrit only: no published translation is held for this verse.

मेरुश्च खण्डमेरुश्च पताका सूचिका तथा। उद्दिष्टं नष्टमिति षट् छन्दांसीह प्रचक्षते

meruśca khaṇḍameruśca patākā sūcikā tathā| uddiṣṭaṃ naṣṭamiti ṣaṭ chandāṃsīha pracakṣate

Sanskrit only: no published translation is held for this verse.

एकाद्येकोत्तरान् कोष्ठान् विन्यसेदिच्छयात्मनः। आद्यादारभ्य तद्वृद्धिर्यथा स्यात्पार्श्वयोः समम्

ekādyekottarān koṣṭhān vinyasedicchayātmanaḥ| ādyādārabhya tadvṛddhiryathā syātpārśvayoḥ samam

Sanskrit only: no published translation is held for this verse.

मेरोरेकाधिका सङ्खया शरावस्येव चाकृतिः। प्रथमे कोष्ठके रूपमन्तं यावच्च पार्श्वयोः

merorekādhikā saṅkhayā śarāvasyeva cākṛtiḥ| prathame koṣṭhake rūpamantaṃ yāvacca pārśvayoḥ

Sanskrit only: no published translation is held for this verse.

आसनोर्ध्वस्थयोर्न्यस्येन्मध्ये सङ्कलितं पृथक्। तस्मिन्निष्टविकल्पानां सङ्ख्या स्यादन्त्यपङ्क्तिगा

āsanordhvasthayornyasyenmadhye saṅkalitaṃ pṛthak| tasminniṣṭavikalpānāṃ saṅkhyā syādantyapaṅktigā

Sanskrit only: no published translation is held for this verse.

खण्डमेरुं तु विन्यस्येत्तद्वदेवैकपार्श्वतः। प्रवृद्धैः कोष्टकैस्तत्राप्यङ्काः प्राग्वत्फलं तथा

khaṇḍameruṃ tu vinyasyettadvadevaikapārśvataḥ| pravṛddhaiḥ koṣṭakaistatrāpyaṅkāḥ prāgvatphalaṃ tathā

Sanskrit only: no published translation is held for this verse.

अथापरः खण्डमेरुः कोष्ठांस्तत्रेष्टसङ्ख्यया। कृत्वैकापचितान् वामविभागापचितानधः

athāparaḥ khaṇḍameruḥ koṣṭhāṃstatreṣṭasaṅkhyayā| kṛtvaikāpacitān vāmavibhāgāpacitānadhaḥ

Sanskrit only: no published translation is held for this verse.

एकाद्येकोत्तरानङ्कानाद्यपङ्क्तौ निवेशयेत्। अन्यासु पङ्क्तिष्वाप्रान्तं शून्यान्याद्येषु कल्पयेत्

ekādyekottarānaṅkānādyapaṅktau niveśayet| anyāsu paṅktiṣvāprāntaṃ śūnyānyādyeṣu kalpayet

Sanskrit only: no published translation is held for this verse.

द्वितीयेषु च कोष्ठेषु तासामेकैकमावयेत्। द्वितीयायां तृतीयादिकोष्ठकेषु यथाक्रमम्

dvitīyeṣu ca koṣṭheṣu tāsāmekaikamāvayet| dvitīyāyāṃ tṛtīyādikoṣṭhakeṣu yathākramam

Sanskrit only: no published translation is held for this verse.

विकर्णयोगजानन्यानूर्ध्वाधोयोगसंभवान्। फलं विकर्णयोगोत्थमेकस्मिन् परिकल्पयेत्

vikarṇayogajānanyānūrdhvādhoyogasaṃbhavān| phalaṃ vikarṇayogotthamekasmin parikalpayet

Sanskrit only: no published translation is held for this verse.

एकाधिकानभीष्टायाः सङ्ख्यायास्तिर्यगालिखेत्। कोष्ठानेकांच रूपादींस्तन्मध्ये द्विगुणोत्तरान्

ekādhikānabhīṣṭāyāḥ saṅkhyāyāstiryagālikhet| koṣṭhānekāṃca rūpādīṃstanmadhye dviguṇottarān

Sanskrit only: no published translation is held for this verse.

एकोनं पृष्ठतस्तेषामेकं द्विगुणमग्रतः। नातिक्रामेत्परां सङ्ख्यां पताकाछन्द उच्यते

ekonaṃ pṛṣṭhatasteṣāmekaṃ dviguṇamagrataḥ| nātikrāmetparāṃ saṅkhyāṃ patākāchanda ucyate

Sanskrit only: no published translation is held for this verse.

तद्विनेष्टाद्यगा सङ्ख्येत्येकाद्यैस्तैस्ततो गृहे। न्यस्ताङ्कसङ्ख्याः सङ्ख्याः स्युरलिन्दाद्यैः प्रकल्पिताः

tadvineṣṭādyagā saṅkhyetyekādyaistaistato gṛhe| nyastāṅkasaṅkhyāḥ saṅkhyāḥ syuralindādyaiḥ prakalpitāḥ

Sanskrit only: no published translation is held for this verse.

एकैकमिष्टस्थानेषु लिखेत्सैकेश्वतः परम्। अन्त्यादृते पूर्वपूर्वयुक्तेनायोजयेत्परम्

ekaikamiṣṭasthāneṣu likhetsaikeśvataḥ param| antyādṛte pūrvapūrvayuktenāyojayetparam

Sanskrit only: no published translation is held for this verse.

अन्त्यादारभ्य तद्वनावेकाद्येषु च पर्ययात्। अलिन्दादिषु यत्र स्यात्सङ्ख्या सूचीं तु तां विदुः

antyādārabhya tadvanāvekādyeṣu ca paryayāt| alindādiṣu yatra syātsaṅkhyā sūcīṃ tu tāṃ viduḥ

Sanskrit only: no published translation is held for this verse.

उद्दिष्टे स्थापयेत्सङ्ख्यामुद्दिष्टां सम्भवेच्च ताम्। दलयेद्रू पयुक्तां तु दलयेन्नाम सम्भवेत्

uddiṣṭe sthāpayetsaṅkhyāmuddiṣṭāṃ sambhavecca tām| dalayedrū payuktāṃ tu dalayennāma sambhavet

Sanskrit only: no published translation is held for this verse.

लघुस्वरूपदलने सैकार्धे करणे गुरुः। यावदिष्टपदापितः स्याल्लघवोऽलिन्दकोदयः

laghusvarūpadalane saikārdhe karaṇe guruḥ| yāvadiṣṭapadāpitaḥ syāllaghavo'lindakodayaḥ

Sanskrit only: no published translation is held for this verse.

कृत्वा छन्दः समुद्दिष्टं तदन्ते लघुनि द्विकम्। न्यसेदेकं गुरूणां च द्विगुणं द्विगुणं ततः

kṛtvā chandaḥ samuddiṣṭaṃ tadante laghuni dvikam| nyasedekaṃ gurūṇāṃ ca dviguṇaṃ dviguṇaṃ tataḥ

Sanskrit only: no published translation is held for this verse.

व्यत्ययाल्लघुनः स्थाने द्विगुणादेककं गुरोः। कुर्यात्तमाद्यस्थानाङ्कसङ्ख्यं नष्टे गृहं भवेत्

vyatyayāllaghunaḥ sthāne dviguṇādekakaṃ guroḥ| kuryāttamādyasthānāṅkasaṅkhyaṃ naṣṭe gṛhaṃ bhavet

Sanskrit only: no published translation is held for this verse.

प्राप्तस्यैकं कोष्ठमेकैकवृद्ध्या न्यस्येदूर्ध्वं पङ्क्तयो यावदिष्टाः। इष्टानेकादील्लिखेदानुपूर्व्या कर्णेनाधः शून्यरूपे च दद्यात्

prāptasyaikaṃ koṣṭhamekaikavṛddhyā nyasyedūrdhvaṃ paṅktayo yāvadiṣṭāḥ| iṣṭānekādīllikhedānupūrvyā karṇenādhaḥ śūnyarūpe ca dadyāt

Sanskrit only: no published translation is held for this verse.

कर्णस्थाङ्कश्लेषतोऽङ्के भवेद्यस्तं विन्यस्येत्कोष्ठकेषु क्रमेण। उद्दिष्टाङ्को भद्र सङ्ख्यानि मध्ये याभ्यः कर्णश्लेषतो मूषिकास्ताः

karṇasthāṅkaśleṣato'ṅke bhavedyastaṃ vinyasyetkoṣṭhakeṣu krameṇa| uddiṣṭāṅko bhadra saṅkhyāni madhye yābhyaḥ karṇaśleṣato mūṣikāstāḥ

Sanskrit only: no published translation is held for this verse.

एकादिषु द्विगुणितेष्विह यावदिष्टमूषाक्रमव्युपहितेष्वथ तेषु विद्यात्। उद्दिष्टवेश्मकृतनिर्गममार्गमूषासत्काङ्कसैकयुतिनिर्मितसङ्ख्यमोकः

ekādiṣu dviguṇiteṣviha yāvadiṣṭamūṣākramavyupahiteṣvatha teṣu vidyāt| uddiṣṭaveśmakṛtanirgamamārgamūṣāsatkāṅkasaikayutinirmitasaṅkhyamokaḥ

Sanskrit only: no published translation is held for this verse.