नन्दा भद्रा जया पूर्णा सभा स्याद्भाविता तथा। दक्षा च प्रवरा तद्वद्विदुरा चाष्टमी मता
nandā bhadrā jayā pūrṇā sabhā syādbhāvitā tathā| dakṣā ca pravarā tadvadvidurā cāṣṭamī matā
Sanskrit only: no published translation is held for this verse.
Library·Bhoja: Samarāṅgaṇa-sūtradhāra·27
Bhoja: Samarāṅgaṇa-sūtradhāra 27
चतुरश्रीकृते क्षेत्रे ततः षोढा विभाजिते। मध्ये पदचतुष्कं स्यात्सीमालिन्दस्तु भागिकः
caturaśrīkṛte kṣetre tataḥ ṣoḍhā vibhājite| madhye padacatuṣkaṃ syātsīmālindastu bhāgikaḥ
Sanskrit only: no published translation is held for this verse.
तद्वाद्योऽलिन्दकस्तद्वद्भवेत्प्रतिसराभिधः। प्राग्ग्रीवाख्यस्तृतीयश्च बहिः क्षेत्राच्चतुर्दिशम्
tadvādyo'lindakastadvadbhavetpratisarābhidhaḥ| prāggrīvākhyastṛtīyaśca bahiḥ kṣetrāccaturdiśam
Sanskrit only: no published translation is held for this verse.
निसृष्टसौर्धयैर्वा स्यादेकस्यां वा यदा दिशि। नन्दा भद्रा जया पूर्णा क्रमेण स्युः सभास्तदा
nisṛṣṭasaurdhayairvā syādekasyāṃ vā yadā diśi| nandā bhadrā jayā pūrṇā krameṇa syuḥ sabhāstadā
Sanskrit only: no published translation is held for this verse.
षड्भागभाजिते क्षेत्रे कर्णभित्तिं निवेशयेत्। सभा स्याद्भाविता नाम सप्राग्ग्रीवात्र पञ्चमी
ṣaḍbhāgabhājite kṣetre karṇabhittiṃ niveśayet| sabhā syādbhāvitā nāma saprāggrīvātra pañcamī
Sanskrit only: no published translation is held for this verse.
स्तम्भान्षट्त्रिंशदेतासु पञ्चस्वपि निवेशयेत्। स्तम्भान्प्राग्ग्रीवसंबद्धान्पृथगेभ्यो विनिर्दिशेत्
stambhānṣaṭtriṃśadetāsu pañcasvapi niveśayet| stambhānprāggrīvasaṃbaddhānpṛthagebhyo vinirdiśet
Sanskrit only: no published translation is held for this verse.
दक्षेति षष्ठी परितस्तृतीयालिन्दवेष्टिता। प्रवरा सप्तमी द्वारैर्युक्तैषा परिकीर्तिता
dakṣeti ṣaṣṭhī paritastṛtīyālindaveṣṭitā| pravarā saptamī dvārairyuktaiṣā parikīrtitā
Sanskrit only: no published translation is held for this verse.
प्राग्ग्रीवद्वारसंयुक्ता विदुरेत्यष्टमी सभा। सभानामिदमष्टानां लक्षणं समुदाहृतम्
prāggrīvadvārasaṃyuktā viduretyaṣṭamī sabhā| sabhānāmidamaṣṭānāṃ lakṣaṇaṃ samudāhṛtam
Sanskrit only: no published translation is held for this verse.
इत्यष्टानां लक्ष्म सम्यक्सभाना-। मेतत्प्रोक्तं दिग्भवालिन्दभेदात्। तद्वद्द्वारालिन्दसंयोगश्च। ज्ञातेऽत्र स्याद्भूभृतां स्थानयोगः
ityaṣṭānāṃ lakṣma samyaksabhānā-| metatproktaṃ digbhavālindabhedāt| tadvaddvārālindasaṃyogaśca| jñāte'tra syādbhūbhṛtāṃ sthānayogaḥ
Sanskrit only: no published translation is held for this verse.