Bhoja: Samarāṅgaṇa-sūtradhāra 32

लक्षणं गजशालानामिदानीमभिदध्महे। चतुरश्रीकृते क्षेत्रे भागैर्भक्ते ततोऽष्टभिः

lakṣaṇaṃ gajaśālānāmidānīmabhidadhmahe| caturaśrīkṛte kṣetre bhāgairbhakte tato'ṣṭabhiḥ

Sanskrit only: no published translation is held for this verse.

मध्ये द्विभागविस्तारं स्थानं कुर्वीत हस्तिनः। कल्प्याः प्रासादवद्भागा ज्येष्ठमध्याधमाः क्रमात्

madhye dvibhāgavistāraṃ sthānaṃ kurvīta hastinaḥ| kalpyāḥ prāsādavadbhāgā jyeṣṭhamadhyādhamāḥ kramāt

Sanskrit only: no published translation is held for this verse.

तद्बहिर्भागिकोऽलिन्दो बहिस्तस्यापि चापरः। भागेनैकेन भित्तिः स्याद् द्वितीयालिन्दकाद्बहिः

tadbahirbhāgiko'lindo bahistasyāpi cāparaḥ| bhāgenaikena bhittiḥ syād dvitīyālindakādbahiḥ

Sanskrit only: no published translation is held for this verse.

तस्या द्वारप्रदेशे तु कर्तव्यौ कूर्परावुभौ। कर्णप्रासादिका कार्या द्वितीयालिन्दसंश्रिता

tasyā dvārapradeśe tu kartavyau kūrparāvubhau| karṇaprāsādikā kāryā dvitīyālindasaṃśritā

Sanskrit only: no published translation is held for this verse.

द्वे द्वे वातायने कुर्याद्भित्तौ दिक्षु तिसृष्वपि। प्राग्ग्रीवोऽग्रे भवेच्छाला सुभद्रे यमुदाहृता

dve dve vātāyane kuryādbhittau dikṣu tisṛṣvapi| prāggrīvo'gre bhavecchālā subhadre yamudāhṛtā

Sanskrit only: no published translation is held for this verse.

अस्या एव यदा पक्षप्राग्ग्रीवौ भवतो मुखे। नन्दिनी नामतः शाला तदा स्याद्जगवृद्धये

asyā eva yadā pakṣaprāggrīvau bhavato mukhe| nandinī nāmataḥ śālā tadā syādjagavṛddhaye

Sanskrit only: no published translation is held for this verse.

अस्या एव यदा स्यातां प्राग्ग्रीवौ पार्श्वयोर्द्वयोः। तदा सुभोगदा नाम तृतीया परिकीर्तिता

asyā eva yadā syātāṃ prāggrīvau pārśvayordvayoḥ| tadā subhogadā nāma tṛtīyā parikīrtitā

Sanskrit only: no published translation is held for this verse.

अस्या एव यदा पृष्ठे प्राग्ग्रीवः क्रियतेऽपरः। भद्रि का नाम शाला स्यात्तदा द्विरदपुष्टिदा

asyā eva yadā pṛṣṭhe prāggrīvaḥ kriyate'paraḥ| bhadri kā nāma śālā syāttadā dviradapuṣṭidā

Sanskrit only: no published translation is held for this verse.

पञ्चमी चतुरश्रा स्याद्वर्षणी नाम पूजिता। प्राग्ग्रीवालिन्दनिर्यूहहीना षष्ठी तथापरा

pañcamī caturaśrā syādvarṣaṇī nāma pūjitā| prāggrīvālindaniryūhahīnā ṣaṣṭhī tathāparā

Sanskrit only: no published translation is held for this verse.

शाला प्रमारिका धान्यधनजीवितहारिणी। तदेतां वर्जयेत्कुर्यादन्याः सर्वार्थसिद्धये

śālā pramārikā dhānyadhanajīvitahāriṇī| tadetāṃ varjayetkuryādanyāḥ sarvārthasiddhaye

Sanskrit only: no published translation is held for this verse.

प्रमारिकेति प्रथितेह शाला सा प्राणसस्यद्र विणच्छिदे स्यात्। कुर्यादतस्तां न यथोदितास्तु कार्याः परा जीवितवित्तवृद्ध्यै

pramāriketi prathiteha śālā sā prāṇasasyadra viṇacchide syāt| kuryādatastāṃ na yathoditāstu kāryāḥ parā jīvitavittavṛddhyai

Sanskrit only: no published translation is held for this verse.