Bhoja: Samarāṅgaṇa-sūtradhāra 36

इदानीमभिधास्यामो बलिरूपविधेः क्रमम्। येन येनार्चिता देवास्तुष्यन्ति समहेश्वराः

idānīmabhidhāsyāmo balirūpavidheḥ kramam| yena yenārcitā devāstuṣyanti samaheśvarāḥ

Sanskrit only: no published translation is held for this verse.

मण्डलं वास्तुनो मध्ये गोमयेन प्रकल्पयेत्। कलशं तत्र विन्यस्येत् सप्रसूनं सकाञ्चनम्

maṇḍalaṃ vāstuno madhye gomayena prakalpayet| kalaśaṃ tatra vinyasyet saprasūnaṃ sakāñcanam

Sanskrit only: no published translation is held for this verse.

वास्तुदेवास्ततः कल्प्या यथास्थाननियोगतः। सधुपेर्विविधैर्माल्यैरर्घ्यं पश्चान्निवेदयेत्

vāstudevāstataḥ kalpyā yathāsthānaniyogataḥ| sadhupervividhairmālyairarghyaṃ paścānnivedayet

Sanskrit only: no published translation is held for this verse.

अर्चयेद्विश्वकर्माणं माल्यैर्धूपैर्विलेपनैः। भक्षैः फलैर्बहुविधैः पूजयेत्सुसमाहितः

arcayedviśvakarmāṇaṃ mālyairdhūpairvilepanaiḥ| bhakṣaiḥ phalairbahuvidhaiḥ pūjayetsusamāhitaḥ

Sanskrit only: no published translation is held for this verse.

आज्येन पयसा दध्ना पूजयेच्छिखिनं पुनः। शालिगोधूममुद्ग्राद्यैर्धान्यैः पर्ज्जन्यमर्चयेत्

ājyena payasā dadhnā pūjayecchikhinaṃ punaḥ| śāligodhūmamudgrādyairdhānyaiḥ parjjanyamarcayet

Sanskrit only: no published translation is held for this verse.

जयन्तं पूजयेदाम्रद्रा क्षाखर्जूरिकादिभिः। मालतीमल्लिकाभिश्च पूजयेत्त्रिदशाधिपम्

jayantaṃ pūjayedāmradrā kṣākharjūrikādibhiḥ| mālatīmallikābhiśca pūjayettridaśādhipam

Sanskrit only: no published translation is held for this verse.

पुष्पै रक्तैस्तथा धूपै रक्तचन्दनलेपनैः। ततः सूर्यं जगन्नाथं पूजयेल्लोकचक्षुषम्

puṣpai raktaistathā dhūpai raktacandanalepanaiḥ| tataḥ sūryaṃ jagannāthaṃ pūjayellokacakṣuṣam

Sanskrit only: no published translation is held for this verse.

जम्बीरैर्बीजपूरैश्च नारङ्गैः पीतकैः फलैः। पूजयेत्सत्यनामानं देवं तेन स तुष्यति

jambīrairbījapūraiśca nāraṅgaiḥ pītakaiḥ phalaiḥ| pūjayetsatyanāmānaṃ devaṃ tena sa tuṣyati

Sanskrit only: no published translation is held for this verse.

मत्स्यमांसैश्च तुष्यन्ति सर्वे रक्षःपुरोगमाः। सितैः फलैर्नारिकेलैर्भृशश्च परितुष्यति

matsyamāṃsaiśca tuṣyanti sarve rakṣaḥpurogamāḥ| sitaiḥ phalairnārikelairbhṛśaśca parituṣyati

Sanskrit only: no published translation is held for this verse.

गन्धधूपप्रयोगैश्च नभोनामानमर्चयेत्। पुष्पैः सुगन्धिभिः शुक्लैर्मारुतः परितुष्यति

gandhadhūpaprayogaiśca nabhonāmānamarcayet| puṣpaiḥ sugandhibhiḥ śuklairmārutaḥ parituṣyati

Sanskrit only: no published translation is held for this verse.

कृसरं मधुसंयुक्तं पूष्णे भक्त्या निवेदयेत्। वितथं तु शुभैरन्यैर्मद्यमांसविवर्जितैः

kṛsaraṃ madhusaṃyuktaṃ pūṣṇe bhaktyā nivedayet| vitathaṃ tu śubhairanyairmadyamāṃsavivarjitaiḥ

Sanskrit only: no published translation is held for this verse.

पूजितस्तुष्टिमायाति विवस्वांश्च महामुनिः। पुष्पैः सपुष्पकैस्तुष्टिमवाप्नोति गृहक्षतः

pūjitastuṣṭimāyāti vivasvāṃśca mahāmuniḥ| puṣpaiḥ sapuṣpakaistuṣṭimavāpnoti gṛhakṣataḥ

Sanskrit only: no published translation is held for this verse.

मत्स्यमांसयुतैर्भव्यैर्यमतुष्टिः सदा भवेत्। पुन्नागागरुधूपेन गन्धर्वानर्चयेद्बुधः

matsyamāṃsayutairbhavyairyamatuṣṭiḥ sadā bhavet| punnāgāgarudhūpena gandharvānarcayedbudhaḥ

Sanskrit only: no published translation is held for this verse.

मृगमांसयुतैर्भक्षैर्भृङ्गराजं च तर्पयेत्। राजजम्बूफलैर्बिल्वैर्देवमभ्यर्चयेन्मृगम्

mṛgamāṃsayutairbhakṣairbhṛṅgarājaṃ ca tarpayet| rājajambūphalairbilvairdevamabhyarcayenmṛgam

Sanskrit only: no published translation is held for this verse.

पायसैर्मधुसंयुक्तैर्मांसैर्भक्तैश्च शोभनैः। कर्पूरसुरभिद्र व्यगर्भैः संपूजयेत्पितॄन्

pāyasairmadhusaṃyuktairmāṃsairbhaktaiśca śobhanaiḥ| karpūrasurabhidra vyagarbhaiḥ saṃpūjayetpitṝn

Sanskrit only: no published translation is held for this verse.

सपुष्पैर्मोदकैर्लाजैः पललैश्च विमिश्रितैः। दौवारिकं प्रयत्नेन पूजयेद्विघ्नकारकम्

sapuṣpairmodakairlājaiḥ palalaiśca vimiśritaiḥ| dauvārikaṃ prayatnena pūjayedvighnakārakam

Sanskrit only: no published translation is held for this verse.

अपूर्वैः शोभनैर्गन्धैर्धूपैर्माल्यैरनुत्तमैः। पुष्पैः कण्टकजातीनां सुग्रीवं पूजयेत्सदा

apūrvaiḥ śobhanairgandhairdhūpairmālyairanuttamaiḥ| puṣpaiḥ kaṇṭakajātīnāṃ sugrīvaṃ pūjayetsadā

Sanskrit only: no published translation is held for this verse.

सपुष्पैर्लापकैर्भक्ष्यैर्दधियुक्तान्नपायसैः। अर्चयत्पुष्पदन्तं तु यशोवीर्यान्वितं सुरम्

sapuṣpairlāpakairbhakṣyairdadhiyuktānnapāyasaiḥ| arcayatpuṣpadantaṃ tu yaśovīryānvitaṃ suram

Sanskrit only: no published translation is held for this verse.

मांसैश्च सूकरादीनां वैनतेयं सदार्चयेत्। वरुणं च महासत्त्वं पूजयेद्धूपचन्दनैः

māṃsaiśca sūkarādīnāṃ vainateyaṃ sadārcayet| varuṇaṃ ca mahāsattvaṃ pūjayeddhūpacandanaiḥ

Sanskrit only: no published translation is held for this verse.

राहुं च मांससंयुक्तैस्तर्पयेद्भक्ष्यभोजनैः। रुधिरेण प्रदत्तेन तुष्टिमेति शनैश्चरः

rāhuṃ ca māṃsasaṃyuktaistarpayedbhakṣyabhojanaiḥ| rudhireṇa pradattena tuṣṭimeti śanaiścaraḥ

Sanskrit only: no published translation is held for this verse.

मांसेन तु क्षयस्तुष्टिं रोगाणामधिपो व्रजेत्। मेदसा पूजयेद्रो गं सर्वलोकभयङ्करम्

māṃsena tu kṣayastuṣṭiṃ rogāṇāmadhipo vrajet| medasā pūjayedro gaṃ sarvalokabhayaṅkaram

Sanskrit only: no published translation is held for this verse.

वासुकिं क्षीरदानेन पूजयेत् सततं नरः। पूर्ववत्पूजयेद्देवं विश्वकर्माणमीश्वरम्

vāsukiṃ kṣīradānena pūjayet satataṃ naraḥ| pūrvavatpūjayeddevaṃ viśvakarmāṇamīśvaram

Sanskrit only: no published translation is held for this verse.

सितप्रसूनविन्यासैर्भल्लाटं पूजयेद्बुधः। दधियुक्तेन चान्नेन सोमं सर्वत्र पूजयेत्

sitaprasūnavinyāsairbhallāṭaṃ pūjayedbudhaḥ| dadhiyuktena cānnena somaṃ sarvatra pūjayet

Sanskrit only: no published translation is held for this verse.

कुबेरं धूपदानेन पूजयेत् सततं नरः। अदितिं च सुवर्णेन पद्मैरपि च पूजयेत्

kuberaṃ dhūpadānena pūjayet satataṃ naraḥ| aditiṃ ca suvarṇena padmairapi ca pūjayet

Sanskrit only: no published translation is held for this verse.

अर्कमन्दारमालाभिर्वृषभं च समर्चयेत्। अन्येषामपि देवानामर्चनं धूपसाम्प्रतैः

arkamandāramālābhirvṛṣabhaṃ ca samarcayet| anyeṣāmapi devānāmarcanaṃ dhūpasāmprataiḥ

Sanskrit only: no published translation is held for this verse.

सर्वपुष्पफलैश्चैषां कार्यं बुद्धिमता सदा। इत्येते बलयः सर्वे शान्त्यर्थं परिकल्पिताः

sarvapuṣpaphalaiścaiṣāṃ kāryaṃ buddhimatā sadā| ityete balayaḥ sarve śāntyarthaṃ parikalpitāḥ

Sanskrit only: no published translation is held for this verse.

शोधने कर्षणे भूमेः साधने रूपकल्पने। गृहे प्रवेशने रम्ये तिथिमभ्युदयेषु च

śodhane karṣaṇe bhūmeḥ sādhane rūpakalpane| gṛhe praveśane ramye tithimabhyudayeṣu ca

Sanskrit only: no published translation is held for this verse.

स्कन्धावारनिवेशेषु पुरग्रामनिवेशने। देवालयक्षितिपवेश्मनिवेशनेषु। प्रोक्तान् बलीन् प्रवितरेत्प्रयतः सुरेभ्यः। प्रारम्भमन्यमपि वास्तुगतं चिकीर्षुः। कुर्वन्निमं विधिमभीप्सितभाजनं स्यात्

skandhāvāraniveśeṣu puragrāmaniveśane| devālayakṣitipaveśmaniveśaneṣu| proktān balīn pravitaretprayataḥ surebhyaḥ| prārambhamanyamapi vāstugataṃ cikīrṣuḥ| kurvannimaṃ vidhimabhīpsitabhājanaṃ syāt

Sanskrit only: no published translation is held for this verse.