Bhoja: Samarāṅgaṇa-sūtradhāra 37

वर्णानां यानि दारूणि कीलकार्यं नियोजयेत्। इदानीं तानि वक्ष्यामि श्रेयःकीर्त्तिहिताय च

varṇānāṃ yāni dārūṇi kīlakāryaṃ niyojayet| idānīṃ tāni vakṣyāmi śreyaḥkīrttihitāya ca

Sanskrit only: no published translation is held for this verse.

खदिरोदुम्बराश्वत्थशालशाकधवार्जुनाः। अञ्जनः कदराशोकतिनिशारुणचन्दनाः

khadirodumbarāśvatthaśālaśākadhavārjunāḥ| añjanaḥ kadarāśokatiniśāruṇacandanāḥ

Sanskrit only: no published translation is held for this verse.

शिरीषसर्जन्यग्रोधवेणवः कीलकर्मणि। पुन्नामानो द्रुमाः शस्ताः स्त्रीनामानो विगर्हिताः

śirīṣasarjanyagrodhaveṇavaḥ kīlakarmaṇi| punnāmāno drumāḥ śastāḥ strīnāmāno vigarhitāḥ

Sanskrit only: no published translation is held for this verse.

अश्वत्थः खदिरश्चैतौ विप्राणां वृद्धिकारकौ। रक्तचन्दनवेणूत्थकीलौ क्षत्रस्य पूजितौ

aśvatthaḥ khadiraścaitau viprāṇāṃ vṛddhikārakau| raktacandanaveṇūtthakīlau kṣatrasya pūjitau

Sanskrit only: no published translation is held for this verse.

शाकश्च खदिरश्चेति सामन्तानां हिताविमौ। कीलौ शालशिरीषोत्थौ वैश्यानां कीर्तितौ शुभौ

śākaśca khadiraśceti sāmantānāṃ hitāvimau| kīlau śālaśirīṣotthau vaiśyānāṃ kīrtitau śubhau

Sanskrit only: no published translation is held for this verse.

शूद्र जाटेस्तु तिनिशधवार्जुनसमुद्भवाः। वैश्यवेश्मसु सौभाग्यकार्ये च स्युरशोकजाः

śūdra jāṭestu tiniśadhavārjunasamudbhavāḥ| vaiśyaveśmasu saubhāgyakārye ca syuraśokajāḥ

Sanskrit only: no published translation is held for this verse.

न्यग्रोधो वणिजां धाम्नि भूमिकर्मण्युदुम्बरः। महामात्रश्ववैद्यानां कीलाः सर्जार्जुना गृहे

nyagrodho vaṇijāṃ dhāmni bhūmikarmaṇyudumbaraḥ| mahāmātraśvavaidyānāṃ kīlāḥ sarjārjunā gṛhe

Sanskrit only: no published translation is held for this verse.

विप्राणां सर्ववर्णोत्थाः क्षत्रियाणां त्रिवर्णजाः। वर्णद्वयोक्ता वैश्यानां शूद्रा णां स्वानुलोमतः

viprāṇāṃ sarvavarṇotthāḥ kṣatriyāṇāṃ trivarṇajāḥ| varṇadvayoktā vaiśyānāṃ śūdrā ṇāṃ svānulomataḥ

Sanskrit only: no published translation is held for this verse.

प्रतिलोमा न कर्तव्याः कीलका भूतिमिच्छता। प्रमाणान्यथ कीलानां निगद्यन्ते पृथक्पृथक्

pratilomā na kartavyāḥ kīlakā bhūtimicchatā| pramāṇānyatha kīlānāṃ nigadyante pṛthakpṛthak

Sanskrit only: no published translation is held for this verse.

द्वात्रिंशदङ्गुलाः कीला विप्राणां स्युः शुभावहाः। क्षत्रियाणां पुनश्चाष्टाविंशत्यङ्गुलसम्मिताः

dvātriṃśadaṅgulāḥ kīlā viprāṇāṃ syuḥ śubhāvahāḥ| kṣatriyāṇāṃ punaścāṣṭāviṃśatyaṅgulasammitāḥ

Sanskrit only: no published translation is held for this verse.

चतुर्विंशत्यङ्गुलाश्च वैश्यानां शुभदायिनः। विंशत्याद्यङ्गुलैः कीलाः शूद्र जातेस्तु ते हिताः

caturviṃśatyaṅgulāśca vaiśyānāṃ śubhadāyinaḥ| viṃśatyādyaṅgulaiḥ kīlāḥ śūdra jātestu te hitāḥ

Sanskrit only: no published translation is held for this verse.

षडङ्गुलपरीणाहाः सर्वेष्वेते शुभावहाः। ब्राह्मणक्षात्रियविशां वेदाष्टाश्रषडश्रयः

ṣaḍaṅgulaparīṇāhāḥ sarveṣvete śubhāvahāḥ| brāhmaṇakṣātriyaviśāṃ vedāṣṭāśraṣaḍaśrayaḥ

Sanskrit only: no published translation is held for this verse.

षडश्रयस्तु शूद्र स्य प्रकृतेस्तु यदृच्छया । दार्भमौञ्जौर्णकार्पासं विप्रादीनां यथाक्रमम्

ṣaḍaśrayastu śūdra sya prakṛtestu yadṛcchayā | dārbhamauñjaurṇakārpāsaṃ viprādīnāṃ yathākramam

Sanskrit only: no published translation is held for this verse.

अर्धपर्वपरीणाहं दृढं सूत्रं तु वर्तितम्। अलाभे स्वस्य सूत्रस्य प्रोक्तादन्यतमं बुधः

ardhaparvaparīṇāhaṃ dṛḍhaṃ sūtraṃ tu vartitam| alābhe svasya sūtrasya proktādanyatamaṃ budhaḥ

Sanskrit only: no published translation is held for this verse.

गृह्णीयात्सूत्रमन्ये तु गृह्णीयुः स्वेच्छयैव ते। इत्थं संभृत्य सम्भारान् गृहभर्ता शुभेऽहनि

gṛhṇīyātsūtramanye tu gṛhṇīyuḥ svecchayaiva te| itthaṃ saṃbhṛtya sambhārān gṛhabhartā śubhe'hani

Sanskrit only: no published translation is held for this verse.

शुक्लपक्षे शुचिः स्नातः स्थपतिश्च सिताम्बरः। गृहस्थाननिमित्तात्तु देवस्थानानि लक्षयेत्

śuklapakṣe śuciḥ snātaḥ sthapatiśca sitāmbaraḥ| gṛhasthānanimittāttu devasthānāni lakṣayet

Sanskrit only: no published translation is held for this verse.

कुसुमाक्षतमय्यश्च कर्तव्या गृहदेवताः। आदौ स्थानानि शङ्कूनां परीक्षेत समन्ततः

kusumākṣatamayyaśca kartavyā gṛhadevatāḥ| ādau sthānāni śaṅkūnāṃ parīkṣeta samantataḥ

Sanskrit only: no published translation is held for this verse.

तेषु सर्वेषु कर्तव्यमर्चनं तु यथाविधि। गृहस्य मध्ये सिक्त्वा तु निरूप्य ब्रह्मणः पदे

teṣu sarveṣu kartavyamarcanaṃ tu yathāvidhi| gṛhasya madhye siktvā tu nirūpya brahmaṇaḥ pade

Sanskrit only: no published translation is held for this verse.

गोमयेन समालिप्तां कुर्याद्वेदीं सुलक्षणाम्। चतुरश्रां चतुर्द्वारामक्षतैः सुप्रतिष्ठिताम्

gomayena samāliptāṃ kuryādvedīṃ sulakṣaṇām| caturaśrāṃ caturdvārāmakṣataiḥ supratiṣṭhitām

Sanskrit only: no published translation is held for this verse.

तस्या मध्ये प्रतिष्ठाप्यः कुम्भो हैमोऽथ राजतः। ताम्रको मृन्मयो वापि पूर्वालाभे परः परः

tasyā madhye pratiṣṭhāpyaḥ kumbho haimo'tha rājataḥ| tāmrako mṛnmayo vāpi pūrvālābhe paraḥ paraḥ

Sanskrit only: no published translation is held for this verse.

अकालमूलः सोऽव्यङ्गो जलपूर्णः स्वलङ्कृतः। मणिरत्नप्रवालैश्च स्वर्णरूप्येण गर्भितः

akālamūlaḥ so'vyaṅgo jalapūrṇaḥ svalaṅkṛtaḥ| maṇiratnapravālaiśca svarṇarūpyeṇa garbhitaḥ

Sanskrit only: no published translation is held for this verse.

प्रतिष्ठाप्याक्षतैः पुष्पफलबीजसमन्वितः। श्वेतेन चन्दनेनैनं चर्चयित्वा समन्ततः

pratiṣṭhāpyākṣataiḥ puṣpaphalabījasamanvitaḥ| śvetena candanenainaṃ carcayitvā samantataḥ

Sanskrit only: no published translation is held for this verse.

तस्योपरिष्टाद् विन्यस्येत् क्षीरवृक्षस्य पल्लवम्। सुगन्धिनाथ धूपेन धूपयित्वा चतुर्दिशम्

tasyopariṣṭād vinyasyet kṣīravṛkṣasya pallavam| sugandhinātha dhūpena dhūpayitvā caturdiśam

Sanskrit only: no published translation is held for this verse.

वेष्टयेदहतेनैनं शुक्लवस्त्रेण सर्वतः। वासुमध्ये यतो ब्रह्मा कुम्भरूपं स तिष्ठति

veṣṭayedahatenainaṃ śuklavastreṇa sarvataḥ| vāsumadhye yato brahmā kumbharūpaṃ sa tiṣṭhati

Sanskrit only: no published translation is held for this verse.

कुम्भस्योत्तरभागे तु कीलकान् स्थापयेद्बुधः। कीलानष्टौ परीक्षेत स्थापयेच्च यथाविधि

kumbhasyottarabhāge tu kīlakān sthāpayedbudhaḥ| kīlānaṣṭau parīkṣeta sthāpayecca yathāvidhi

Sanskrit only: no published translation is held for this verse.

श्वेतचन्दनलिप्तांस्ताञ्श्वेतपुष्पैर्विभूषयेत्। सालक्तकान् सुरभिणा धूपेन च सुधूपितान्

śvetacandanaliptāṃstāñśvetapuṣpairvibhūṣayet| sālaktakān surabhiṇā dhūpena ca sudhūpitān

Sanskrit only: no published translation is held for this verse.

ऊर्णामयेन सूत्रेण त्रिवर्णेनाभिवेष्टयेत्। मधुसर्पिर्दधिक्षीरैर्मूलभागेषु लेपयेत्

ūrṇāmayena sūtreṇa trivarṇenābhiveṣṭayet| madhusarpirdadhikṣīrairmūlabhāgeṣu lepayet

Sanskrit only: no published translation is held for this verse.

अर्चयेत्परशुं सूत्रमष्ठीलादीनि सर्वतः। अथोपकरणान्यत्र धूपपुष्पाक्षतादिभिः

arcayetparaśuṃ sūtramaṣṭhīlādīni sarvataḥ| athopakaraṇānyatra dhūpapuṣpākṣatādibhiḥ

Sanskrit only: no published translation is held for this verse.

ततः पूर्वोत्तरे वास्तोर्भागे सप्तार्चिषः पदे। गोमयेन समालिप्ते कुशास्तरणमास्थितः

tataḥ pūrvottare vāstorbhāge saptārciṣaḥ pade| gomayena samālipte kuśāstaraṇamāsthitaḥ

Sanskrit only: no published translation is held for this verse.

अग्निकार्यं प्रकुर्वीत पुरोधाः शान्तिमेव च। सांवत्सरः शुचिः स्नातः कृतस्नानः समाहितः

agnikāryaṃ prakurvīta purodhāḥ śāntimeva ca| sāṃvatsaraḥ śuciḥ snātaḥ kṛtasnānaḥ samāhitaḥ

Sanskrit only: no published translation is held for this verse.

शङ्कुना साधयेल्लग्नं सम्यक् तद्घटिकाथवा। रात्रिलग्नं तु नक्षत्रैर्मध्यास्तोदयसंश्रितैः

śaṅkunā sādhayellagnaṃ samyak tadghaṭikāthavā| rātrilagnaṃ tu nakṣatrairmadhyāstodayasaṃśritaiḥ

Sanskrit only: no published translation is held for this verse.

एवं संसाधयेल्लग्नं यदीच्छेत्सिद्धिमात्मनः। पूजया तुष्टिकारिण्या पूजयेच्च पुरोहितम्

evaṃ saṃsādhayellagnaṃ yadīcchetsiddhimātmanaḥ| pūjayā tuṣṭikāriṇyā pūjayecca purohitam

Sanskrit only: no published translation is held for this verse.

अभ्यर्चिते यतस्तस्मिन् ब्रह्मा भवति पूजितः। सांवत्सरस्य कर्तव्या ततः पूजा यथाविधि

abhyarcite yatastasmin brahmā bhavati pūjitaḥ| sāṃvatsarasya kartavyā tataḥ pūjā yathāvidhi

Sanskrit only: no published translation is held for this verse.

सांवत्सरेऽर्चिते यस्मात्पूजितः स्याद्बृहस्पतिः। स्थपतिं पूजयेत्पश्चात्त्वष्टॄतुष्टिचिकीर्षया

sāṃvatsare'rcite yasmātpūjitaḥ syādbṛhaspatiḥ| sthapatiṃ pūjayetpaścāttvaṣṭṝtuṣṭicikīrṣayā

Sanskrit only: no published translation is held for this verse.

तदधीनं यतः कर्म शुभं वा यदि वाशुभम्। श्वेतचन्दनदिग्धांस्ताञ्श्वेतपुष्पैश्च पूजितान्

tadadhīnaṃ yataḥ karma śubhaṃ vā yadi vāśubham| śvetacandanadigdhāṃstāñśvetapuṣpaiśca pūjitān

Sanskrit only: no published translation is held for this verse.

सदशैरहतैर्वस्त्रैरङ्गुलीयैः प्रपूजयेत्। परिकर्मकरा ये च तान् यथाशक्ति पूजयेत्

sadaśairahatairvastrairaṅgulīyaiḥ prapūjayet| parikarmakarā ye ca tān yathāśakti pūjayet

Sanskrit only: no published translation is held for this verse.

हेम्ना वस्त्रादिदानैश्च वाग्भिर्वा परितोषयेत्। यथा सुमनसस्ते स्युस्तथा कर्तव्यमादरात्

hemnā vastrādidānaiśca vāgbhirvā paritoṣayet| yathā sumanasaste syustathā kartavyamādarāt

Sanskrit only: no published translation is held for this verse.

ततः स्थपतिराचम्य बलिकर्म समाचरेत्। सूत्रपाते बलिं धीमान् सार्वभौतिकमाचरेत्

tataḥ sthapatirācamya balikarma samācaret| sūtrapāte baliṃ dhīmān sārvabhautikamācaret

Sanskrit only: no published translation is held for this verse.

तस्यालाभे बलिः कार्यो यो भवेत्सोऽभिधीयते। विदधीत चरूञ्श्वेतरक्तपीतासितान्पृथक्

tasyālābhe baliḥ kāryo yo bhavetso'bhidhīyate| vidadhīta carūñśvetaraktapītāsitānpṛthak

Sanskrit only: no published translation is held for this verse.

पायसं कृसरं क्षीरं निष्पावाञ्श्वेतमोदनम्। पाविकादधिरूपांश्च पललोल्लापिकाघृतम्

pāyasaṃ kṛsaraṃ kṣīraṃ niṣpāvāñśvetamodanam| pāvikādadhirūpāṃśca palalollāpikāghṛtam

Sanskrit only: no published translation is held for this verse.

दध्योदनं च संमिश्रं देवताभ्यो निवेदयेत्। तिलैर्घृतेन सहितैर्देवमग्निं च पूजयेत्

dadhyodanaṃ ca saṃmiśraṃ devatābhyo nivedayet| tilairghṛtena sahitairdevamagniṃ ca pūjayet

Sanskrit only: no published translation is held for this verse.

ततश्च पायसं दध्ना ब्रह्मस्थाने निवेदयेत्। ततश्चानुक्रमेणैव देवताभ्यो बलिं हरेत्

tataśca pāyasaṃ dadhnā brahmasthāne nivedayet| tataścānukrameṇaiva devatābhyo baliṃ haret

Sanskrit only: no published translation is held for this verse.

बलिकर्म यथान्यायं कृत्वा च द्विजवाचनम्। स्वशाखीयाञ्शुचीन् प्राज्ञान् पूजयेद्दक्षिणाफलैः

balikarma yathānyāyaṃ kṛtvā ca dvijavācanam| svaśākhīyāñśucīn prājñān pūjayeddakṣiṇāphalaiḥ

Sanskrit only: no published translation is held for this verse.

ओङ्कारस्वस्तिपुण्याहैर्गीतवादित्रनिस्वनैः। ततो विप्रैः सह स्वामी कुर्यात्तस्य प्रदक्षिणम्

oṅkārasvastipuṇyāhairgītavāditranisvanaiḥ| tato vipraiḥ saha svāmī kuryāttasya pradakṣiṇam

Sanskrit only: no published translation is held for this verse.

अक्षतान् प्रथमं कुम्भे दापयित्वा द्विजोत्तमैः। ततो दक्षिणपूर्वेण गत्वा पुण्याहवाचकैः

akṣatān prathamaṃ kumbhe dāpayitvā dvijottamaiḥ| tato dakṣiṇapūrveṇa gatvā puṇyāhavācakaiḥ

Sanskrit only: no published translation is held for this verse.

अहताम्बरसंवीतः शुचिः स्थपतिरासने। निषद्य प्राङ्मुखः शङ्कुं धृत्वा दक्षिणपाणिना

ahatāmbarasaṃvītaḥ śuciḥ sthapatirāsane| niṣadya prāṅmukhaḥ śaṅkuṃ dhṛtvā dakṣiṇapāṇinā

Sanskrit only: no published translation is held for this verse.

पश्चादादाय वामेन प्रतिष्ठाप्य च भूतले। मन्त्रानभूञ्जपन् वीरो हन्यात् परशुना ततः

paścādādāya vāmena pratiṣṭhāpya ca bhūtale| mantrānabhūñjapan vīro hanyāt paraśunā tataḥ

Sanskrit only: no published translation is held for this verse.

विशन्तु ते तलं नागा लोकपालास्तथैव च। प्रतिष्ठन्तु गृहं चास्मिन्नायुर्बलकरं भवेत्

viśantu te talaṃ nāgā lokapālāstathaiva ca| pratiṣṭhantu gṛhaṃ cāsminnāyurbalakaraṃ bhavet

Sanskrit only: no published translation is held for this verse.

प्रहारान्सुस्थिरानष्टौ दद्यात्कीलस्य मूर्धनि। हन्यमाने ततः कीले निमित्तान्युपलक्षयेत्

prahārānsusthirānaṣṭau dadyātkīlasya mūrdhani| hanyamāne tataḥ kīle nimittānyupalakṣayet

Sanskrit only: no published translation is held for this verse.

गोविप्ररथनागाढ्याः कन्या नृपवरस्त्रियः। शङ्खदुन्दुभिवंशानां तथा गीतस्य च ध्वनिः

goviprarathanāgāḍhyāḥ kanyā nṛpavarastriyaḥ| śaṅkhadundubhivaṃśānāṃ tathā gītasya ca dhvaniḥ

Sanskrit only: no published translation is held for this verse.

आविर्भवति यद्यस्मिन् हन्यमाने प्रभुस्तदा। सततं सुखमाप्नोति शान्त्यैश्वर्यैश्च वर्धते

āvirbhavati yadyasmin hanyamāne prabhustadā| satataṃ sukhamāpnoti śāntyaiśvaryaiśca vardhate

Sanskrit only: no published translation is held for this verse.

हतं क्षुतं विपन्नं वा निषेधः सूत्रकीलयोः। पाषण्डिनां च सर्वेषां दर्शनं न सुखावहम्

hataṃ kṣutaṃ vipannaṃ vā niṣedhaḥ sūtrakīlayoḥ| pāṣaṇḍināṃ ca sarveṣāṃ darśanaṃ na sukhāvaham

Sanskrit only: no published translation is held for this verse.

दृष्ट्वा शुभनिमित्तानि ततः शङ्कुं निवेशयेत्। हन्यमानो यदा कीलो विशेद्भूमौ शनैः शनैः

dṛṣṭvā śubhanimittāni tataḥ śaṅkuṃ niveśayet| hanyamāno yadā kīlo viśedbhūmau śanaiḥ śanaiḥ

Sanskrit only: no published translation is held for this verse.

कर्मसिद्धिभवेत् तत्र गृहं रत्नपरिच्छदम्। हन्यमानोऽपि न विशेद्धरित्रीं कीलको यदा

karmasiddhibhavet tatra gṛhaṃ ratnaparicchadam| hanyamāno'pi na viśeddharitrīṃ kīlako yadā

Sanskrit only: no published translation is held for this verse.

न तत्र कर्मसिद्धिः स्यादनिमित्तं च लक्षयेत्। एकेनापि प्रहारेण यत्र कीलो विशेन्महीम्

na tatra karmasiddhiḥ syādanimittaṃ ca lakṣayet| ekenāpi prahāreṇa yatra kīlo viśenmahīm

Sanskrit only: no published translation is held for this verse.

न सिद्धिं याति तत्रौकः कृतं वा नोपभुज्यते। आयस्याष्ठीलया हन्यान्न काष्ठेन कथञ्चन

na siddhiṃ yāti tatraukaḥ kṛtaṃ vā nopabhujyate| āyasyāṣṭhīlayā hanyānna kāṣṭhena kathañcana

Sanskrit only: no published translation is held for this verse.

काष्ठेन ताडितः कीलो वह्निदोषकरो भवेत्। अश्मना यदि ताड्येत तदा व्याधिं प्रयच्छति

kāṣṭhena tāḍitaḥ kīlo vahnidoṣakaro bhavet| aśmanā yadi tāḍyeta tadā vyādhiṃ prayacchati

Sanskrit only: no published translation is held for this verse.

ऐन्द्रीं प्रति नतः कीलो धनसम्मानकारकः। आग्नेय्यां प्रणते कीले भवत्यग्निभयं महत्

aindrīṃ prati nataḥ kīlo dhanasammānakārakaḥ| āgneyyāṃ praṇate kīle bhavatyagnibhayaṃ mahat

Sanskrit only: no published translation is held for this verse.

याम्यायां मरणं राज्ञां दिशि राक्षसतो भयम्। धननाशस्तु वारुण्यां वायव्यां रोगतो भयम्

yāmyāyāṃ maraṇaṃ rājñāṃ diśi rākṣasato bhayam| dhananāśastu vāruṇyāṃ vāyavyāṃ rogato bhayam

Sanskrit only: no published translation is held for this verse.

सौम्यं सौम्यानते राजप्रसादायेशतो गतः। कीलके कूर्चके जाते पुत्रपौत्रान्वयैर्गृहे

saumyaṃ saumyānate rājaprasādāyeśato gataḥ| kīlake kūrcake jāte putrapautrānvayairgṛhe

Sanskrit only: no published translation is held for this verse.

परमामृद्धिमाप्नोति धनधान्यैश्च वर्धते। हन्यमानो यदा यत्नात्कीलः कश्चिदपि स्फुटेत्

paramāmṛddhimāpnoti dhanadhānyaiśca vardhate| hanyamāno yadā yatnātkīlaḥ kaścidapi sphuṭet

Sanskrit only: no published translation is held for this verse.

नाशं विद्यात् तस्य पत्न्या ज्येष्ठस्य तनयस्य वा। यदि भज्येत कीलः स्वात् स्वामिनो जायते वधः

nāśaṃ vidyāt tasya patnyā jyeṣṭhasya tanayasya vā| yadi bhajyeta kīlaḥ svāt svāmino jāyate vadhaḥ

Sanskrit only: no published translation is held for this verse.

यदा कीलः पतेद्धस्ताद् भ्रंशः स्यात् स्थपतेस्तदा। हस्तभ्रष्टश्च स भवेदष्ठीले हस्तविच्युते

yadā kīlaḥ pateddhastād bhraṃśaḥ syāt sthapatestadā| hastabhraṣṭaśca sa bhavedaṣṭhīle hastavicyute

Sanskrit only: no published translation is held for this verse.

सुखेन हन्यमानश्चेत्कीलः स्वस्थो न जायते। अष्टौ प्रहारानपरांस्तस्य दद्यात्तदा पुनः

sukhena hanyamānaścetkīlaḥ svastho na jāyate| aṣṭau prahārānaparāṃstasya dadyāttadā punaḥ

Sanskrit only: no published translation is held for this verse.

स्रग्गन्धधूपोपहारैः कुर्याच्च परिषेचनम्। इदं साम महापुण्यं परिचिन्त्य समासतः

sraggandhadhūpopahāraiḥ kuryācca pariṣecanam| idaṃ sāma mahāpuṇyaṃ paricintya samāsataḥ

Sanskrit only: no published translation is held for this verse.

त्रैशोकं तु जपेद्विद्वान् यावच्छङ्क्वभिषेचनम्। गत्वाथ नैरृतीमाशां ततः शङ्कुं निवेशयेत्

traiśokaṃ tu japedvidvān yāvacchaṅkvabhiṣecanam| gatvātha nairṛtīmāśāṃ tataḥ śaṅkuṃ niveśayet

Sanskrit only: no published translation is held for this verse.

ऊर्णायवेन साम्नास्य सम्यक् स्नपनमाचरेत्। वायोर्दिशं ततो गत्वा तत्र शङ्कुं निवेशयेत्

ūrṇāyavena sāmnāsya samyak snapanamācaret| vāyordiśaṃ tato gatvā tatra śaṅkuṃ niveśayet

Sanskrit only: no published translation is held for this verse.

अभिषेकं महारत्नसाम्ना तस्य समाचरेत्। अथैशानीं दिशं गत्वा शङ्कुं तस्यां निवेशयेत्

abhiṣekaṃ mahāratnasāmnā tasya samācaret| athaiśānīṃ diśaṃ gatvā śaṅkuṃ tasyāṃ niveśayet

Sanskrit only: no published translation is held for this verse.

भाग्रेण साम्ना कुर्वीत प्राग्वत्तस्याभिषेचनम्। ततोऽनु सूत्रं बध्नीयात्सव्यं द्विगुणवेष्टितम्

bhāgreṇa sāmnā kurvīta prāgvattasyābhiṣecanam| tato'nu sūtraṃ badhnīyātsavyaṃ dviguṇaveṣṭitam

Sanskrit only: no published translation is held for this verse.

प्रदक्षिणं प्रसार्यैतदुक्तः शङ्कुक्रमो यथा। मध्यमानं यदा सूत्रं शङ्कुः किमपि मुञ्चति

pradakṣiṇaṃ prasāryaitaduktaḥ śaṅkukramo yathā| madhyamānaṃ yadā sūtraṃ śaṅkuḥ kimapi muñcati

Sanskrit only: no published translation is held for this verse.

तदा पुत्रवधं विद्याच्छिन्नं स्वस्वामिमृत्यवे। तस्माद्यत्नः प्रकर्तव्यो यावत्सूत्रं प्रसार्यते

tadā putravadhaṃ vidyācchinnaṃ svasvāmimṛtyave| tasmādyatnaḥ prakartavyo yāvatsūtraṃ prasāryate

Sanskrit only: no published translation is held for this verse.

चतुर्णामपि बाहूनां पोषं छिन्नं न दुष्यति। सूत्रं प्रसार्य वितरेच्चरून्पूर्वं प्रकल्पितान्

caturṇāmapi bāhūnāṃ poṣaṃ chinnaṃ na duṣyati| sūtraṃ prasārya vitareccarūnpūrvaṃ prakalpitān

Sanskrit only: no published translation is held for this verse.

स्वेषु स्वेषु ततः स्थानेष्वनेन विधिना बुधः। शङ्कुस्थानेषु दातव्याः सिताद्याश्चरवः क्रमात्

sveṣu sveṣu tataḥ sthāneṣvanena vidhinā budhaḥ| śaṅkusthāneṣu dātavyāḥ sitādyāścaravaḥ kramāt

Sanskrit only: no published translation is held for this verse.

प्राग्दक्षिणस्या विदिशो मन्त्रं चेमं हृदा जपेत्। मारुतानां च सर्वेषां मानवानां तथैव च

prāgdakṣiṇasyā vidiśo mantraṃ cemaṃ hṛdā japet| mārutānāṃ ca sarveṣāṃ mānavānāṃ tathaiva ca

Sanskrit only: no published translation is held for this verse.

बलिं तेषु प्रयच्छामि मन्त्रेण परिमन्त्रितम्। रक्तं बलिमुपादाय नैरृत्यभिमुखस्तथा

baliṃ teṣu prayacchāmi mantreṇa parimantritam| raktaṃ balimupādāya nairṛtyabhimukhastathā

Sanskrit only: no published translation is held for this verse.

नैरृत्यधिपतिश्चैव नैरृत्यां ये च राक्षसाः। बलिं तेषु प्रयच्छामि रक्तमोदनमुत्तमम्

nairṛtyadhipatiścaiva nairṛtyāṃ ye ca rākṣasāḥ| baliṃ teṣu prayacchāmi raktamodanamuttamam

Sanskrit only: no published translation is held for this verse.

कृष्णं बलिमुपादाय गत्वा च दिशमानिलीम्। नमस्ते नागराजाय ये चान्ये तं समाश्रिताः

kṛṣṇaṃ balimupādāya gatvā ca diśamānilīm| namaste nāgarājāya ye cānye taṃ samāśritāḥ

Sanskrit only: no published translation is held for this verse.

बलिं तेषु प्रयच्छामि कृष्णमोदनमुत्तमम्। बलिमुद्धृत्य हारिद्र मैशानीमाश्रयन् दिशम्

baliṃ teṣu prayacchāmi kṛṣṇamodanamuttamam| balimuddhṛtya hāridra maiśānīmāśrayan diśam

Sanskrit only: no published translation is held for this verse.

नमो रुद्रे षेउ सर्वेषु ये चान्ये तान्समाश्रिताः। प्रयच्छामि वलिं तेषां हारिद्रौ दनमुत्तमम्

namo rudre ṣeu sarveṣu ye cānye tānsamāśritāḥ| prayacchāmi valiṃ teṣāṃ hāridrau danamuttamam

Sanskrit only: no published translation is held for this verse.

एवमेतान्बलीन् सर्वान् यथावत्प्रतिपादयेत्। ततः कुम्भोदकं पुण्यं साम्ना दिव्येन मन्त्रयेत्

evametānbalīn sarvān yathāvatpratipādayet| tataḥ kumbhodakaṃ puṇyaṃ sāmnā divyena mantrayet

Sanskrit only: no published translation is held for this verse.

वामदेव्येन कुर्वीत प्रोक्षाणं तेन वास्तुनः। द्रुमा विप्रादीनामिति निगदिताः शङ्कुघटने। फलं यच्छङ्कोश्च स्फुटमिह निमित्तानि बहुशः। तथा सूत्राताने विधिरनु च मन्त्रैः प्रतिदिशं। बलिः कीलेषूक्तस्त्रिदशपरितोषाय विधिवत्

vāmadevyena kurvīta prokṣāṇaṃ tena vāstunaḥ| drumā viprādīnāmiti nigaditāḥ śaṅkughaṭane| phalaṃ yacchaṅkośca sphuṭamiha nimittāni bahuśaḥ| tathā sūtrātāne vidhiranu ca mantraiḥ pratidiśaṃ| baliḥ kīleṣūktastridaśaparitoṣāya vidhivat

Sanskrit only: no published translation is held for this verse.