Bhoja: Samarāṅgaṇa-sūtradhāra 38

इदानीमभिधास्यामो वास्तुसंस्थानमातृकाम्। निवासहेतवे सम्यक्सर्वकर्मोपजीविनाम्

idānīmabhidhāsyāmo vāstusaṃsthānamātṛkām| nivāsahetave samyaksarvakarmopajīvinām

Sanskrit only: no published translation is held for this verse.

चतुरश्रं समं साचि दीर्घं वृत्तं च शम्वुकम्। शकटाक्षभगादर्शवज्रकन्थाकृतीनि च

caturaśraṃ samaṃ sāci dīrghaṃ vṛttaṃ ca śamvukam| śakaṭākṣabhagādarśavajrakanthākṛtīni ca

Sanskrit only: no published translation is held for this verse.

छिन्नकर्णं विकर्णं च शङ्खाभं क्षुरसन्निभम्। शक्त्याननं कूर्मपृष्ठं सदंशं व्यजनाकृति

chinnakarṇaṃ vikarṇaṃ ca śaṅkhābhaṃ kṣurasannibham| śaktyānanaṃ kūrmapṛṣṭhaṃ sadaṃśaṃ vyajanākṛti

Sanskrit only: no published translation is held for this verse.

शरावस्वस्तिकाकारं मृदङ्गपणवोपमम्। विशर्करं कबन्धाभं यवमध्यसमाकृति

śarāvasvastikākāraṃ mṛdaṅgapaṇavopamam| viśarkaraṃ kabandhābhaṃ yavamadhyasamākṛti

Sanskrit only: no published translation is held for this verse.

उत्सङ्गराजदन्ताभे तथा परशुसन्निभम्। विस्रावितं च श्वभ्रं च प्रलम्बं च विवाहिकम्

utsaṅgarājadantābhe tathā paraśusannibham| visrāvitaṃ ca śvabhraṃ ca pralambaṃ ca vivāhikam

Sanskrit only: no published translation is held for this verse.

त्रिकुष्टं पञ्चकुष्टं च परिच्छिन्नं तथापरम्। दिक्स्वस्तिकाभं श्रीवृक्षं वर्धमानसमाननम्

trikuṣṭaṃ pañcakuṣṭaṃ ca paricchinnaṃ tathāparam| diksvastikābhaṃ śrīvṛkṣaṃ vardhamānasamānanam

Sanskrit only: no published translation is held for this verse.

एणीपदं नरपदं चत्वारिंशत्समासतः। क्षेत्रान्युक्तान्यथामीषां विनियोगो विधीयते

eṇīpadaṃ narapadaṃ catvāriṃśatsamāsataḥ| kṣetrānyuktānyathāmīṣāṃ viniyogo vidhīyate

Sanskrit only: no published translation is held for this verse.

चतुरश्रे समे राजा शय्याकारे पुरोहिताः। दीर्घे कुमारकाः सेनापतिर्वृत्तायते वसेत्

caturaśre same rājā śayyākāre purohitāḥ| dīrghe kumārakāḥ senāpatirvṛttāyate vaset

Sanskrit only: no published translation is held for this verse.

वसेयुः शम्बुकाकारे सर्वे वाहाः सुखार्थिनः। अन्तःपुरं सद्म समे वाणिजाः शकटाकृतौ

vaseyuḥ śambukākāre sarve vāhāḥ sukhārthinaḥ| antaḥpuraṃ sadma same vāṇijāḥ śakaṭākṛtau

Sanskrit only: no published translation is held for this verse.

वेश्यास्तु भगसंस्थाने दर्पणाभे सुवर्णकृत्। संस्थानतो वज्रसमे जना नगरगोष्ठिकाः

veśyāstu bhagasaṃsthāne darpaṇābhe suvarṇakṛt| saṃsthānato vajrasame janā nagaragoṣṭhikāḥ

Sanskrit only: no published translation is held for this verse.

वसेयुः शङ्खसंस्थाने क्षेत्रे पुत्राभिलाषिणः। छिन्नकर्णे महामात्रा विकर्णे मृगलब्धकाः

vaseyuḥ śaṅkhasaṃsthāne kṣetre putrābhilāṣiṇaḥ| chinnakarṇe mahāmātrā vikarṇe mṛgalabdhakāḥ

Sanskrit only: no published translation is held for this verse.

शङ्खाभे चैकदृश्वानो गणाचार्याः क्षुरोपमे। व्रताध्यक्षः शक्तिमुखे कूर्मपृष्ठे तु मालिकाः

śaṅkhābhe caikadṛśvāno gaṇācāryāḥ kṣuropame| vratādhyakṣaḥ śaktimukhe kūrmapṛṣṭhe tu mālikāḥ

Sanskrit only: no published translation is held for this verse.

सदंशे सौचिका वाजिपोषिका व्यजनोपमे। तक्षाणश्च शरावाभे स्वस्तिके वन्दिमागधाः

sadaṃśe saucikā vājipoṣikā vyajanopame| takṣāṇaśca śarāvābhe svastike vandimāgadhāḥ

Sanskrit only: no published translation is held for this verse.

पणवाभे मृदङ्गाभे वेणुतूर्यादिवादकाः। विशर्करे तु रथिनः कबन्धप्रतिमे पुनः

paṇavābhe mṛdaṅgābhe veṇutūryādivādakāḥ| viśarkare tu rathinaḥ kabandhapratime punaḥ

Sanskrit only: no published translation is held for this verse.

नीचाः श्वपाकाश्च यवप्रतिमे धान्यजीविनः। उत्सङ्गे श्रमणा हस्त्यारोहिणो राजदन्तके

nīcāḥ śvapākāśca yavapratime dhānyajīvinaḥ| utsaṅge śramaṇā hastyārohiṇo rājadantake

Sanskrit only: no published translation is held for this verse.

परशुप्रतिमे क्षेत्रे बन्धनागारिणो जनाः। विस्राविणि सुराकाराः श्वभ्रामे कर्मकारिणः

paraśupratime kṣetre bandhanāgāriṇo janāḥ| visrāviṇi surākārāḥ śvabhrāme karmakāriṇaḥ

Sanskrit only: no published translation is held for this verse.

युगले नापिताः स्वाविवाहव्ये कोशरक्षिणः। त्रिकुष्टे पञ्चकुष्टे च वसेयुर्वह्निजीविनः

yugale nāpitāḥ svāvivāhavye kośarakṣiṇaḥ| trikuṣṭe pañcakuṣṭe ca vaseyurvahnijīvinaḥ

Sanskrit only: no published translation is held for this verse.

समन्ततः परिच्छन्ने सर्वे मानोपजीविनः। दिक्स्वस्तिके तु चैत्यानि कुर्याद्वासांश्च सर्वशः

samantataḥ paricchanne sarve mānopajīvinaḥ| diksvastike tu caityāni kuryādvāsāṃśca sarvaśaḥ

Sanskrit only: no published translation is held for this verse.

श्रीवृक्षप्रतिमे वृक्षान् यज्ञवाटांश्च कारयेत्। वर्धमानाकृतिमुखेऽप्येतानेव प्रकल्पयेत्

śrīvṛkṣapratime vṛkṣān yajñavāṭāṃśca kārayet| vardhamānākṛtimukhe'pyetāneva prakalpayet

Sanskrit only: no published translation is held for this verse.

एणीपदे तु गणिकाश्चौरान् नरपदोपमे। इत्युक्ताः शुभदा वासाः सर्वकर्मोपजीविनाम्

eṇīpade tu gaṇikāścaurān narapadopame| ityuktāḥ śubhadā vāsāḥ sarvakarmopajīvinām

Sanskrit only: no published translation is held for this verse.

कर्मोपजीविजनवासनिमित्तमेताः। क्षेत्राकृतीरभिहिताः प्रविमृश्य तेषाम्। वेश्मानि कारयति यः स्थपतिर्यथाव-। न्मान्यः स कस्य न भवेदिह भूमिपृष्ठे

karmopajīvijanavāsanimittametāḥ| kṣetrākṛtīrabhihitāḥ pravimṛśya teṣām| veśmāni kārayati yaḥ sthapatiryathāva-| nmānyaḥ sa kasya na bhavediha bhūmipṛṣṭhe

Sanskrit only: no published translation is held for this verse.