Bhoja: Samarāṅgaṇa-sūtradhāra 39

गृहाण्युक्तानि सर्वेषामेवं कर्मोपजीविनाम्। वर्णिनां च गृहस्थानां कथ्यन्तेऽतः परं यथा

gṛhāṇyuktāni sarveṣāmevaṃ karmopajīvinām| varṇināṃ ca gṛhasthānāṃ kathyante'taḥ paraṃ yathā

Sanskrit only: no published translation is held for this verse.

भल्लाटे धनदे यद्वा चरके पृथिवीधरे। ब्राह्मणस्य भवेद्वेश्म माहेन्द्र द्वारमुत्तमम्

bhallāṭe dhanade yadvā carake pṛthivīdhare| brāhmaṇasya bhavedveśma māhendra dvāramuttamam

Sanskrit only: no published translation is held for this verse.

माहेन्द्रे ऽर्केऽथ सत्ये वा आर्यके वा निकेतनम्। कार्यं गृहक्षतद्वारं क्षत्रियस्य शुभावहम्

māhendre 'rke'tha satye vā āryake vā niketanam| kāryaṃ gṛhakṣatadvāraṃ kṣatriyasya śubhāvaham

Sanskrit only: no published translation is held for this verse.

याम्ये वैवस्वते वापि गान्धर्वेऽथ गृहक्षते। वैश्यस्य भवनं कार्यं द्वारं पुष्पाह्वये शुभम्

yāmye vaivasvate vāpi gāndharve'tha gṛhakṣate| vaiśyasya bhavanaṃ kāryaṃ dvāraṃ puṣpāhvaye śubham

Sanskrit only: no published translation is held for this verse.

वारुणे पौष्पदन्ते वा यद्वा मैत्रेऽथवासुरे। शूद्र स्य सदनं कार्यं भल्लाटद्वारमुत्तमम्

vāruṇe pauṣpadante vā yadvā maitre'thavāsure| śūdra sya sadanaṃ kāryaṃ bhallāṭadvāramuttamam

Sanskrit only: no published translation is held for this verse.

विप्राणां प्राङ्मुखं वास्तु गृहं स्याद्दक्षिणामुखम्। वर्धते धनधान्येन पुत्रपौत्रैश्च नित्यशः

viprāṇāṃ prāṅmukhaṃ vāstu gṛhaṃ syāddakṣiṇāmukham| vardhate dhanadhānyena putrapautraiśca nityaśaḥ

Sanskrit only: no published translation is held for this verse.

दक्षिणाभिमुखं वास्तु भवनं पश्चिमामुखम्। क्षत्रियस्य धनं धान्यं विक्रमश्चेह वर्धते

dakṣiṇābhimukhaṃ vāstu bhavanaṃ paścimāmukham| kṣatriyasya dhanaṃ dhānyaṃ vikramaśceha vardhate

Sanskrit only: no published translation is held for this verse.

वास्तुनः पश्चिमं द्वारं भवनस्योत्तरामुखम्। तत्रैधते धनैर्धान्यैः पुत्रपश्वादिभिश्च विट्

vāstunaḥ paścimaṃ dvāraṃ bhavanasyottarāmukham| tatraidhate dhanairdhānyaiḥ putrapaśvādibhiśca viṭ

Sanskrit only: no published translation is held for this verse.

वास्तु स्यादुत्तरद्वारं गृहं पूर्वामुखं तथा। शूद्र स्य कर्मवृत्तिस्तु धनधान्यैर्विवर्धते

vāstu syāduttaradvāraṃ gṛhaṃ pūrvāmukhaṃ tathā| śūdra sya karmavṛttistu dhanadhānyairvivardhate

Sanskrit only: no published translation is held for this verse.

एकस्यामपि शालायां चत्वारः संप्रकीर्तिताः। निवेश्यद्वारभागाश्च कथ्यन्ते च शुभाशुभाः

ekasyāmapi śālāyāṃ catvāraḥ saṃprakīrtitāḥ| niveśyadvārabhāgāśca kathyante ca śubhāśubhāḥ

Sanskrit only: no published translation is held for this verse.

उत्सङ्गो हीनबाहुश्च पूर्णबाहुस्तथापरः। प्रत्यक्षायश्चतुर्थश्च निवेशः परिकीर्तितः

utsaṅgo hīnabāhuśca pūrṇabāhustathāparaḥ| pratyakṣāyaścaturthaśca niveśaḥ parikīrtitaḥ

Sanskrit only: no published translation is held for this verse.

उत्सङ्ग एवदीक्षाभ्यां द्वाराणां वास्तुवेश्मनोः। स सौभाग्यप्रजावृद्धिधनधान्यजयप्रदः

utsaṅga evadīkṣābhyāṃ dvārāṇāṃ vāstuveśmanoḥ| sa saubhāgyaprajāvṛddhidhanadhānyajayapradaḥ

Sanskrit only: no published translation is held for this verse.

यत्र प्रवेशतो वास्तु गृहं भवति वामतः। तद्धीनबाहुकं वास्तु निन्दितं वास्तुचिन्तकैः

yatra praveśato vāstu gṛhaṃ bhavati vāmataḥ| taddhīnabāhukaṃ vāstu ninditaṃ vāstucintakaiḥ

Sanskrit only: no published translation is held for this verse.

तस्मिन् वसन्नल्पवित्तः स्वल्पमित्रोऽल्पबान्धवः। स्त्रीजितश्च भवेन्नित्यं विविधव्याधिपीडितः

tasmin vasannalpavittaḥ svalpamitro'lpabāndhavaḥ| strījitaśca bhavennityaṃ vividhavyādhipīḍitaḥ

Sanskrit only: no published translation is held for this verse.

वास्तुप्रवेशतो यत्तु गृहं दक्षिणतो भवेत्। प्रदक्षिणप्रवेशत्वात्तद् विद्यात्पूर्णबाहुकम्

vāstupraveśato yattu gṛhaṃ dakṣiṇato bhavet| pradakṣiṇapraveśatvāttad vidyātpūrṇabāhukam

Sanskrit only: no published translation is held for this verse.

तत्र पुत्रांश्च पौत्रांश्च धनधान्यसुखानि च। प्राप्नुवन्ति नरा नित्यं वसन्तो वास्तुनि ध्रुवम्

tatra putrāṃśca pautrāṃśca dhanadhānyasukhāni ca| prāpnuvanti narā nityaṃ vasanto vāstuni dhruvam

Sanskrit only: no published translation is held for this verse.

गृहपृष्टं समाश्रित्य वास्तुद्वारं यदा भवेत्। प्रत्यक्षायस्त्वसौ निन्द्यो वामावर्तप्रवेशवत्

gṛhapṛṣṭaṃ samāśritya vāstudvāraṃ yadā bhavet| pratyakṣāyastvasau nindyo vāmāvartapraveśavat

Sanskrit only: no published translation is held for this verse.

ब्राह्मणो निवसेन्मुख्ये द्विनाम्नि क्षत्रियो वसेत्। वितथे निवसेद्वैश्यः शूद्रः सुग्रीवनामनि

brāhmaṇo nivasenmukhye dvināmni kṣatriyo vaset| vitathe nivasedvaiśyaḥ śūdraḥ sugrīvanāmani

Sanskrit only: no published translation is held for this verse.

एते वैशेषिकाः सर्वे वर्णानामनुपूर्वशः। वास्तुद्वारनिवेशाश्च वासैः सह निरूपिताः

ete vaiśeṣikāḥ sarve varṇānāmanupūrvaśaḥ| vāstudvāraniveśāśca vāsaiḥ saha nirūpitāḥ

Sanskrit only: no published translation is held for this verse.

यथोत्तरमथोच्यन्ते वर्णानां गृहकल्पनाः। शूद्र विट्क्षत्रियाणां च राज्ञां च जयकाङ्क्षिणाम्

yathottaramathocyante varṇānāṃ gṛhakalpanāḥ| śūdra viṭkṣatriyāṇāṃ ca rājñāṃ ca jayakāṅkṣiṇām

Sanskrit only: no published translation is held for this verse.

सार्धत्रिभूमि शूद्रा णां वेश्म कुर्याद्विभूतये। अतोऽधिकतरं यत् स्यात्तत् करोति कुलक्षयम्

sārdhatribhūmi śūdrā ṇāṃ veśma kuryādvibhūtaye| ato'dhikataraṃ yat syāttat karoti kulakṣayam

Sanskrit only: no published translation is held for this verse.

वैश्यस्य वर्धयेद्गेहमर्धपञ्चमभूमिकम्। अतिप्रमाणे तत्रास्य धनबन्धुपरिक्षयः

vaiśyasya vardhayedgehamardhapañcamabhūmikam| atipramāṇe tatrāsya dhanabandhuparikṣayaḥ

Sanskrit only: no published translation is held for this verse.

क्षत्रियस्य गृहं कुर्यादर्धषष्ठतलं परम्। सम्पद्बलसमृद्ध्यै तदतिरिक्तं तु तच्छिदे

kṣatriyasya gṛhaṃ kuryādardhaṣaṣṭhatalaṃ param| sampadbalasamṛddhyai tadatiriktaṃ tu tacchide

Sanskrit only: no published translation is held for this verse.

परं विप्रस्य भवनमर्धसप्तमभूमिकम्। स्वाध्यायाचारभोगार्थमत्युच्चं तु भयावहम्

paraṃ viprasya bhavanamardhasaptamabhūmikam| svādhyāyācārabhogārthamatyuccaṃ tu bhayāvaham

Sanskrit only: no published translation is held for this verse.

यजन्ते राजसूयाद्यैः क्रतुभिर्येऽवनीश्वराः। तलैरर्धाष्टमैस्तेषां कारयेद् भवनोत्तमम्

yajante rājasūyādyaiḥ kratubhirye'vanīśvarāḥ| talairardhāṣṭamaisteṣāṃ kārayed bhavanottamam

Sanskrit only: no published translation is held for this verse.

आहर्तानेकयज्ञानां राजा राजाधिपश्च यः। तस्याप्यर्धाष्टामतलं भवनं सन्निवेशयेत्

āhartānekayajñānāṃ rājā rājādhipaśca yaḥ| tasyāpyardhāṣṭāmatalaṃ bhavanaṃ sanniveśayet

Sanskrit only: no published translation is held for this verse.

वाजपेयेन वा यष्टा यो द्विजः स्यात्समाहितः। गवां कोटिप्रदो यो वा सोऽपि तस्मिन् भवेद्युभीः

vājapeyena vā yaṣṭā yo dvijaḥ syātsamāhitaḥ| gavāṃ koṭiprado yo vā so'pi tasmin bhavedyubhīḥ

Sanskrit only: no published translation is held for this verse.

यथाप्रमाणनिर्दिष्टे वसन्तस्ते नृपादयः। प्राप्नुवन्ति परामृद्धिमवृद्धिं तु विपर्यये

yathāpramāṇanirdiṣṭe vasantaste nṛpādayaḥ| prāpnuvanti parāmṛddhimavṛddhiṃ tu viparyaye

Sanskrit only: no published translation is held for this verse.

सपीठतलकं वेश्म मानतः संप्रकीर्तितम्। साधारणेन हस्तेन परं शूद्र स्य विंशतिः

sapīṭhatalakaṃ veśma mānataḥ saṃprakīrtitam| sādhāraṇena hastena paraṃ śūdra sya viṃśatiḥ

Sanskrit only: no published translation is held for this verse.

चत्वारिंशद्विशः षष्टिः क्षत्रियस्य प्रशस्यते। अशीतिर्द्विजमुख्यस्य शतहस्ता महीपतेः

catvāriṃśadviśaḥ ṣaṣṭiḥ kṣatriyasya praśasyate| aśītirdvijamukhyasya śatahastā mahīpateḥ

Sanskrit only: no published translation is held for this verse.

नातः परं नृणामूर्ध्वप्रमाणं शस्तमुच्यते। देवदानवदैत्यानां पिशाचोरगरक्षसाम्

nātaḥ paraṃ nṛṇāmūrdhvapramāṇaṃ śastamucyate| devadānavadaityānāṃ piśācoragarakṣasām

Sanskrit only: no published translation is held for this verse.

सिद्धगन्धर्वयक्षाणां विधातव्यमतोऽधिकम्। एकभौमादधो नैव गृहं शूद्र स्य विद्यते

siddhagandharvayakṣāṇāṃ vidhātavyamato'dhikam| ekabhaumādadho naiva gṛhaṃ śūdra sya vidyate

Sanskrit only: no published translation is held for this verse.

वैश्यस्य भवनं कार्यमधो नान्यर्धभूमिकात्। द्विभूमिकादधः कार्यं क्षत्रियस्य न मन्दिरम्

vaiśyasya bhavanaṃ kāryamadho nānyardhabhūmikāt| dvibhūmikādadhaḥ kāryaṃ kṣatriyasya na mandiram

Sanskrit only: no published translation is held for this verse.

सार्धद्विभौमाद् विप्रस्य त्रितलादपि भूपतेः। हीनप्रमाणादमुतो गृहं यत्कुशिल्पिना स्याद्विहितं कथञ्चित्। भर्तुर्भिये सिद्धिविनाशनं तत्प्रशस्तशीलादिविपर्ययाय

sārdhadvibhaumād viprasya tritalādapi bhūpateḥ| hīnapramāṇādamuto gṛhaṃ yatkuśilpinā syādvihitaṃ kathañcit| bharturbhiye siddhivināśanaṃ tatpraśastaśīlādiviparyayāya

Sanskrit only: no published translation is held for this verse.

गुणदोषान् प्रवक्ष्यामि द्वाराणां सर्ववास्तुषु। सुस्थितं चतुरश्रं च कान्तं स्वद्र व्ययोजितम्

guṇadoṣān pravakṣyāmi dvārāṇāṃ sarvavāstuṣu| susthitaṃ caturaśraṃ ca kāntaṃ svadra vyayojitam

Sanskrit only: no published translation is held for this verse.

ऋजु स्वकीयदिग्भागे न ह्रस्वं न तथोच्चकैः। नाल्पं न कुब्जं नाप्यनि पिण्डितं न बहिर्गतम्

ṛju svakīyadigbhāge na hrasvaṃ na tathoccakaiḥ| nālpaṃ na kubjaṃ nāpyani piṇḍitaṃ na bahirgatam

Sanskrit only: no published translation is held for this verse.

नाध्मातं न कृशं मध्ये गतं नान्तरकुक्षिषु। न विद्रुतं न संक्षिप्तं यत्तत्स्याद्द्वारमृद्धिदम्

nādhmātaṃ na kṛśaṃ madhye gataṃ nāntarakukṣiṣu| na vidrutaṃ na saṃkṣiptaṃ yattatsyāddvāramṛddhidam

Sanskrit only: no published translation is held for this verse.

पदस्य द्वादशे भागे पदमध्यात्प्रदक्षिणम्। स्थापितं वृद्धिमायाति द्वारं पुष्टिं करोति च

padasya dvādaśe bhāge padamadhyātpradakṣiṇam| sthāpitaṃ vṛddhimāyāti dvāraṃ puṣṭiṃ karoti ca

Sanskrit only: no published translation is held for this verse.

रथ्याचत्वरशृङ्गाटवापीकूपाह कुम्भकैः। कुड्यकोणतरुस्तम्भैर्भवनस्यन्दनादिभिः

rathyācatvaraśṛṅgāṭavāpīkūpāha kumbhakaiḥ| kuḍyakoṇatarustambhairbhavanasyandanādibhiḥ

Sanskrit only: no published translation is held for this verse.

यद्विद्धं भवनद्वारं तच्छुभाय न जायते। द्वारं द्वारे प्रविष्टं च कर्तव्यं वितनेतन

yadviddhaṃ bhavanadvāraṃ tacchubhāya na jāyate| dvāraṃ dvāre praviṣṭaṃ ca kartavyaṃ vitanetana

Sanskrit only: no published translation is held for this verse.

पेद्यां प्रवेशयेन्नैकामन्यद्वारे कदाचन। द्वारं प्रवेशयेत् पेद्यां नारोहणगवाक्षयोः

pedyāṃ praveśayennaikāmanyadvāre kadācana| dvāraṃ praveśayet pedyāṃ nārohaṇagavākṣayoḥ

Sanskrit only: no published translation is held for this verse.

पक्षद्वारस्य वा नैकां कथञ्चिदपि बुद्धिमान्। न बाह्यगान्तरे द्वारे प्रविष्टं कारयेत् क्वचित्

pakṣadvārasya vā naikāṃ kathañcidapi buddhimān| na bāhyagāntare dvāre praviṣṭaṃ kārayet kvacit

Sanskrit only: no published translation is held for this verse.

विहितं हि तथा तत्स्याद्बहुदोषकरं सदा। तोरणं गोपुरद्वारमट्टो येषां गृहे भवेत्

vihitaṃ hi tathā tatsyādbahudoṣakaraṃ sadā| toraṇaṃ gopuradvāramaṭṭo yeṣāṃ gṛhe bhavet

Sanskrit only: no published translation is held for this verse.

गृहाणां मौलिकद्वारं श्रोत्रे चैतान् प्रवेशयेत्। द्वारं द्वारस्य कर्तव्यमुपर्युपरि भूमिषु

gṛhāṇāṃ maulikadvāraṃ śrotre caitān praveśayet| dvāraṃ dvārasya kartavyamuparyupari bhūmiṣu

Sanskrit only: no published translation is held for this verse.

प्रदक्षिणेन वा कार्यं कार्यं नापरथा पुनः

pradakṣiṇena vā kāryaṃ kāryaṃ nāparathā punaḥ

Sanskrit only: no published translation is held for this verse.

उपर्युपरि भूमीनां मुखं कुर्यात्प्रदक्षिणम्। नापसव्येन कुर्वीत द्वारमारोहणानि च

uparyupari bhūmīnāṃ mukhaṃ kuryātpradakṣiṇam| nāpasavyena kurvīta dvāramārohaṇāni ca

Sanskrit only: no published translation is held for this verse.

यस्यां भित्तौ कृतं पूर्वं तस्यामुपरि कारयेत्। तथान्यभित्तौ तद्द्वारं विधातव्यं प्रदक्षिणम्

yasyāṃ bhittau kṛtaṃ pūrvaṃ tasyāmupari kārayet| tathānyabhittau taddvāraṃ vidhātavyaṃ pradakṣiṇam

Sanskrit only: no published translation is held for this verse.

न मध्ये सद्मनो द्वारं कुर्यादेव पदस्य च। न स्थूले न पदे नापि सिरापाते तदिष्यते

na madhye sadmano dvāraṃ kuryādeva padasya ca| na sthūle na pade nāpi sirāpāte tadiṣyate

Sanskrit only: no published translation is held for this verse.

निरंशावस्थितैर्द्र व्यैस्तिर्यक्कान्तैश्च मन्दिरे। मर्मवेधो न दोषाय द्वारवेधोऽथवा क्वचित्

niraṃśāvasthitairdra vyaistiryakkāntaiśca mandire| marmavedho na doṣāya dvāravedho'thavā kvacit

Sanskrit only: no published translation is held for this verse.

यवनाट्टालकच्छाया पुरदैवकुलस्य च। न प्रवेश्या गृहद्वारे रश्मयः सोमसूर्ययोः

yavanāṭṭālakacchāyā puradaivakulasya ca| na praveśyā gṛhadvāre raśmayaḥ somasūryayoḥ

Sanskrit only: no published translation is held for this verse.

न प्राकारेण कुड्येन न विटङ्केन वा पुनः। अन्तर्हितानि दुष्यन्ति द्वारमर्माणी कुत्रचित्

na prākāreṇa kuḍyena na viṭaṅkena vā punaḥ| antarhitāni duṣyanti dvāramarmāṇī kutracit

Sanskrit only: no published translation is held for this verse.

अत्युच्चे स्याद्भयं राज्ञो निम्ने तस्करतो भयम्। कुलपीडा भवेत्कुब्जे बहिर्याते पराभवः

atyucce syādbhayaṃ rājño nimne taskarato bhayam| kulapīḍā bhavetkubje bahiryāte parābhavaḥ

Sanskrit only: no published translation is held for this verse.

आध्मातेऽत्यन्तदारिद्रयं कृशमध्ये क्षयो नृणाम्। रथ्याविद्धे भवेद्रो गो मरणं चत्वरेण च

ādhmāte'tyantadāridrayaṃ kṛśamadhye kṣayo nṛṇām| rathyāviddhe bhavedro go maraṇaṃ catvareṇa ca

Sanskrit only: no published translation is held for this verse.

शृङ्गाटकेन वैधव्यं दुहितॄणां प्रजायते। वाप्या कूपेन वा विद्धे स्यादतीसारतो भयम्

śṛṅgāṭakena vaidhavyaṃ duhitṝṇāṃ prajāyate| vāpyā kūpena vā viddhe syādatīsārato bhayam

Sanskrit only: no published translation is held for this verse.

कोणान्मृत्युभयं दद्याद्वृक्षै रोगभयं भवेत्। स्तम्भेन म्रियते स्वामी भ्रमेणार्थो न तिष्ठति

koṇānmṛtyubhayaṃ dadyādvṛkṣai rogabhayaṃ bhavet| stambhena mriyate svāmī bhrameṇārtho na tiṣṭhati

Sanskrit only: no published translation is held for this verse.

प्रणालेन महद्दुःखं महाभीतिर्महाकलिः। तस्मात्सर्वप्रयत्नेन द्वारवेधं विवर्जयेत्

praṇālena mahadduḥkhaṃ mahābhītirmahākaliḥ| tasmātsarvaprayatnena dvāravedhaṃ vivarjayet

Sanskrit only: no published translation is held for this verse.

यस्याग्रतः पृष्ठतश्च द्वारे भित्त्योर्द्वयोरपि। अन्योन्यं भिद्यते यस्मिन्नैकगत्याश्रिते उभे

yasyāgrataḥ pṛṣṭhataśca dvāre bhittyordvayorapi| anyonyaṃ bhidyate yasminnaikagatyāśrite ubhe

Sanskrit only: no published translation is held for this verse.

वास्तु तद्भिन्नदेहाख्यं भिन्नस्वामिविधायकम्। न तत्र जायते वृद्धिः स्थापितस्य न कस्यचित्

vāstu tadbhinnadehākhyaṃ bhinnasvāmividhāyakam| na tatra jāyate vṛddhiḥ sthāpitasya na kasyacit

Sanskrit only: no published translation is held for this verse.

गृहकुक्षौ कृतं द्वारं सर्वरोगभयङ्करम्। पूर्वद्वारं तु माहेन्द्रं प्रशस्तं सर्वकामदम्

gṛhakukṣau kṛtaṃ dvāraṃ sarvarogabhayaṅkaram| pūrvadvāraṃ tu māhendraṃ praśastaṃ sarvakāmadam

Sanskrit only: no published translation is held for this verse.

गृहक्षतं तु विहितं दक्षिणेन शुभावहम्। गन्धर्वमथवा तत्र कर्तव्यं श्रेयसे तदा

gṛhakṣataṃ tu vihitaṃ dakṣiṇena śubhāvaham| gandharvamathavā tatra kartavyaṃ śreyase tadā

Sanskrit only: no published translation is held for this verse.

पश्चमेन प्रशस्तं स्यात्पुष्पदन्तं जयावहम्। भल्लाटमुत्तरे द्वारं प्रशस्तं स्याद्गृहेशितुः

paścamena praśastaṃ syātpuṣpadantaṃ jayāvaham| bhallāṭamuttare dvāraṃ praśastaṃ syādgṛheśituḥ

Sanskrit only: no published translation is held for this verse.

एकाशीतिपदे तस्मिंश्चतुरश्रपदेऽपि वा। द्वारोऽप्यदगास्तासां ब्रूमो वह्न्यादितः फलम्

ekāśītipade tasmiṃścaturaśrapade'pi vā| dvāro'pyadagāstāsāṃ brūmo vahnyāditaḥ phalam

Sanskrit only: no published translation is held for this verse.

हुताशभीतिः स्त्रीजन्म भूत्यर्थः प्रियता नृपे। क्रोधे चानृतता पुंसः क्रौर्यं स्यात्पूर्ववत्क्रमात्

hutāśabhītiḥ strījanma bhūtyarthaḥ priyatā nṛpe| krodhe cānṛtatā puṃsaḥ krauryaṃ syātpūrvavatkramāt

Sanskrit only: no published translation is held for this verse.

सुतापि प्रैष्यनीचत्वे भक्षयानसुतर्द्धिकृत्। रौद्रं कृतघ्नमवसं याम्यतः सुतवीर्यहृत्

sutāpi praiṣyanīcatve bhakṣayānasutarddhikṛt| raudraṃ kṛtaghnamavasaṃ yāmyataḥ sutavīryahṛt

Sanskrit only: no published translation is held for this verse.

सुतोपपीडा रिपुवृद्धिरर्थसुतानवाप्तिस्तनयार्थसम्पत्। स्वाप्तिर्नृशंसाद्भयमर्थनाश उक्तः क्रमादित्यपरोन्मुखेषु

sutopapīḍā ripuvṛddhirarthasutānavāptistanayārthasampat| svāptirnṛśaṃsādbhayamarthanāśa uktaḥ kramādityaparonmukheṣu

Sanskrit only: no published translation is held for this verse.

बन्धव्यसत्वे रिपुवृद्धिरर्थसुताप्तिरग्र्या गुणसम्पदश्च। सुतार्थलब्धिर्द्विषयात्मजेन दोषास्त्रिया नैरृतदिङ्मुखेषु

bandhavyasatve ripuvṛddhirarthasutāptiragryā guṇasampadaśca| sutārthalabdhirdviṣayātmajena doṣāstriyā nairṛtadiṅmukheṣu

Sanskrit only: no published translation is held for this verse.

गुणाश्च दोषाश्चयथावदेते निरूपिता द्वारसमाश्रिता ये। ताञ्शिल्पविच्छास्त्रविदां वरिष्ठो विज्ञाय पूज्यत्वमुपैति लोके

guṇāśca doṣāścayathāvadete nirūpitā dvārasamāśritā ye| tāñśilpavicchāstravidāṃ variṣṭho vijñāya pūjyatvamupaiti loke

Sanskrit only: no published translation is held for this verse.