Bhoja: Samarāṅgaṇa-sūtradhāra 40

देवानां मनुजानां च पीठमानमथोच्यते। पीठं कनीयो भागं च सार्धभागं तु मध्यमम्

devānāṃ manujānāṃ ca pīṭhamānamathocyate| pīṭhaṃ kanīyo bhāgaṃ ca sārdhabhāgaṃ tu madhyamam

Sanskrit only: no published translation is held for this verse.

द्विभागमुत्तमं तत् स्याडेषा पीठसमुच्छ्रितिः। महेश्वरस्य विष्णोश्च ब्रह्मणश्चोत्तमं भवेत्

dvibhāgamuttamaṃ tat syāḍeṣā pīṭhasamucchritiḥ| maheśvarasya viṣṇośca brahmaṇaścottamaṃ bhavet

Sanskrit only: no published translation is held for this verse.

इतरेषां च देवानां कर्तव्यं तन्न धीमता। ईश्वरस्य यथाकामं पीठं कार्यं विचक्षणैः

itareṣāṃ ca devānāṃ kartavyaṃ tanna dhīmatā| īśvarasya yathākāmaṃ pīṭhaṃ kāryaṃ vicakṣaṇaiḥ

Sanskrit only: no published translation is held for this verse.

यस्मिन्स्थाने विधातव्यो ब्रह्मा विष्णुस्तथैव च। ईश्वरः सर्वतः कार्यो न दोषस्तत्र विद्यते

yasminsthāne vidhātavyo brahmā viṣṇustathaiva ca| īśvaraḥ sarvataḥ kāryo na doṣastatra vidyate

Sanskrit only: no published translation is held for this verse.

इतरेषां तु देवानां पीठं भागं समुच्छ्रितम्। यस्य येन विभागेन वास्तुमानं विधीयते

itareṣāṃ tu devānāṃ pīṭhaṃ bhāgaṃ samucchritam| yasya yena vibhāgena vāstumānaṃ vidhīyate

Sanskrit only: no published translation is held for this verse.

तस्य तेनैव भागेन पीठोच्छ्रायो विधीयते। मनुजानां च पीठानि वेश्मनां देवपीठकैः

tasya tenaiva bhāgena pīṭhocchrāyo vidhīyate| manujānāṃ ca pīṭhāni veśmanāṃ devapīṭhakaiḥ

Sanskrit only: no published translation is held for this verse.

तुल्यानि कुर्यादुपरि कृता वृद्धिकराः सुराः। पुरमध्ये तु कर्तव्यं ब्रह्मणो गृहमुत्तमम्

tulyāni kuryādupari kṛtā vṛddhikarāḥ surāḥ| puramadhye tu kartavyaṃ brahmaṇo gṛhamuttamam

Sanskrit only: no published translation is held for this verse.

चतुर्मुखं च तत्कार्यं यथा पश्यति तत्पुरम्। अधिकं सर्ववेश्मभ्यस्तथा राजगृहादपि

caturmukhaṃ ca tatkāryaṃ yathā paśyati tatpuram| adhikaṃ sarvaveśmabhyastathā rājagṛhādapi

Sanskrit only: no published translation is held for this verse.

राजवेश्माधिकमपि शस्यतेऽन्यसुरालयात्। पञ्चमो लोकपालनां राजा श्रेष्ठतमो यतः

rājaveśmādhikamapi śasyate'nyasurālayāt| pañcamo lokapālanāṃ rājā śreṣṭhatamo yataḥ

Sanskrit only: no published translation is held for this verse.

एवमेतानि देवानां पीठान्युक्तान्यशेषतः। चातुर्वर्ण्यस्य पीठानि ब्रूमो विप्राद्यनुक्रमात्

evametāni devānāṃ pīṭhānyuktānyaśeṣataḥ| cāturvarṇyasya pīṭhāni brūmo viprādyanukramāt

Sanskrit only: no published translation is held for this verse.

षट्त्रिंशदङ्गुलोत्सेधं पीठं विप्रस्य शस्यते। इतरेषां तु वर्णानां ह्रस्वं स्याच्चतुरङ्गुलम्

ṣaṭtriṃśadaṅgulotsedhaṃ pīṭhaṃ viprasya śasyate| itareṣāṃ tu varṇānāṃ hrasvaṃ syāccaturaṅgulam

Sanskrit only: no published translation is held for this verse.

चातुर्वर्ण्यस्य पीठानि भुङ्क्ते विप्रो गृहाणि च। त्रयाणां क्षत्रियो वैश्यो द्वयोः शूद्रः क्रमात्स्वकम्

cāturvarṇyasya pīṭhāni bhuṅkte vipro gṛhāṇi ca| trayāṇāṃ kṣatriyo vaiśyo dvayoḥ śūdraḥ kramātsvakam

Sanskrit only: no published translation is held for this verse.

एवं विभागं पीठानां स्थपतिः परिकल्पयेत्। हितं कारयितुर्वाञ्छन् नृपतेश्च समृद्धये

evaṃ vibhāgaṃ pīṭhānāṃ sthapatiḥ parikalpayet| hitaṃ kārayiturvāñchan nṛpateśca samṛddhaye

Sanskrit only: no published translation is held for this verse.

प्रमाणे स्थापिता देवाः पूजार्हाश्च भवन्ति हि। प्रमाणं पीठानामिदमभिहितं ब्रह्ममुरजि-। त्पुरारीणामत्रापरदिविषदां यच्च नियतम् ।। ततो विप्रादीनामपि निगदितं यत्तदखिलं। यथौचित्यायोज्यं श्रियमभिलषद्भिः स्थपतिभिः

pramāṇe sthāpitā devāḥ pūjārhāśca bhavanti hi| pramāṇaṃ pīṭhānāmidamabhihitaṃ brahmamuraji-| tpurārīṇāmatrāparadiviṣadāṃ yacca niyatam || tato viprādīnāmapi nigaditaṃ yattadakhilaṃ| yathaucityāyojyaṃ śriyamabhilaṣadbhiḥ sthapatibhiḥ

Sanskrit only: no published translation is held for this verse.