Bhoja: Samarāṅgaṇa-sūtradhāra 47

वेद्यश्चतस्रो विज्ञेया या पुरा ब्रह्मणोदिताः। वयं ताः संप्रवक्ष्यामो नामसंस्थानमानतः

vedyaścatasro vijñeyā yā purā brahmaṇoditāḥ| vayaṃ tāḥ saṃpravakṣyāmo nāmasaṃsthānamānataḥ

Sanskrit only: no published translation is held for this verse.

प्रथमा चतुरश्रा स्यात्सभद्रा च द्वितीयका। तृतीया श्रीधरी नाम चतुर्थी पद्मिनी स्मृता

prathamā caturaśrā syātsabhadrā ca dvitīyakā| tṛtīyā śrīdharī nāma caturthī padminī smṛtā

Sanskrit only: no published translation is held for this verse.

यज्ञकाले तथोद्वाहे देवतास्थापनेषु च। नीराजनेषु सर्वेषु वह्निहोमे च नित्यशः

yajñakāle tathodvāhe devatāsthāpaneṣu ca| nīrājaneṣu sarveṣu vahnihome ca nityaśaḥ

Sanskrit only: no published translation is held for this verse.

नृपाभिषेचने चैव शक्रध्वजनिवेशने। नृपयोग्या भवन्त्येता वर्णानामनुपूर्वशः

nṛpābhiṣecane caiva śakradhvajaniveśane| nṛpayogyā bhavantyetā varṇānāmanupūrvaśaḥ

Sanskrit only: no published translation is held for this verse.

चतुरश्रा तु या वेदि नवहस्ता समन्ततः। अष्टहस्ता प्रमाणेन सर्वभद्रा प्रकीर्तिता

caturaśrā tu yā vedi navahastā samantataḥ| aṣṭahastā pramāṇena sarvabhadrā prakīrtitā

Sanskrit only: no published translation is held for this verse.

श्रीधरी सप्त विज्ञेया हस्तान् मानेन वेदिका। षड्ढस्ता चैव शास्त्रज्ञैर्नलिनीह विधीयते

śrīdharī sapta vijñeyā hastān mānena vedikā| ṣaḍḍhastā caiva śāstrajñairnalinīha vidhīyate

Sanskrit only: no published translation is held for this verse.

चतुरश्रा तु कर्तव्या चतुरश्रा समन्ततः। भद्रै स्तु सर्वतोभद्रा भूषणीया चतुर्दिशम्

caturaśrā tu kartavyā caturaśrā samantataḥ| bhadrai stu sarvatobhadrā bhūṣaṇīyā caturdiśam

Sanskrit only: no published translation is held for this verse.

श्रीधरी चापि विज्ञेया कोणविंशतिसंयुता। नलिनीति च विज्ञेया पद्मसंस्थानधारिणी

śrīdharī cāpi vijñeyā koṇaviṃśatisaṃyutā| nalinīti ca vijñeyā padmasaṃsthānadhāriṇī

Sanskrit only: no published translation is held for this verse.

कर्तव्याः स्वस्वविस्तारादुच्छ्रयेण त्रिभागिकाः। कुर्यान्मन्त्रवतीभिस्ता इष्टकाभिस्तु चायताः

kartavyāḥ svasvavistārāducchrayeṇa tribhāgikāḥ| kuryānmantravatībhistā iṣṭakābhistu cāyatāḥ

Sanskrit only: no published translation is held for this verse.

चतुरश्रा यज्ञकाले विवाहे श्रीधरी स्मृता। देवतास्थापने वेदीं सर्वभद्रां निवेशयेत्

caturaśrā yajñakāle vivāhe śrīdharī smṛtā| devatāsthāpane vedīṃ sarvabhadrāṃ niveśayet

Sanskrit only: no published translation is held for this verse.

नीराजने साग्निकार्ये तथा राजाभिषेचने। वेदी पद्मावती या च तथा शक्रध्वजोच्छ्रये

nīrājane sāgnikārye tathā rājābhiṣecane| vedī padmāvatī yā ca tathā śakradhvajocchraye

Sanskrit only: no published translation is held for this verse.

चतुर्मुखा तु कर्तव्या सोपानैश्च चतुर्दिशम्। प्रतीहारसमायुक्ता चार्धचन्द्रो पशोभिता

caturmukhā tu kartavyā sopānaiśca caturdiśam| pratīhārasamāyuktā cārdhacandro paśobhitā

Sanskrit only: no published translation is held for this verse.

चतुःस्तम्भसमायुक्ता चतुष्कुम्भविराजिता। काञ्चनै राजतैस्ताम्रैर्मृन्मयैः कलशैस्तथा

catuḥstambhasamāyuktā catuṣkumbhavirājitā| kāñcanai rājataistāmrairmṛnmayaiḥ kalaśaistathā

Sanskrit only: no published translation is held for this verse.

कोणे कोणे तु विन्यस्तैर्वल्गुवानरभूषितैः। स्तम्भप्रमाणं वेदीनां कार्यं छाद्यवशेन च

koṇe koṇe tu vinyastairvalguvānarabhūṣitaiḥ| stambhapramāṇaṃ vedīnāṃ kāryaṃ chādyavaśena ca

Sanskrit only: no published translation is held for this verse.

एकेन द्वित्रिभिर्वापि च्छाद्यैः सामलसारिकैः । स्तम्भमूलानि चाभ्यज्य गुडेन मधुसर्पिषा

ekena dvitribhirvāpi cchādyaiḥ sāmalasārikaiḥ | stambhamūlāni cābhyajya guḍena madhusarpiṣā

Sanskrit only: no published translation is held for this verse.

परमान्नेन वाभ्यज्य तान्विन्यस्येद्यथातथम्। देवताः पूजयित्वा तु ब्राह्मणान्स्वस्ति वाचयेत्

paramānnena vābhyajya tānvinyasyedyathātatham| devatāḥ pūjayitvā tu brāhmaṇānsvasti vācayet

Sanskrit only: no published translation is held for this verse.

चतुर्विधमितीरितं यदिह वेदिकालक्षणं। समग्रमपि वर्तते मनसि यस्य तच्छिल्पिनः। स याति भुवि पूज्यतामवनिभोक्तुराप्नोति च। श्रियं स्थपतिसंसदि स्फुरति चास्य शुभ्रं यशः

caturvidhamitīritaṃ yadiha vedikālakṣaṇaṃ| samagramapi vartate manasi yasya tacchilpinaḥ| sa yāti bhuvi pūjyatāmavanibhokturāpnoti ca| śriyaṃ sthapatisaṃsadi sphurati cāsya śubhraṃ yaśaḥ

Sanskrit only: no published translation is held for this verse.