Bhoja: Samarāṅgaṇa-sūtradhāra 48

षड्दारुकान्यनुसरागवाक्षालोकनानि च। मर्मस्थाननिविष्टानि जनयन्ति महाभयम्

ṣaḍdārukānyanusarāgavākṣālokanāni ca| marmasthānaniviṣṭāni janayanti mahābhayam

Sanskrit only: no published translation is held for this verse.

स्तम्भैर्वा द्वारमध्यैर्वा तुलाभिर्नागपाशकैः। वातायनैर्नागदन्तैर्द्वारमध्ये निपीडिते

stambhairvā dvāramadhyairvā tulābhirnāgapāśakaiḥ| vātāyanairnāgadantairdvāramadhye nipīḍite

Sanskrit only: no published translation is held for this verse.

व्याधयः संप्रवर्धन्ते धननाशः कुलक्षयः। राजदण्डभयं च स्यादपत्यानां च पीडनम्

vyādhayaḥ saṃpravardhante dhananāśaḥ kulakṣayaḥ| rājadaṇḍabhayaṃ ca syādapatyānāṃ ca pīḍanam

Sanskrit only: no published translation is held for this verse.

षड्दारुकाणां मध्येषु द्वारमध्येषु वा पुनः। कर्णद्र व्यादिभिर्विद्धेष्वेतदेवादिशेत् फलम्

ṣaḍdārukāṇāṃ madhyeṣu dvāramadhyeṣu vā punaḥ| karṇadra vyādibhirviddheṣvetadevādiśet phalam

Sanskrit only: no published translation is held for this verse.

संविद्धा नागदन्तैर्या स्तम्भैर्वातायनैस्तथा। शय्या शस्त्राद्भयं भर्तुः कुर्यात्तस्करतोऽपि वा

saṃviddhā nāgadantairyā stambhairvātāyanaistathā| śayyā śastrādbhayaṃ bhartuḥ kuryāttaskarato'pi vā

Sanskrit only: no published translation is held for this verse.

गृहमध्ये कृत द्वारं द्र व्यकोशविनाशनम्। आवहेत्कलहं भर्तुर्भार्यां वास्य प्रदूषयेत्

gṛhamadhye kṛta dvāraṃ dra vyakośavināśanam| āvahetkalahaṃ bharturbhāryāṃ vāsya pradūṣayet

Sanskrit only: no published translation is held for this verse.

द्र व्येणैकोत्तरेणापि महामर्मणि पीडिते। सर्वस्वनाशो गृहिणो मरणं वा ध्रुवं भवेत्

dra vyeṇaikottareṇāpi mahāmarmaṇi pīḍite| sarvasvanāśo gṛhiṇo maraṇaṃ vā dhruvaṃ bhavet

Sanskrit only: no published translation is held for this verse.

द्वारराम्भतुलालिन्दश्च यदोषैः समीरितैः। विसूत्रे नागदन्तेऽपि तच्छून्यं जायते गृहम्

dvārarāmbhatulālindaśca yadoṣaiḥ samīritaiḥ| visūtre nāgadante'pi tacchūnyaṃ jāyate gṛham

Sanskrit only: no published translation is held for this verse.

विभागपदहीनेषु रूपस्थानेषु वास्तुषु। यक्षमातृक्रियाद्येषु रोगान्मृत्युर्न संशयः

vibhāgapadahīneṣu rūpasthāneṣu vāstuṣu| yakṣamātṛkriyādyeṣu rogānmṛtyurna saṃśayaḥ

Sanskrit only: no published translation is held for this verse.

कटुकण्टकिदुर्गन्धिगुह्यकाद्याश्रयान् द्रुमान्। न धारयेत् समीपस्थान् पुरप्रासादवेश्मनाम्

kaṭukaṇṭakidurgandhiguhyakādyāśrayān drumān| na dhārayet samīpasthān puraprāsādaveśmanām

Sanskrit only: no published translation is held for this verse.

बदरी कदली चैव दाडिमी बीजपूरिका। प्ररोहन्ति गृहे यत्र तद्गृहं न प्ररोहति

badarī kadalī caiva dāḍimī bījapūrikā| prarohanti gṛhe yatra tadgṛhaṃ na prarohati

Sanskrit only: no published translation is held for this verse.

द्र व्यं द्र व्याधिकं हन्ति कुलमायामतोऽधिकम्। उच्छ्रयाभ्यधिकं पूजां सन्ततिं विस्तराधिकम्

dra vyaṃ dra vyādhikaṃ hanti kulamāyāmato'dhikam| ucchrayābhyadhikaṃ pūjāṃ santatiṃ vistarādhikam

Sanskrit only: no published translation is held for this verse.

स्तम्भाङ्गैर्भित्तिभिः पट्टैः शीर्षकैर्भवनैस्तथा। आलोकनातोरणाद्यैश्छाद्यकैः कन्दकूटकैः

stambhāṅgairbhittibhiḥ paṭṭaiḥ śīrṣakairbhavanaistathā| ālokanātoraṇādyaiśchādyakaiḥ kandakūṭakaiḥ

Sanskrit only: no published translation is held for this verse.

हीरशाखोत्तमाङ्गैश्च तुलाभिः सन्धिपालकैः। अर्गलाग्रैर्वेदिकाभिर्व्यालैर्जालैश्च नूतनैः

hīraśākhottamāṅgaiśca tulābhiḥ sandhipālakaiḥ| argalāgrairvedikābhirvyālairjālaiśca nūtanaiḥ

Sanskrit only: no published translation is held for this verse.

घातितैः पातितैर्नष्टैर्जायते गृहिणो ध्रुवम्। व्याधिदारिद्र य्दुःखार्तिर्निर्धनत्वं च जायते

ghātitaiḥ pātitairnaṣṭairjāyate gṛhiṇo dhruvam| vyādhidāridra yduḥkhārtirnirdhanatvaṃ ca jāyate

Sanskrit only: no published translation is held for this verse.

उच्चच्छाद्यं छिद्र गर्भं भ्रमितं वमितं मुखे। हीनमध्यं नष्टसूत्रं शल्यविद्धं शिरोगुरु

uccacchādyaṃ chidra garbhaṃ bhramitaṃ vamitaṃ mukhe| hīnamadhyaṃ naṣṭasūtraṃ śalyaviddhaṃ śiroguru

Sanskrit only: no published translation is held for this verse.

भ्रष्टालिन्दकशोभं च विषमस्थं तुलातलम्। अन्योन्यद्र व्यविद्धं च कुपदप्रविभाजितम्

bhraṣṭālindakaśobhaṃ ca viṣamasthaṃ tulātalam| anyonyadra vyaviddhaṃ ca kupadapravibhājitam

Sanskrit only: no published translation is held for this verse.

हीनभित्त्युत्तमाङ्गं च विनष्टं स्तम्भभित्तिकम्। भिन्नशालं त्यक्तकण्ठं निष्कन्दं मानवर्जितम्

hīnabhittyuttamāṅgaṃ ca vinaṣṭaṃ stambhabhittikam| bhinnaśālaṃ tyaktakaṇṭhaṃ niṣkandaṃ mānavarjitam

Sanskrit only: no published translation is held for this verse.

विकृतं च गृहं भर्तुरनिष्टफलदायकम्। तस्माद्दोषानिमांस्त्यक्त्वा गृहं कुर्याच्छुभावहम्

vikṛtaṃ ca gṛhaṃ bharturaniṣṭaphaladāyakam| tasmāddoṣānimāṃstyaktvā gṛhaṃ kuryācchubhāvaham

Sanskrit only: no published translation is held for this verse.

एवंविधं दोषकरं गृहं स्याद्भर्तुश्च कर्तुश्च यतस्तदेते। ज्ञेयाः सदा शिल्पिभिरप्रमत्तैस्त्याज्याश्च दोषाः शुभकीर्तिकामैः

evaṃvidhaṃ doṣakaraṃ gṛhaṃ syādbhartuśca kartuśca yatastadete| jñeyāḥ sadā śilpibhirapramattaistyājyāśca doṣāḥ śubhakīrtikāmaiḥ

Sanskrit only: no published translation is held for this verse.