Bhoja: Samarāṅgaṇa-sūtradhāra 52

अवतारो निवेशानां विधानं वास्तुनो यतः। कार्त्स्न्येन तमतो ब्रूमः सभ्यस्य प्रसवोत्तमः

avatāro niveśānāṃ vidhānaṃ vāstuno yataḥ| kārtsnyena tamato brūmaḥ sabhyasya prasavottamaḥ

Sanskrit only: no published translation is held for this verse.

कुलजातिक्रमाणां च क्रमं दीर्घाल्पजीविनाम्। संस्थानमभिधास्यामो लक्ष्यलक्षणमेव च

kulajātikramāṇāṃ ca kramaṃ dīrghālpajīvinām| saṃsthānamabhidhāsyāmo lakṣyalakṣaṇameva ca

Sanskrit only: no published translation is held for this verse.

शुभाशुभानां वैराजमादिं तेषां प्रचक्षते। पूर्वोक्तस्य विमानस्य तस्यातो लक्ष्म कथ्यते

śubhāśubhānāṃ vairājamādiṃ teṣāṃ pracakṣate| pūrvoktasya vimānasya tasyāto lakṣma kathyate

Sanskrit only: no published translation is held for this verse.

वैराजस्य यथाकारव्यवस्थानमशेषतः। चतुरश्रं समं क्षेत्रमशीत्यंशैर्विभाजयेत्

vairājasya yathākāravyavasthānamaśeṣataḥ| caturaśraṃ samaṃ kṣetramaśītyaṃśairvibhājayet

Sanskrit only: no published translation is held for this verse.

संयुक्तमष्टभिर्भागैः कुर्याद्गर्भगृहं शुभम्। द्विपञ्चाशद्धरैः सीमा गर्भकोष्ठसमन्विताः

saṃyuktamaṣṭabhirbhāgaiḥ kuryādgarbhagṛhaṃ śubham| dvipañcāśaddharaiḥ sīmā garbhakoṣṭhasamanvitāḥ

Sanskrit only: no published translation is held for this verse.

द्वात्रिंशता देवकोष्ठैः सर्वैरेकान्तरैश्च तैः। बाह्यस्थाने ततः स्थानाद् द्वादशक्षोभणैर्धरैः

dvātriṃśatā devakoṣṭhaiḥ sarvairekāntaraiśca taiḥ| bāhyasthāne tataḥ sthānād dvādaśakṣobhaṇairdharaiḥ

Sanskrit only: no published translation is held for this verse.

हेमरत्नमयैः स्तम्भैः शुक्लपट्टैश्च भूषितैः। शुक्लालङ्कारखचितैर्वितानैश्च विभूषणैः

hemaratnamayaiḥ stambhaiḥ śuklapaṭṭaiśca bhūṣitaiḥ| śuklālaṅkārakhacitairvitānaiśca vibhūṣaṇaiḥ

Sanskrit only: no published translation is held for this verse.

स्फाटिकैर्विविधैर्जालैः सहरिन्मणिवेदिकैः। हंसकर्णकपोतालीतिर्यक्स्थाल्यर्धकर्णिकैः

sphāṭikairvividhairjālaiḥ saharinmaṇivedikaiḥ| haṃsakarṇakapotālītiryaksthālyardhakarṇikaiḥ

Sanskrit only: no published translation is held for this verse.

पर्यन्तदेशधृतया गर्भस्योपरि घण्टया। लोकनाथेन तत्सृष्टमाद्यं वैराजसंज्ञितम्

paryantadeśadhṛtayā garbhasyopari ghaṇṭayā| lokanāthena tatsṛṣṭamādyaṃ vairājasaṃjñitam

Sanskrit only: no published translation is held for this verse.

तस्मात्स्वस्तिकसंज्ञः प्राग्गृहच्छन्दो विजायते। चतुश्शालस्त्रिशालश्च हिरण्यौकस्त्वतोऽपि च

tasmātsvastikasaṃjñaḥ prāggṛhacchando vijāyate| catuśśālastriśālaśca hiraṇyaukastvato'pi ca

Sanskrit only: no published translation is held for this verse.

सिद्धार्थको द्विशालः स्यादेकशालस्तु कुम्भकः। सृष्टमन्यद्विमानं च वरं वीरं चतुर्मुखम्

siddhārthako dviśālaḥ syādekaśālastu kumbhakaḥ| sṛṣṭamanyadvimānaṃ ca varaṃ vīraṃ caturmukham

Sanskrit only: no published translation is held for this verse.

गणानां देवतानां च स्कन्दस्य च यथाक्रमम्। प्रासादा द्वादशैतेऽन्ये जज्ञिरे शुभलक्षणाः

gaṇānāṃ devatānāṃ ca skandasya ca yathākramam| prāsādā dvādaśaite'nye jajñire śubhalakṣaṇāḥ

Sanskrit only: no published translation is held for this verse.

स्वस्तिकः श्रीतरुश्चैव तृतीयः क्षितिभूषणः। भूजयो विजयो भद्रः श्रीकूटोष्णीषसंज्ञितौ

svastikaḥ śrītaruścaiva tṛtīyaḥ kṣitibhūṣaṇaḥ| bhūjayo vijayo bhadraḥ śrīkūṭoṣṇīṣasaṃjñitau

Sanskrit only: no published translation is held for this verse.

नन्द्यावर्तो विमानश्च सर्वतो भद्र एव च। विमुक्तकोणप्रासाद इति वैराजसंभवाः

nandyāvarto vimānaśca sarvato bhadra eva ca| vimuktakoṇaprāsāda iti vairājasaṃbhavāḥ

Sanskrit only: no published translation is held for this verse.

एकैकस्मात्क्रमेणैवमेकैकः समजायत। स्वस्तिकाद् रुचको ज्ञेयः श्रीतरोः हिंपञ्जरः

ekaikasmātkrameṇaivamekaikaḥ samajāyata| svastikād rucako jñeyaḥ śrītaroḥ hiṃpañjaraḥ

Sanskrit only: no published translation is held for this verse.

क्ष्माभूषणात्तशाला स्याद्भूजयाद्गयूथपः। विजयादवतंसश्च भद्रा न्नन्दी विनिर्गतः

kṣmābhūṣaṇāttaśālā syādbhūjayādgayūthapaḥ| vijayādavataṃsaśca bhadrā nnandī vinirgataḥ

Sanskrit only: no published translation is held for this verse.

श्रीकूटाच्चित्रकूटाख्य उष्णीषात्प्रमदाप्रियः। व्यामिश्रो नन्दिकावर्ताद्विमानाद्धस्तिजावकः

śrīkūṭāccitrakūṭākhya uṣṇīṣātpramadāpriyaḥ| vyāmiśro nandikāvartādvimānāddhastijāvakaḥ

Sanskrit only: no published translation is held for this verse.

कुबेरः सर्वतोभद्रा न्मुक्तकोणाद्धराधरः। एतेभ्योऽपि च संभूताः कनीयांसोऽभिधानतः

kuberaḥ sarvatobhadrā nmuktakoṇāddharādharaḥ| etebhyo'pi ca saṃbhūtāḥ kanīyāṃso'bhidhānataḥ

Sanskrit only: no published translation is held for this verse.

तद्भेदास्ते तदाकारैर्लक्ष्याः स्वैः स्वैः पृथग्विधैः। भागैस्तेषूत्तमैः पूर्वान् मध्यमान्मध्यमैस्तथा

tadbhedāste tadākārairlakṣyāḥ svaiḥ svaiḥ pṛthagvidhaiḥ| bhāgaisteṣūttamaiḥ pūrvān madhyamānmadhyamaistathā

Sanskrit only: no published translation is held for this verse.

कनीयसः कनीयोभिः प्रासादानुपकल्पयेत्। शिखरैरपरैः श्लिष्टाः प्रासादा जज्ञिरे ततः

kanīyasaḥ kanīyobhiḥ prāsādānupakalpayet| śikharairaparaiḥ śliṣṭāḥ prāsādā jajñire tataḥ

Sanskrit only: no published translation is held for this verse.

प्रथमो रुचकस्तेषु द्वितीयो वर्धमानकाः। अवतंसस्तृतीयस्तु चतुर्थो भद्र उच्यते

prathamo rucakasteṣu dvitīyo vardhamānakāḥ| avataṃsastṛtīyastu caturtho bhadra ucyate

Sanskrit only: no published translation is held for this verse.

पञ्चमः सर्वतोभद्रः षष्ठः स्यान्मुक्तकोणकः। मेरुर्मन्दर इत्यष्टौ विज्ञेयाः शिखरोत्तमाः

pañcamaḥ sarvatobhadraḥ ṣaṣṭhaḥ syānmuktakoṇakaḥ| merurmandara ityaṣṭau vijñeyāḥ śikharottamāḥ

Sanskrit only: no published translation is held for this verse.

चतुरश्राः समाख्याता देवानामालयाः शुभाः। एते ते वंशजाः सर्वे निवेश्या ब्रह्मजातयः

caturaśrāḥ samākhyātā devānāmālayāḥ śubhāḥ| ete te vaṃśajāḥ sarve niveśyā brahmajātayaḥ

Sanskrit only: no published translation is held for this verse.

वैराजकुलसंभूताः प्रासादाः परमोत्तमाः। एतेभ्योऽन्येऽपि संभूताः पुत्रपौत्रप्रपौत्रयः

vairājakulasaṃbhūtāḥ prāsādāḥ paramottamāḥ| etebhyo'nye'pi saṃbhūtāḥ putrapautraprapautrayaḥ

Sanskrit only: no published translation is held for this verse.

स्ववंशाः सुपरीवाराः परवंशविवर्जिताः। कर्तव्या भूतिकामेन तेजसा शुभलक्षणाः

svavaṃśāḥ suparīvārāḥ paravaṃśavivarjitāḥ| kartavyā bhūtikāmena tejasā śubhalakṣaṇāḥ

Sanskrit only: no published translation is held for this verse.

नन्दका वर्धनाश्चैव सर्वकामफलप्रदाः। हृष्टपुष्टजनाकीर्णाः पूजासंस्कारवर्धनाः

nandakā vardhanāścaiva sarvakāmaphalapradāḥ| hṛṣṭapuṣṭajanākīrṇāḥ pūjāsaṃskāravardhanāḥ

Sanskrit only: no published translation is held for this verse.

यदि हीना भवन्त्येते परवंशेन दूषिताः। तदुद्वेगं नृणां नित्यमर्थनाशं कुलक्षयम्

yadi hīnā bhavantyete paravaṃśena dūṣitāḥ| tadudvegaṃ nṛṇāṃ nityamarthanāśaṃ kulakṣayam

Sanskrit only: no published translation is held for this verse.

पीडां च स्वामिनः कुर्युर्यदन्यदपि गर्हितम्। तस्मादेते विधातव्या दूषिता नान्यजातिभिः

pīḍāṃ ca svāminaḥ kuryuryadanyadapi garhitam| tasmādete vidhātavyā dūṣitā nānyajātibhiḥ

Sanskrit only: no published translation is held for this verse.

इति वैराजजातानामुत्पत्तिः प्रकीर्तिता। वैराजजन्मसुरसद्मपरम्परेय- मुक्तैवमत्र शुभलक्ष्मवती समासात् आनन्दकीर्त्तिधनधान्यकरी कृता स्या- दन्यादृशी पुनरनर्थफलैव कर्तुः

iti vairājajātānāmutpattiḥ prakīrtitā| vairājajanmasurasadmaparampareya- muktaivamatra śubhalakṣmavatī samāsāt ānandakīrttidhanadhānyakarī kṛtā syā- danyādṛśī punaranarthaphalaiva kartuḥ

Sanskrit only: no published translation is held for this verse.