Bhoja: Samarāṅgaṇa-sūtradhāra 58

प्रासादानां चतुःषष्टिरिदानीमभिधीयते। या पूर्वं ब्रह्मणा दत्ता प्रासादा विश्वकर्मणे

prāsādānāṃ catuḥṣaṣṭiridānīmabhidhīyate| yā pūrvaṃ brahmaṇā dattā prāsādā viśvakarmaṇe

Sanskrit only: no published translation is held for this verse.

मर्मवेधस्थिता वास्तुदेवाः पूज्या यथोचितम्। पूज्यता च स्मृता तेषां प्रासादे मण्डपे ध्वजे

marmavedhasthitā vāstudevāḥ pūjyā yathocitam| pūjyatā ca smṛtā teṣāṃ prāsāde maṇḍape dhvaje

Sanskrit only: no published translation is held for this verse.

आसने वाहने तद्वत्सर्वोपकरणेष्वपि। प्रासादे यादृशश्छून्दस्तादृङ्मन्दपीठयोः

āsane vāhane tadvatsarvopakaraṇeṣvapi| prāsāde yādṛśaśchūndastādṛṅmandapīṭhayoḥ

Sanskrit only: no published translation is held for this verse.

तथा वास्तुविरुद्धं स्यात्प्रासादाङ्गे हिते विदुः। अष्टावष्टौ स्मृतास्तेषु त्रिदशानां पृथक्पृथक्

tathā vāstuviruddhaṃ syātprāsādāṅge hite viduḥ| aṣṭāvaṣṭau smṛtāsteṣu tridaśānāṃ pṛthakpṛthak

Sanskrit only: no published translation is held for this verse.

शम्भोर्हरेर्विरिञ्चस्य ग्रहाणामधिपस्य च। चण्डिकाया गणेशस्य श्रियाः सर्वदिवौकसाम्

śambhorharerviriñcasya grahāṇāmadhipasya ca| caṇḍikāyā gaṇeśasya śriyāḥ sarvadivaukasām

Sanskrit only: no published translation is held for this verse.

विमानः सर्वतोभद्रो गजपृष्ठोऽथ पद्मकः। पृषभो मुक्तकोणश्च नलिनो द्रा विडस्तथा

vimānaḥ sarvatobhadro gajapṛṣṭho'tha padmakaḥ| pṛṣabho muktakoṇaśca nalino drā viḍastathā

Sanskrit only: no published translation is held for this verse.

इत्येतेऽष्टौ समुद्दिष्टाः प्रासादास्त्रिपुरद्रुहः। गरुडो वर्धमानश्च शङ्खावर्तोऽथ पुष्पकः

ityete'ṣṭau samuddiṣṭāḥ prāsādāstripuradruhaḥ| garuḍo vardhamānaśca śaṅkhāvarto'tha puṣpakaḥ

Sanskrit only: no published translation is held for this verse.

गृहरस्वस्तिकश्चैव रुचकः पुण्ड्रवर्धनः। कार्या जनार्दनस्याष्टौ प्रासादाः पुरभूषणाः

gṛharasvastikaścaiva rucakaḥ puṇḍravardhanaḥ| kāryā janārdanasyāṣṭau prāsādāḥ purabhūṣaṇāḥ

Sanskrit only: no published translation is held for this verse.

मेरुमन्दरकैलासा हंसाख्यो भद्र एव च। उत्तुङ्गो मिश्रकश्चैव तथा मालाधरोऽष्टमः

merumandarakailāsā haṃsākhyo bhadra eva ca| uttuṅgo miśrakaścaiva tathā mālādharo'ṣṭamaḥ

Sanskrit only: no published translation is held for this verse.

इत्यष्टौ ब्रह्मणः प्रोक्ताः प्रासादाः पुरमध्यगाः। गवयश्चित्रकूटश्च किरणः सर्वसुन्दरः ॥१० । श्रीवत्सः पद्मनाभश्च वैराजो वृत्त एव च। एते कार्या रवेरष्टौ प्रासादाः शुभलक्षणाः

ityaṣṭau brahmaṇaḥ proktāḥ prāsādāḥ puramadhyagāḥ| gavayaścitrakūṭaśca kiraṇaḥ sarvasundaraḥ ||10 | śrīvatsaḥ padmanābhaśca vairājo vṛtta eva ca| ete kāryā raveraṣṭau prāsādāḥ śubhalakṣaṇāḥ

Sanskrit only: no published translation is held for this verse.

नन्द्यावर्तश्चैव चलभश्चर्णदिख्यः सिंह एव च। विचित्रो योगपीठश्च घण्टानादपताकिनौ

nandyāvartaścaiva calabhaścarṇadikhyaḥ siṃha eva ca| vicitro yogapīṭhaśca ghaṇṭānādapatākinau

Sanskrit only: no published translation is held for this verse.

अष्टावेते विधातव्याश्चण्डिकायाः सुरालयाः। गुहारसलोकश्च वेणुभद्रो ऽथ कुञ्जरः

aṣṭāvete vidhātavyāścaṇḍikāyāḥ surālayāḥ| guhārasalokaśca veṇubhadro 'tha kuñjaraḥ

Sanskrit only: no published translation is held for this verse.

तथा च हर्षविजयावुदकुम्भोऽथ मोदकः। एतान् विनायकस्याष्टौ प्रासादान् कारयेच्छुभान्

tathā ca harṣavijayāvudakumbho'tha modakaḥ| etān vināyakasyāṣṭau prāsādān kārayecchubhān

Sanskrit only: no published translation is held for this verse.

महापद्म हर्म्यननलमुज्जयन्तस्तथा परः। गन्धमादनसंज्ञं च शतशृङ्गानवष्ककौ

mahāpadma harmyananalamujjayantastathā paraḥ| gandhamādanasaṃjñaṃ ca śataśṛṅgānavaṣkakau

Sanskrit only: no published translation is held for this verse.

सुविभ्रान्तो हारीत्यष्टौ लक्ष्म्याः प्रकीर्तिताः। वृत्तो वृत्तायतश्चैत्यः किङ्किणीलयनाभिधः

suvibhrānto hārītyaṣṭau lakṣmyāḥ prakīrtitāḥ| vṛtto vṛttāyataścaityaḥ kiṅkiṇīlayanābhidhaḥ

Sanskrit only: no published translation is held for this verse.

पट्टिशो विभवाख्यश्च ततश्चारागणाष्टमः। कुर्वीत सर्वदेवानां प्रासादान् वास्तुशास्त्रवित्

paṭṭiśo vibhavākhyaśca tataścārāgaṇāṣṭamaḥ| kurvīta sarvadevānāṃ prāsādān vāstuśāstravit

Sanskrit only: no published translation is held for this verse.