Library·Bhoja: Samarāṅgaṇa-sūtradhāra·65
स स्याज्ज्येष्ठोऽथ मध्यश्च कनीयानिति च त्रिधा। चत्वारिंशत्करो ज्येष्ठोऽपि मध्यः त्रिंशत्करो भवेत्
sa syājjyeṣṭho'tha madhyaśca kanīyāniti ca tridhā| catvāriṃśatkaro jyeṣṭho'pi madhyaḥ triṃśatkaro bhavet
Sanskrit only: no published translation is held for this verse.
विंशत्या च करैरेष कनीयान् समुदाहृतः। चतुरश्रीकृते क्षेत्रे विंशत्या भाजिते पदैः
viṃśatyā ca karaireṣa kanīyān samudāhṛtaḥ| caturaśrīkṛte kṣetre viṃśatyā bhājite padaiḥ
Sanskrit only: no published translation is held for this verse.
ततः कर्णद्विसूत्रेण वृत्तमत्र प्रकल्पयेत्। कार्या तैः पञ्चभिः शालापल्लवी वृत्तध्यतः
tataḥ karṇadvisūtreṇa vṛttamatra prakalpayet| kāryā taiḥ pañcabhiḥ śālāpallavī vṛttadhyataḥ
Sanskrit only: no published translation is held for this verse.
शालाविभक्तिः प्राग्वत्स्याच्छालयोरेतयोः पुनः। कोणे कोणे च षट्कर्णा --- भागायामविस्तृताः
śālāvibhaktiḥ prāgvatsyācchālayoretayoḥ punaḥ| koṇe koṇe ca ṣaṭkarṇā --- bhāgāyāmavistṛtāḥ
Sanskrit only: no published translation is held for this verse.
परिवर्तनया कार्या वृत्तान्तः सोदकान्तराः। ता तागा त्रिभागैर्विभजेद्दशभिस्ततः
parivartanayā kāryā vṛttāntaḥ sodakāntarāḥ| tā tāgā tribhāgairvibhajeddaśabhistataḥ
Sanskrit only: no published translation is held for this verse.
विमुच्य भूमिकाभागाञ्छेषं गर्भगृहादि यत्। तत्पूर्ववद्विधातव्यं तद्वच्च शिखरोच्छ्रितिः
vimucya bhūmikābhāgāñcheṣaṃ garbhagṛhādi yat| tatpūrvavadvidhātavyaṃ tadvacca śikharocchritiḥ
Sanskrit only: no published translation is held for this verse.
तामेकत्रिंशता भागैः सार्धैश्च विभजेत्पुनः। द्वितीयभूमिका कार्या पदैः पञ्चभिरुच्छ्रिता
tāmekatriṃśatā bhāgaiḥ sārdhaiśca vibhajetpunaḥ| dvitīyabhūmikā kāryā padaiḥ pañcabhirucchritā
Sanskrit only: no published translation is held for this verse.
पदपादेन हीनाः स्युः शेषा षड्भासभूमिकाः। वेदी पश्चयं कार्या पादोनमिह शिल्पिना
padapādena hīnāḥ syuḥ śeṣā ṣaḍbhāsabhūmikāḥ| vedī paścayaṃ kāryā pādonamiha śilpinā
Sanskrit only: no published translation is held for this verse.
स्तम्भकूटादि शालानां विन्यासः शूरसेनकाः। शुकनासोच्छ्रितिर्घण्टा कलशादि च पूर्ववत्
stambhakūṭādi śālānāṃ vinyāsaḥ śūrasenakāḥ| śukanāsocchritirghaṇṭā kalaśādi ca pūrvavat
Sanskrit only: no published translation is held for this verse.
य इमं निरवद्याख्यं प्रासादं कारयेत्सुधीः। स प्राप्नोति परं स्थानं ब्रह्मादीनां सुदुर्लभम्
ya imaṃ niravadyākhyaṃ prāsādaṃ kārayetsudhīḥ| sa prāpnoti paraṃ sthānaṃ brahmādīnāṃ sudurlabham
Sanskrit only: no published translation is held for this verse.
निरवद्यप्रासादः ।। सर्वाङ्गसुन्दरं ब्रूमः प्रासादमथ सुन्दरम्। भुक्तिमुक्तिप्रदातारं वरवालय मण्डनम्
niravadyaprāsādaḥ || sarvāṅgasundaraṃ brūmaḥ prāsādamatha sundaram| bhuktimuktipradātāraṃ varavālaya maṇḍanam
Sanskrit only: no published translation is held for this verse.
चतुरश्रीकृते क्षेत्रे चतुर्विंशतिभाजिते। कर्णा द्विभागविस्ताराः शाला स्यात्पञ्चभागिका
caturaśrīkṛte kṣetre caturviṃśatibhājite| karṇā dvibhāgavistārāḥ śālā syātpañcabhāgikā
Sanskrit only: no published translation is held for this verse.
वृत्तान्तः पल्लवी कार्या शेषाः शालासु पूर्ववत्। त्रयस्त्रयः प्रतिरथा मध्ये स्युः कर्णशालयोः
vṛttāntaḥ pallavī kāryā śeṣāḥ śālāsu pūrvavat| trayastrayaḥ pratirathā madhye syuḥ karṇaśālayoḥ
Sanskrit only: no published translation is held for this verse.
परिवृत्यं वृत्तमध्ये द्विभागायामविस्तृताः। शालाकर्णप्रतिरथप्रान्तेषु स्याज्जलान्तरे
parivṛtyaṃ vṛttamadhye dvibhāgāyāmavistṛtāḥ| śālākarṇapratirathaprānteṣu syājjalāntare
Sanskrit only: no published translation is held for this verse.
त्रिचतुर्विंशतिर्भागा व् इभाज्याः शिल्पिभिः पुनः। विधेयं गर्भभित्त्यादि प्राग्वत्स्याच्च वरण्डिका
tricaturviṃśatirbhāgā v ibhājyāḥ śilpibhiḥ punaḥ| vidheyaṃ garbhabhittyādi prāgvatsyācca varaṇḍikā
Sanskrit only: no published translation is held for this verse.
जङ्घादिभूमिकोच्छ्रायः प्राग्वद्वा शिखरोच्छ्रितिः। तं पञ्चत्रिंशता भागैर्विभजेच्छ्रिखरोच्छ्रयम्
jaṅghādibhūmikocchrāyaḥ prāgvadvā śikharocchritiḥ| taṃ pañcatriṃśatā bhāgairvibhajecchrikharocchrayam
Sanskrit only: no published translation is held for this verse.
द्वितीया भूमिका चास्य कार्या पञ्चपदोच्छ्रिता। पदपादविहीनाः स्युः शेषाः सप्तास्य भूमिकाः
dvitīyā bhūmikā cāsya kāryā pañcapadocchritā| padapādavihīnāḥ syuḥ śeṣāḥ saptāsya bhūmikāḥ
Sanskrit only: no published translation is held for this verse.
द्विभागो वेदिकोच्छ्रायो भूमिकानां प्रवेशनम्। रेखावशेन कर्तव्यं शेषमेतस्य यत्पुनः
dvibhāgo vedikocchrāyo bhūmikānāṃ praveśanam| rekhāvaśena kartavyaṃ śeṣametasya yatpunaḥ
Sanskrit only: no published translation is held for this verse.
तत्पूर्ववद्विधाटव्यं स्तम्भकूटादि तद्विदा। सर्वाङ्गसुन्दरं योऽत्र प्रासादं कारयेदमुम्
tatpūrvavadvidhāṭavyaṃ stambhakūṭādi tadvidā| sarvāṅgasundaraṃ yo'tra prāsādaṃ kārayedamum
Sanskrit only: no published translation is held for this verse.
स स्वर्गसुन्दरीभोगानाप्नोति विपुलान् दिवि। सर्वाङ्गसुन्दरः प्रासादः ।। अथाष्टशालान्वक्ष्यामो --- भूमिजातिषु
sa svargasundarībhogānāpnoti vipulān divi| sarvāṅgasundaraḥ prāsādaḥ || athāṣṭaśālānvakṣyāmo --- bhūmijātiṣu
Sanskrit only: no published translation is held for this verse.
तेष्वाद्यः स्वस्तिकोऽन्यश्च वज्रस्वरितकसंज्ञितः। तृतीयो हर्म्यतलकश्चतुर्थ उदयाचलः
teṣvādyaḥ svastiko'nyaśca vajrasvaritakasaṃjñitaḥ| tṛtīyo harmyatalakaścaturtha udayācalaḥ
Sanskrit only: no published translation is held for this verse.
गन्धमादनसंज्ञश्च पञ्चमः परिकीर्तितः। अथाभिधीयते तेषु --- स्वलक्षणः
gandhamādanasaṃjñaśca pañcamaḥ parikīrtitaḥ| athābhidhīyate teṣu --- svalakṣaṇaḥ
Sanskrit only: no published translation is held for this verse.
चतुरश्रीकृते क्षेत्रे विस्तारायामतः समे। कर्णार्धसूत्रपातेन वृत्तमस्य समं लिखेत्
caturaśrīkṛte kṣetre vistārāyāmataḥ same| karṇārdhasūtrapātena vṛttamasya samaṃ likhet
Sanskrit only: no published translation is held for this verse.
वर्तुलं भाजयेत्क्षेत्रं षड्गुणैरष्टभिः पदैः। अष्टौ शाला विधातव्या विस्तारेण चतुष्पदाः
vartulaṃ bhājayetkṣetraṃ ṣaḍguṇairaṣṭabhiḥ padaiḥ| aṣṭau śālā vidhātavyā vistāreṇa catuṣpadāḥ
Sanskrit only: no published translation is held for this verse.
पल्लवी वृत्तसूत्रेण ---। --- कर्णिका ज्ञेया मानमूर्ध्वमथोच्यते
pallavī vṛttasūtreṇa ---| --- karṇikā jñeyā mānamūrdhvamathocyate
Sanskrit only: no published translation is held for this verse.
वेदिबन्धो विधातव्यो भागद्वितयमुच्छ्रितः। तं भजेत्पञ्चभिर्भागैः --- तत्र कुम्भकः
vedibandho vidhātavyo bhāgadvitayamucchritaḥ| taṃ bhajetpañcabhirbhāgaiḥ --- tatra kumbhakaḥ
Sanskrit only: no published translation is held for this verse.
पादयुक्तेन भागेन कर्तव्यस्तु मसूरकः। अर्धांशेनोत्तरं पत्रं कपोताली ततो भवेत्
pādayuktena bhāgena kartavyastu masūrakaḥ| ardhāṃśenottaraṃ patraṃ kapotālī tato bhavet
Sanskrit only: no published translation is held for this verse.
सपादेनास्य भागेन जङ्घां भागचतुष्टयात्। तलकुम्भोच्छालकाभ्यां संयुक्ता शुभलक्षणा
sapādenāsya bhāgena jaṅghāṃ bhāgacatuṣṭayāt| talakumbhocchālakābhyāṃ saṃyuktā śubhalakṣaṇā
Sanskrit only: no published translation is held for this verse.
भागद्वितयमाद्य भूः कर्तव्या सवरण्डिक। व्यासं दशपदं कृत्वा तैर्द्वादशभिरुच्छ्रितिः
bhāgadvitayamādya bhūḥ kartavyā savaraṇḍika| vyāsaṃ daśapadaṃ kṛtvā tairdvādaśabhirucchritiḥ
Sanskrit only: no published translation is held for this verse.
स्कन्धश्च षट्पदस्तत्र विधातव्यो विजानता। षड्गुणेनैव सूत्रेण वेणुकोशं समालिखेत्
skandhaśca ṣaṭpadastatra vidhātavyo vijānatā| ṣaḍguṇenaiva sūtreṇa veṇukośaṃ samālikhet
Sanskrit only: no published translation is held for this verse.
द्वादशांशो य उत्सेधो भागानां सम ---। तं कृत्वा पञ्चभिर्भागैस्ते द्विस्तैर्द्वितीया भवेन्मही
dvādaśāṃśo ya utsedho bhāgānāṃ sama ---| taṃ kṛtvā pañcabhirbhāgaiste dvistairdvitīyā bhavenmahī
Sanskrit only: no published translation is held for this verse.
पदपादोच्छ्रिताः कार्यास्ततस्तिस्रोऽपरा भुवः। गर्भा गर्भं विधातव्यं भूमिकानां प्रवेशनम्
padapādocchritāḥ kāryāstatastisro'parā bhuvaḥ| garbhā garbhaṃ vidhātavyaṃ bhūmikānāṃ praveśanam
Sanskrit only: no published translation is held for this verse.
वेदिका च ततः कार्या सार्धभागसमुच्छिता। पादोनद्विपदा घण्टा विभजेत्तां त्रिभिः पदैः
vedikā ca tataḥ kāryā sārdhabhāgasamucchitā| pādonadvipadā ghaṇṭā vibhajettāṃ tribhiḥ padaiḥ
Sanskrit only: no published translation is held for this verse.
पदं स्यात्कण्ठकोत्सेधो ग्रीवा भागसमुच्छ्रिता। अण्डकं भागिकं तस्यां कर्तव्यं सुमनोरमम्
padaṃ syātkaṇṭhakotsedho grīvā bhāgasamucchritā| aṇḍakaṃ bhāgikaṃ tasyāṃ kartavyaṃ sumanoramam
Sanskrit only: no published translation is held for this verse.
कर्परं सार्धभागेन कुर्यात्सामलसारकम्। सीस्तन चाभागायाः सार्धभागचतुष्टयात्
karparaṃ sārdhabhāgena kuryātsāmalasārakam| sīstana cābhāgāyāḥ sārdhabhāgacatuṣṭayāt
Sanskrit only: no published translation is held for this verse.
घण्टाया विस्तरः कार्यस्तं भजेत्षड्भिरंशकैः। चतुर्भिः कन्दविस्तारात् ---
ghaṇṭāyā vistaraḥ kāryastaṃ bhajetṣaḍbhiraṃśakaiḥ| caturbhiḥ kandavistārāt ---
Sanskrit only: no published translation is held for this verse.
सार्धभागः समुत्सेधः कलशस्य तदर्धतः। शिखरस्य त्रिभागेन शुकनासा विधीयते
sārdhabhāgaḥ samutsedhaḥ kalaśasya tadardhataḥ| śikharasya tribhāgena śukanāsā vidhīyate
Sanskrit only: no published translation is held for this verse.
विस्ताराद् गर्भमानेन हीना वाष्टांशतो भवेत्। विस्ताराथ सपादेन शूरसेनस्तदूर्ध्वतः
vistārād garbhamānena hīnā vāṣṭāṃśato bhavet| vistārātha sapādena śūrasenastadūrdhvataḥ
Sanskrit only: no published translation is held for this verse.
द्वितीयभूमिकातुल्य आद्यभूमेः स ऊर्ध्वतः। शालाविस्तारतुल्यास्तु शूरसेनास्त्रयो मताः
dvitīyabhūmikātulya ādyabhūmeḥ sa ūrdhvataḥ| śālāvistāratulyāstu śūrasenāstrayo matāḥ
Sanskrit only: no published translation is held for this verse.
शाला नागरिकाश्चाष्टौ ग्राहग्रासविराजिताः। य इमं कारयेद्धन्यः प्रासादं स्वस्तिकं शुभम्
śālā nāgarikāścāṣṭau grāhagrāsavirājitāḥ| ya imaṃ kārayeddhanyaḥ prāsādaṃ svastikaṃ śubham
Sanskrit only: no published translation is held for this verse.
तस्यानुजन्म शातानां स्वस्तिश्रीभाजनं भवेत्। स्वस्तिकप्रासादः ।। अतः परं प्रवक्ष्यामो वज्रस्वस्तिकसंज्ञितम्
tasyānujanma śātānāṃ svastiśrībhājanaṃ bhavet| svastikaprāsādaḥ || ataḥ paraṃ pravakṣyāmo vajrasvastikasaṃjñitam
Sanskrit only: no published translation is held for this verse.
प्रासादं लक्षणोपेतं शक्रादिसुरवल्लभम्। पूर्वोक्तलक्षणोपेते स्वस्तिके दवमध्यदे
prāsādaṃ lakṣaṇopetaṃ śakrādisuravallabham| pūrvoktalakṣaṇopete svastike davamadhyade
Sanskrit only: no published translation is held for this verse.
भद्रे शृङ्गं प्रदातव्यं तीक्ष्णाग्रं सुमनोरमम्। पुरस्तान्मण्डपं कुर्यात्सर्वलक्षणसंयुतम्
bhadre śṛṅgaṃ pradātavyaṃ tīkṣṇāgraṃ sumanoramam| purastānmaṇḍapaṃ kuryātsarvalakṣaṇasaṃyutam
Sanskrit only: no published translation is held for this verse.
इत्येष कथितः सम्यग्वज्रस्वस्तिकसंज्ञितः। य इमं कारयेद्धन्यः प्रासादं सर्वकामदम्
ityeṣa kathitaḥ samyagvajrasvastikasaṃjñitaḥ| ya imaṃ kārayeddhanyaḥ prāsādaṃ sarvakāmadam
Sanskrit only: no published translation is held for this verse.
स स्याद्भोग्यः सुरस्त्रीणामैन्द्रं च पदमश्नुते। वज्रस्वस्तिकप्रासादः ।। अथ हर्म्यतलं ब्रूमः प्रासादं मण्डनं भुवः
sa syādbhogyaḥ surastrīṇāmaindraṃ ca padamaśnute| vajrasvastikaprāsādaḥ || atha harmyatalaṃ brūmaḥ prāsādaṃ maṇḍanaṃ bhuvaḥ
Sanskrit only: no published translation is held for this verse.
चतुरश्रीकृते क्षेत्रे विस्तारायामतः समे। कर्णार्धसूत्रपातेन तस्मिन् वृत्तं समालिखेत्
caturaśrīkṛte kṣetre vistārāyāmataḥ same| karṇārdhasūtrapātena tasmin vṛttaṃ samālikhet
Sanskrit only: no published translation is held for this verse.
तद्वृत्तं विभजेत्क्षेत्रं चतुःषष्ट्या पदैस्ततः। कर्तव्या विस्तरेणास्मिन्नष्टौ शालाश्चतुष्पदाः
tadvṛttaṃ vibhajetkṣetraṃ catuḥṣaṣṭyā padaistataḥ| kartavyā vistareṇāsminnaṣṭau śālāścatuṣpadāḥ
Sanskrit only: no published translation is held for this verse.
पल्लवी वृत्तसूत्रेण बाह्यतो भद्र कर्णिके। कर्णौ द्वौ द्वौ विधातव्यौ शालाद्वितयमध्यतः
pallavī vṛttasūtreṇa bāhyato bhadra karṇike| karṇau dvau dvau vidhātavyau śālādvitayamadhyataḥ
Sanskrit only: no published translation is held for this verse.
विभागायामविस्तारौ सलिलान्तरभूषितौ। परिवर्तनतोऽन्योन्यं कोणान् कुर्वीत षोडश
vibhāgāyāmavistārau salilāntarabhūṣitau| parivartanato'nyonyaṃ koṇān kurvīta ṣoḍaśa
Sanskrit only: no published translation is held for this verse.
अष्टास्वपि च दिक्ष्वेवं माना कर्मभिरन्विता। गर्भो भित्तिश्च वेदी च जङ्घाप्रथमभूमिकाः
aṣṭāsvapi ca dikṣvevaṃ mānā karmabhiranvitā| garbho bhittiśca vedī ca jaṅghāprathamabhūmikāḥ
Sanskrit only: no published translation is held for this verse.
कर्तव्याः पूर्वमानेन स्वस्तिकोक्तेन तद्विदा। द्वादशांशो य उत्सेधो विंशत्या तत्र भाजितः
kartavyāḥ pūrvamānena svastikoktena tadvidā| dvādaśāṃśo ya utsedho viṃśatyā tatra bhājitaḥ
Sanskrit only: no published translation is held for this verse.
सोऽत्राष्टाविंशतिविधः कर्तव्य सूत्र भूमिका। द्वितीया पञ्चभिर्भागैः पदपादोज्झिताः पृथक्
so'trāṣṭāviṃśatividhaḥ kartavya sūtra bhūmikā| dvitīyā pañcabhirbhāgaiḥ padapādojjhitāḥ pṛthak
Sanskrit only: no published translation is held for this verse.
अन्याः स्युर्भूमयः पञ्च वेदी व्यंद्भिः द्विभागिकाः। चतस्रो मञ्जरीः कुर्यान्नागरैः कर्मर्यिउ!ताः
anyāḥ syurbhūmayaḥ pañca vedī vyaṃdbhiḥ dvibhāgikāḥ| catasro mañjarīḥ kuryānnāgaraiḥ karmaryiu!tāḥ
Sanskrit only: no published translation is held for this verse.
चतस्रः पुनरन्याश्च युक्ता द्र विडकर्मभिः। घण्टा स्कन्धस्य विस्तारो वेदिकाकलशोच्छ्रयौ
catasraḥ punaranyāśca yuktā dra viḍakarmabhiḥ| ghaṇṭā skandhasya vistāro vedikākalaśocchrayau
Sanskrit only: no published translation is held for this verse.
शूरसेनः शुकाघ्रा च स्तम्भिकाकूटभक्तयः। रेखाश्च पूर्ववत्कार्याः प्रासादस्यास्य जानता
śūrasenaḥ śukāghrā ca stambhikākūṭabhaktayaḥ| rekhāśca pūrvavatkāryāḥ prāsādasyāsya jānatā
Sanskrit only: no published translation is held for this verse.
प्रासादस्यास्य कर्ता यस्तथा कारयिता च यः। प्राप्नुतामिव लोकं तौ नित्यानन्दसुखोदयम्
prāsādasyāsya kartā yastathā kārayitā ca yaḥ| prāpnutāmiva lokaṃ tau nityānandasukhodayam
Sanskrit only: no published translation is held for this verse.
हर्म्यतलकप्रासादः ।। अथातः सम्प्रवक्ष्यामि प्रासादमुदयाचलम्। चतुरश्रीकृते क्षेत्रे भुजाकर्णसमे शुभे
harmyatalakaprāsādaḥ || athātaḥ sampravakṣyāmi prāsādamudayācalam| caturaśrīkṛte kṣetre bhujākarṇasame śubhe
Sanskrit only: no published translation is held for this verse.
ततः कर्णार्धसूत्रेण तस्मिन् वृत्तं समालिखेत्। वर्तुलं कारयेत्क्षेत्रमशीतिपदभाजितम्
tataḥ karṇārdhasūtreṇa tasmin vṛttaṃ samālikhet| vartulaṃ kārayetkṣetramaśītipadabhājitam
Sanskrit only: no published translation is held for this verse.
शालाश्चाष्टौ विधातव्याः पूर्वदिक्षु चतुष्पदाः। पल्लवी वृत्तसूत्रेण बाह्यतो भद्र कर्णिके
śālāścāṣṭau vidhātavyāḥ pūrvadikṣu catuṣpadāḥ| pallavī vṛttasūtreṇa bāhyato bhadra karṇike
Sanskrit only: no published translation is held for this verse.
कुर्याच्छालाद्वयस्यान्तः कोणानां च त्रयं त्रयम्। द्विभागायामविस्तारसलिलान्तरभूषिताः
kuryācchālādvayasyāntaḥ koṇānāṃ ca trayaṃ trayam| dvibhāgāyāmavistārasalilāntarabhūṣitāḥ
Sanskrit only: no published translation is held for this verse.
एवं कोणा विधातव्या विंशतिश्चतुरुत्तरा। परिवर्तनमन्योन्यमेषां कुर्याद्यथाक्रमम्
evaṃ koṇā vidhātavyā viṃśatiścaturuttarā| parivartanamanyonyameṣāṃ kuryādyathākramam
Sanskrit only: no published translation is held for this verse.
एतत्सामप्रमाणेन गर्भं भित्तिं च वेदिकाम्। जङ्घां च भूमिशिखरं पूर्ववत्परिकल्पयेत्
etatsāmapramāṇena garbhaṃ bhittiṃ ca vedikām| jaṅghāṃ ca bhūmiśikharaṃ pūrvavatparikalpayet
Sanskrit only: no published translation is held for this verse.
अष्टौ च मञ्जरीः कुर्याद्युक्ता नागरकर्मणा। रुद्रे श्वरसमायुक्ता नीरधारोपशोभिताः
aṣṭau ca mañjarīḥ kuryādyuktā nāgarakarmaṇā| rudre śvarasamāyuktā nīradhāropaśobhitāḥ
Sanskrit only: no published translation is held for this verse.
घण्टाकूटाश्च रेखा च स्तम्भिकाः शूरसेनकः। शुकाघ्रास्कन्धविस्तारकलशेन समन्वित
ghaṇṭākūṭāśca rekhā ca stambhikāḥ śūrasenakaḥ| śukāghrāskandhavistārakalaśena samanvita
Sanskrit only: no published translation is held for this verse.
स्वस्तिकोक्तविधानेन विदध्यादुदयाचलम्। द्वादशांशो य उत्सेधो विंशत्या तत्र भाजितः
svastikoktavidhānena vidadhyādudayācalam| dvādaśāṃśo ya utsedho viṃśatyā tatra bhājitaḥ
Sanskrit only: no published translation is held for this verse.
स्यात्पञ्चत्रिंशता भाज्यो --- तत्र भूमिका। पञ्चभागोच्छ्रिता कार्या ततोऽन्याः सप्त भूमयः
syātpañcatriṃśatā bhājyo --- tatra bhūmikā| pañcabhāgocchritā kāryā tato'nyāḥ sapta bhūmayaḥ
Sanskrit only: no published translation is held for this verse.
पदपादोच्छ्रिता भागद्वयो यो तु वेदिका। --- सर्वलक्षणसंयुता
padapādocchritā bhāgadvayo yo tu vedikā| --- sarvalakṣaṇasaṃyutā
Sanskrit only: no published translation is held for this verse.
प्रासादं यस्त्विमं सम्यग्भक्तिमान् कारयेन्नरः। शाश्वतं पदमाप्नोति स दुष्प्रापं सुरैरपि
prāsādaṃ yastvimaṃ samyagbhaktimān kārayennaraḥ| śāśvataṃ padamāpnoti sa duṣprāpaṃ surairapi
Sanskrit only: no published translation is held for this verse.
उदयाचलप्रासादः ।। इदानीं प्रक्रमायातः कथ्यते गन्धमादनः। स्वलक्षणप्रमाणाढ्यक्षितिस्मिन्नुदयाचले
udayācalaprāsādaḥ || idānīṃ prakramāyātaḥ kathyate gandhamādanaḥ| svalakṣaṇapramāṇāḍhyakṣitisminnudayācale
Sanskrit only: no published translation is held for this verse.
कुर्वीत मञ्जरीरष्टौ युक्ता द्रा विडकर्मभिः। कूटाश्च मणिकाः कार्या नानाकर्मभिरन्विताः
kurvīta mañjarīraṣṭau yuktā drā viḍakarmabhiḥ| kūṭāśca maṇikāḥ kāryā nānākarmabhiranvitāḥ
Sanskrit only: no published translation is held for this verse.
स्थानेषु शूरशेना --- पुरोरेखात्रयं भवेत्। शुकनासां च घण्टां च स्कन्धं शिखरमेव च
sthāneṣu śūraśenā --- purorekhātrayaṃ bhavet| śukanāsāṃ ca ghaṇṭāṃ ca skandhaṃ śikharameva ca
Sanskrit only: no published translation is held for this verse.
कूटा --- स्तम्भिका कुम्भं पूर्ववत् परिकल्पयेत्। य इमं कारयेद्धन्यः प्रासादं मण्डनं भुवः
kūṭā --- stambhikā kumbhaṃ pūrvavat parikalpayet| ya imaṃ kārayeddhanyaḥ prāsādaṃ maṇḍanaṃ bhuvaḥ
Sanskrit only: no published translation is held for this verse.
विद्याधराधिपः श्रीमान्स भवेन्नात्र संशयः। भुङ्क्ते च विविधान् भोगान् सुरस्त्रीभिश्च सेव्यते
vidyādharādhipaḥ śrīmānsa bhavennātra saṃśayaḥ| bhuṅkte ca vividhān bhogān surastrībhiśca sevyate
Sanskrit only: no published translation is held for this verse.
गन्धमादनप्रासादः ।। उदयस्य विभेदेन रेखा याः पञ्चविंशतिः। लतिनागरभौमानां ताः कथ्यन्ते यथागमम्
gandhamādanaprāsādaḥ || udayasya vibhedena rekhā yāḥ pañcaviṃśatiḥ| latināgarabhaumānāṃ tāḥ kathyante yathāgamam
Sanskrit only: no published translation is held for this verse.
लतिनां स्याद्वारंगतो नागराणां तु कूटकः। भूमिजानां विधातव्या माथायाः पुरतो भुवः
latināṃ syādvāraṃgato nāgarāṇāṃ tu kūṭakaḥ| bhūmijānāṃ vidhātavyā māthāyāḥ purato bhuvaḥ
Sanskrit only: no published translation is held for this verse.
शिखरं व्यासकर्णाभ्यां तुल्यं स्यादधमोत्तमम्। भाजनीयचतुर्युक्तविंशस्यादनन्तरम्
śikharaṃ vyāsakarṇābhyāṃ tulyaṃ syādadhamottamam| bhājanīyacaturyuktaviṃśasyādanantaram
Sanskrit only: no published translation is held for this verse.
--- भागरेखास्तावत्य ईरिताः। संख्या सा शोभना भद्रा सुरूपा सुमनोरमा
--- bhāgarekhāstāvatya īritāḥ| saṃkhyā sā śobhanā bhadrā surūpā sumanoramā
Sanskrit only: no published translation is held for this verse.
शुभा चैव तथा शान्ता कावेरी च सरस्वती। लोका च करवीरा च कुमुदा पद्मिनी तथा
śubhā caiva tathā śāntā kāverī ca sarasvatī| lokā ca karavīrā ca kumudā padminī tathā
Sanskrit only: no published translation is held for this verse.
कनका विकटा देवरम्या च रमणी तथा। वसुन्धरा तथा हंसी विशाखा नन्दिनीति च
kanakā vikaṭā devaramyā ca ramaṇī tathā| vasundharā tathā haṃsī viśākhā nandinīti ca
Sanskrit only: no published translation is held for this verse.
जया च विजया चैव सुमुखा च प्रियानता। इत्येताः कीर्तिता रेखाः --- या पञ्चविंशतिः
jayā ca vijayā caiva sumukhā ca priyānatā| ityetāḥ kīrtitā rekhāḥ --- yā pañcaviṃśatiḥ
Sanskrit only: no published translation is held for this verse.
रेखा एताः ।। एताः शुभफलाः सर्वाः कर्तुः कारयितुस्तथा। चतुरश्रचतुष्कमेवमुक्तं वृत्ताः सप्त च भूमिजा इमे
rekhā etāḥ || etāḥ śubhaphalāḥ sarvāḥ kartuḥ kārayitustathā| caturaśracatuṣkamevamuktaṃ vṛttāḥ sapta ca bhūmijā ime
Sanskrit only: no published translation is held for this verse.