Bhoja: Samarāṅgaṇa-sūtradhāra 74

अथात्र प्रक्रमायाता कथ्यतेऽण्डकवर्तना। कायप्रमाणामपि च जातिभावादिसंश्रयम्

athātra prakramāyātā kathyate'ṇḍakavartanā| kāyapramāṇāmapi ca jātibhāvādisaṃśrayam

Sanskrit only: no published translation is held for this verse.

अथ मधोतिरालिख्य तोरका सन्निवेशयेत्। तारका त्रयमालेख्य तत्राननसमायति

atha madhotirālikhya torakā sanniveśayet| tārakā trayamālekhya tatrānanasamāyati

Sanskrit only: no published translation is held for this verse.

तावत्प्रमाणमायामं गोलकस्योत्तमं विदुः। तेन गोलकत्वेन मानोन्माने तु कारयेत्

tāvatpramāṇamāyāmaṃ golakasyottamaṃ viduḥ| tena golakatvena mānonmāne tu kārayet

Sanskrit only: no published translation is held for this verse.

मुखाण्डकस्य विस्तारो लेपषट्केन सम्मितः। द्विदैर्घ्यं तु गोलकाः सप्त वापीसंस्थानमेव च

mukhāṇḍakasya vistāro lepaṣaṭkena sammitaḥ| dvidairghyaṃ tu golakāḥ sapta vāpīsaṃsthānameva ca

Sanskrit only: no published translation is held for this verse.

मुखाण्डकमिदं श्रेष्ठं कर्तव्यं चित्रकर्मणि। त्रिकोटि वृत्तिमालेख्यं वृत्ताण्डकमिति क्रमात्

mukhāṇḍakamidaṃ śreṣṭhaṃ kartavyaṃ citrakarmaṇi| trikoṭi vṛttimālekhyaṃ vṛttāṇḍakamiti kramāt

Sanskrit only: no published translation is held for this verse.

भावाण्डकान्यथ ब्रूमः सोहस्याभिप्रस्तवेडकम्। गोलार्धाभ्यधिकं कार्यं पूर्वेस्तोत्तद्विचक्षणैः

bhāvāṇḍakānyatha brūmaḥ sohasyābhiprastaveḍakam| golārdhābhyadhikaṃ kāryaṃ pūrvestottadvicakṣaṇaiḥ

Sanskrit only: no published translation is held for this verse.

अर्धगोलकमायामादलसाण्डकमुच्यते। नवगोलकदैर्घ्यं तदद्वहासमुखं भवेत्

ardhagolakamāyāmādalasāṇḍakamucyate| navagolakadairghyaṃ tadadvahāsamukhaṃ bhavet

Sanskrit only: no published translation is held for this verse.

पुंसां षडादात्तं मानं विस्तारात्पञ्चगोलकम्। वनिताण्डकमालेख्यं नालिकेरफलोपमम्

puṃsāṃ ṣaḍādāttaṃ mānaṃ vistārātpañcagolakam| vanitāṇḍakamālekhyaṃ nālikeraphalopamam

Sanskrit only: no published translation is held for this verse.

चतुर्गोलकविस्तीर्णमायतं पञ्चगोलकान्। शिशूनामण्डकं तावत्कर्तव्यं चित्रकर्मणि

caturgolakavistīrṇamāyataṃ pañcagolakān| śiśūnāmaṇḍakaṃ tāvatkartavyaṃ citrakarmaṇi

Sanskrit only: no published translation is held for this verse.

हास्योभिः प्रस्रवेत् तस्य गोलकार्धान् विशेषयेत्। आलस्याण्डकमप्येवं रोदनं तद्वदेव तु

hāsyobhiḥ prasravet tasya golakārdhān viśeṣayet| ālasyāṇḍakamapyevaṃ rodanaṃ tadvadeva tu

Sanskrit only: no published translation is held for this verse.

षड्गोलकप्रविस्तारमायतं सप्तगोलकम्। राक्षसस्याण्डकं कुर्याच्चन्द्र मण्डलसन्निभम्

ṣaḍgolakapravistāramāyataṃ saptagolakam| rākṣasasyāṇḍakaṃ kuryāccandra maṇḍalasannibham

Sanskrit only: no published translation is held for this verse.

हास्योभिप्रस्तवे तस्य गोलकार्धान् विशेषयेत्। देवाण्डकं प्रमाणेन तदालस्येऽत्र कीर्तितः

hāsyobhiprastave tasya golakārdhān viśeṣayet| devāṇḍakaṃ pramāṇena tadālasye'tra kīrtitaḥ

Sanskrit only: no published translation is held for this verse.

षड्गोलकप्रविस्तारं गोलकाष्टकमायतम्। वृत्तां या समालेख्यं दिव्याण्डकमिति स्मृतम्

ṣaḍgolakapravistāraṃ golakāṣṭakamāyatam| vṛttāṃ yā samālekhyaṃ divyāṇḍakamiti smṛtam

Sanskrit only: no published translation is held for this verse.

अथाभिधीयते दिव्यमानुषाण्डक लक्षणम्। गोलकार्धाधिकं भे तच्च कार्यं मानुषमानतः

athābhidhīyate divyamānuṣāṇḍaka lakṣaṇam| golakārdhādhikaṃ bhe tacca kāryaṃ mānuṣamānataḥ

Sanskrit only: no published translation is held for this verse.

पश्चगोलकविस्तीर्णं षड्गोलसेकमायुतम्। मुखाण्डं मानुषं कृत्वा केत्तरस्य विधीयते

paścagolakavistīrṇaṃ ṣaḍgolasekamāyutam| mukhāṇḍaṃ mānuṣaṃ kṛtvā kettarasya vidhīyate

Sanskrit only: no published translation is held for this verse.

शिशुकाण्डकमानेन प्रमथानां मुखाण्डकम्। राक्षसाण्डकमानेन यातुधानाण्डकं भवेत्

śiśukāṇḍakamānena pramathānāṃ mukhāṇḍakam| rākṣasāṇḍakamānena yātudhānāṇḍakaṃ bhavet

Sanskrit only: no published translation is held for this verse.

दानवस्याण्डकं कुर्याद्देवानां वदनोपमम्। गन्धर्वनागयक्षाणां तद्वदेवाण्डकं भवेत्

dānavasyāṇḍakaṃ kuryāddevānāṃ vadanopamam| gandharvanāgayakṣāṇāṃ tadvadevāṇḍakaṃ bhavet

Sanskrit only: no published translation is held for this verse.

विद्याधराणां विज्ञेयं दिव्यमानुषमण्डकम्। बुध्यन्ते केऽपि शास्त्रार्थं केचित्कर्माणि कुर्वते

vidyādharāṇāṃ vijñeyaṃ divyamānuṣamaṇḍakam| budhyante ke'pi śāstrārthaṃ kecitkarmāṇi kurvate

Sanskrit only: no published translation is held for this verse.

करामलकवत्यास्यं पर द्वयमप्यदः। न वेत्ति शास्त्रवित्कर्म न शास्त्रमपि कर्मवित्। यो वेत्ति द्वयमप्येतत्स हि चित्रकरो वरः

karāmalakavatyāsyaṃ para dvayamapyadaḥ| na vetti śāstravitkarma na śāstramapi karmavit| yo vetti dvayamapyetatsa hi citrakaro varaḥ

Sanskrit only: no published translation is held for this verse.