Jiva Gosvamin: Samkalpakalpadruma 6

वशम् अकृत गुण-क्रियाङ्ग-भाव-प्रभृतिभिर् अत्र च पश्य चित्त चित्रम् । वहति पतिर् अधीन-भर्तृकाज्ञां रचयति कर्म विनापि तां स तस्याः

vaśam akṛta guṇa-kriyāṅga-bhāva-prabhṛtibhir atra ca paśya citta citram | vahati patir adhīna-bhartṛkājñāṃ racayati karma vināpi tāṃ sa tasyāḥ

Sanskrit only: no published translation is held for this verse.

हरिर् इह जनयन् वसन्त-रागं हरि-वनिता-निकरश् च सुष्ठु पुष्टम् । अभिनय-मय-नृत्य-ताल-जुष्टं व्यतिवशितः स्व-वशीचकार विश्वम्

harir iha janayan vasanta-rāgaṃ hari-vanitā-nikaraś ca suṣṭhu puṣṭam | abhinaya-maya-nṛtya-tāla-juṣṭaṃ vyativaśitaḥ sva-vaśīcakāra viśvam

Sanskrit only: no published translation is held for this verse.

इति बहु-विध-खेलया रजन्याः प्रशमम् इव प्रतिपद्य नागरेन्द्रः । सुरभि-कुसुम-वृक्ष-वाटि-कान्तः क्षण-शयन-क्षणम् आप कान्तया सः

iti bahu-vidha-khelayā rajanyāḥ praśamam iva pratipadya nāgarendraḥ | surabhi-kusuma-vṛkṣa-vāṭi-kāntaḥ kṣaṇa-śayana-kṣaṇam āpa kāntayā saḥ

Sanskrit only: no published translation is held for this verse.

मणिमयवरचत्वरस्य शय्याम् अनु कुसुमानिललीलया सुसेवः । परमतमसखीभिर् अस्यमानभ्रमरततिः ससुखः सुखञ्चकार

maṇimayavaracatvarasya śayyām anu kusumānilalīlayā susevaḥ | paramatamasakhībhir asyamānabhramaratatiḥ sasukhaḥ sukhañcakāra

Sanskrit only: no published translation is held for this verse.