[४] अथ फलनिष्पत्तिः घोषे स्व-प्रेम-कोषे पितृ-मुख-सुखद-स्वीय-वृन्देन दीव्यन् कंसेन प्रेषितेभ्यस् तम् अतिभयमयं वीक्ष्य निघ्नन् मुहुस् तान् । हन्ति१ तेषाम् अपश्यन्न् अधि मधु-पुरि तं हन्तुम् अञ्चन् स-वृन्दम् हत्वा तम् घोषम् आगात् तद्-अतुल-सुख-कृद् यः सदा तम् भजामि
[4] atha phalaniṣpattiḥ ghoṣe sva-prema-koṣe pitṛ-mukha-sukhada-svīya-vṛndena dīvyan kaṃsena preṣitebhyas tam atibhayamayaṃ vīkṣya nighnan muhus tān | hanti1 teṣām apaśyann adhi madhu-puri taṃ hantum añcan sa-vṛndam hatvā tam ghoṣam āgāt tad-atula-sukha-kṛd yaḥ sadā tam bhajāmi
Sanskrit only: no published translation is held for this verse.
राधाद्याः कृष्ण-कान्ताः स्वयम् अवतरणं कृष्णवत् प्राप्य लीला- शक्त्या विस्मृत्य नित्यां स्थितिम् अपरतया ज्ञात-कृष्णास् तथापि । रागाद् अस्पष्ट-कृष्ण-श्रयण-सुख-रता प्रान्ततः कृष्णम् एव स्पष्टं जग्मुः स्व-कान्तं तम् अति-सुख-सुधा-सिन्धु-मग्नान्तराः स्मः
rādhādyāḥ kṛṣṇa-kāntāḥ svayam avataraṇaṃ kṛṣṇavat prāpya līlā- śaktyā vismṛtya nityāṃ sthitim aparatayā jñāta-kṛṣṇās tathāpi | rāgād aspaṣṭa-kṛṣṇa-śrayaṇa-sukha-ratā prāntataḥ kṛṣṇam eva spaṣṭaṃ jagmuḥ sva-kāntaṃ tam ati-sukha-sudhā-sindhu-magnāntarāḥ smaḥ
Sanskrit only: no published translation is held for this verse.
हंहो सौख्यं मुर-द्विट् कटु-कटक-घटा२-प्रेष्ठ-कंसादि-दुष्टान् हत्वा तत्-क्लिष्ट-चित्तां पितृ-मुख-जनतां निर्वृतां सुष्ठु चक्रे । किं चान्यः स्व-प्रियाणां पतिर् इति बहिर् अख्याति३-दुःखानि हृत्वा तत्-तद्-विश्लेष-पीडाच्छिद् अयम् अतिजगद-दृष्टि-गोष्ठे विभाति
haṃho saukhyaṃ mura-dviṭ kaṭu-kaṭaka-ghaṭā2-preṣṭha-kaṃsādi-duṣṭān hatvā tat-kliṣṭa-cittāṃ pitṛ-mukha-janatāṃ nirvṛtāṃ suṣṭhu cakre | kiṃ cānyaḥ sva-priyāṇāṃ patir iti bahir akhyāti3-duḥkhāni hṛtvā tat-tad-viśleṣa-pīḍācchid ayam atijagada-dṛṣṭi-goṣṭhe vibhāti
Sanskrit only: no published translation is held for this verse.
प्रातर् मातुः स-हस्ताद् अशन-सुख-कृती लब्ध-ताताद्य्-अनुज्ञः श्री-रामादि-प्रसक्तः सुरभि-गण-शतं पालयन् मोद-युक्तः । सन्ध्यायां गोप-गोपी-सुखद-गृह-गतिः सानुरागं क्षपायाम् तत्-तद्-दीव्यद्-विहारः स्फुरतु तव मनः सर्वदा कृष्ण-चन्द्रः
prātar mātuḥ sa-hastād aśana-sukha-kṛtī labdha-tātādy-anujñaḥ śrī-rāmādi-prasaktaḥ surabhi-gaṇa-śataṃ pālayan moda-yuktaḥ | sandhyāyāṃ gopa-gopī-sukhada-gṛha-gatiḥ sānurāgaṃ kṣapāyām tat-tad-dīvyad-vihāraḥ sphuratu tava manaḥ sarvadā kṛṣṇa-candraḥ
Sanskrit only: no published translation is held for this verse.
जन्माद्यं स्वीय-वृत्तं कवि-भरत-कला-चित्र-योगेन दृश्य- प्रायं तन्वन् सभायां रहसि तु दयिता पूर्व-रागाद्य्-उदन्तम् । वर्गं तत्-तन्-निसर्गं निजम् अनु विजयी सर्व-सात्-पर्व कुर्वन् दीव्य-दीव्य-श्रियाभिर् विहरण-कुतुकी नन्दतान् नन्द-सूनुः
janmādyaṃ svīya-vṛttaṃ kavi-bharata-kalā-citra-yogena dṛśya- prāyaṃ tanvan sabhāyāṃ rahasi tu dayitā pūrva-rāgādy-udantam | vargaṃ tat-tan-nisargaṃ nijam anu vijayī sarva-sāt-parva kurvan dīvya-dīvya-śriyābhir viharaṇa-kutukī nandatān nanda-sūnuḥ
Sanskrit only: no published translation is held for this verse.
यः श्री-पर्यन्त-याच्यान्वितिर् इह पशुप-श्रेणि-बन्धुर् यशोदानन्द- स्वीयाङ्ग-जातः सुबल-मुख-सखः किं च राधादि-कान्तः । स श्री-गोपाल-नामा सुरभि-कुल-महः पालयन् दिव्य-केलिर् नक्तं रासादि-लीला-ललिततम-गतिः सर्वदा स्याद् गतिर् नः
yaḥ śrī-paryanta-yācyānvitir iha paśupa-śreṇi-bandhur yaśodānanda- svīyāṅga-jātaḥ subala-mukha-sakhaḥ kiṃ ca rādhādi-kāntaḥ | sa śrī-gopāla-nāmā surabhi-kula-mahaḥ pālayan divya-kelir naktaṃ rāsādi-līlā-lalitatama-gatiḥ sarvadā syād gatir naḥ
Sanskrit only: no published translation is held for this verse.
श्रीमद्-वृन्दावनेन्दो मधुप-खग-मृगाः श्रेणि-लोका द्विजाता दासा लाल्याः सुरभ्यः सहचर-हलभृत्-तात-मात्र्-आदि-वर्गाः । प्रेयस्यस् तासु राधा-प्रमुख-वर-दृशाश् चेति वृन्दं यथोर्ध्वं तद्-रूपालोक-तृष्णक् प्रमदम् अनुदिनं हन्त पश्याम कर्हि
śrīmad-vṛndāvanendo madhupa-khaga-mṛgāḥ śreṇi-lokā dvijātā dāsā lālyāḥ surabhyaḥ sahacara-halabhṛt-tāta-mātr-ādi-vargāḥ | preyasyas tāsu rādhā-pramukha-vara-dṛśāś ceti vṛndaṃ yathordhvaṃ tad-rūpāloka-tṛṣṇak pramadam anudinaṃ hanta paśyāma karhi
Sanskrit only: no published translation is held for this verse.
शश्वद् ध्यायति दूरग-स्थिति मिथः सूक्ष्म-प्रथं चायति प्राज्यान्तर्गतम् आत्त-नर्मस् तु सखी-मध्य-स्थितं पश्यति । राधा-माधव-नाम-धेय-मिथुनं विघ्नान् अतीत्यामितान् दाम्पत्ये स्थितम् अत्र वा यदि रहः प्राप्तं तदा किं पुनः?
śaśvad dhyāyati dūraga-sthiti mithaḥ sūkṣma-prathaṃ cāyati prājyāntargatam ātta-narmas tu sakhī-madhya-sthitaṃ paśyati | rādhā-mādhava-nāma-dheya-mithunaṃ vighnān atītyāmitān dāmpatye sthitam atra vā yadi rahaḥ prāptaṃ tadā kiṃ punaḥ?
Sanskrit only: no published translation is held for this verse.
राधा-कृष्ण-युगं मुहुर् विघटनाम् उत्तीर्य दाम्पत्य-भाक् प्रत्येकान्तम् उदस्रम् एकतरग-स्वापान्तर् अन्तर् मिथः । वक्त्रं पश्यति मार्ष्टि लोचन-पुटं नासाग्रम् उद्दण्डयन् निंस्ते गण्ड-युगं हृदा हृदि मिलल् लेलीयते शर्मणि१
rādhā-kṛṣṇa-yugaṃ muhur vighaṭanām uttīrya dāmpatya-bhāk pratyekāntam udasram ekataraga-svāpāntar antar mithaḥ | vaktraṃ paśyati mārṣṭi locana-puṭaṃ nāsāgram uddaṇḍayan niṃste gaṇḍa-yugaṃ hṛdā hṛdi milal lelīyate śarmaṇi1
Sanskrit only: no published translation is held for this verse.
गौर-श्याम-रुचोज्ज्वलाभिर्२ अमलैर् अक्ष्णोर् विलासोत्सवैर् नृत्यन्तीभिर् अशेष-मादनकला वैदग्ध्य-दिग्धात्मभिः । अन्योन्य-प्रियता सुधा-परिमल-स्तोमोन्मदाभिः सदा राधा-माधव-माधुरीभिर् अमितश्३ चित्तं समाक्राम्यताम्
gaura-śyāma-rucojjvalābhir2 amalair akṣṇor vilāsotsavair nṛtyantībhir aśeṣa-mādanakalā vaidagdhya-digdhātmabhiḥ | anyonya-priyatā sudhā-parimala-stomonmadābhiḥ sadā rādhā-mādhava-mādhurībhir amitaś3 cittaṃ samākrāmyatām
Sanskrit only: no published translation is held for this verse.