एवमुक्तेन क्रमेन पञ्चविंशतितत्त्वालोचनाभ्यासादियं प्रकृतिरयं पुरुष एतानि पञ्चतन्मात्रेन्द्रियमहाभूतानीति पुरुषस्य ज्ञानमुत्पद्यते नास्ति नाहमेव भवामि न मे मम शरीरं तद्यतो ऽहमन्यः शरीरमन्यन्नाहमित्यपरिशेषमहंकाररहितमपरिशेषमविपर्ययाद्विशुद्धं विपर्ययः संशयो ऽविपर्ययादसंशयाद्विशुद्धं केवलं तदेव नान्यदस्तीति मोक्षकारणमुत्पद्यते ऽभिव्यज्यते ज्ञानं पञ्चविंशतितत्त्वज्ञानं पुरुषस्येति
evamuktena kramena pañcaviṃśatitattvālocanābhyāsādiyaṃ prakṛtirayaṃ puruṣa etāni pañcatanmātrendriyamahābhūtānīti puruṣasya jñānamutpadyate nāsti nāhameva bhavāmi na me mama śarīraṃ tadyato 'hamanyaḥ śarīramanyannāhamityapariśeṣamahaṃkārarahitamapariśeṣamaviparyayādviśuddhaṃ viparyayaḥ saṃśayo 'viparyayādasaṃśayādviśuddhaṃ kevalaṃ tadeva nānyadastīti mokṣakāraṇamutpadyate 'bhivyajyate jñānaṃ pañcaviṃśatitattvajñānaṃ puruṣasyeti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.