मधुकं पिप्पलीमूलं चित्रकः सैन्धवं वचा प्रसारिणी देवदारु रास्ना च गजपिप्पली
madhukaṃ pippalīmūlaṃ citrakaḥ saindhavaṃ vacā prasāriṇī devadāru rāsnā ca gajapippalī
Sanskrit only: no published translation is held for this verse.
Library·Śārṅgadhara-saṃhitā·2·2.9
Śārṅgadhara-saṃhitā 2.9
भल्लातः शतपुष्पा च मांसी चैभिर्विपाचयेत् एतत्तैलं वरं पक्वं वातश्लेष्मामयाञ्जयेत्
bhallātaḥ śatapuṣpā ca māṃsī caibhirvipācayet etattailaṃ varaṃ pakvaṃ vātaśleṣmāmayāñjayet
Sanskrit only: no published translation is held for this verse.
कौब्जं पङ्गुत्वखञ्जत्वे गृध्रसीमर्दितं तथा हनुपृष्ठशिरोग्रीवाकटिस्तम्भान्विनाशयेत्
kaubjaṃ paṅgutvakhañjatve gṛdhrasīmarditaṃ tathā hanupṛṣṭhaśirogrīvākaṭistambhānvināśayet
Sanskrit only: no published translation is held for this verse.
अन्यांश्च विषमान्वातान्सर्वानाशु व्यपोहति
anyāṃśca viṣamānvātānsarvānāśu vyapohati
Sanskrit only: no published translation is held for this verse.
माषा यवातसी क्षुद्रा मर्कटी च कुरण्टकः गोकण्टष्टुण्टुकश्चैषां कुर्यात्सप्तपलं पृथक्
māṣā yavātasī kṣudrā markaṭī ca kuraṇṭakaḥ gokaṇṭaṣṭuṇṭukaścaiṣāṃ kuryātsaptapalaṃ pṛthak
Sanskrit only: no published translation is held for this verse.
चतुर्गुणाम्बुना पक्त्वा पादशेषं शृतं नयेत् कर्पासास्थीनि बदरं शणबीजं कुलत्थकम्
caturguṇāmbunā paktvā pādaśeṣaṃ śṛtaṃ nayet karpāsāsthīni badaraṃ śaṇabījaṃ kulatthakam
Sanskrit only: no published translation is held for this verse.
पृथक्चतुर्दशपलं चतुर्गुणजले पचेत् चतुर्थांशावशिष्टं च गृह्णीयात्क्वाथमुत्तमम्
pṛthakcaturdaśapalaṃ caturguṇajale pacet caturthāṃśāvaśiṣṭaṃ ca gṛhṇīyātkvāthamuttamam
Sanskrit only: no published translation is held for this verse.
प्रस्थैकं छागमांसस्य चतुःषष्टिपले जले निक्षिप्य पाचयेद्धीमान्पादशेषं शृतं नयेत्
prasthaikaṃ chāgamāṃsasya catuḥṣaṣṭipale jale nikṣipya pācayeddhīmānpādaśeṣaṃ śṛtaṃ nayet
Sanskrit only: no published translation is held for this verse.
तैलप्रस्थे ततः सर्वान्क्वाथानेतान्विनिक्षिपेत् कल्कैरेभिश्च विपचेदमृताकुष्ठनागरैः
tailaprasthe tataḥ sarvānkvāthānetānvinikṣipet kalkairebhiśca vipacedamṛtākuṣṭhanāgaraiḥ
Sanskrit only: no published translation is held for this verse.
रास्नापुनर्नवैरण्डैः पिप्पल्या शतपुष्पया बलाप्रसारिणीभ्यां च मांस्या कटुकया तथा
rāsnāpunarnavairaṇḍaiḥ pippalyā śatapuṣpayā balāprasāriṇībhyāṃ ca māṃsyā kaṭukayā tathā
Sanskrit only: no published translation is held for this verse.
पृथगर्द्धपलैरेतैः साधयेन्मृदुवह्निना हन्यात्तैलमिदं शीघ्रं ग्रीवास्तम्भापबाहुकौ
pṛthagarddhapalairetaiḥ sādhayenmṛduvahninā hanyāttailamidaṃ śīghraṃ grīvāstambhāpabāhukau
Sanskrit only: no published translation is held for this verse.
अर्धाङ्गशोषमाक्षेपमूरुस्तम्भापतानकौ शाखाकम्पं शिरः कम्पं विश्वाचीमर्दितं तथा माषादिकमिदं तैलं सर्ववातविकारनुत्
ardhāṅgaśoṣamākṣepamūrustambhāpatānakau śākhākampaṃ śiraḥ kampaṃ viśvācīmarditaṃ tathā māṣādikamidaṃ tailaṃ sarvavātavikāranut
Sanskrit only: no published translation is held for this verse.
शतावरी बलायुग्मं पर्ण्यौ गन्धर्वहस्तकः अश्वगन्धा श्वदंष्ट्रश्च बिल्वः काशः कुरण्टकः
śatāvarī balāyugmaṃ parṇyau gandharvahastakaḥ aśvagandhā śvadaṃṣṭraśca bilvaḥ kāśaḥ kuraṇṭakaḥ
Sanskrit only: no published translation is held for this verse.
एषां सार्द्धपलान्भागान्कल्पयेच्च विपाचयेत् चतुर्गुणेन नीरेण पादशेषं शृतं नयेत्
eṣāṃ sārddhapalānbhāgānkalpayecca vipācayet caturguṇena nīreṇa pādaśeṣaṃ śṛtaṃ nayet
Sanskrit only: no published translation is held for this verse.
नियोज्य तैलप्रस्थे च क्षीरप्रस्थं विनिक्षिपेत् शतावरीरसप्रस्थं जलप्रस्थं च योजयेत्
niyojya tailaprasthe ca kṣīraprasthaṃ vinikṣipet śatāvarīrasaprasthaṃ jalaprasthaṃ ca yojayet
Sanskrit only: no published translation is held for this verse.
शतावरीदेवदारुमांसीतगरचन्दनम् शतपुष्पा बला कुष्ठमेला शैलेयमुत्पलम्
śatāvarīdevadārumāṃsītagaracandanam śatapuṣpā balā kuṣṭhamelā śaileyamutpalam
Sanskrit only: no published translation is held for this verse.
ऋद्धिर्मेदा च मधुकं काकोली जीवकस्तथा एषां कर्षसमैः कल्कैस्तैलं गोमयवह्निना
ṛddhirmedā ca madhukaṃ kākolī jīvakastathā eṣāṃ karṣasamaiḥ kalkaistailaṃ gomayavahninā
Sanskrit only: no published translation is held for this verse.
पचेत्तेनैव तैलेन स्त्रीषु नित्यं वृषायते नारी च लभते पुत्रं योनिशूलं च नश्यति
pacettenaiva tailena strīṣu nityaṃ vṛṣāyate nārī ca labhate putraṃ yoniśūlaṃ ca naśyati
Sanskrit only: no published translation is held for this verse.
अङ्गशूलं शिरः शूलं कामलां पाण्डुतां गरम् गृध्रसीप्लीहशोषांश्च मेहान्दण्डापतानकम्
aṅgaśūlaṃ śiraḥ śūlaṃ kāmalāṃ pāṇḍutāṃ garam gṛdhrasīplīhaśoṣāṃśca mehāndaṇḍāpatānakam
Sanskrit only: no published translation is held for this verse.
सदाहं वातरक्तं च वातपित्तगदार्दितम् असृग्दरं तथाध्मानं रक्तपित्तं च नश्यति
sadāhaṃ vātaraktaṃ ca vātapittagadārditam asṛgdaraṃ tathādhmānaṃ raktapittaṃ ca naśyati
Sanskrit only: no published translation is held for this verse.
शतावरीतैलमिदं कृष्णात्रेयेण भाषितम् ॐ नारायण्यै स्वाहा उत्तराभिमुखो भूत्वा खनेत्खदिरशङ्कुना
śatāvarītailamidaṃ kṛṣṇātreyeṇa bhāṣitam oṃ nārāyaṇyai svāhā uttarābhimukho bhūtvā khanetkhadiraśaṅkunā
Sanskrit only: no published translation is held for this verse.
ॐ सर्वव्याधिनाशिन्यै स्वाहा इत्युत्पाटनमन्त्रः ॐ कुमारजीविन्यै स्वाहा इति पानमन्त्रः
oṃ sarvavyādhināśinyai svāhā ityutpāṭanamantraḥ oṃ kumārajīvinyai svāhā iti pānamantraḥ
Sanskrit only: no published translation is held for this verse.
कासीसं लाङ्गली कुष्ठं शुण्ठी कृष्णा च सैन्धवम् मनः शिलाश्वमारश्च विडङ्गं चित्रको वृषः
kāsīsaṃ lāṅgalī kuṣṭhaṃ śuṇṭhī kṛṣṇā ca saindhavam manaḥ śilāśvamāraśca viḍaṅgaṃ citrako vṛṣaḥ
Sanskrit only: no published translation is held for this verse.
दन्ती कोशातकीबीजं हेमाह्वा हरितालकम् कल्कैः कर्षमितैरेतैस्तैलप्रस्थं विपाचयेत्
dantī kośātakībījaṃ hemāhvā haritālakam kalkaiḥ karṣamitairetaistailaprasthaṃ vipācayet
Sanskrit only: no published translation is held for this verse.
स्नुह्यर्कपयसी दद्यात्पृथग्द्विपलसंमिते चतुर्गुणं गवां मूत्रं दत्त्वा सम्यक्प्रसाधयेत्
snuhyarkapayasī dadyātpṛthagdvipalasaṃmite caturguṇaṃ gavāṃ mūtraṃ dattvā samyakprasādhayet
Sanskrit only: no published translation is held for this verse.
कथितं खरनादेन तैलमर्शोविनाशनम् क्षारवत्पातयत्येतदर्शांस्यभ्यङ्गतो भृशम् वलीर्न दूषयत्येतत्क्षारकर्मकरं स्मृतम्
kathitaṃ kharanādena tailamarśovināśanam kṣāravatpātayatyetadarśāṃsyabhyaṅgato bhṛśam valīrna dūṣayatyetatkṣārakarmakaraṃ smṛtam
Sanskrit only: no published translation is held for this verse.
मञ्जिष्ठासारिवासर्जयष्टीसिक्थैः पलोन्मितैः पिण्डाख्यं साधयेत्तैलमभ्यङ्गात् वातरक्तनुत्
mañjiṣṭhāsārivāsarjayaṣṭīsikthaiḥ palonmitaiḥ piṇḍākhyaṃ sādhayettailamabhyaṅgāt vātaraktanut
Sanskrit only: no published translation is held for this verse.
अर्कपत्ररसे पक्वं हरिद्रा कल्कसंयुतम् नाशयेत्सार्षपं तैलं पामां कच्छूं विचर्चिकाम्
arkapatrarase pakvaṃ haridrā kalkasaṃyutam nāśayetsārṣapaṃ tailaṃ pāmāṃ kacchūṃ vicarcikām
Sanskrit only: no published translation is held for this verse.
मरिचं हरितालं च त्रिवृतं रक्तचन्दनम् मुस्तं मनःशिला मांसी द्वे निशे देवदारु च
maricaṃ haritālaṃ ca trivṛtaṃ raktacandanam mustaṃ manaḥśilā māṃsī dve niśe devadāru ca
Sanskrit only: no published translation is held for this verse.
विशाला करवीरं च कुष्ठमर्कपयस्तथा तथैव गोमयरसं कुर्यात्कर्षमितान्पृथक्
viśālā karavīraṃ ca kuṣṭhamarkapayastathā tathaiva gomayarasaṃ kuryātkarṣamitānpṛthak
Sanskrit only: no published translation is held for this verse.
विषं चार्द्धपलं देयं प्रस्थं च कटुतैलकम् गोमूत्रं द्विगुणं दद्याज्जलं च द्विगुणं भवेत्
viṣaṃ cārddhapalaṃ deyaṃ prasthaṃ ca kaṭutailakam gomūtraṃ dviguṇaṃ dadyājjalaṃ ca dviguṇaṃ bhavet
Sanskrit only: no published translation is held for this verse.
मरिचाद्यमिदं तैलं सिध्मकुष्ठहरं परम् जयेत्कुष्ठानि सर्वाणि पुण्डरीकं विचर्चिकाम् पामां श्वित्राणि रक्तं च कण्डूं कच्छूं प्रणाशयेत्
maricādyamidaṃ tailaṃ sidhmakuṣṭhaharaṃ param jayetkuṣṭhāni sarvāṇi puṇḍarīkaṃ vicarcikām pāmāṃ śvitrāṇi raktaṃ ca kaṇḍūṃ kacchūṃ praṇāśayet
Sanskrit only: no published translation is held for this verse.
त्रिफलाऽरिष्टभूनिम्बं द्वे निशे रक्तचन्दनम् एतैः सिद्धमरूंषीणां तैलमभ्यज्जने हितम्
triphalā'riṣṭabhūnimbaṃ dve niśe raktacandanam etaiḥ siddhamarūṃṣīṇāṃ tailamabhyajjane hitam
Sanskrit only: no published translation is held for this verse.
भावयेन्निम्बबीजानि भृङ्गराजरसेन हि तथाऽसनस्य तोयेन तत्तैलं हन्ति नस्यतः
bhāvayennimbabījāni bhṛṅgarājarasena hi tathā'sanasya toyena tattailaṃ hanti nasyataḥ
Sanskrit only: no published translation is held for this verse.
अकालपलितं सद्यः पुंसां दुग्धान्नभोजिनाम्
akālapalitaṃ sadyaḥ puṃsāṃ dugdhānnabhojinām
Sanskrit only: no published translation is held for this verse.
यष्टीमधुकक्षाराभ्यां नवधात्रीफलैः शृतम् तैलं नस्यकृतं कुर्यात्केशाञ्श्मश्रूणि सङ्घशः
yaṣṭīmadhukakṣārābhyāṃ navadhātrīphalaiḥ śṛtam tailaṃ nasyakṛtaṃ kuryātkeśāñśmaśrūṇi saṅghaśaḥ
Sanskrit only: no published translation is held for this verse.
करञ्जश्चित्रको जाती करवीरश्च पाचितम् तैलमेभिर्द्रुतं हन्यादभ्यङ्गादिन्द्र लुप्तकम्
karañjaścitrako jātī karavīraśca pācitam tailamebhirdrutaṃ hanyādabhyaṅgādindra luptakam
Sanskrit only: no published translation is held for this verse.
नीलिका केतकीकन्दं भृङ्गराजः कुरण्टकः तथाऽजुनस्य पुष्पाणि बीजकात्कुसुमान्यपि
nīlikā ketakīkandaṃ bhṛṅgarājaḥ kuraṇṭakaḥ tathā'junasya puṣpāṇi bījakātkusumānyapi
Sanskrit only: no published translation is held for this verse.
कृष्णास्तिलाश्च तगरं समूलं कमलं तथा अयोरजः प्रियङ्गुश्च दाडिमत्वग्गुडूचिका
kṛṣṇāstilāśca tagaraṃ samūlaṃ kamalaṃ tathā ayorajaḥ priyaṅguśca dāḍimatvagguḍūcikā
Sanskrit only: no published translation is held for this verse.
त्रिफला पद्मपङ्कश्च कल्कैरेभिः पृथक्पृथक् कर्षमात्रः पचेत्तैलं त्रिफलाक्वाथसंयुतम्
triphalā padmapaṅkaśca kalkairebhiḥ pṛthakpṛthak karṣamātraḥ pacettailaṃ triphalākvāthasaṃyutam
Sanskrit only: no published translation is held for this verse.
भृङ्गराजरसेनैव सिद्धं केशस्थिरीकृतम् अकालपलितं हन्ति दारुणं चोपजिह्विकाम्
bhṛṅgarājarasenaiva siddhaṃ keśasthirīkṛtam akālapalitaṃ hanti dāruṇaṃ copajihvikām
Sanskrit only: no published translation is held for this verse.
भृङ्गराजरसेनैव लोहकिट्टं फलत्रिकम् सारिवां च पचेत्कल्कैस्तैलं दारुणनाशनम् अकालपलितं कण्डूमिन्द्र लुप्तं च नाशयेत्
bhṛṅgarājarasenaiva lohakiṭṭaṃ phalatrikam sārivāṃ ca pacetkalkaistailaṃ dāruṇanāśanam akālapalitaṃ kaṇḍūmindra luptaṃ ca nāśayet
Sanskrit only: no published translation is held for this verse.
इरिमेदाद्यं तैलं मुखदन्तरोगादौ इरिमेदत्वचं क्षुण्णां पचेच्छतपलोन्मिताम् जलद्रो णेततः क्वाथं गृह्णीयात्पादशेषितम्
irimedādyaṃ tailaṃ mukhadantarogādau irimedatvacaṃ kṣuṇṇāṃ pacecchatapalonmitām jaladro ṇetataḥ kvāthaṃ gṛhṇīyātpādaśeṣitam
Sanskrit only: no published translation is held for this verse.
तैलस्यार्द्धाढकं दत्त्वा कल्कैः कर्षमितैः पचेत् इरिमेदलवङ्गाभ्यां गैरिकागरुपद्मकैः
tailasyārddhāḍhakaṃ dattvā kalkaiḥ karṣamitaiḥ pacet irimedalavaṅgābhyāṃ gairikāgarupadmakaiḥ
Sanskrit only: no published translation is held for this verse.
मञ्जिष्ठालोध्रमधुकैर्लाक्षान्यग्रोधमुस्तकैः त्वग्जातीफलकर्पूरकङ्कोलखदिरैस्तथा
mañjiṣṭhālodhramadhukairlākṣānyagrodhamustakaiḥ tvagjātīphalakarpūrakaṅkolakhadiraistathā
Sanskrit only: no published translation is held for this verse.
पतङ्गधातकीपुष्पसूक्ष्मैलानागकेशरैः कट्फलेन च संसिद्धं तैलं मुखरुजं जयेत्
pataṅgadhātakīpuṣpasūkṣmailānāgakeśaraiḥ kaṭphalena ca saṃsiddhaṃ tailaṃ mukharujaṃ jayet
Sanskrit only: no published translation is held for this verse.
प्रदुष्टमांसं पलितं शीर्णदन्तं च सौषिरम् श्यावदन्तं प्रहर्षं च विद्र धिं कृमिदन्तकम्
praduṣṭamāṃsaṃ palitaṃ śīrṇadantaṃ ca sauṣiram śyāvadantaṃ praharṣaṃ ca vidra dhiṃ kṛmidantakam
Sanskrit only: no published translation is held for this verse.
दन्तस्फुटं च दौर्गन्ध्यं जिह्वाताल्वोष्ठजां रुजम्
dantasphuṭaṃ ca daurgandhyaṃ jihvātālvoṣṭhajāṃ rujam
Sanskrit only: no published translation is held for this verse.
जातीनिम्बपटोलानां नक्तमालस्य पल्लवाः सिक्थं समधुकं कुष्ठं द्वेनिशे कटुरोहिणी
jātīnimbapaṭolānāṃ naktamālasya pallavāḥ sikthaṃ samadhukaṃ kuṣṭhaṃ dveniśe kaṭurohiṇī
Sanskrit only: no published translation is held for this verse.
मञ्जिष्ठापद्मकं लोध्रमभया नीलमुत्पलम् तुत्थकं सारिवाबीजं नक्तमालस्य दापयेत्
mañjiṣṭhāpadmakaṃ lodhramabhayā nīlamutpalam tutthakaṃ sārivābījaṃ naktamālasya dāpayet
Sanskrit only: no published translation is held for this verse.
एतानि समभागानि पिष्ट्वा तैलं विपाचयेत् नाडीव्रणे समुत्पन्ने स्फोटके कच्छुरोगिषु
etāni samabhāgāni piṣṭvā tailaṃ vipācayet nāḍīvraṇe samutpanne sphoṭake kacchurogiṣu
Sanskrit only: no published translation is held for this verse.
सद्यः शस्त्रप्रहारेषु दग्धविद्धेषु चैव हि नखदन्तक्षते देहे व्रणे दुष्टे प्रशस्यते
sadyaḥ śastraprahāreṣu dagdhaviddheṣu caiva hi nakhadantakṣate dehe vraṇe duṣṭe praśasyate
Sanskrit only: no published translation is held for this verse.
हिङ्गुतुम्बुरुशुण्ठीभिः कटुतैलं विपाचयेत् तस्य पूरणमात्रेण कर्णशूलं प्रणश्यति
hiṅgutumburuśuṇṭhībhiḥ kaṭutailaṃ vipācayet tasya pūraṇamātreṇa karṇaśūlaṃ praṇaśyati
Sanskrit only: no published translation is held for this verse.
बालबिल्वानि गोमूत्रे पिष्ट्वा तैलं विपाचयेत् साजक्षीरं च नीरं च बाधिर्यं हन्ति पूरणात्
bālabilvāni gomūtre piṣṭvā tailaṃ vipācayet sājakṣīraṃ ca nīraṃ ca bādhiryaṃ hanti pūraṇāt
Sanskrit only: no published translation is held for this verse.
बालमूलकशिम्बीनां क्षारः क्षारयुगं तथा लवणानि च पञ्चैव हिङ्गुशिग्रु महौषधम्
bālamūlakaśimbīnāṃ kṣāraḥ kṣārayugaṃ tathā lavaṇāni ca pañcaiva hiṅguśigru mahauṣadham
Sanskrit only: no published translation is held for this verse.
देवदारु वचा कुष्ठं शतपुष्पा रसाञ्जनम् ग्रन्थिकं भद्र मुस्तं च कल्कैः कर्षमितैः पृथक्
devadāru vacā kuṣṭhaṃ śatapuṣpā rasāñjanam granthikaṃ bhadra mustaṃ ca kalkaiḥ karṣamitaiḥ pṛthak
Sanskrit only: no published translation is held for this verse.
तैलप्रस्थं च विपचेत्कदलीबीजपूरयोः रसाभ्यां मधुशुक्तेन चातुर्गुण्यमितेन च
tailaprasthaṃ ca vipacetkadalībījapūrayoḥ rasābhyāṃ madhuśuktena cāturguṇyamitena ca
Sanskrit only: no published translation is held for this verse.
पूयस्रावं कर्णनादं शूलं बधिरतां कृमीन् अन्यांश्च कर्णजान्रोगान्मुखरोगांश्च नाशयेत्
pūyasrāvaṃ karṇanādaṃ śūlaṃ badhiratāṃ kṛmīn anyāṃśca karṇajānrogānmukharogāṃśca nāśayet
Sanskrit only: no published translation is held for this verse.
जम्बीराणां फलरसः प्रस्थैकः कुडवोन्मितम् माक्षिकं तत्र दातव्यं पलैका पिप्पली स्मृता
jambīrāṇāṃ phalarasaḥ prasthaikaḥ kuḍavonmitam mākṣikaṃ tatra dātavyaṃ palaikā pippalī smṛtā
Sanskrit only: no published translation is held for this verse.
एतदेकीकृतं सर्वं मृद्भाण्डे च निधापयेत् यवाम्भो मधुसंयुक्तं शृङ्गवेरगुडान्वितम् धान्यराशौ त्रिरात्रस्थं मधुशुक्तमुदाहृतम्
etadekīkṛtaṃ sarvaṃ mṛdbhāṇḍe ca nidhāpayet yavāmbho madhusaṃyuktaṃ śṛṅgaveraguḍānvitam dhānyarāśau trirātrasthaṃ madhuśuktamudāhṛtam
Sanskrit only: no published translation is held for this verse.
पाठा द्वे च निशे मूर्वा पिप्पली जातिपल्लवैः दन्त्या च तैलं संसिद्धं नस्यं स्याद्दुष्टपीनसे
pāṭhā dve ca niśe mūrvā pippalī jātipallavaiḥ dantyā ca tailaṃ saṃsiddhaṃ nasyaṃ syādduṣṭapīnase
Sanskrit only: no published translation is held for this verse.
व्याघ्रीदन्तीवचाशिग्रुतुलसीव्योषसैन्धवैः कल्कश्च पाचनं तैलं पूतिनासागदापहम्
vyāghrīdantīvacāśigrutulasīvyoṣasaindhavaiḥ kalkaśca pācanaṃ tailaṃ pūtināsāgadāpaham
Sanskrit only: no published translation is held for this verse.
कुष्ठंबिल्वकणाशुण्ठीद्रा क्षाकल्ककषायवत् साधितं तैलमाज्यं वा नस्यात्क्षवथुनाशनम्
kuṣṭhaṃbilvakaṇāśuṇṭhīdrā kṣākalkakaṣāyavat sādhitaṃ tailamājyaṃ vā nasyātkṣavathunāśanam
Sanskrit only: no published translation is held for this verse.
गृहधूमकणादारुक्षारनक्ताह्वसैन्धवैः सिद्धं शिखरिबीजैश्च तैलं नासार्शसां हितम्
gṛhadhūmakaṇādārukṣāranaktāhvasaindhavaiḥ siddhaṃ śikharibījaiśca tailaṃ nāsārśasāṃ hitam
Sanskrit only: no published translation is held for this verse.
वज्रीक्षीरं रविक्षीरं द्र वं धत्तूरचित्रजम्
vajrīkṣīraṃ ravikṣīraṃ dra vaṃ dhattūracitrajam
Sanskrit only: no published translation is held for this verse.
महिषीविड्भवं द्रा वं सर्वांशं तिलतैलकम् पचेत्तैलावशेषं च गोमूत्रेऽथ चतुर्गुणे
mahiṣīviḍbhavaṃ drā vaṃ sarvāṃśaṃ tilatailakam pacettailāvaśeṣaṃ ca gomūtre'tha caturguṇe
Sanskrit only: no published translation is held for this verse.
तैलावशेषं पक्त्वा च तत्तैलं प्रस्थमात्रकम् गन्धकाग्निशिलातालं विडङ्गातिविषाविषम्
tailāvaśeṣaṃ paktvā ca tattailaṃ prasthamātrakam gandhakāgniśilātālaṃ viḍaṅgātiviṣāviṣam
Sanskrit only: no published translation is held for this verse.
तिक्तकोशातकीकुष्ठवचामांसीकटुत्रयम् पीतदारु च यष्ट्याह्वं स्वर्जिकाक्षारजीरकम्
tiktakośātakīkuṣṭhavacāmāṃsīkaṭutrayam pītadāru ca yaṣṭyāhvaṃ svarjikākṣārajīrakam
Sanskrit only: no published translation is held for this verse.
देवदारु च कर्षांशं चूर्णं तैले विनिक्षिपेत् वज्रतैलमिदं ख्यातमभ्यङ्गात्सर्वकुष्ठनुत्
devadāru ca karṣāṃśaṃ cūrṇaṃ taile vinikṣipet vajratailamidaṃ khyātamabhyaṅgātsarvakuṣṭhanut
Sanskrit only: no published translation is held for this verse.
करवीरशिफादन्ती त्रिवृत्कोशातकी फलम् रम्भाक्षारोदके तैलं प्रशस्तं लोमशातनम्
karavīraśiphādantī trivṛtkośātakī phalam rambhākṣārodake tailaṃ praśastaṃ lomaśātanam
Sanskrit only: no published translation is held for this verse.
चन्दनाम्बुनखैर्याम्यं यष्टीशैलेयपद्मकम् मञ्जिष्ठा सरलं दारु सेव्यैलं पूतिकेसरम्
candanāmbunakhairyāmyaṃ yaṣṭīśaileyapadmakam mañjiṣṭhā saralaṃ dāru sevyailaṃ pūtikesaram
Sanskrit only: no published translation is held for this verse.
पत्रकैलं मुरामांसी कङ्कोलं वनिताऽम्बुदम् हरिद्रा सारिवा तिक्ता लवङ्गागरुकुङ्कुमम्
patrakailaṃ murāmāṃsī kaṅkolaṃ vanitā'mbudam haridrā sārivā tiktā lavaṅgāgarukuṅkumam
Sanskrit only: no published translation is held for this verse.
त्वग्रेणुनलिका चेति तैलं मस्तु चतुर्गुणम् लाक्षारससमं सिद्धं ग्रहघ्नं बलवर्द्धनम्
tvagreṇunalikā ceti tailaṃ mastu caturguṇam lākṣārasasamaṃ siddhaṃ grahaghnaṃ balavarddhanam
Sanskrit only: no published translation is held for this verse.
अपस्मारज्वरोन्मादकृत्याऽलक्ष्मीविनाशनम् आयुः पुष्टिकरं चैव वशीकरणमुत्तमम् विशेषात्क्षयरोगघ्नं रक्तपित्तहरं परम्
apasmārajvaronmādakṛtyā'lakṣmīvināśanam āyuḥ puṣṭikaraṃ caiva vaśīkaraṇamuttamam viśeṣātkṣayarogaghnaṃ raktapittaharaṃ param
Sanskrit only: no published translation is held for this verse.
वचां शटीं हरिद्रे द्वे देवदारु महौषधी हरीतकीमतिविषां मुस्तकेन्द्र यवान्समान्
vacāṃ śaṭīṃ haridre dve devadāru mahauṣadhī harītakīmativiṣāṃ mustakendra yavānsamān
Sanskrit only: no published translation is held for this verse.
एतान्दशपलान्भागांश्चतुद्रो र्णेऽम्भसः पचेत् चक्रमर्दरसैस्तैलं कटुकं मृदुनाऽग्निना
etāndaśapalānbhāgāṃścatudro rṇe'mbhasaḥ pacet cakramardarasaistailaṃ kaṭukaṃ mṛdunā'gninā
Sanskrit only: no published translation is held for this verse.
पादशेषे विनिक्षिप्य सिन्दूरमवतारयेत् एतत्तैलं निहन्त्याशु गण्डमालां सुदारुणाम्
pādaśeṣe vinikṣipya sindūramavatārayet etattailaṃ nihantyāśu gaṇḍamālāṃ sudāruṇām
Sanskrit only: no published translation is held for this verse.
निर्गुण्डीस्वरसे तैलं लाङ्गलीमूलकल्कितम् तैलं नस्यान्निहन्त्याशु गण्डमालां सुदारुणाम्
nirguṇḍīsvarase tailaṃ lāṅgalīmūlakalkitam tailaṃ nasyānnihantyāśu gaṇḍamālāṃ sudāruṇām
Sanskrit only: no published translation is held for this verse.
धत्तूररसमादाय हयमारान्तिकारसम् भृङ्गराजरसश्चैव सारिणी निम्बपत्रकम्
dhattūrarasamādāya hayamārāntikārasam bhṛṅgarājarasaścaiva sāriṇī nimbapatrakam
Sanskrit only: no published translation is held for this verse.
शोभाञ्जनश्चित्रकश्च अश्वगन्धा प्रसारिणी शिरीषः कुटजोऽनन्ता शाल्मली नक्तपत्रकम्
śobhāñjanaścitrakaśca aśvagandhā prasāriṇī śirīṣaḥ kuṭajo'nantā śālmalī naktapatrakam
Sanskrit only: no published translation is held for this verse.
रविप्रियो महानिम्बो डिण्डिघोषा महेरणा बला ज्योतिष्मती चैव श्यामाकश्चक्रमर्दकः
ravipriyo mahānimbo ḍiṇḍighoṣā maheraṇā balā jyotiṣmatī caiva śyāmākaścakramardakaḥ
Sanskrit only: no published translation is held for this verse.
एतैस्तु रसमादाय तैलतुल्यं च दीयते देवदारु हरिद्रे द्वे मांसी कुष्ठं सचन्दनम्
etaistu rasamādāya tailatulyaṃ ca dīyate devadāru haridre dve māṃsī kuṣṭhaṃ sacandanam
Sanskrit only: no published translation is held for this verse.
मरिचं त्रिवृता दन्ती हरितालं मनः शिला कम्पिल्लको गन्धकश्च खदिरः पिप्पली वचा
maricaṃ trivṛtā dantī haritālaṃ manaḥ śilā kampillako gandhakaśca khadiraḥ pippalī vacā
Sanskrit only: no published translation is held for this verse.
रसाञ्जनं च सिन्दूरं श्रीवासो रक्तचन्दनम् इरिमेदस्तथा तुम्बी मञ्जिष्ठा सिन्दुवारकः
rasāñjanaṃ ca sindūraṃ śrīvāso raktacandanam irimedastathā tumbī mañjiṣṭhā sinduvārakaḥ
Sanskrit only: no published translation is held for this verse.
करवीरजटा रास्ना विश्वा श्रेष्ठा च पौष्करम् शटी तालीसपत्रं च प्रियङ्गू रेणुका तथा
karavīrajaṭā rāsnā viśvā śreṣṭhā ca pauṣkaram śaṭī tālīsapatraṃ ca priyaṅgū reṇukā tathā
Sanskrit only: no published translation is held for this verse.
चातुर्जातकमञ्जीरं कङ्कोलं जातिपत्रिका ज्योतिष्मती च पलिका विषस्य द्विपलं भवेत्
cāturjātakamañjīraṃ kaṅkolaṃ jātipatrikā jyotiṣmatī ca palikā viṣasya dvipalaṃ bhavet
Sanskrit only: no published translation is held for this verse.
आढकं कटुतैलस्य गोमूत्रं च चतुर्गुणम् मृत्पात्रे लोहपात्रे च शनैर्मृद्वग्नि पचेत्
āḍhakaṃ kaṭutailasya gomūtraṃ ca caturguṇam mṛtpātre lohapātre ca śanairmṛdvagni pacet
Sanskrit only: no published translation is held for this verse.
मज्जाश्रितं त्वग्गतं च वातं चास्थिगतं तथा ऊरुग्रहं चाढ्यवातं कृच्छ्रं दण्डापतानकम्
majjāśritaṃ tvaggataṃ ca vātaṃ cāsthigataṃ tathā ūrugrahaṃ cāḍhyavātaṃ kṛcchraṃ daṇḍāpatānakam
Sanskrit only: no published translation is held for this verse.
कुब्जत्वं चाथ शोथं च पक्षाघातं तथाऽदितम् हनुस्तम्भं शिरः कम्पं मूर्च्छितं दृष्टिविभ्रमम्
kubjatvaṃ cātha śothaṃ ca pakṣāghātaṃ tathā'ditam hanustambhaṃ śiraḥ kampaṃ mūrcchitaṃ dṛṣṭivibhramam
Sanskrit only: no published translation is held for this verse.
अपस्मारं तथोन्मादं तथा चैवापतन्त्रकम् आक्षेपकं चास्थिभग्नं सन्धिभग्नं च नाशयेत्
apasmāraṃ tathonmādaṃ tathā caivāpatantrakam ākṣepakaṃ cāsthibhagnaṃ sandhibhagnaṃ ca nāśayet
Sanskrit only: no published translation is held for this verse.