Sarvatathagatatattvasamgraha 1

समन्तभद्रः स्वमोघः मारः प्रामोद्यनायकः । खगर्भः सु[महाते]जा रत्नकेतुर्महास्मितः

samantabhadraḥ svamoghaḥ māraḥ prāmodyanāyakaḥ / khagarbhaḥ su[mahāte]jā ratnaketurmahāsmitaḥ

Sanskrit only: no published translation is held for this verse.

अवलोकितमहेशश् च मञ्जुश्रीः सर्वमण्डलः । अवाचो विश्वकर्मा च वीर्यश्चण्डो [दृढग्रहः]

avalokitamaheśaś ca mañjuśrīḥ sarvamaṇḍalaḥ / avāco viśvakarmā ca vīryaścaṇḍo [dṛḍhagrahaḥ]

Sanskrit only: no published translation is held for this verse.

वज्रो ऽङ् कुशः शरस्तुष्टिः रत्नः सूर्यो ध्वजः स्मितः । पद्मः कोशः सुचक्रो वाक् कर्म वर्म रवयो ग्रहः

vajro 'ṅ kuśaḥ śarastuṣṭiḥ ratnaḥ sūryo dhvajaḥ smitaḥ / padmaḥ kośaḥ sucakro vāk karma varma ravayo grahaḥ

Sanskrit only: no published translation is held for this verse.

अनादिनिध[नः शान्तो रुद्रः क्रोधो महा]क्षमः । यक्षः सुराक्षसो धीरः सौरिः सौरिर्महाविभुः

anādinidha[naḥ śānto rudraḥ krodho mahā]kṣamaḥ / yakṣaḥ surākṣaso dhīraḥ sauriḥ saurirmahāvibhuḥ

Sanskrit only: no published translation is held for this verse.

उमापतिः प्रजानाथो विष्णुर्जिष्णुर्महामुनिः । लोकपालो नभो भूमि[स्त्रिलोक]स्तु त्रिधातुकः

umāpatiḥ prajānātho viṣṇurjiṣṇurmahāmuniḥ / lokapālo nabho bhūmi[striloka]stu tridhātukaḥ

Sanskrit only: no published translation is held for this verse.

महाभूतः सुसत्त्वार्थः सर्वः शर्वः पितामहः । संसारो निर्वृतिः शश्वत् सम्यग्वृत्तिर्महामहः

mahābhūtaḥ susattvārthaḥ sarvaḥ śarvaḥ pitāmahaḥ / saṃsāro nirvṛtiḥ śaśvat samyagvṛttirmahāmahaḥ

Sanskrit only: no published translation is held for this verse.

बुद्धः शुद्धो महायानस्त्रिभवः शाश्वतो हिसः । त्रिलोकविजयी शम्भुः शम्भुनाथः प्रदामकः ॥ ७ ॥ ॥ वज्रनाथः सुभूम्यग्र्यो ज्ञानः पारमितानयः । विमोक्षो बोधिसत्त्वश्च चर्यः सर्वतथागतः

buddhaḥ śuddho mahāyānastribhavaḥ śāśvato hisaḥ / trilokavijayī śambhuḥ śambhunāthaḥ pradāmakaḥ // 7 // // vajranāthaḥ subhūmyagryo jñānaḥ pāramitānayaḥ / vimokṣo bodhisattvaśca caryaḥ sarvatathāgataḥ

Sanskrit only: no published translation is held for this verse.

बुद्धार्थो बुद्धहृदयः सर्वबोधिरनुत्तरः । वैरोचनो जिनो नाथः स्वयंभूर्धारणी स्मृतिः

buddhārtho buddhahṛdayaḥ sarvabodhiranuttaraḥ / vairocano jino nāthaḥ svayaṃbhūrdhāraṇī smṛtiḥ

Sanskrit only: no published translation is held for this verse.

महासत्त्वो महामुद्रः समाधिर्बुद्धकर्मकृत् । सर्वबुद्धात्मको भूतः सत्त्वो नित्यार्थबोधकः

mahāsattvo mahāmudraḥ samādhirbuddhakarmakṛt / sarvabuddhātmako bhūtaḥ sattvo nityārthabodhakaḥ

Sanskrit only: no published translation is held for this verse.

महास्थाणुर्महाकालो महारागो महासुखः । महापापो महाग्र्याग्र्यः सर्वाग्र्यो भुवनेश्वरः

mahāsthāṇurmahākālo mahārāgo mahāsukhaḥ / mahāpāpo mahāgryāgryaḥ sarvāgryo bhuvaneśvaraḥ

Sanskrit only: no published translation is held for this verse.