अथ भगवानवलोकितेश्वरो बोधिसत्वो महासत्वः स्वकुलमुत्पाद्य, सर्वतथागतेभ्य सर्वसत्वाभयार्थप्राप्त्युत्तमसिद्धिवज्रधर्मताज्ञानाभिज्ञावाप्तिफलहेतोर्निर्या[त्य, सर्वजग]द्विनयं नाम महामण्डलमभाषत् । अथातः संप्रवक्ष्यामि महामण्डलमुत्तमम् । वज्रधातुप्रतीकाशं जगद्विनयं संज्ञितं
atha bhagavānavalokiteśvaro bodhisatvo mahāsatvaḥ svakulamutpādya, sarvatathāgatebhya sarvasatvābhayārthaprāptyuttamasiddhivajradharmatājñānābhijñāvāptiphalahetorniryā[tya, sarvajaga]dvinayaṃ nāma mahāmaṇḍalamabhāṣat / athātaḥ saṃpravakṣyāmi mahāmaṇḍalamuttamam / vajradhātupratīkāśaṃ jagadvinayaṃ saṃjñitaṃ
Sanskrit only: no published translation is held for this verse.
चतु[रश्रं] चतुर्द्वारं चतुस्तोरणशोभितं । चतुःसूत्रसमायुक्तं पट्टस्रग्दामभूषितं
catu[raśraṃ] caturdvāraṃ catustoraṇaśobhitaṃ / catuḥsūtrasamāyuktaṃ paṭṭasragdāmabhūṣitaṃ
Sanskrit only: no published translation is held for this verse.
सर्वमण्डलकोणेषु द्वारनिर्यूहसन्धिषु । खचितं वज्ररत्नैस्तु सूत्रयेद्बाह्यमण्डलं
sarvamaṇḍalakoṇeṣu dvāraniryūhasandhiṣu / khacitaṃ vajraratnaistu sūtrayedbāhyamaṇḍalaṃ
Sanskrit only: no published translation is held for this verse.
तस्याभ्यन्तरतः सूत्रं चतुरश्रं परिक्षिपेत् । द्वितीयं द्वारकोणं तु पद्माकारं प्रकल्पयेत्
tasyābhyantarataḥ sūtraṃ caturaśraṃ parikṣipet / dvitīyaṃ dvārakoṇaṃ tu padmākāraṃ prakalpayet
Sanskrit only: no published translation is held for this verse.
अष्टस्तम्भप्रयोगेण पद्ममष्टदलं लिखेत् । तस्य केसरमध्ये तु बुद्धबिम्बन्निवेशयेत्
aṣṭastambhaprayogeṇa padmamaṣṭadalaṃ likhet / tasya kesaramadhye tu buddhabimbanniveśayet
Sanskrit only: no published translation is held for this verse.