Sarvatathagatatattvasamgraha 113

ततः पद्मकुलसमयमुद्राज्ञानं भवति । वज्रबन्धं समाधाय समाङ्गुष्ठान्त्यसन्धानात् । मुद्रेयं धर्मसमया बुद्धधर्मप्रदायिका

tataḥ padmakulasamayamudrājñānaṃ bhavati / vajrabandhaṃ samādhāya samāṅguṣṭhāntyasandhānāt / mudreyaṃ dharmasamayā buddhadharmapradāyikā

Sanskrit only: no published translation is held for this verse.

वज्रबन्धं समाधाय समाग्र्यानाममध्यमा । बुद्धविद्योत्तमस्येयं मुद्रा बुद्धत्वदायिका

vajrabandhaṃ samādhāya samāgryānāmamadhyamā / buddhavidyottamasyeyaṃ mudrā buddhatvadāyikā

Sanskrit only: no published translation is held for this verse.

वज्रबन्धं समाधाय मध्यमा वज्रसंयुता । वज्रविद्योत्तमस्येयं मुद्रा वज्रत्वदायिका

vajrabandhaṃ samādhāya madhyamā vajrasaṃyutā / vajravidyottamasyeyaṃ mudrā vajratvadāyikā

Sanskrit only: no published translation is held for this verse.

सा एव मणिमध्या तु वज्ररत्नप्रदायिका । मध्यकुड्मलयोगेन पद्मसिद्धिप्रदायिका

sā eva maṇimadhyā tu vajraratnapradāyikā / madhyakuḍmalayogena padmasiddhipradāyikā

Sanskrit only: no published translation is held for this verse.

वज्राञ्जलिन्तु सन्धाय वज्रकर्मकरी भवेत् । धर्मवज्रां समाधाय समयः सिध्यते क्षणात्

vajrāñjalintu sandhāya vajrakarmakarī bhavet / dharmavajrāṃ samādhāya samayaḥ sidhyate kṣaṇāt

Sanskrit only: no published translation is held for this verse.

वज्रबन्धं समाग्रन्तु बुद्धसिद्धिप्रदायिका । अतः परं प्रवक्ष्यामि सत्वमुद्रा विशेषतः

vajrabandhaṃ samāgrantu buddhasiddhipradāyikā / ataḥ paraṃ pravakṣyāmi satvamudrā viśeṣataḥ

Sanskrit only: no published translation is held for this verse.

वज्राञ्जलिं समाधाय सममध्योत्थिता तथा । कनिष्ठाङ्गुष्ठविकचा विश्वपद्मेति कीर्तिता

vajrāñjaliṃ samādhāya samamadhyotthitā tathā / kaniṣṭhāṅguṣṭhavikacā viśvapadmeti kīrtitā

Sanskrit only: no published translation is held for this verse.

सा एवाङ्गुष्ठपर्यङ्का कुञ्चिताग्राग्र्यविग्रहा । मध्यवज्रजटा मूर्ध्नि जटाबुद्धेति कीर्तिता

sā evāṅguṣṭhaparyaṅkā kuñcitāgrāgryavigrahā / madhyavajrajaṭā mūrdhni jaṭābuddheti kīrtitā

Sanskrit only: no published translation is held for this verse.

वज्रबन्धं दृढीकृत्य समाङ्गुष्ठमधस्तनं । तर्जनीद्वयसंकोचा समुद्गता समाधितः

vajrabandhaṃ dṛḍhīkṛtya samāṅguṣṭhamadhastanaṃ / tarjanīdvayasaṃkocā samudgatā samādhitaḥ

Sanskrit only: no published translation is held for this verse.

समाञ्जलिं समाधाय तर्जनी वज्रपीडिता । विकसिताङ्गुष्ठमुखयोर्मुद्रामोघेश्वरस्य तु

samāñjaliṃ samādhāya tarjanī vajrapīḍitā / vikasitāṅguṣṭhamukhayormudrāmogheśvarasya tu

Sanskrit only: no published translation is held for this verse.

वज्रबन्धं दृढीकृत्य समुत्तानं तु बन्धयेत् । समाङ्गुष्ठकृता पद्मे पद्मबुद्धेति कीर्तिता

vajrabandhaṃ dṛḍhīkṛtya samuttānaṃ tu bandhayet / samāṅguṣṭhakṛtā padme padmabuddheti kīrtitā

Sanskrit only: no published translation is held for this verse.

अङ्गुष्ठवज्राग्राभ्यामङ्कुशं खड्गमेव च । अन्त्यद्वयविकासा च मध्यानामाग्रकुड्मला

aṅguṣṭhavajrāgrābhyāmaṅkuśaṃ khaḍgameva ca / antyadvayavikāsā ca madhyānāmāgrakuḍmalā

Sanskrit only: no published translation is held for this verse.

समाञ्जलिं समाधाय वलिताङ्गुष्ठकुञ्चिता । तर्जन्या तर्जनीङ्गृह्याकर्षयेत् पद्मवाणया

samāñjaliṃ samādhāya valitāṅguṣṭhakuñcitā / tarjanyā tarjanīṅgṛhyākarṣayet padmavāṇayā

Sanskrit only: no published translation is held for this verse.

समाञ्जलिन्तथोत्तानां बन्धयेत्साधुमुद्रया । साधुकारां [प्रददाति] साधुपद्मेति कीर्तिता

samāñjalintathottānāṃ bandhayetsādhumudrayā / sādhukārāṃ [pradadāti] sādhupadmeti kīrtitā

Sanskrit only: no published translation is held for this verse.

समाञ्जलिं दृढीकृत्य कुञ्चिताग्र्या मुखस्थिता । कनिष्ठाभ्यां तु विकचा पद्मभृकुटिरुच्यते

samāñjaliṃ dṛḍhīkṛtya kuñcitāgryā mukhasthitā / kaniṣṭhābhyāṃ tu vikacā padmabhṛkuṭirucyate

Sanskrit only: no published translation is held for this verse.

वज्रबन्धं दृढीकृत्य हृद[ये तु] प्रसारयेत् । पद्मसूर्येति विख्याता सर्वाङ्गु लिसुमण्डला

vajrabandhaṃ dṛḍhīkṛtya hṛda[ye tu] prasārayet / padmasūryeti vikhyātā sarvāṅgu lisumaṇḍalā

Sanskrit only: no published translation is held for this verse.

समाञ्जलिं दृढीकृत्य तर्जनीभ्यां मणीकृता । पद्मरत्नध्वजाग्री तु मूर्ध्नि बाहुप्रसारिता

samāñjaliṃ dṛḍhīkṛtya tarjanībhyāṃ maṇīkṛtā / padmaratnadhvajāgrī tu mūrdhni bāhuprasāritā

Sanskrit only: no published translation is held for this verse.

वज्रबन्धं शिरोमूर्ध्नि प्रसार्याग्रमुखैः सह । स्वमुखेनाट्टहासेन एकादशमुखी भवेत्

vajrabandhaṃ śiromūrdhni prasāryāgramukhaiḥ saha / svamukhenāṭṭahāsena ekādaśamukhī bhavet

Sanskrit only: no published translation is held for this verse.

समाधिपद्मां सन्धाय समाङ्गुष्ठसमुत्थिता । पद्मतारस्य मुद्रेमं सर्वसिद्धिप्रदायिका

samādhipadmāṃ sandhāya samāṅguṣṭhasamutthitā / padmatārasya mudremaṃ sarvasiddhipradāyikā

Sanskrit only: no published translation is held for this verse.

पद्मतारस्य मुद्रा तु पद्म योगाग्र्यबन्धनात् । पद्मखड्गस्य मुद्रेयं खड्गाकारनियोजनात्

padmatārasya mudrā tu padma yogāgryabandhanāt / padmakhaḍgasya mudreyaṃ khaḍgākāraniyojanāt

Sanskrit only: no published translation is held for this verse.

कुड्मलान्त्यमहापद्मास्तच्चाङ्गुष्ठगदा तथा । कुञ्चिताग्र्यमहाशङ्खा वज्रबन्धेन चक्रिता

kuḍmalāntyamahāpadmāstaccāṅguṣṭhagadā tathā / kuñcitāgryamahāśaṅkhā vajrabandhena cakritā

Sanskrit only: no published translation is held for this verse.

वज्राञ्जलिं दृढीकृत्य दक्षिणौंकारवेष्टिता । वामग्र्याङ्गुष्ठजापा तु सर्वाग्रविकचाम्बुजा

vajrāñjaliṃ dṛḍhīkṛtya dakṣiṇauṃkāraveṣṭitā / vāmagryāṅguṣṭhajāpā tu sarvāgravikacāmbujā

Sanskrit only: no published translation is held for this verse.

वज्राङ्गुलिं समाधाय वामदक्षिणतस्तथा । नृत्यं सलीलवलिता मूर्ध्निस्था नृत्यपद्मिनी

vajrāṅguliṃ samādhāya vāmadakṣiṇatastathā / nṛtyaṃ salīlavalitā mūrdhnisthā nṛtyapadminī

Sanskrit only: no published translation is held for this verse.

वज्राञ्जलिं दृढीइकृत्य सर्वाग्रकवचा तथा । परिवर्त्य तु पद्मेन हृदि स्थाप्य दृढंकरी

vajrāñjaliṃ dṛḍhīikṛtya sarvāgrakavacā tathā / parivartya tu padmena hṛdi sthāpya dṛḍhaṃkarī

Sanskrit only: no published translation is held for this verse.

वज्राञ्जलिं दृढीकृत्य गुह्ययक्षप्रयोगतः । प्रसारिताञ्जलिपुटा मुखस्था पद्मयक्षिणी

vajrāñjaliṃ dṛḍhīkṛtya guhyayakṣaprayogataḥ / prasāritāñjalipuṭā mukhasthā padmayakṣiṇī

Sanskrit only: no published translation is held for this verse.

वज्रमुष्टिं द्विधीकृत्य कुञ्चयित्वा तु मध्यमे । स्वाङ्गुष्ठपृष्ठनिहिते पद्ममुष्टिरुदाहृता

vajramuṣṭiṃ dvidhīkṛtya kuñcayitvā tu madhyame / svāṅguṣṭhapṛṣṭhanihite padmamuṣṭirudāhṛtā

Sanskrit only: no published translation is held for this verse.

वज्रधातुप्रयोगेण वज्राञ्जलिसमुत्थिता । सर्वपूजाग्र्यदेवीनां समयाग्र्यस्तु बन्धयेत्

vajradhātuprayogeṇa vajrāñjalisamutthitā / sarvapūjāgryadevīnāṃ samayāgryastu bandhayet

Sanskrit only: no published translation is held for this verse.

वज्रबन्धं दृढीकृत्य सन्धयेत्तर्जनीद्वयं । संकोचात्पुरतः सन्धेत् हयग्रीवेति कीर्तिता

vajrabandhaṃ dṛḍhīkṛtya sandhayettarjanīdvayaṃ / saṃkocātpurataḥ sandhet hayagrīveti kīrtitā

Sanskrit only: no published translation is held for this verse.

पद्माञ्जलिं समाधाय तर्जनीग्रन्थिबन्धना । अमोघपाशमुद्रेयं तर्जन्यङ्गुष्ठशङ्कला

padmāñjaliṃ samādhāya tarjanīgranthibandhanā / amoghapāśamudreyaṃ tarjanyaṅguṣṭhaśaṅkalā

Sanskrit only: no published translation is held for this verse.