अथाकाशगर्भो बोधिसत्वो महासत्व इति स्वकुलमुत्पाद्य, सर्वतथागतेभ्यः सर्वाशापरिपूर्ये निर्यात्येदं सर्वार्थसिद्धिन्नाम महामण्डलमभाषत् । अथातः संप्रवक्ष्यामि महामण्डलमुत्तमं । वज्रधातुप्रतीकाशं सर्वसिद्धिरिति स्मृतं
athākāśagarbho bodhisatvo mahāsatva iti svakulamutpādya, sarvatathāgatebhyaḥ sarvāśāparipūrye niryātyedaṃ sarvārthasiddhinnāma mahāmaṇḍalamabhāṣat / athātaḥ saṃpravakṣyāmi mahāmaṇḍalamuttamaṃ / vajradhātupratīkāśaṃ sarvasiddhiriti smṛtaṃ
Sanskrit only: no published translation is held for this verse.
चतुरश्रं चतुर्द्वारं चतुष्तोरणशोभितं । चतुःसूत्रसमायुक्तं पट्टस्रग्दामभूषितं
caturaśraṃ caturdvāraṃ catuṣtoraṇaśobhitaṃ / catuḥsūtrasamāyuktaṃ paṭṭasragdāmabhūṣitaṃ
Sanskrit only: no published translation is held for this verse.
सर्वमण्डलकोणेषु द्वारनिर्यूहसन्धिषु । खचितं वज्ररत्नैस्तु सूत्रयेद्बाह्यमण्डलं
sarvamaṇḍalakoṇeṣu dvāraniryūhasandhiṣu / khacitaṃ vajraratnaistu sūtrayedbāhyamaṇḍalaṃ
Sanskrit only: no published translation is held for this verse.
तस्याभ्यन्तरतः कार्यं वज्ररत्नसमं पुरं । अष्टस्तंभाग्रयोगेन सूत्रणं तत्र कारयेत्
tasyābhyantarataḥ kāryaṃ vajraratnasamaṃ puraṃ / aṣṭastaṃbhāgrayogena sūtraṇaṃ tatra kārayet
Sanskrit only: no published translation is held for this verse.
पञ्चमण्डलशोभं तु नानारत्नाकरोज्ज्वलं । स्वमुद्रापरिवारं तु तत्र बुद्धन्निवेशयेत्
pañcamaṇḍalaśobhaṃ tu nānāratnākarojjvalaṃ / svamudrāparivāraṃ tu tatra buddhanniveśayet
Sanskrit only: no published translation is held for this verse.