Sarvatathagatatattvasamgraha 153

अथात्र महामण्डले समयमुद्राज्ञानं भवति । वज्ररत्नमयी मुद्रा सर्वबुद्धाभिषेकदा । महावज्रमणिं बध्वा वज्ररत्नं तु सिध्यति

athātra mahāmaṇḍale samayamudrājñānaṃ bhavati / vajraratnamayī mudrā sarvabuddhābhiṣekadā / mahāvajramaṇiṃ badhvā vajraratnaṃ tu sidhyati

Sanskrit only: no published translation is held for this verse.

वज्रद्विकं मणीकृत्वा धनं वज्रधराल्लभेत् । सा एवाङ्गु ष्ठवज्रेण मणिं दद्याद् हृदि स्थितं

vajradvikaṃ maṇīkṛtvā dhanaṃ vajradharāllabhet / sā evāṅgu ṣṭhavajreṇa maṇiṃ dadyād hṛdi sthitaṃ

Sanskrit only: no published translation is held for this verse.

कुड्मलाग्र्या मणिं बध्वा लोकेशो धनदो भवेत् । वज्रकर्ममणिन्दद्यान् महाविश्वमणिध्वजं

kuḍmalāgryā maṇiṃ badhvā lokeśo dhanado bhavet / vajrakarmamaṇindadyān mahāviśvamaṇidhvajaṃ

Sanskrit only: no published translation is held for this verse.

वज्रधात्वग्रमणिना बुद्धरत्नत्वमाप्नुयात् । समाग्रग्रा पृष्ठसंकोचा वज्रमङ्गुष्ठबन्धतः

vajradhātvagramaṇinā buddharatnatvamāpnuyāt / samāgragrā pṛṣṭhasaṃkocā vajramaṅguṣṭhabandhataḥ

Sanskrit only: no published translation is held for this verse.

इयं वज्रमणिः प्रोक्ता वज्रगर्भस्य पाणितः । अनया बुद्धमात्रया महावज्रमणिं लभेत्

iyaṃ vajramaṇiḥ proktā vajragarbhasya pāṇitaḥ / anayā buddhamātrayā mahāvajramaṇiṃ labhet

Sanskrit only: no published translation is held for this verse.

रत्नवज्रां समाधाय सममध्योत्थिताङ्करां । अनया बद्धमात्रया स्वभिषेकाप्यवाप्नुयात्

ratnavajrāṃ samādhāya samamadhyotthitāṅkarāṃ / anayā baddhamātrayā svabhiṣekāpyavāpnuyāt

Sanskrit only: no published translation is held for this verse.

सा एव मध्यमानामकनिष्ठा कुड्मलीकृत्वा । अनया तु धनं दद्यादवलोकितनामधृक्

sā eva madhyamānāmakaniṣṭhā kuḍmalīkṛtvā / anayā tu dhanaṃ dadyādavalokitanāmadhṛk

Sanskrit only: no published translation is held for this verse.

वज्ररत्नप्रयोगेण तर्जन्यङ्गुष्ठकन्यसा । मध्यमाभ्यां नखसन्धानान् समानामाङ्कु रोत्थिता

vajraratnaprayogeṇa tarjanyaṅguṣṭhakanyasā / madhyamābhyāṃ nakhasandhānān samānāmāṅku rotthitā

Sanskrit only: no published translation is held for this verse.

वज्रबन्धं दृढीकृत्य तर्जनीभ्यां मणीकृता । प्रसारिताङ्गुष्ठमुखा हृदि सर्वार्थसिद्धिदा

vajrabandhaṃ dṛḍhīkṛtya tarjanībhyāṃ maṇīkṛtā / prasāritāṅguṣṭhamukhā hṛdi sarvārthasiddhidā

Sanskrit only: no published translation is held for this verse.

वज्रबन्धं समाधाय मध्यमा मणियोजिता । मुद्रेयं मणिचिन्हस्य मणिरत्नप्रदायिका

vajrabandhaṃ samādhāya madhyamā maṇiyojitā / mudreyaṃ maṇicinhasya maṇiratnapradāyikā

Sanskrit only: no published translation is held for this verse.

स एवाङ्कुशयोगेन तर्जनीभ्यां समन्धिता । सर्वार्थकर्षणी मुद्रा मणिरत्नाङ्कुशी स्मृता

sa evāṅkuśayogena tarjanībhyāṃ samandhitā / sarvārthakarṣaṇī mudrā maṇiratnāṅkuśī smṛtā

Sanskrit only: no published translation is held for this verse.

सा एव वलि[तां कृत्वा] तर्जन्या तर्जनी ग्रहा । वाणाकर्षणायोगेन कर्षयन् रागयेज्जगत्

sā eva vali[tāṃ kṛtvā] tarjanyā tarjanī grahā / vāṇākarṣaṇāyogena karṣayan rāgayejjagat

Sanskrit only: no published translation is held for this verse.

सा एव साधुकारा तु तर्जन्यङ्गुष्ठयोजिता । सा एवाङ्गुष्ठसन्धानसंच्छन्नाग्र्याङ्गुली तथा

sā eva sādhukārā tu tarjanyaṅguṣṭhayojitā / sā evāṅguṣṭhasandhānasaṃcchannāgryāṅgulī tathā

Sanskrit only: no published translation is held for this verse.

अङ्गुष्ठान्तरयोश्चैव पुनरग्र्या मुखे क्षणात् । मणिदृष्टिस्तु सा ख्याता दृष्ट्यर्थानां प्रहारिका

aṅguṣṭhāntarayoścaiva punaragryā mukhe kṣaṇāt / maṇidṛṣṭistu sā khyātā dṛṣṭyarthānāṃ prahārikā

Sanskrit only: no published translation is held for this verse.

सर्वार्थसिद्धिमाला तु स्वभिषेकप्रदायिका । सा एव हृदये ऽङ्गुष्ठमुखसन्धानयोजिता

sarvārthasiddhimālā tu svabhiṣekapradāyikā / sā eva hṛdaye 'ṅguṣṭhamukhasandhānayojitā

Sanskrit only: no published translation is held for this verse.

हृदये मणिसूर्या तु महातेजःप्रदायिका । मूर्ध्निस्था च समानाम पताकाग्रविदारिता

hṛdaye maṇisūryā tu mahātejaḥpradāyikā / mūrdhnisthā ca samānāma patākāgravidāritā

Sanskrit only: no published translation is held for this verse.

महावज्रमणि पूर्वं सर्वाशापरिपूरिका । सा एव हाससंस्था तु लीलया परिवर्तिता

mahāvajramaṇi pūrvaṃ sarvāśāparipūrikā / sā eva hāsasaṃsthā tu līlayā parivartitā

Sanskrit only: no published translation is held for this verse.

रत्नाट्टहासनाम्ना वै हासात् सर्वार्थकारिका । सर्वाग्रमणिपद्मा तु धनहारी समाधिना

ratnāṭṭahāsanāmnā vai hāsāt sarvārthakārikā / sarvāgramaṇipadmā tu dhanahārī samādhinā

Sanskrit only: no published translation is held for this verse.

सा एवान्त्यादिदाना तु महादानप्रदायिका । अधर्गतसमाङ्गुष्ठतर्जनी मणिसंस्थिता

sā evāntyādidānā tu mahādānapradāyikā / adhargatasamāṅguṣṭhatarjanī maṇisaṃsthitā

Sanskrit only: no published translation is held for this verse.

भणिकोशा हरेदर्थान् जगतां विक्रमेण तु । वज्रबन्धाग्रचक्रा तु समाङ्गुस्थप्रवेशिता

bhaṇikośā haredarthān jagatāṃ vikrameṇa tu / vajrabandhāgracakrā tu samāṅgusthapraveśitā

Sanskrit only: no published translation is held for this verse.

तर्जनीमणिसंस्थानाच्चक्रवर्तित्वदायिका । सा एवाञ्जली मुखबन्धे समुद्धृता

tarjanīmaṇisaṃsthānāccakravartitvadāyikā / sā evāñjalī mukhabandhe samuddhṛtā

Sanskrit only: no published translation is held for this verse.

स तु सन्धाय वाचा वै स्वाज्ञया हरते धनं । महावज्रमणिं बध्वा रत्नवर्ष [प्रवर्षिता]

sa tu sandhāya vācā vai svājñayā harate dhanaṃ / mahāvajramaṇiṃ badhvā ratnavarṣa [pravarṣitā]

Sanskrit only: no published translation is held for this verse.

सर्वाङ्गुल्युपस्तोभा तु चतुःशो वर्षते धनं । महावज्रमणिं बध्वा नृत्यन्नुष्णीषमध्यतः

sarvāṅgulyupastobhā tu catuḥśo varṣate dhanaṃ / mahāvajramaṇiṃ badhvā nṛtyannuṣṇīṣamadhyataḥ

Sanskrit only: no published translation is held for this verse.

संपूज्य विधिवत्सर्वै सर्वरत्नैः संपूज्यते । [सर्वार्थसिद्धि] मुद्रां तु कण्ठदेशे परिष्वजेत्

saṃpūjya vidhivatsarvai sarvaratnaiḥ saṃpūjyate / [sarvārthasiddhi] mudrāṃ tu kaṇṭhadeśe pariṣvajet

Sanskrit only: no published translation is held for this verse.

मणिबन्धेति विख्याता रक्षा कवचिनी स्मृता । सा एव सर्वसिद्धयर्था यक्षयोगा मुखस्थिता

maṇibandheti vikhyātā rakṣā kavacinī smṛtā / sā eva sarvasiddhayarthā yakṣayogā mukhasthitā

Sanskrit only: no published translation is held for this verse.

मणिदंष्ट्रेति [विख्या]ता भयात्सर्वार्थहारिणी । वज्रबन्धं दृढीकृत्य कुञ्चिताग्र्या सुयन्त्रिता

maṇidaṃṣṭreti [vikhyā]tā bhayātsarvārthahāriṇī / vajrabandhaṃ dṛḍhīkṛtya kuñcitāgryā suyantritā

Sanskrit only: no published translation is held for this verse.

संगृह्याङ्गुष्ठयोः सम्यग् मणिमुष्टिस्तु सिद्धिदा । पूजाग्रसमयानां तु वज्रधातुप्रयोगतः

saṃgṛhyāṅguṣṭhayoḥ samyag maṇimuṣṭistu siddhidā / pūjāgrasamayānāṃ tu vajradhātuprayogataḥ

Sanskrit only: no published translation is held for this verse.

यथावन्मणियोगेन समयाग्र्यो ऽत्र कल्पिताः । मध्यमा मणियोगेन ता एव तु विकल्पिताः

yathāvanmaṇiyogena samayāgryo 'tra kalpitāḥ / madhyamā maṇiyogena tā eva tu vikalpitāḥ

Sanskrit only: no published translation is held for this verse.