Sarvatathagatatattvasamgraha 17

अथ वज्रपाणिः पुनरपीदं वज्रगुह्यं नाम महावज्रमण्डलमभाषत् । अथातः संप्रवक्ष्यामि वज्रमण्डलमुत्तमं । वज्रधातुप्रतीकाशं वज्रगुह्यमितिस्मृतं

atha vajrapāṇiḥ punarapīdaṃ vajraguhyaṃ nāma mahāvajramaṇḍalamabhāṣat / athātaḥ saṃpravakṣyāmi vajramaṇḍalamuttamaṃ / vajradhātupratīkāśaṃ vajraguhyamitismṛtaṃ

Sanskrit only: no published translation is held for this verse.

महामण्डलयोगेन सर्वमण्डलमालिखेत् । सर्वमण्डलमध्येषु बुद्धमुद्राः समालिखेत्

mahāmaṇḍalayogena sarvamaṇḍalamālikhet / sarvamaṇḍalamadhyeṣu buddhamudrāḥ samālikhet

Sanskrit only: no published translation is held for this verse.

पर्यङके सुस्थितं चैत्यं वज्रधात्वीश्वरी स्मृता । पर्यङ्के वज्रा वज्रां तु वज्रचिन्तेति कीर्तिता ॥ ३ ॥ ॥ वज्ररत्नं तु पर्यङ्के स्वाभिषेकेति कीर्तिता । पर्यङ्के वज्रपद्मं तु आयुधैति प्रकीर्तिता

paryaṅake susthitaṃ caityaṃ vajradhātvīśvarī smṛtā / paryaṅke vajrā vajrāṃ tu vajracinteti kīrtitā // 3 // // vajraratnaṃ tu paryaṅke svābhiṣeketi kīrtitā / paryaṅke vajrapadmaṃ tu āyudhaiti prakīrtitā

Sanskrit only: no published translation is held for this verse.

कर्मवज्रं तु पर्यङ्के सर्ववज्रेति कीर्तिता । पद्मप्रतिष्ठाः समालेख्याः प्रभामण्डलसंस्थिताः

karmavajraṃ tu paryaṅke sarvavajreti kīrtitā / padmapratiṣṭhāḥ samālekhyāḥ prabhāmaṇḍalasaṃsthitāḥ

Sanskrit only: no published translation is held for this verse.

पर्यङ्केतु लिखेद् वज्रमुत्थितं द्वयङ्कुशं तथा । वज्रं वज्रपरियुक्तं साधुकारद्वयं तथा

paryaṅketu likhed vajramutthitaṃ dvayaṅkuśaṃ tathā / vajraṃ vajrapariyuktaṃ sādhukāradvayaṃ tathā

Sanskrit only: no published translation is held for this verse.

रत्नं करोज्वलं कुर्यात्सूर्यमुद्रान्तथैव च । ध्वजाग्रं चैव सज्वालं दन्तपङिक्तर्द्विवज्रगे

ratnaṃ karojvalaṃ kuryātsūryamudrāntathaiva ca / dhvajāgraṃ caiva sajvālaṃ dantapaṅiktardvivajrage

Sanskrit only: no published translation is held for this verse.

वज्रमध्ये लिखेत्पद्मं खड्गं सज्वालमेव च । वज्रारं वज्रचक्रं तु जिव्हां रश्मिकरोज्ज्वलां

vajramadhye likhetpadmaṃ khaḍgaṃ sajvālameva ca / vajrāraṃ vajracakraṃ tu jivhāṃ raśmikarojjvalāṃ

Sanskrit only: no published translation is held for this verse.

वज्रं तु सर्वतो वक्त्रं कवचं वज्रसंयुतं । वज्रदंष्ट्रे तथा लेख्ये मुष्टिमुद्रा करद्वये

vajraṃ tu sarvato vaktraṃ kavacaṃ vajrasaṃyutaṃ / vajradaṃṣṭre tathā lekhye muṣṭimudrā karadvaye

Sanskrit only: no published translation is held for this verse.

सत्ववज्रादयो लेख्या यथावद् धातुमण्डले । चिन्हमुद्राः समालेख्या वज्रलास्यादिमण्डले

satvavajrādayo lekhyā yathāvad dhātumaṇḍale / cinhamudrāḥ samālekhyā vajralāsyādimaṇḍale

Sanskrit only: no published translation is held for this verse.