ततः सर्वतथागतज्ञानवज्राधिष्ठानसमाधिमुद्राज्ञानं शिक्षयेत् । सूक्ष्मवज्रप्रयोगेण भावयेद्वज्रमध्यतः । बुद्धबिम्बं स्वमात्मानं बुद्धत्वं सो ह्यवाप्नुयाद् ॥ इति ॥ ततो वज्रसत्वसमाधिमुद्राज्ञानं शिक्षयेत् । सुक्ष्मवज्रविधिं योज्य हृदि वज्रादयो गणाः । भावयं वज्रसत्वाद्याः प्रददन्ति स्वसिद्धये ॥ इति ॥ ततः सर्वतथागतकुलसमाधिसमयमुद्राज्ञानं शिक्षयेत् । वज्रबन्धसमुद्भूताः षोडशस्तु प्रकीर्तिताः । समाधिसमयाग्र्यस्तु तासां बन्धः प्रवक्ष्यते
tataḥ sarvatathāgatajñānavajrādhiṣṭhānasamādhimudrājñānaṃ śikṣayet / sūkṣmavajraprayogeṇa bhāvayedvajramadhyataḥ / buddhabimbaṃ svamātmānaṃ buddhatvaṃ so hyavāpnuyād // iti // tato vajrasatvasamādhimudrājñānaṃ śikṣayet / sukṣmavajravidhiṃ yojya hṛdi vajrādayo gaṇāḥ / bhāvayaṃ vajrasatvādyāḥ pradadanti svasiddhaye // iti // tataḥ sarvatathāgatakulasamādhisamayamudrājñānaṃ śikṣayet / vajrabandhasamudbhūtāḥ ṣoḍaśastu prakīrtitāḥ / samādhisamayāgryastu tāsāṃ bandhaḥ pravakṣyate
Sanskrit only: no published translation is held for this verse.
पर्यङ्कस्था समुत्ताना वलितोद्ववलिता तथा । हृदिस्था च चतुर्थी तु वज्रसत्वादिमण्डले
paryaṅkasthā samuttānā valitodvavalitā tathā / hṛdisthā ca caturthī tu vajrasatvādimaṇḍale
Sanskrit only: no published translation is held for this verse.
ललातस्था शिरः पृष्ठे स्कन्धे हासप्रयोजिता । मुखधात्री हृदि खड्गा हृद्विकासा मुखस्थिता
lalātasthā śiraḥ pṛṣṭhe skandhe hāsaprayojitā / mukhadhātrī hṛdi khaḍgā hṛdvikāsā mukhasthitā
Sanskrit only: no published translation is held for this verse.
मू(र्धन्)वक्षस्तु वक्त्रस्था ज्येष्ठस्था पुरतस्तथा । अतः परं समासेन धर्ममुद्रास्तु शिक्षयेद् ॥ इति
mū(rdhan)vakṣastu vaktrasthā jyeṣṭhasthā puratastathā / ataḥ paraṃ samāsena dharmamudrāstu śikṣayed // iti
Sanskrit only: no published translation is held for this verse.