Sarvatathagatatattvasamgraha 54

अथात्र हृदयानि भवन्ति । हुं अः ॥ हुं ज्जः ॥ हुं होः ॥ हुं हं ॥ ततस्त्रिलोकविजयमहामण्डलसमयतत्वमुद्राज्ञानं शिक्षयेत् । वज्रधातुप्रयोगेण बुद्धानुस्मृतिमान् भवेत् । यस्तु सत्वहितार्थाय स तु बुद्धत्वमाप्नुयात्

athātra hṛdayāni bhavanti / huṃ aḥ // huṃ jjaḥ // huṃ hoḥ // huṃ haṃ // tatastrilokavijayamahāmaṇḍalasamayatatvamudrājñānaṃ śikṣayet / vajradhātuprayogeṇa buddhānusmṛtimān bhavet / yastu satvahitārthāya sa tu buddhatvamāpnuyāt

Sanskrit only: no published translation is held for this verse.

महेश्वरमुमांश्चैव भूमौ लिख्य तथाक्रमेत् । यथालेख्यानुसारेण सत्वमुद्रां समाधयेत्

maheśvaramumāṃścaiva bhūmau likhya tathākramet / yathālekhyānusāreṇa satvamudrāṃ samādhayet

Sanskrit only: no published translation is held for this verse.

अनया बद्धमात्रया त्रिलोकविजयी स तु । सिद्धविद्यो भवेत्क्षिप्रं बज्रहुंकारसन्निभः

anayā baddhamātrayā trilokavijayī sa tu / siddhavidyo bhavetkṣipraṃ bajrahuṃkārasannibhaḥ

Sanskrit only: no published translation is held for this verse.

ज्वालामण्डलमध्यस्था यथा लेख्यानुसारतः । कायवाक्चित्तवज्रैस्तु सत्वमुद्रास्तु बन्धयेत्

jvālāmaṇḍalamadhyasthā yathā lekhyānusārataḥ / kāyavākcittavajraistu satvamudrāstu bandhayet

Sanskrit only: no published translation is held for this verse.

अथासां कर्म वक्ष्यामि वज्रकर्ममनुत्तरं । बुद्धानुस्मृतिसंसिद्धः शीघ्रं बुद्धत्वमाप्नुयाद् ॥ इति

athāsāṃ karma vakṣyāmi vajrakarmamanuttaraṃ / buddhānusmṛtisaṃsiddhaḥ śīghraṃ buddhatvamāpnuyād // iti

Sanskrit only: no published translation is held for this verse.

त्रिलोकविजयां बध्वा त्रिलोकविजयी भवेत् । वज्रायुः सर्वगामी तु वज्रहुंकारसन्निभः

trilokavijayāṃ badhvā trilokavijayī bhavet / vajrāyuḥ sarvagāmī tu vajrahuṃkārasannibhaḥ

Sanskrit only: no published translation is held for this verse.

वज्राभिषेका राज्यत्वं लोकैश्वर्यं सुधर्मिणी । कर्मवज्रमहाक्रोधा वज्रकर्मकरी भवेत्

vajrābhiṣekā rājyatvaṃ lokaiśvaryaṃ sudharmiṇī / karmavajramahākrodhā vajrakarmakarī bhavet

Sanskrit only: no published translation is held for this verse.

सत्वक्रोधा महादाढ्र्यं क्रोधाङ्कुश्या समाव्हान । रागयेत्क्रोधरागा तु साधुक्रोधा तु तुष्टिदा

satvakrodhā mahādāḍhryaṃ krodhāṅkuśyā samāvhāna / rāgayetkrodharāgā tu sādhukrodhā tu tuṣṭidā

Sanskrit only: no published translation is held for this verse.

भृकुट्या नाशयेत्सर्वं क्रोधसूर्या सुतेजतां । केतुक्रोधा हरेदर्थान् अट्टहासा तु मारयेत्

bhṛkuṭyā nāśayetsarvaṃ krodhasūryā sutejatāṃ / ketukrodhā haredarthān aṭṭahāsā tu mārayet

Sanskrit only: no published translation is held for this verse.

धर्मक्रोधा हरेद् धर्मान् च्छिन्देद्वै क्रोधवज्रया । हेतुक्रोधा हरेद् दुःखान् वाग्घरेत् क्रोधभाषया

dharmakrodhā hared dharmān cchindedvai krodhavajrayā / hetukrodhā hared duḥkhān vāggharet krodhabhāṣayā

Sanskrit only: no published translation is held for this verse.

कर्मक्रोधा सुकर्माणि कुर्याद् रक्षां तु रक्षया । क्रोधयक्षा रिपुं खादेत् क्रोधमुष्टिस्तु सिद्धिदा ॥ इति

karmakrodhā sukarmāṇi kuryād rakṣāṃ tu rakṣayā / krodhayakṣā ripuṃ khādet krodhamuṣṭistu siddhidā // iti

Sanskrit only: no published translation is held for this verse.