Sarvatathagatatattvasamgraha 57

सर्वमुद्राविधिः ॥ अथात्र त्रिलोकविजयम[हामण्डल]साधारणमुद्राबन्धो भवति । त्रिलोकविजया मुद्रा वज्राग्रसमयस्य तु । वज्रहुंकारमन्त्रस्य सर्वसिद्धिप्रदा क्षणात्

sarvamudrāvidhiḥ // athātra trilokavijayama[hāmaṇḍala]sādhāraṇamudrābandho bhavati / trilokavijayā mudrā vajrāgrasamayasya tu / vajrahuṃkāramantrasya sarvasiddhipradā kṣaṇāt

Sanskrit only: no published translation is held for this verse.

कनिष्ठाग्र्याङ्कुशैर्बन्धेद्वज्रौ द्वावधरोत्तरौ । समयाङ्कुशमुद्रेयं सर्वमाकर्षयेत्क्षणात्

kaniṣṭhāgryāṅkuśairbandhedvajrau dvāvadharottarau / samayāṅkuśamudreyaṃ sarvamākarṣayetkṣaṇāt

Sanskrit only: no published translation is held for this verse.

सर्वविद्योत्तमानां तु त्रिलोकविजया स्मृता । [घातनी चैव] सर्वस्य सर्वकर्मकरी तथा

sarvavidyottamānāṃ tu trilokavijayā smṛtā / [ghātanī caiva] sarvasya sarvakarmakarī tathā

Sanskrit only: no published translation is held for this verse.

द्विवज्राग्र्याङ्गुली सम्यक्सन्धाय सुसमाहितः । उत्थापयेन्मृतं सर्व वज्रोत्तिष्ठेति संज्ञिता

dvivajrāgryāṅgulī samyaksandhāya susamāhitaḥ / utthāpayenmṛtaṃ sarva vajrottiṣṭheti saṃjñitā

Sanskrit only: no published translation is held for this verse.

द्विवज्राग्र्याङ्गुली सम्यक् वज्रबन्धेन बन्धयेत् । परिवर्त्य स्थापेन्मूर्ध्नि आयुरारोग्यवर्धनी

dvivajrāgryāṅgulī samyak vajrabandhena bandhayet / parivartya sthāpenmūrdhni āyurārogyavardhanī

Sanskrit only: no published translation is held for this verse.

वज्रबन्धं दृढीकृत्य समाङ्गुष्ठप्रवेशिता । तर्जनी दृढं संकोचा वलिता पादकर्षणी ॥ ६ ॥ ॥ त्रिलोकविजयां बध्वा यस्य बिम्बं समाक्रमेत् । वामपादेन तं सत्वं मासादर्धेन सिद्ध्यति

vajrabandhaṃ dṛḍhīkṛtya samāṅguṣṭhapraveśitā / tarjanī dṛḍhaṃ saṃkocā valitā pādakarṣaṇī // 6 // // trilokavijayāṃ badhvā yasya bimbaṃ samākramet / vāmapādena taṃ satvaṃ māsādardhena siddhyati

Sanskrit only: no published translation is held for this verse.

वज्रमुद्राद्विकं बध्वा ताडयेत परस्परं । यस्य वै रात्वकायं तु समाविष्टस्तु ताडयेत्

vajramudrādvikaṃ badhvā tāḍayeta parasparaṃ / yasya vai rātvakāyaṃ tu samāviṣṭastu tāḍayet

Sanskrit only: no published translation is held for this verse.

वज्रमुद्राद्विकं बध्वा कवचं स्वं परस्य वा । ग्रन्थनन् तर्जनीभ्यां तु रक्षा भवती शाश्वती

vajramudrādvikaṃ badhvā kavacaṃ svaṃ parasya vā / granthanan tarjanībhyāṃ tu rakṣā bhavatī śāśvatī

Sanskrit only: no published translation is held for this verse.

वज्रबन्धं तले कृत्वाच्छादयेत्क्रुद्धमानसः । गाढमङ्गुष्ठ [वज्रेण] सिद्ध्येद्वज्रकुलं महत्

vajrabandhaṃ tale kṛtvācchādayetkruddhamānasaḥ / gāḍhamaṅguṣṭha [vajreṇa] siddhyedvajrakulaṃ mahat

Sanskrit only: no published translation is held for this verse.

सत्ववज्रं दृढीकृत्य द्व्यङ्गुष्ठग्रस्तमध्यमे । कनिष्ठा वज्रमुखतो तीक्ष्ण[आन्तु समय]ग्रहां

satvavajraṃ dṛḍhīkṛtya dvyaṅguṣṭhagrastamadhyame / kaniṣṭhā vajramukhato tīkṣṇa[āntu samaya]grahāṃ

Sanskrit only: no published translation is held for this verse.

वज्रमुद्राद्विकं बध्वा कुञ्चिताग्र्या निबन्धितं । वलितोद्वलितं कुर्वन् देवाकर्षणमुत्तमं

vajramudrādvikaṃ badhvā kuñcitāgryā nibandhitaṃ / valitodvalitaṃ kurvan devākarṣaṇamuttamaṃ

Sanskrit only: no published translation is held for this verse.

वज्रबन्धं दृढीकृत्य कुञ्चिताग्र्या सुयन्त्रितं । सन्धायाङ्गुष्ठयुगलं पीड्य मध्ये ऽन्तरीक्षिणां

vajrabandhaṃ dṛḍhīkṛtya kuñcitāgryā suyantritaṃ / sandhāyāṅguṣṭhayugalaṃ pīḍya madhye 'ntarīkṣiṇāṃ

Sanskrit only: no published translation is held for this verse.

कनिष्ठाङ्गुलिमध्यन्तु वज्रमुद्राद्विकस्य तु । पृष्ठतो ऽग्र्याङ्गुलिग्रस्तं परिवर्त्य खचारिणां

kaniṣṭhāṅgulimadhyantu vajramudrādvikasya tu / pṛṣṭhato 'gryāṅguligrastaṃ parivartya khacāriṇāṃ

Sanskrit only: no published translation is held for this verse.

वज्ररक्षां दृढीकृत्य वज्रबन्धं तु पीडयेत् । भौमानां समयो ह्येष सर्वकृद् दुरतिक्रमः

vajrarakṣāṃ dṛḍhīkṛtya vajrabandhaṃ tu pīḍayet / bhaumānāṃ samayo hyeṣa sarvakṛd duratikramaḥ

Sanskrit only: no published translation is held for this verse.

वज्रमुद्राद्विकं बध्वा वामवज्राग्र्यपीडिता । अन्त्याङ्गुलिसमास्फोटा पाताताकर्षणी त्वियं

vajramudrādvikaṃ badhvā vāmavajrāgryapīḍitā / antyāṅgulisamāsphoṭā pātātākarṣaṇī tviyaṃ

Sanskrit only: no published translation is held for this verse.

ग्रन्थितं वज्रबन्धेन दृढन्तर्जनिकाद्वयं । मध्यमाङ्गुष्ठवज्रं तु दुष्टमुद्राप्रभञ्जकं

granthitaṃ vajrabandhena dṛḍhantarjanikādvayaṃ / madhyamāṅguṣṭhavajraṃ tu duṣṭamudrāprabhañjakaṃ

Sanskrit only: no published translation is held for this verse.

वज्रमुद्राद्वयं बध्वा हृदि स्थाप्य समाहितः । पीडयेत्क्रोधमुष्टिं तु बाह्यमण्डलनाशनी

vajramudrādvayaṃ badhvā hṛdi sthāpya samāhitaḥ / pīḍayetkrodhamuṣṭiṃ tu bāhyamaṇḍalanāśanī

Sanskrit only: no published translation is held for this verse.

वामवज्राङ्गुलिं गृह्य दक्षिणाकुञ्चिताग्र्यया । आस्फोटयं सुसंक्रुद्धः सुमेरुमपि पातयेत्

vāmavajrāṅguliṃ gṛhya dakṣiṇākuñcitāgryayā / āsphoṭayaṃ susaṃkruddhaḥ sumerumapi pātayet

Sanskrit only: no published translation is held for this verse.

वामवज्राङ्गुलिं गृह्य दक्षिणाग्र्याङ्कु शेन तु । आकर्षयत्सुसंक्रुद्धो ग्रहां सर्वान् वशन्नयेत्

vāmavajrāṅguliṃ gṛhya dakṣiṇāgryāṅku śena tu / ākarṣayatsusaṃkruddho grahāṃ sarvān vaśannayet

Sanskrit only: no published translation is held for this verse.

वज्रबन्धं समाधाय बाहुभ्यां सुदृढं हृदि । वज्राग्र्याभ्यां स्वकुक्षौ तु कुशंस्तु हृदयं हृदि

vajrabandhaṃ samādhāya bāhubhyāṃ sudṛḍhaṃ hṛdi / vajrāgryābhyāṃ svakukṣau tu kuśaṃstu hṛdayaṃ hṛdi

Sanskrit only: no published translation is held for this verse.

अ[ग्र्याङ्गु]लिमुखाभ्यां तु पीडयेत्क्रुद्धमानसः । अङ्गुष्ठद्वयमूलन्तु ज्वराकर्षणमुत्तमं

a[gryāṅgu]limukhābhyāṃ tu pīḍayetkruddhamānasaḥ / aṅguṣṭhadvayamūlantu jvarākarṣaṇamuttamaṃ

Sanskrit only: no published translation is held for this verse.

वज्राञ्जलिं दृढीकृत्य तर्जनीद्वय [कुञ्चिता] । सुसन्धितसमाङ्गुष्ठयन्त्रिता पापहारिणी

vajrāñjaliṃ dṛḍhīkṛtya tarjanīdvaya [kuñcitā] / susandhitasamāṅguṣṭhayantritā pāpahāriṇī

Sanskrit only: no published translation is held for this verse.

अग्र्याङ्गु लिद्वयं बध्वा वज्रमुद्राद्विकान्तरात् । समुत्क्षिपेत् क्षणादूर्ध्वं पतितोत्क्षे[पकोत्तमं]

agryāṅgu lidvayaṃ badhvā vajramudrādvikāntarāt / samutkṣipet kṣaṇādūrdhvaṃ patitotkṣe[pakottamaṃ]

Sanskrit only: no published translation is held for this verse.

वज्रबन्धं दृढीकृत्य मध्यमामुखसन्धिता । चतुरन्त्यमुखासङ्गात् पापं स्फोटयति क्षणात्

vajrabandhaṃ dṛḍhīkṛtya madhyamāmukhasandhitā / caturantyamukhāsaṅgāt pāpaṃ sphoṭayati kṣaṇāt

Sanskrit only: no published translation is held for this verse.