Sarvatathagatatattvasamgraha 59

अथ वज्रापाणिः पुनरपि स्वकुलसमयमुद्रामण्डलवज्रसमयगुह्यन्नाममभाषत् । अथातः संप्रवक्ष्यामि वज्रमण्डलमुत्तमं । वज्रधातुप्रतीकाशं क्रोधगुह्यमिति स्मृतं

atha vajrāpāṇiḥ punarapi svakulasamayamudrāmaṇḍalavajrasamayaguhyannāmamabhāṣat / athātaḥ saṃpravakṣyāmi vajramaṇḍalamuttamaṃ / vajradhātupratīkāśaṃ krodhaguhyamiti smṛtaṃ

Sanskrit only: no published translation is held for this verse.

महामण्डलयोगेन सूत्रयेत्सर्वमण्डलं । पञ्चमण्डलसंस्थेषु गुह्यमुद्रान्निवेशयेत्

mahāmaṇḍalayogena sūtrayetsarvamaṇḍalaṃ / pañcamaṇḍalasaṃstheṣu guhyamudrānniveśayet

Sanskrit only: no published translation is held for this verse.

वज्रमण्डलमध्ये ऽस्मिं बुद्धबिम्बन्निवेशयेत् । बुद्धस्य क्रोधसमयान् यथावत्तु लिखेद्बुधः

vajramaṇḍalamadhye 'smiṃ buddhabimbanniveśayet / buddhasya krodhasamayān yathāvattu likhedbudhaḥ

Sanskrit only: no published translation is held for this verse.

वज्रवेगेन निःक्रम्य वज्रपाणेस्तु मण्डलं । तत्र मध्ये लिखेत् तिर्यक् शूलवज्रं प्रतिष्ठितं

vajravegena niḥkramya vajrapāṇestu maṇḍalaṃ / tatra madhye likhet tiryak śūlavajraṃ pratiṣṭhitaṃ

Sanskrit only: no published translation is held for this verse.

ज्वालामध्ये लिखेत् तस्य यथावदनुपूर्वशः । वज्रं वज्राङ्कुशं चैव वाणं तुष्टिस्तथैव च

jvālāmadhye likhet tasya yathāvadanupūrvaśaḥ / vajraṃ vajrāṅkuśaṃ caiva vāṇaṃ tuṣṭistathaiva ca

Sanskrit only: no published translation is held for this verse.

वज्र[वेगे]न चाक्रम्य द्वितीयं मण्डलोत्तमं । वज्ररत्नं लिखेत् चैव चक्रमध्ये प्रतिष्ठितं

vajra[vege]na cākramya dvitīyaṃ maṇḍalottamaṃ / vajraratnaṃ likhet caiva cakramadhye pratiṣṭhitaṃ

Sanskrit only: no published translation is held for this verse.

वज्रभृकुटिमध्ये [वज्रसूर्यं त]था ध्वजं । दन्तपंक्ती तथा वज्रैतस्य पार्श्वेषु संलिखेत्

vajrabhṛkuṭimadhye [vajrasūryaṃ ta]thā dhvajaṃ / dantapaṃktī tathā vajraitasya pārśveṣu saṃlikhet

Sanskrit only: no published translation is held for this verse.

वज्रवेगेन चाक्रम्य तृतीयं मण्ड[लोत्तमं । वज्रपद्मं लिखेद् दिव्यं पद्ममध्ये प्रति]ष्ठितं

vajravegena cākramya tṛtīyaṃ maṇḍa[lottamaṃ / vajrapadmaṃ likhed divyaṃ padmamadhye prati]ṣṭhitaṃ

Sanskrit only: no published translation is held for this verse.

ज्वालामध्ये लिखेत्पद्मं खङ्गं चक्रन्तथैव च । वज्रजिव्हां यथावत् तु तस्याः पार्श्वेषु स[र्वेषु

jvālāmadhye likhetpadmaṃ khaṅgaṃ cakrantathaiva ca / vajrajivhāṃ yathāvat tu tasyāḥ pārśveṣu sa[rveṣu

Sanskrit only: no published translation is held for this verse.

वज्रवेगेन चाक्रम्य चतुर्थ मण्डलोत्त]मं । तिर्यग्वज्रे लिखेद् वज्रं वृतं वज्रैर्महाप्रभैः

vajravegena cākramya caturtha maṇḍalotta]maṃ / tiryagvajre likhed vajraṃ vṛtaṃ vajrairmahāprabhaiḥ

Sanskrit only: no published translation is held for this verse.

कोणेषु बाह्यसंस्थेषु यथावत्तु लिखेन्नयं । अतः परं प्रवक्ष्यामि मुद्राविद्याः समासतः

koṇeṣu bāhyasaṃstheṣu yathāvattu likhennayaṃ / ataḥ paraṃ pravakṣyāmi mudrāvidyāḥ samāsataḥ

Sanskrit only: no published translation is held for this verse.