Sarvatathagatatattvasamgraha 60

अथास्मिन् वज्रकुलगुह्यमण्डले प्रवेशविधिविस्तरो भवति । तत्रादित एव तावत् त्रिलोकविजयमहामण्डलप्रवेशविधिना प्रविश्य, वज्रगुह्यवज्रकुलसमयमुद्राप्रतिमुद्रोपमुद्राज्ञानमुद्राभिः वज्रधरपूजार्थ नृत्योपहारः कर्तव्य इति । तत्रेदं नृत्यप्रतिनृत्योपनृत्यज्ञाननृत्योपहारमुद्राज्ञानं भवति । [तत्रादित एव वज्रधातुसंग्रहहृदयं वज्रगीतेन गायन् सर्वतथागतानां स्तोत्रोपहारङ्कृत्वा, वज्राचार्येण सत्ववज्रिमुद्रा स्फोटयितव्या, ततो यथा प्र[विष्ट]मुद्राभिः समाविशन्ति । वज्रनृत्यप्रयोगेण वज्रक्रोधाङ्गुलिद्वयं । वज्रहुंकारमुद्रां तु हृदये तु निबन्धयेत्

athāsmin vajrakulaguhyamaṇḍale praveśavidhivistaro bhavati / tatrādita eva tāvat trilokavijayamahāmaṇḍalapraveśavidhinā praviśya, vajraguhyavajrakulasamayamudrāpratimudropamudrājñānamudrābhiḥ vajradharapūjārtha nṛtyopahāraḥ kartavya iti / tatredaṃ nṛtyapratinṛtyopanṛtyajñānanṛtyopahāramudrājñānaṃ bhavati / [tatrādita eva vajradhātusaṃgrahahṛdayaṃ vajragītena gāyan sarvatathāgatānāṃ stotropahāraṅkṛtvā, vajrācāryeṇa satvavajrimudrā sphoṭayitavyā, tato yathā pra[viṣṭa]mudrābhiḥ samāviśanti / vajranṛtyaprayogeṇa vajrakrodhāṅgulidvayaṃ / vajrahuṃkāramudrāṃ tu hṛdaye tu nibandhayet

Sanskrit only: no published translation is held for this verse.

ततस्तु नृत्यविधि[ना वज्र]क्रोधाङ्कुशेन तु । आकर्षयत् सर्वबुद्धान् वज्रवाणां परिक्षिपेत्

tatastu nṛtyavidhi[nā vajra]krodhāṅkuśena tu / ākarṣayat sarvabuddhān vajravāṇāṃ parikṣipet

Sanskrit only: no published translation is held for this verse.

वज्रवाणपरिक्षेपाद् वज्रतुष्ट्या तु साधयेत् । मुक्त्वा मुद्रां यथा[विधि]तालया चैव बन्धयेत्

vajravāṇaparikṣepād vajratuṣṭyā tu sādhayet / muktvā mudrāṃ yathā[vidhi]tālayā caiva bandhayet

Sanskrit only: no published translation is held for this verse.

अनेन पूजाविधिना वज्रपाणिन्तु तोषयेत् । तुष्टः सत् सर्वकार्याणि साधयेद् रुचितः क्षणात्

anena pūjāvidhinā vajrapāṇintu toṣayet / tuṣṭaḥ sat sarvakāryāṇi sādhayed rucitaḥ kṣaṇāt

Sanskrit only: no published translation is held for this verse.