Sarvatathagatatattvasamgraha 68

अथ वज्रापाणिः पुनरपीदं वज्रकुलसूक्ष्मज्ञानसमयमण्डलमुदाजहार । अथातः संप्रवक्ष्यामि धर्ममण्डलमुत्तमं । वज्रधातुप्रतीकाशं क्रोधज्ञानमिति स्मृतं

atha vajrāpāṇiḥ punarapīdaṃ vajrakulasūkṣmajñānasamayamaṇḍalamudājahāra / athātaḥ saṃpravakṣyāmi dharmamaṇḍalamuttamaṃ / vajradhātupratīkāśaṃ krodhajñānamiti smṛtaṃ

Sanskrit only: no published translation is held for this verse.

महामण्डलयोगेन सूत्रयेत्सर्वमण्डलं । तस्य मध्ये लिखेद्बुद्धं ज्ञानवज्रस्य मध्यगं

mahāmaṇḍalayogena sūtrayetsarvamaṇḍalaṃ / tasya madhye likhedbuddhaṃ jñānavajrasya madhyagaṃ

Sanskrit only: no published translation is held for this verse.

बुद्धस्य सर्वपार्श्वेषु मुद्रास्ता एव संलिखेत् । वज्रवेगेन निष्क्रम्य मण्डलानां चतुष्टये

buddhasya sarvapārśveṣu mudrāstā eva saṃlikhet / vajravegena niṣkramya maṇḍalānāṃ catuṣṭaye

Sanskrit only: no published translation is held for this verse.