Sarvatathagatatattvasamgraha 76

अथात्र कर्ममण्डले यथावद् विधिविस्तरं कृत्वा, वज्रकुलकर्मज्ञानान्युत्पादयेत् । तत्रादित एव शान्तिकर्मादिज्ञानं शिक्षयेत् । समिद्भिर्मधुरैरग्निं प्रज्वाल्य सुसमाहितः । वज्रक्रोधसमापत्त्या तिलां हुत्वा अघान्दहेत्

athātra karmamaṇḍale yathāvad vidhivistaraṃ kṛtvā, vajrakulakarmajñānānyutpādayet / tatrādita eva śāntikarmādijñānaṃ śikṣayet / samidbhirmadhurairagniṃ prajvālya susamāhitaḥ / vajrakrodhasamāpattyā tilāṃ hutvā aghāndahet

Sanskrit only: no published translation is held for this verse.

तैरेव तु समिद्भिस्तु प्रज्वाल्य तु हुताशनं । तण्डुलांस्तु जुह्वन् नित्यं गृहपुष्टिर्भवेद् ध्रुवं

taireva tu samidbhistu prajvālya tu hutāśanaṃ / taṇḍulāṃstu juhvan nityaṃ gṛhapuṣṭirbhaved dhruvaṃ

Sanskrit only: no published translation is held for this verse.

समिद्भिर्मधुरैश्चापि अग्निं प्रज्वाल्य पण्डितः । दूर्वाप्रवालां सघृतान् जुह्वन्नायुः प्रवर्धते

samidbhirmadhuraiścāpi agniṃ prajvālya paṇḍitaḥ / dūrvāpravālāṃ saghṛtān juhvannāyuḥ pravardhate

Sanskrit only: no published translation is held for this verse.

तैरेव तु समिद्भिस्तु प्रज्वाल्य तु हुताशनं । कुशप्रवालांस्तैलेन जुह्वन् रक्षा तु शाश्वतम् ॥ इति

taireva tu samidbhistu prajvālya tu hutāśanaṃ / kuśapravālāṃstailena juhvan rakṣā tu śāśvatam // iti

Sanskrit only: no published translation is held for this verse.