अथात्र हृदयानि भवन्ति । वज्र वज्र ॥ शुद्ध शुद्ध ॥ सत्व सत्व ॥ बुद्ध बुद्ध ॥ सर्वसिद्धिज्ञाननिष्पत्तयः ॥ अथ रहस्याधरणक्षमो भवति ॥ तस्य प्रथमं तावच्छपथहृदयं भूयात् । ॐ वज्रसत्त्वः स्वयं ते ऽद्य हृदयं समवस्थितः । निर्भिद्य तत्क्षणं यायाद्यदि भूयादिदन्नयम् ॥ तत एवं वदेन् "न त्वयेदं शपथहृदयमतिक्रमितव्यम्; मा ते विषमापरिहारेणाकालमरणं स्याद्, अनेनैव कायेन नरकपतनम्" । ततो रहस्यमुद्राज्ञानं शिक्षयेत् । वज्रावेशं समुत्पाद्य तालं दद्यात् समाहितः । वज्रांजलितलैः सूक्ष्मं पर्वतो ऽपि वशं नयेत्
athātra hṛdayāni bhavanti / vajra vajra // śuddha śuddha // satva satva // buddha buddha // sarvasiddhijñānaniṣpattayaḥ // atha rahasyādharaṇakṣamo bhavati // tasya prathamaṃ tāvacchapathahṛdayaṃ bhūyāt / oṃ vajrasattvaḥ svayaṃ te 'dya hṛdayaṃ samavasthitaḥ / nirbhidya tatkṣaṇaṃ yāyādyadi bhūyādidannayam // tata evaṃ vaden "na tvayedaṃ śapathahṛdayamatikramitavyam; mā te viṣamāparihāreṇākālamaraṇaṃ syād, anenaiva kāyena narakapatanam" / tato rahasyamudrājñānaṃ śikṣayet / vajrāveśaṃ samutpādya tālaṃ dadyāt samāhitaḥ / vajrāṃjalitalaiḥ sūkṣmaṃ parvato 'pi vaśaṃ nayet
Sanskrit only: no published translation is held for this verse.
वज्रतालमुद्रा ॥ वज्रावेशविधिं योज्य वज्रबन्धतलैः हनेत् । सूक्ष्मतालप्रयोगेण पर्वते ऽपि समाविशेत्
vajratālamudrā // vajrāveśavidhiṃ yojya vajrabandhatalaiḥ hanet / sūkṣmatālaprayogeṇa parvate 'pi samāviśet
Sanskrit only: no published translation is held for this verse.
तथैवावेशविधिना वज्रबन्धप्रसारिते । अग्रांगुलिसमास्फोटाद्धनेत् कुलशतं क्षणात्
tathaivāveśavidhinā vajrabandhaprasārite / agrāṃgulisamāsphoṭāddhanet kulaśataṃ kṣaṇāt
Sanskrit only: no published translation is held for this verse.
सूक्ष्मावेशविधेर्योगात्सर्वागुलिसमाहितम् । वज्रबन्धविनिर्मुक्तं सर्वदुःखहरं परम् ॥ इति
sūkṣmāveśavidheryogātsarvāgulisamāhitam / vajrabandhavinirmuktaṃ sarvaduḥkhaharaṃ param // iti
Sanskrit only: no published translation is held for this verse.