Sarvatathagatatattvasamgraha 95

अथ वज्रपाणिः पुनरपीदं सर्ववज्रकुलवज्रमण्डलमभाषत् । अथातः संप्रवक्ष्यामि वज्रमण्डलमुत्तमं । चतुरश्रमुत्तरद्वारं सूत्रयेद् बाह्यमण्डलं

atha vajrapāṇiḥ punarapīdaṃ sarvavajrakulavajramaṇḍalamabhāṣat / athātaḥ saṃpravakṣyāmi vajramaṇḍalamuttamaṃ / caturaśramuttaradvāraṃ sūtrayed bāhyamaṇḍalaṃ

Sanskrit only: no published translation is held for this verse.

तस्याभ्यन्तरतस्तत्र पूर्वद्वारन्तथैव च । तस्य मध्ये यथायोगं बुद्धबिम्बन्निवेशयेत्

tasyābhyantaratastatra pūrvadvārantathaiva ca / tasya madhye yathāyogaṃ buddhabimbanniveśayet

Sanskrit only: no published translation is held for this verse.

त्रिलोकविजयाद्यास्तु चतस्रस्तस्य सर्वतः । मण्डलस्य तथा श्रेष्ठ वज्रमुद्राः समालिखेत्

trilokavijayādyāstu catasrastasya sarvataḥ / maṇḍalasya tathā śreṣṭha vajramudrāḥ samālikhet

Sanskrit only: no published translation is held for this verse.

तासां सर्वेषु पार्श्वेषु कुलमुद्राः समालिखेत् । वज्रशौण्डादयश्चैव चत्वारो द्वाररक्षकाः

tāsāṃ sarveṣu pārśveṣu kulamudrāḥ samālikhet / vajraśauṇḍādayaścaiva catvāro dvārarakṣakāḥ

Sanskrit only: no published translation is held for this verse.

भीमां श्रियं सरस्वतीं दुर्गां कोणेषु वामतः । बाह्यकोणेषु मुद्रा वै आसामेव तु संलिखेत्

bhīmāṃ śriyaṃ sarasvatīṃ durgāṃ koṇeṣu vāmataḥ / bāhyakoṇeṣu mudrā vai āsāmeva tu saṃlikhet

Sanskrit only: no published translation is held for this verse.

बाह्यमण्डलेषु पुनर्यथावद्देवीः संलिखेत् । अतः परं प्रवक्ष्यामि यथावद्विधिविस्तरम् ॥ इति

bāhyamaṇḍaleṣu punaryathāvaddevīḥ saṃlikhet / ataḥ paraṃ pravakṣyāmi yathāvadvidhivistaram // iti

Sanskrit only: no published translation is held for this verse.