Satvatatantra 6

शेषानुगः शेषशायी यशोदानतिमानदः । नन्दानन्दकरो गोपगोपीगोकुलबान्धवः

śeṣānugaḥ śeṣaśāyī yaśodānatimānadaḥ / nandānandakaro gopagopīgokulabāndhavaḥ

Sanskrit only: no published translation is held for this verse.

सर्वव्रजजनानन्दी भक्तवल्लभववल्लभः । वल्यव्यङ्गलसद्गात्रो बल्लवीबाहुमध्यगः

sarvavrajajanānandī bhaktavallabhavavallabhaḥ / valyavyaṅgalasadgātro ballavībāhumadhyagaḥ

Sanskrit only: no published translation is held for this verse.

पीतपूतनिकास्तन्यः पूतनाप्राणशोषणः । पूतनोरस्थलस्थायी पूतनामोक्षदायकः

pītapūtanikāstanyaḥ pūtanāprāṇaśoṣaṇaḥ / pūtanorasthalasthāyī pūtanāmokṣadāyakaḥ

Sanskrit only: no published translation is held for this verse.

समागतजनानन्दी शकटोच्चाटकारकः । प्राप्तविप्राशिषोधीशो लघिमादिगुणाश्रयः

samāgatajanānandī śakaṭoccāṭakārakaḥ / prāptaviprāśiṣodhīśo laghimādiguṇāśrayaḥ

Sanskrit only: no published translation is held for this verse.

तृणावर्तगलग्राही तृणावर्तनिषूदनः । जनन्यानन्दजनको जनन्यामुखविश्वदृक्

tṛṇāvartagalagrāhī tṛṇāvartaniṣūdanaḥ / jananyānandajanako jananyāmukhaviśvadṛk

Sanskrit only: no published translation is held for this verse.

बालक्रीडारतो बालभाषालीलादिनिर्वृतः । गोपगोपीप्रियकरो गीतनृत्यानुकारकः

bālakrīḍārato bālabhāṣālīlādinirvṛtaḥ / gopagopīpriyakaro gītanṛtyānukārakaḥ

Sanskrit only: no published translation is held for this verse.

नवनीतविलिप्ताङ्गो नवनीतलवप्रियः । नवनीतलवाहारी नवनीतानुतस्करः

navanītaviliptāṅgo navanītalavapriyaḥ / navanītalavāhārī navanītānutaskaraḥ

Sanskrit only: no published translation is held for this verse.

दामोदरो ऽर्जुनोन्मूलो गोपैकमतिकारकः । वृन्दावनवनक्रीडो नानाक्रीडाविशारदः

dāmodaro 'rjunonmūlo gopaikamatikārakaḥ / vṛndāvanavanakrīḍo nānākrīḍāviśāradaḥ

Sanskrit only: no published translation is held for this verse.

वत्सपुच्छसमाकर्षी वत्सासुरनिषूदनः । बकारिर् अघसंहारी बालाद्यन्तकनाशनः

vatsapucchasamākarṣī vatsāsuraniṣūdanaḥ / bakārir aghasaṃhārī bālādyantakanāśanaḥ

Sanskrit only: no published translation is held for this verse.

यमुनानिलसंजुष्टसुमृष्टपुलिनप्रियः । गोपालबालपूगस्थः स्निग्धदध्यन्नभोजनः

yamunānilasaṃjuṣṭasumṛṣṭapulinapriyaḥ / gopālabālapūgasthaḥ snigdhadadhyannabhojanaḥ

Sanskrit only: no published translation is held for this verse.

गोगोपगोपीप्रियकृद् धनभृन् मोहखण्डनः । विधातुर् मोहजनको ऽत्यद्भुतैश्वर्यदर्शकः

gogopagopīpriyakṛd dhanabhṛn mohakhaṇḍanaḥ / vidhātur mohajanako 'tyadbhutaiśvaryadarśakaḥ

Sanskrit only: no published translation is held for this verse.

विधिस्तुतपदाम्भोजो गोपदारकबुद्धिभित् । कालीयदर्पदलनो नागनारीनुतिप्रियः

vidhistutapadāmbhojo gopadārakabuddhibhit / kālīyadarpadalano nāganārīnutipriyaḥ

Sanskrit only: no published translation is held for this verse.

दावाग्निशमनः सर्वव्रजभृज् जनजीवनः । मुञ्जारण्यप्रवेशाप्तकृच्छ्रदावाग्निदारणः

dāvāgniśamanaḥ sarvavrajabhṛj janajīvanaḥ / muñjāraṇyapraveśāptakṛcchradāvāgnidāraṇaḥ

Sanskrit only: no published translation is held for this verse.

सर्वकालसुखक्रीडो बर्हिबर्हावतंसकः । गोधुग्वधूजनप्राणो वेणुवाद्यविशारदः

sarvakālasukhakrīḍo barhibarhāvataṃsakaḥ / godhugvadhūjanaprāṇo veṇuvādyaviśāradaḥ

Sanskrit only: no published translation is held for this verse.

गोपीपिधानारुन्धानो गोपीव्रतवरप्रदः । विप्रदर्पप्रशमनो विप्रपत्नीप्रसाददः

gopīpidhānārundhāno gopīvratavarapradaḥ / vipradarpapraśamano viprapatnīprasādadaḥ

Sanskrit only: no published translation is held for this verse.

शतक्रतुवरध्वंसी शक्रदर्पमदापहः । धृतगोवर्धनगिरिर् व्रजलोकाभयप्रदः

śatakratuvaradhvaṃsī śakradarpamadāpahaḥ / dhṛtagovardhanagirir vrajalokābhayapradaḥ

Sanskrit only: no published translation is held for this verse.

इन्द्रकीर्तिलसत्कीर्तिर् गोविन्दो गोकुलोत्सवः । नन्दत्राणकरो देवजलेशेडितसत्कथः

indrakīrtilasatkīrtir govindo gokulotsavaḥ / nandatrāṇakaro devajaleśeḍitasatkathaḥ

Sanskrit only: no published translation is held for this verse.

व्रजवासिजनश्लाघ्यो निजलोकप्रदर्शकः । सुवेणुनादमदनोन्मत्तगोपीविनोदकृत्

vrajavāsijanaślāghyo nijalokapradarśakaḥ / suveṇunādamadanonmattagopīvinodakṛt

Sanskrit only: no published translation is held for this verse.

गोधुग्वधूदर्पहरः स्वयशःकीर्तनोत्सवः । व्रजाङ्गनाजनारामो व्रजसुन्दरीवल्लभः

godhugvadhūdarpaharaḥ svayaśaḥkīrtanotsavaḥ / vrajāṅganājanārāmo vrajasundarīvallabhaḥ

Sanskrit only: no published translation is held for this verse.

रासक्रीडारतो रासमहामण्डलमण्डनः । वृन्दावनवनामोदी यमुनाकूलकेलिकृत्

rāsakrīḍārato rāsamahāmaṇḍalamaṇḍanaḥ / vṛndāvanavanāmodī yamunākūlakelikṛt

Sanskrit only: no published translation is held for this verse.

गोपिकागीतिकागीतः शङ्खचूडशिरोहरः । महासर्पमुखग्रस्तत्रस्तनन्दविमोचकः

gopikāgītikāgītaḥ śaṅkhacūḍaśiroharaḥ / mahāsarpamukhagrastatrastanandavimocakaḥ

Sanskrit only: no published translation is held for this verse.

सुदर्शनार्चितपदो दुष्टारिष्टविनाशकः । केशिद्वेषो व्योमहन्ता श्रुतनारदकीर्तनः

sudarśanārcitapado duṣṭāriṣṭavināśakaḥ / keśidveṣo vyomahantā śrutanāradakīrtanaḥ

Sanskrit only: no published translation is held for this verse.

अक्रूरप्रियकृत् क्रूररजकघ्नः सुवेशकृत् । सुदामदत्तमालाढ्यः कुब्जाचन्दनचर्चितः

akrūrapriyakṛt krūrarajakaghnaḥ suveśakṛt / sudāmadattamālāḍhyaḥ kubjācandanacarcitaḥ

Sanskrit only: no published translation is held for this verse.

मथुराजनसंहर्षी चण्डकोदण्डखण्डकृत् । कंससैन्यसमुच्छेदी वणिग्विप्रगणार्चितः

mathurājanasaṃharṣī caṇḍakodaṇḍakhaṇḍakṛt / kaṃsasainyasamucchedī vaṇigvipragaṇārcitaḥ

Sanskrit only: no published translation is held for this verse.

महाकुवलयापीडघाती चाणुरमर्दनः । रागशालागतापारनरनारीकृतोत्सवः

mahākuvalayāpīḍaghātī cāṇuramardanaḥ / rāgaśālāgatāpāranaranārīkṛtotsavaḥ

Sanskrit only: no published translation is held for this verse.

कंसध्वंसकरः कंसस्वसारूप्यगतिप्रदः । कृतोग्रसेननृपतिः सर्वयादसौख्यकृत्

kaṃsadhvaṃsakaraḥ kaṃsasvasārūpyagatipradaḥ / kṛtograsenanṛpatiḥ sarvayādasaukhyakṛt

Sanskrit only: no published translation is held for this verse.

तातमातृकृतानन्दो नन्दगोपप्रसाददः । श्रितसांदीपनिगुरुर् विद्यासागरपारगः

tātamātṛkṛtānando nandagopaprasādadaḥ / śritasāṃdīpanigurur vidyāsāgarapāragaḥ

Sanskrit only: no published translation is held for this verse.

दैत्यपञ्चजनध्वंसी पाञ्चजन्यदरप्रियः । सांदीपनिमृतापत्यदाता कालयमार्चितः

daityapañcajanadhvaṃsī pāñcajanyadarapriyaḥ / sāṃdīpanimṛtāpatyadātā kālayamārcitaḥ

Sanskrit only: no published translation is held for this verse.

सैरन्ध्रीकामसंतापशमनो ऽक्रूरप्रीतिदः । शार्ङ्गचापधरो नानाशरसंधानकोविदः

sairandhrīkāmasaṃtāpaśamano 'krūraprītidaḥ / śārṅgacāpadharo nānāśarasaṃdhānakovidaḥ

Sanskrit only: no published translation is held for this verse.

अभेद्यदिव्यकवचः श्रीमद्दारुकसारथिः । खगेन्द्रचिह्नितध्वजश् चक्रपाणिर् गदाधरः

abhedyadivyakavacaḥ śrīmaddārukasārathiḥ / khagendracihnitadhvajaś cakrapāṇir gadādharaḥ

Sanskrit only: no published translation is held for this verse.

नन्दकीयदुसेनाढ्यो ऽक्षयबाणनिषङ्गवान् । सुरासुराजेयरण्यो जितमागधयूथपः

nandakīyadusenāḍhyo 'kṣayabāṇaniṣaṅgavān / surāsurājeyaraṇyo jitamāgadhayūthapaḥ

Sanskrit only: no published translation is held for this verse.

मागधध्वजिनीध्वंसी मथुरापुरपालकः । द्वारकापुरनिर्माता लोकस्थितिनियामकः

māgadhadhvajinīdhvaṃsī mathurāpurapālakaḥ / dvārakāpuranirmātā lokasthitiniyāmakaḥ

Sanskrit only: no published translation is held for this verse.

सर्वसम्पत्तिजननः स्वजनानन्दकारकः । कल्पवृक्षाक्षितमहिः सुधर्मानीतभूतलः

sarvasampattijananaḥ svajanānandakārakaḥ / kalpavṛkṣākṣitamahiḥ sudharmānītabhūtalaḥ

Sanskrit only: no published translation is held for this verse.

यवनासुरसंहर्ता मुचुकुन्देष्टसाधकः । रुक्मिणीद्विजसंमन्त्ररथैकगतकुण्डिनः

yavanāsurasaṃhartā mucukundeṣṭasādhakaḥ / rukmiṇīdvijasaṃmantrarathaikagatakuṇḍinaḥ

Sanskrit only: no published translation is held for this verse.

रुक्मिणीहारको रुक्मिमुण्डमुण्डनकारकः । रुक्मिणीप्रियकृत् साक्षाद् रुक्मिणीरमणीपतिः

rukmiṇīhārako rukmimuṇḍamuṇḍanakārakaḥ / rukmiṇīpriyakṛt sākṣād rukmiṇīramaṇīpatiḥ

Sanskrit only: no published translation is held for this verse.

रुक्मिणीवदनाम्भोजमधुपानमधुव्रतः । स्यमन्तकनिमित्तात्मभक्तर्क्षाधिपजित् शुचिः

rukmiṇīvadanāmbhojamadhupānamadhuvrataḥ / syamantakanimittātmabhaktarkṣādhipajit śuciḥ

Sanskrit only: no published translation is held for this verse.

जाम्बवार्चितपादाब्जः साक्षाज् जाम्बवतीपतिः । सत्यभामाकरग्राही कालिन्दीसुन्दरीप्रियः

jāmbavārcitapādābjaḥ sākṣāj jāmbavatīpatiḥ / satyabhāmākaragrāhī kālindīsundarīpriyaḥ

Sanskrit only: no published translation is held for this verse.

सुतीक्ष्णशृङ्गवृषभसप्तजिद् राजयूथभित् । नग्नजित् तनयासत्यानायिकानायकोत्तमः

sutīkṣṇaśṛṅgavṛṣabhasaptajid rājayūthabhit / nagnajit tanayāsatyānāyikānāyakottamaḥ

Sanskrit only: no published translation is held for this verse.

भद्रेशो लक्ष्मणाकान्तो मित्रविन्दाप्रियेश्वरः । मुरुजित् पीठसेनानीनाशनो नरकान्तकः

bhadreśo lakṣmaṇākānto mitravindāpriyeśvaraḥ / murujit pīṭhasenānīnāśano narakāntakaḥ

Sanskrit only: no published translation is held for this verse.

धरार्चितपदाम्भोजो भगदत्तभयापहा । नरकाहृतदिव्यस्त्रीरत्नवाहादिनायकः

dharārcitapadāmbhojo bhagadattabhayāpahā / narakāhṛtadivyastrīratnavāhādināyakaḥ

Sanskrit only: no published translation is held for this verse.

अष्टोत्तरशतद्व्यष्टसहस्त्रस्त्रीविलासवान् । सत्यभामाबलावाक्यपारिजातापहारकः

aṣṭottaraśatadvyaṣṭasahastrastrīvilāsavān / satyabhāmābalāvākyapārijātāpahārakaḥ

Sanskrit only: no published translation is held for this verse.

देवेन्द्रबलभिज् जायाजातनानाविलासवान् । रुक्मिणीमानदलनः स्त्रीविलासाविमोहितः

devendrabalabhij jāyājātanānāvilāsavān / rukmiṇīmānadalanaḥ strīvilāsāvimohitaḥ

Sanskrit only: no published translation is held for this verse.

कामतातः साम्बसुतो ऽसंख्यपुत्रप्रपौत्रवान् । उशाशागतपौत्रार्थबाणबाहुसस्रछित्

kāmatātaḥ sāmbasuto 'saṃkhyaputraprapautravān / uśāśāgatapautrārthabāṇabāhusasrachit

Sanskrit only: no published translation is held for this verse.

नन्द्यादिप्रमथध्वंसी लीलाजितमहेश्वरः । महादेवस्तुतपदो नृगदुःखविमोचकः

nandyādipramathadhvaṃsī līlājitamaheśvaraḥ / mahādevastutapado nṛgaduḥkhavimocakaḥ

Sanskrit only: no published translation is held for this verse.

ब्रह्मस्वापहरक्लेशकथास्वजनपालकः । पौण्ड्रकारिः काशिराजशिरोहर्ता सदाजितः

brahmasvāpaharakleśakathāsvajanapālakaḥ / pauṇḍrakāriḥ kāśirājaśirohartā sadājitaḥ

Sanskrit only: no published translation is held for this verse.

सुदक्षिणाव्रताराध्यशिवकृत्यानलान्तकः । वाराणसीप्रदहनो नारदेक्षितवैभवः

sudakṣiṇāvratārādhyaśivakṛtyānalāntakaḥ / vārāṇasīpradahano nāradekṣitavaibhavaḥ

Sanskrit only: no published translation is held for this verse.

अद्भुतैश्वर्यमहिमा सर्वधर्मप्रवर्तकः । जरासंधनिरोधार्तभूभुजेरितसत्कथः

adbhutaiśvaryamahimā sarvadharmapravartakaḥ / jarāsaṃdhanirodhārtabhūbhujeritasatkathaḥ

Sanskrit only: no published translation is held for this verse.

नारदेरितसन्मित्रकार्यगौरवसाधकः । कलत्रपुत्रसन्मित्रसद्वृत्ताप्तगृहानुगः

nāraderitasanmitrakāryagauravasādhakaḥ / kalatraputrasanmitrasadvṛttāptagṛhānugaḥ

Sanskrit only: no published translation is held for this verse.

जरासंधवधोद्योगकर्ता भूपतिशर्मकृत् । सन्मित्रकृत्याचरितो राजसूयप्रवर्तकः

jarāsaṃdhavadhodyogakartā bhūpatiśarmakṛt / sanmitrakṛtyācarito rājasūyapravartakaḥ

Sanskrit only: no published translation is held for this verse.

सर्वर्षिगणसंस्तुत्यश् चैद्यप्राणनिकृन्तकः । इन्द्रप्रस्थजनैः पूज्यो दुर्योधनविमोहनः

sarvarṣigaṇasaṃstutyaś caidyaprāṇanikṛntakaḥ / indraprasthajanaiḥ pūjyo duryodhanavimohanaḥ

Sanskrit only: no published translation is held for this verse.

महेशदत्तसौभाग्यपुरभित् शत्रुघातकः । दन्तवक्ररिपुच्छेत्ता दन्तवक्रगतिप्रदः

maheśadattasaubhāgyapurabhit śatrughātakaḥ / dantavakraripucchettā dantavakragatipradaḥ

Sanskrit only: no published translation is held for this verse.

विदूरथप्रमथनो भूरिभारावतारकः । पार्थदूतः पार्थहितः पार्थार्थः पार्थसारथिः

vidūrathapramathano bhūribhārāvatārakaḥ / pārthadūtaḥ pārthahitaḥ pārthārthaḥ pārthasārathiḥ

Sanskrit only: no published translation is held for this verse.

पार्थमोहसमुच्छेदी गीताशास्त्रप्रदर्शकः । पार्थबाणगतप्राणवीरकैवल्यरूपदः

pārthamohasamucchedī gītāśāstrapradarśakaḥ / pārthabāṇagataprāṇavīrakaivalyarūpadaḥ

Sanskrit only: no published translation is held for this verse.

दुर्योधनादिदुर्वृत्तदहनो भीष्ममुक्तिदः । पार्थाश्वमेधाहरकः पार्थराज्यप्रसाधकः

duryodhanādidurvṛttadahano bhīṣmamuktidaḥ / pārthāśvamedhāharakaḥ pārtharājyaprasādhakaḥ

Sanskrit only: no published translation is held for this verse.

पृथाभीष्टप्रदो भीमजयदो विजयप्रदः । युधिष्ठिरेष्टसंदाता द्रौपदीप्रीतिसाधकः

pṛthābhīṣṭaprado bhīmajayado vijayapradaḥ / yudhiṣṭhireṣṭasaṃdātā draupadīprītisādhakaḥ

Sanskrit only: no published translation is held for this verse.

सहदेवेरितपदो नकुलार्चितविग्रहः । ब्रह्मास्त्रदग्धगर्भस्थपुरुवंशप्रसाधकः

sahadeveritapado nakulārcitavigrahaḥ / brahmāstradagdhagarbhasthapuruvaṃśaprasādhakaḥ

Sanskrit only: no published translation is held for this verse.

पौरवेन्द्रपुरस्त्रीभ्यो द्वारकागमनोत्सवः । आनर्तदेशनिवसत्प्रजेरितमहत्कथः

pauravendrapurastrībhyo dvārakāgamanotsavaḥ / ānartadeśanivasatprajeritamahatkathaḥ

Sanskrit only: no published translation is held for this verse.

प्रियप्रीतिकरो मित्रविप्रदारिद्र्यभञ्जनः । तीर्थापदेशसन्मित्रप्रियकृन् नन्दनन्दनः

priyaprītikaro mitravipradāridryabhañjanaḥ / tīrthāpadeśasanmitrapriyakṛn nandanandanaḥ

Sanskrit only: no published translation is held for this verse.

गोपीजनज्ञानदाता तातक्रतुकृतोत्सवः । सद्वृत्तवक्ता सद्वृत्तकर्ता सद्वृत्तपालकः

gopījanajñānadātā tātakratukṛtotsavaḥ / sadvṛttavaktā sadvṛttakartā sadvṛttapālakaḥ

Sanskrit only: no published translation is held for this verse.

तातात्मज्ञानसंदाता देवकीमृतपुत्रदः । श्रुतदेवप्रियकरो मैथिलानन्दवर्धनः

tātātmajñānasaṃdātā devakīmṛtaputradaḥ / śrutadevapriyakaro maithilānandavardhanaḥ

Sanskrit only: no published translation is held for this verse.

पार्थदर्पप्रशमनो मृतविप्रसुतप्रदः । स्त्रीरत्नवृन्दसंतोषी जनकेलिकलोत्सवः

pārthadarpapraśamano mṛtaviprasutapradaḥ / strīratnavṛndasaṃtoṣī janakelikalotsavaḥ

Sanskrit only: no published translation is held for this verse.

चन्द्रकोटिजनानन्दी भानुकोटिसमप्रभः । कृतान्तकोटिदुर्लङ्घ्यः कामकोटिमनोहरः

candrakoṭijanānandī bhānukoṭisamaprabhaḥ / kṛtāntakoṭidurlaṅghyaḥ kāmakoṭimanoharaḥ

Sanskrit only: no published translation is held for this verse.

यक्षराट्कोटिधनवान् मरुत्कोटिस्ववीर्यवान् । समुद्रकोटिगम्भीरो हिमवत्कोट्यकम्पनः

yakṣarāṭkoṭidhanavān marutkoṭisvavīryavān / samudrakoṭigambhīro himavatkoṭyakampanaḥ

Sanskrit only: no published translation is held for this verse.

कोट्यश्वमेधाढ्यहरः तीर्थकोट्यधिकाह्वयः । पीयूषकोटिमृत्युघ्नः कामधुक्कोट्यभीष्टदः

koṭyaśvamedhāḍhyaharaḥ tīrthakoṭyadhikāhvayaḥ / pīyūṣakoṭimṛtyughnaḥ kāmadhukkoṭyabhīṣṭadaḥ

Sanskrit only: no published translation is held for this verse.

शक्रकोटिविलासाढ्यः कोटिब्रह्माण्डनायकः । सर्वामोघोद्यमो ऽनन्तकीर्तिनिःसीमपौरुषः

śakrakoṭivilāsāḍhyaḥ koṭibrahmāṇḍanāyakaḥ / sarvāmoghodyamo 'nantakīrtiniḥsīmapauruṣaḥ

Sanskrit only: no published translation is held for this verse.

सर्वाभीष्टप्रदयशाः पुण्यश्रवणकीर्तनः । ब्रह्मादिसुरसंगीतवीतमानुषचेष्टितः

sarvābhīṣṭapradayaśāḥ puṇyaśravaṇakīrtanaḥ / brahmādisurasaṃgītavītamānuṣaceṣṭitaḥ

Sanskrit only: no published translation is held for this verse.

अनादिमध्यनिधनो वृद्धिक्षयविवर्जितः । स्वभक्तोद्धवमुख्यैकज्ञानदो ज्ञानविग्रहः

anādimadhyanidhano vṛddhikṣayavivarjitaḥ / svabhaktoddhavamukhyaikajñānado jñānavigrahaḥ

Sanskrit only: no published translation is held for this verse.

विप्रशापच्छलध्वस्तयदुवंशोग्रविक्रमः । सशरीरजराव्याधस्वर्गदः स्वर्गिसंस्तुतः

vipraśāpacchaladhvastayaduvaṃśogravikramaḥ / saśarīrajarāvyādhasvargadaḥ svargisaṃstutaḥ

Sanskrit only: no published translation is held for this verse.

मुमुक्षुमुक्तविषयिजनानन्दकरो यशः । कलिकालमलध्वंसियशाः श्रवणमङ्गलः

mumukṣumuktaviṣayijanānandakaro yaśaḥ / kalikālamaladhvaṃsiyaśāḥ śravaṇamaṅgalaḥ

Sanskrit only: no published translation is held for this verse.

भक्तप्रियो भक्तहितो भक्तभ्रमरपङ्कजः । स्मृतमात्राखिलत्राता यन्त्रमन्त्रप्रभञ्जकः

bhaktapriyo bhaktahito bhaktabhramarapaṅkajaḥ / smṛtamātrākhilatrātā yantramantraprabhañjakaḥ

Sanskrit only: no published translation is held for this verse.

सर्वसम्पत्स्राविनामा तुलसीदामवल्लभः । अप्रमेयवपुर् भास्वदनर्घ्याङ्गविभूषणः

sarvasampatsrāvināmā tulasīdāmavallabhaḥ / aprameyavapur bhāsvadanarghyāṅgavibhūṣaṇaḥ

Sanskrit only: no published translation is held for this verse.

विश्वैकसुखदो विश्वसज्जनानन्दपालकः । सर्वदेवशिरोरत्नम् अद्भुतानन्तभोगवान्

viśvaikasukhado viśvasajjanānandapālakaḥ / sarvadevaśiroratnam adbhutānantabhogavān

Sanskrit only: no published translation is held for this verse.

अधोक्षजो जनाजीव्यः सर्वसाधुजनाश्रयः । समस्तभयभिन्नामा स्मृतमात्रार्तिनाशकः

adhokṣajo janājīvyaḥ sarvasādhujanāśrayaḥ / samastabhayabhinnāmā smṛtamātrārtināśakaḥ

Sanskrit only: no published translation is held for this verse.

स्वयशःश्रवणानन्दजनरागी गुणार्णवः । अनिर्देश्यवपुस् तप्तशरणो जीवजीवनः

svayaśaḥśravaṇānandajanarāgī guṇārṇavaḥ / anirdeśyavapus taptaśaraṇo jīvajīvanaḥ

Sanskrit only: no published translation is held for this verse.

परमार्थः परंवेद्यः परज्योतिः परागतिः । वेदान्तवेद्यो भगवान् अनन्तसुखसागरः

paramārthaḥ paraṃvedyaḥ parajyotiḥ parāgatiḥ / vedāntavedyo bhagavān anantasukhasāgaraḥ

Sanskrit only: no published translation is held for this verse.

जगद्बन्धध्वंसयशा जगज्जीवजनाश्रयः । वैकुण्ठलोकैकपतिर् वैकुण्ठजनवल्लभः

jagadbandhadhvaṃsayaśā jagajjīvajanāśrayaḥ / vaikuṇṭhalokaikapatir vaikuṇṭhajanavallabhaḥ

Sanskrit only: no published translation is held for this verse.

प्रद्युम्नो रुक्मिणीपुत्रः शम्बरघ्नो रतिप्रियः । पुष्पधन्वा विश्वजयी द्युमत्प्राणनिषूदकः

pradyumno rukmiṇīputraḥ śambaraghno ratipriyaḥ / puṣpadhanvā viśvajayī dyumatprāṇaniṣūdakaḥ

Sanskrit only: no published translation is held for this verse.

अनिरुद्धः कामसुतः शब्दयोनिर् महाक्रमः । उषापतिर् वृष्णिपतिर् हृषीकेशो मनःपतिः

aniruddhaḥ kāmasutaḥ śabdayonir mahākramaḥ / uṣāpatir vṛṣṇipatir hṛṣīkeśo manaḥpatiḥ

Sanskrit only: no published translation is held for this verse.

श्रीमद्भागवताचार्यः सर्ववेदान्तसागरः । शुकः सकलधर्मज्ञः परीक्षिन्नृपसत्कृतः

śrīmadbhāgavatācāryaḥ sarvavedāntasāgaraḥ / śukaḥ sakaladharmajñaḥ parīkṣinnṛpasatkṛtaḥ

Sanskrit only: no published translation is held for this verse.

श्रीबुद्धो दुष्टबुद्धिघ्नो दैत्यवेदबहिष्करः । पाखण्डमार्गप्रवदो निरायुधजगज्जयः

śrībuddho duṣṭabuddhighno daityavedabahiṣkaraḥ / pākhaṇḍamārgapravado nirāyudhajagajjayaḥ

Sanskrit only: no published translation is held for this verse.

कल्की कलियुगाच्छादी पुनः सत्यप्रवर्तकः । विप्रविष्णुयशोऽपत्यो नष्टधर्मप्रवर्तकः

kalkī kaliyugācchādī punaḥ satyapravartakaḥ / vipraviṣṇuyaśo'patyo naṣṭadharmapravartakaḥ

Sanskrit only: no published translation is held for this verse.

सारस्वतः सार्वभौमो बलित्रैलोक्यसाधकः । अष्टम्यन्तरसद्धर्मवक्ता वैरोचनिप्रियः

sārasvataḥ sārvabhaumo balitrailokyasādhakaḥ / aṣṭamyantarasaddharmavaktā vairocanipriyaḥ

Sanskrit only: no published translation is held for this verse.

आपः करो रमानाथो ऽमरारिकुलकृन्तनः । श्रुतेन्द्रहितकृद् धीरवीरमुक्तिबलप्रदः

āpaḥ karo ramānātho 'marārikulakṛntanaḥ / śrutendrahitakṛd dhīravīramuktibalapradaḥ

Sanskrit only: no published translation is held for this verse.

विष्वक्सेनः शम्भुसखो दशमान्तरपालकः । ब्रह्मसावर्णिवंशाब्धिहितकृद् विश्ववर्धनः

viṣvaksenaḥ śambhusakho daśamāntarapālakaḥ / brahmasāvarṇivaṃśābdhihitakṛd viśvavardhanaḥ

Sanskrit only: no published translation is held for this verse.

धर्मसेतुर् अधर्मघ्नो वैध्यतन्त्रपदप्रदः । असुरान्तकरो देवार्थकसूनुः सुभाषणः

dharmasetur adharmaghno vaidhyatantrapadapradaḥ / asurāntakaro devārthakasūnuḥ subhāṣaṇaḥ

Sanskrit only: no published translation is held for this verse.

स्वधामा सूनृतासूनुः सत्यतेजो द्विजात्मजः । द्विषण्मनुयुगत्राता पातालपुरदारणः

svadhāmā sūnṛtāsūnuḥ satyatejo dvijātmajaḥ / dviṣaṇmanuyugatrātā pātālapuradāraṇaḥ

Sanskrit only: no published translation is held for this verse.

दैवहोत्रिर् वार्हतोयो दिवस्पतिर् अतिप्रियः । त्रयोदशान्तरत्राता योगयोगिजनेश्वरः

daivahotrir vārhatoyo divaspatir atipriyaḥ / trayodaśāntaratrātā yogayogijaneśvaraḥ

Sanskrit only: no published translation is held for this verse.

सत्त्रायणो बृहद्बाहुर् वैनतेयो विदुत्तमः । कर्मकाण्डैकप्रवदो वेदतन्त्रप्रवर्तकः

sattrāyaṇo bṛhadbāhur vainateyo viduttamaḥ / karmakāṇḍaikapravado vedatantrapravartakaḥ

Sanskrit only: no published translation is held for this verse.

परमेष्ठी सुरज्येष्ठो ब्रह्मा विश्वसृजांपतिः । अब्जयोनिर् हंसवाहः सर्वलोकपितामहः

parameṣṭhī surajyeṣṭho brahmā viśvasṛjāṃpatiḥ / abjayonir haṃsavāhaḥ sarvalokapitāmahaḥ

Sanskrit only: no published translation is held for this verse.

विष्णुः सर्वजगत्पाता शान्तः शुद्धः सनातनः । द्विजपूज्यो दयासिन्धुः शरण्यो भक्तवत्सलः

viṣṇuḥ sarvajagatpātā śāntaḥ śuddhaḥ sanātanaḥ / dvijapūjyo dayāsindhuḥ śaraṇyo bhaktavatsalaḥ

Sanskrit only: no published translation is held for this verse.

रुद्रो मूढः शिवः शास्ता शम्भुः सर्वहरो हरः । कपर्दी शंकरः शूली त्र्यक्षो ऽभेद्यो महेश्वरः

rudro mūḍhaḥ śivaḥ śāstā śambhuḥ sarvaharo haraḥ / kapardī śaṃkaraḥ śūlī tryakṣo 'bhedyo maheśvaraḥ

Sanskrit only: no published translation is held for this verse.

सर्वाध्यक्षः सर्वशक्तिः सर्वार्थः सर्वतोमुखः । सर्वावासः सर्वरूपः सर्वकारणकारणम्

sarvādhyakṣaḥ sarvaśaktiḥ sarvārthaḥ sarvatomukhaḥ / sarvāvāsaḥ sarvarūpaḥ sarvakāraṇakāraṇam

Sanskrit only: no published translation is held for this verse.

इत्य् एतत् कथितं विप्र विष्णोर् नामसहस्रकम् । सर्वपापप्रशमनं सर्वाभीष्टफलप्रदम्

ity etat kathitaṃ vipra viṣṇor nāmasahasrakam / sarvapāpapraśamanaṃ sarvābhīṣṭaphalapradam

Sanskrit only: no published translation is held for this verse.

मनःशुद्धिकरं चाशु भगवद्भक्तिवर्धनम् । सर्वविघ्नहरं सर्वाश्चर्यैश्वर्यप्रदायकम्

manaḥśuddhikaraṃ cāśu bhagavadbhaktivardhanam / sarvavighnaharaṃ sarvāścaryaiśvaryapradāyakam

Sanskrit only: no published translation is held for this verse.

सर्वदुःखप्रशमनं चातुर्वर्ग्यफलप्रदम् । श्रद्धया परया भक्त्या श्रवणात् पठनाज् जपात्

sarvaduḥkhapraśamanaṃ cāturvargyaphalapradam / śraddhayā parayā bhaktyā śravaṇāt paṭhanāj japāt

Sanskrit only: no published translation is held for this verse.

प्रत्यहं सर्ववर्णानां विष्णुपादाश्रितात्मनाम् । एतत् पठन् द्विजो विद्यां क्षत्रियः पृथिवीम् इमाम्

pratyahaṃ sarvavarṇānāṃ viṣṇupādāśritātmanām / etat paṭhan dvijo vidyāṃ kṣatriyaḥ pṛthivīm imām

Sanskrit only: no published translation is held for this verse.

वैश्यो महानिधिं शूद्रो वाञ्छितां सिद्धिम् आप्नुयात् । द्वात्रिंशदपराधान्यो ज्ञानाज्ञानाच् चरेद् धरेः

vaiśyo mahānidhiṃ śūdro vāñchitāṃ siddhim āpnuyāt / dvātriṃśadaparādhānyo jñānājñānāc cared dhareḥ

Sanskrit only: no published translation is held for this verse.

नाम्ना दशापराधांश् च प्रमादाद् आचरेद् यदि । समाहितमना ह्य् एतत् पठेद् वा श्रावयेज् जपेत्

nāmnā daśāparādhāṃś ca pramādād ācared yadi / samāhitamanā hy etat paṭhed vā śrāvayej japet

Sanskrit only: no published translation is held for this verse.

स्मरेद् वा शृणुयाद् वापि तेभ्यः सद्यः प्रमुच्यते । नातः परतरं पुण्यं त्रिषु लोकेषु विद्यते

smared vā śṛṇuyād vāpi tebhyaḥ sadyaḥ pramucyate / nātaḥ parataraṃ puṇyaṃ triṣu lokeṣu vidyate

Sanskrit only: no published translation is held for this verse.

यस्यैककीर्तनेनापि भवबन्धाद् विमुच्यते । अतस् त्वं सततं भक्त्या श्रद्धया कीर्तनं कुरु

yasyaikakīrtanenāpi bhavabandhād vimucyate / atas tvaṃ satataṃ bhaktyā śraddhayā kīrtanaṃ kuru

Sanskrit only: no published translation is held for this verse.

विष्णोर् नामसहस्रं ते भगवत्प्रीतिकारणम् । श्रीनारद उवाच । धन्यो ऽस्म्य् अनुगृहीतो ऽस्मि त्वयातिकरुणात्मना । यतः कृष्णस्य परमं सहस्रं नामकीर्तितम्

viṣṇor nāmasahasraṃ te bhagavatprītikāraṇam / śrīnārada uvāca / dhanyo 'smy anugṛhīto 'smi tvayātikaruṇātmanā / yataḥ kṛṣṇasya paramaṃ sahasraṃ nāmakīrtitam

Sanskrit only: no published translation is held for this verse.

यद्य् आलस्यात् प्रमादाद् वा सर्वं पठितुम् अन्वहम् । न शक्नोमि तदा देव किं करोमि वद प्रभो

yady ālasyāt pramādād vā sarvaṃ paṭhitum anvaham / na śaknomi tadā deva kiṃ karomi vada prabho

Sanskrit only: no published translation is held for this verse.

श्रीशिव उवाच । यदि सर्वं न शक्नोसि प्रत्यहं पठितुं द्विज । तदा कृष्णेति कृष्णेति कृष्णेति प्रत्यहं वद

śrīśiva uvāca / yadi sarvaṃ na śaknosi pratyahaṃ paṭhituṃ dvija / tadā kṛṣṇeti kṛṣṇeti kṛṣṇeti pratyahaṃ vada

Sanskrit only: no published translation is held for this verse.

एतेन तव विप्रर्षे सर्वं सम्पद्यते सकृत् । किं पुनर् भगवन्नाम्नां सहस्रस्य प्रकीर्तनात्

etena tava viprarṣe sarvaṃ sampadyate sakṛt / kiṃ punar bhagavannāmnāṃ sahasrasya prakīrtanāt

Sanskrit only: no published translation is held for this verse.

यन् नामकीर्तनेनैव पुमान् संसारसागरम् । तरत्य् अद्धा प्रपद्ये तं कृष्णं गोपालरूपिणम्

yan nāmakīrtanenaiva pumān saṃsārasāgaram / taraty addhā prapadye taṃ kṛṣṇaṃ gopālarūpiṇam

Sanskrit only: no published translation is held for this verse.