श्रीशिव उवाच । शृण्वन्ति प्रत्यहं ये वै विष्णोर् नामसहस्रकम् । कीर्तयन्त्य् अथवा विप्र संस्मरन्त्य् आदरेण वा
śrīśiva uvāca / śṛṇvanti pratyahaṃ ye vai viṣṇor nāmasahasrakam / kīrtayanty athavā vipra saṃsmaranty ādareṇa vā
Sanskrit only: no published translation is held for this verse.
वा शतं वा विंशतिं वापि दश वा पञ्च वा द्विज । एकं वा कामतो भक्त्या विष्णुपादाम्बुजाश्रयाः
vā śataṃ vā viṃśatiṃ vāpi daśa vā pañca vā dvija / ekaṃ vā kāmato bhaktyā viṣṇupādāmbujāśrayāḥ
Sanskrit only: no published translation is held for this verse.
तेषां फलस्य पुण्यानां नान्तं पश्यामि नारद । यतस् तैर् भगवान् एव परानन्दो वशीकृतः
teṣāṃ phalasya puṇyānāṃ nāntaṃ paśyāmi nārada / yatas tair bhagavān eva parānando vaśīkṛtaḥ
Sanskrit only: no published translation is held for this verse.
यतो नामैव परमं तीर्थं क्षेत्रं च पुण्यदम् । नामैव परमं दैवं नामैव परमं तपः
yato nāmaiva paramaṃ tīrthaṃ kṣetraṃ ca puṇyadam / nāmaiva paramaṃ daivaṃ nāmaiva paramaṃ tapaḥ
Sanskrit only: no published translation is held for this verse.
नामैव परमं दानं नामैव परमा क्रिया । नामैव परमो धर्मो नामैवार्थः प्रकीर्तितः
nāmaiva paramaṃ dānaṃ nāmaiva paramā kriyā / nāmaiva paramo dharmo nāmaivārthaḥ prakīrtitaḥ
Sanskrit only: no published translation is held for this verse.
नामैव कामो भक्तानां मोक्षो ऽपि नाम केवलम् । एषां च साधनं नाम कामिनां द्विजसत्तम
nāmaiva kāmo bhaktānāṃ mokṣo 'pi nāma kevalam / eṣāṃ ca sādhanaṃ nāma kāmināṃ dvijasattama
Sanskrit only: no published translation is held for this verse.
नामैव परमा भक्तिर् नामैव परमा गतिः । नामैव परमं जाप्यं नामैव प्रार्थनं परम्
nāmaiva paramā bhaktir nāmaiva paramā gatiḥ / nāmaiva paramaṃ jāpyaṃ nāmaiva prārthanaṃ param
Sanskrit only: no published translation is held for this verse.
निष्कामानां धनं नाम मुक्तिभुक्तिसुखार्थवत् । नाम स्यात् परमं सौख्यं नामैव वैराग्यकारणम्
niṣkāmānāṃ dhanaṃ nāma muktibhuktisukhārthavat / nāma syāt paramaṃ saukhyaṃ nāmaiva vairāgyakāraṇam
Sanskrit only: no published translation is held for this verse.
सत्त्वशुद्धिकरं नाम नाम ज्ञानप्रदं स्मृतम् । मुमुक्षूणां मुक्तिपदं कामिनां सर्वकामदम्
sattvaśuddhikaraṃ nāma nāma jñānapradaṃ smṛtam / mumukṣūṇāṃ muktipadaṃ kāmināṃ sarvakāmadam
Sanskrit only: no published translation is held for this verse.
वैष्णवानां फलं नाम तस्मान् नाम सदा स्मरेत् । संकेतितात् पारिहास्याद् धेलनाज्वरतापतः
vaiṣṇavānāṃ phalaṃ nāma tasmān nāma sadā smaret / saṃketitāt pārihāsyād dhelanājvaratāpataḥ
Sanskrit only: no published translation is held for this verse.
कीर्तितं भगवन्नाम सर्वपापहरं स्मृतम् । यावती पापनिर्हारे शक्तिर् नाम्नि हरेः स्थिता
kīrtitaṃ bhagavannāma sarvapāpaharaṃ smṛtam / yāvatī pāpanirhāre śaktir nāmni hareḥ sthitā
Sanskrit only: no published translation is held for this verse.
तावत् पापिजनः पापं कर्तुं शक्नोति नैव हि । ज्ञानाज्ञानाद् धरेर् नामकीर्तनात् पुरुषस्य हि
tāvat pāpijanaḥ pāpaṃ kartuṃ śaknoti naiva hi / jñānājñānād dharer nāmakīrtanāt puruṣasya hi
Sanskrit only: no published translation is held for this verse.
पापराशिं दहत्य् आशु यथा तूलं विभावसुः । संकीर्तितं हरेर् नाम श्रद्धया पुरुषेण वै
pāparāśiṃ dahaty āśu yathā tūlaṃ vibhāvasuḥ / saṃkīrtitaṃ harer nāma śraddhayā puruṣeṇa vai
Sanskrit only: no published translation is held for this verse.
तस्य सत्यफलं धत्ते क्रमशो द्विजसत्तमः । पापनाशं महापुण्यं वैराग्यं च चतुर्विधम्
tasya satyaphalaṃ dhatte kramaśo dvijasattamaḥ / pāpanāśaṃ mahāpuṇyaṃ vairāgyaṃ ca caturvidham
Sanskrit only: no published translation is held for this verse.
गुरुसेवाम् आत्मबोधं भ्रान्तिनाशम् अनन्तरम् । सम्पूर्णानन्दबोधं च ततस् तस्मिन् लभेत् स्थिरम्
gurusevām ātmabodhaṃ bhrāntināśam anantaram / sampūrṇānandabodhaṃ ca tatas tasmin labhet sthiram
Sanskrit only: no published translation is held for this verse.
श्रीनारद उवाच । चतुर्विधं त्वया प्रोक्तं वैराग्यं सुरसत्तम । एतद् वर्णय लोकस्य हिताय ज्ञानकारणम्
śrīnārada uvāca / caturvidhaṃ tvayā proktaṃ vairāgyaṃ surasattama / etad varṇaya lokasya hitāya jñānakāraṇam
Sanskrit only: no published translation is held for this verse.
श्रीशिव उवाच । असङ्गरहितो भोगः क्रियते पुरुषेण यत् । विषयाणां द्विजश्रेष्ठ तदमानः प्रकीर्तितः
śrīśiva uvāca / asaṅgarahito bhogaḥ kriyate puruṣeṇa yat / viṣayāṇāṃ dvijaśreṣṭha tadamānaḥ prakīrtitaḥ
Sanskrit only: no published translation is held for this verse.
भोग्ये स्वादुविहीने ऽपि क्रियते वृत्तिर् आत्मनः । द्वितीयो व्यतिरेकाख्यस् तद् विजानीहि सत्तम
bhogye svāduvihīne 'pi kriyate vṛttir ātmanaḥ / dvitīyo vyatirekākhyas tad vijānīhi sattama
Sanskrit only: no published translation is held for this verse.
मनसः प्रीतिराहित्ये इन्द्रियैर् एवं भुज्यते । भोगस् तृतीयः पुरुषैर् इन्द्रियाख्यः प्रकीर्तितः
manasaḥ prītirāhitye indriyair evaṃ bhujyate / bhogas tṛtīyaḥ puruṣair indriyākhyaḥ prakīrtitaḥ
Sanskrit only: no published translation is held for this verse.
मनसश् चेन्द्रियाणां च रागराहित्यम् उत्तमम् । विषयाहरणं विप्र चतुर्थः परिकीर्तितः
manasaś cendriyāṇāṃ ca rāgarāhityam uttamam / viṣayāharaṇaṃ vipra caturthaḥ parikīrtitaḥ
Sanskrit only: no published translation is held for this verse.
एष नाम परश् चाशु जायते द्विजसत्तम । ज्ञानं च परमं शुद्धं ब्रह्मानन्दप्रदायकम्
eṣa nāma paraś cāśu jāyate dvijasattama / jñānaṃ ca paramaṃ śuddhaṃ brahmānandapradāyakam
Sanskrit only: no published translation is held for this verse.
तीर्थैर् दानैस् तपोभिश् च होमैर् जात्यैर् व्रतमैखैः । योगैश् च विविधैर् विप्र यद् विष्णोः परमं पदम्
tīrthair dānais tapobhiś ca homair jātyair vratamaikhaiḥ / yogaiś ca vividhair vipra yad viṣṇoḥ paramaṃ padam
Sanskrit only: no published translation is held for this verse.
न यान्ति मानवास् तद् वै नामकीर्तनमात्रतः । संयान्त्य् एव न संदेहं कुरु विप्र हरिप्रियम्
na yānti mānavās tad vai nāmakīrtanamātrataḥ / saṃyānty eva na saṃdehaṃ kuru vipra haripriyam
Sanskrit only: no published translation is held for this verse.
महापातकयुक्तो ऽपि कीर्तयित्वा जगद्गुरुम् । तरत्य् एव न संदेहः सत्यम् एव वदाम्य् अहम्
mahāpātakayukto 'pi kīrtayitvā jagadgurum / taraty eva na saṃdehaḥ satyam eva vadāmy aham
Sanskrit only: no published translation is held for this verse.
कलिकालमलं चापि सर्वपातकम् एव च । हित्वा नामपरो विप्र विष्णुलोकं स गच्छति
kalikālamalaṃ cāpi sarvapātakam eva ca / hitvā nāmaparo vipra viṣṇulokaṃ sa gacchati
Sanskrit only: no published translation is held for this verse.
तस्मान् नामैकमात्रेण तरत्य् एव भवार्णवम् । पुमान् अत्र न संदेहो विना नामापराधतः
tasmān nāmaikamātreṇa taraty eva bhavārṇavam / pumān atra na saṃdeho vinā nāmāparādhataḥ
Sanskrit only: no published translation is held for this verse.
तद्यत्नेनैव पुरुषः श्रेयस्कामो द्विजोत्तमः । विष्णोर् न कुर्यान् नाम्नस् तु दशपापान् कथंचन
tadyatnenaiva puruṣaḥ śreyaskāmo dvijottamaḥ / viṣṇor na kuryān nāmnas tu daśapāpān kathaṃcana
Sanskrit only: no published translation is held for this verse.
श्रीनारद उवाच । श्रुतो भगवतो वक्त्राद् द्वाविंशदपराधकम् । विष्णोर् नाम्ना दश तथा एतद् वर्णय नो प्रभो
śrīnārada uvāca / śruto bhagavato vaktrād dvāviṃśadaparādhakam / viṣṇor nāmnā daśa tathā etad varṇaya no prabho
Sanskrit only: no published translation is held for this verse.
श्रीशिव उवाच । श्रूयताम् अपराधान् वै विष्णोर् वक्ष्यामि नारद । यान् कृत्वा नरकं यान्ति मानवाः सततं मुने
śrīśiva uvāca / śrūyatām aparādhān vai viṣṇor vakṣyāmi nārada / yān kṛtvā narakaṃ yānti mānavāḥ satataṃ mune
Sanskrit only: no published translation is held for this verse.
अस्नात्वा स्पर्शनं विष्णोर् विना शङ्खेन स्नापनम् । अशौचे स्पर्शनं साक्षाद् भुक्ता पादोदकग्रहः वा
asnātvā sparśanaṃ viṣṇor vinā śaṅkhena snāpanam / aśauce sparśanaṃ sākṣād bhuktā pādodakagrahaḥ vā
Sanskrit only: no published translation is held for this verse.
विना शब्देन पूजा च विना नैवेद्यपूजनम् । उच्चासनस्थपूजा च शीते व्यजनवातकम्
vinā śabdena pūjā ca vinā naivedyapūjanam / uccāsanasthapūjā ca śīte vyajanavātakam
Sanskrit only: no published translation is held for this verse.
उदक्यादर्शनं चैव घण्टाया भूनिवेशनम् । पौषे च चन्दनस्पर्शो ग्रीष्मे चास्पर्शनं तथा
udakyādarśanaṃ caiva ghaṇṭāyā bhūniveśanam / pauṣe ca candanasparśo grīṣme cāsparśanaṃ tathā
Sanskrit only: no published translation is held for this verse.
पुष्पं तोयेन संस्पर्शं विना होमं महोत्सवः । पूजां कृत्वा पृष्ठदर्शम् अग्रे च भ्रमणं तथा
puṣpaṃ toyena saṃsparśaṃ vinā homaṃ mahotsavaḥ / pūjāṃ kṛtvā pṛṣṭhadarśam agre ca bhramaṇaṃ tathā
Sanskrit only: no published translation is held for this verse.
भोजनं भगवद्वारे अभुक्त्वा च विषादता । पादुकारोहणं विष्णोर् गेहे कम्बलवेशनम्
bhojanaṃ bhagavadvāre abhuktvā ca viṣādatā / pādukārohaṇaṃ viṣṇor gehe kambalaveśanam
Sanskrit only: no published translation is held for this verse.
वामपादप्रवेशश् च कूर्दनं पाकभोजनम् । श्लेष्मप्रक्षेपणं चैव तत्तृणैर् दन्तधावनम्
vāmapādapraveśaś ca kūrdanaṃ pākabhojanam / śleṣmaprakṣepaṇaṃ caiva tattṛṇair dantadhāvanam
Sanskrit only: no published translation is held for this verse.
देवाग्रे वाहनारोहो नैवेद्ये द्रव्यबुद्धिता । शालग्रामे स्थिरायां च शिलेति प्रतिमेति च
devāgre vāhanāroho naivedye dravyabuddhitā / śālagrāme sthirāyāṃ ca śileti pratimeti ca
Sanskrit only: no published translation is held for this verse.
हरिकीर्तेर् असंश्लाघा वैष्णवे नरसाम्यता । विष्णौ च देवतासाम्यम् अन्योद्देशनिवेदनम्
harikīrter asaṃślāghā vaiṣṇave narasāmyatā / viṣṇau ca devatāsāmyam anyoddeśanivedanam
Sanskrit only: no published translation is held for this verse.
एते ऽपराधा द्वात्रिंशद् विष्णोर् नाम्नाम् अथ शृणु । सतां नाम्ना शिवे विष्णौ भिदाचार्यावमानता
ete 'parādhā dvātriṃśad viṣṇor nāmnām atha śṛṇu / satāṃ nāmnā śive viṣṇau bhidācāryāvamānatā
Sanskrit only: no published translation is held for this verse.
वेदनिन्दा नाम्नि वादः पापेच्छा नामसाहसात् । नाम्नो धर्मैः साम्यबुद्धिर् दानं श्रद्धाविवर्जितैः
vedanindā nāmni vādaḥ pāpecchā nāmasāhasāt / nāmno dharmaiḥ sāmyabuddhir dānaṃ śraddhāvivarjitaiḥ
Sanskrit only: no published translation is held for this verse.
श्रुत्वापि श्रद्धाराहित्यं कीर्तने चाप्य् अहंमतिः । एते नाम्नां द्विजश्रेष्ठ ह्य् अपराधा मयेरिताः
śrutvāpi śraddhārāhityaṃ kīrtane cāpy ahaṃmatiḥ / ete nāmnāṃ dvijaśreṣṭha hy aparādhā mayeritāḥ
Sanskrit only: no published translation is held for this verse.
वर्जनीया नृभिर् यत्नैर् यतो नरककारणाः । श्रीनारद उवाच
varjanīyā nṛbhir yatnair yato narakakāraṇāḥ / śrīnārada uvāca
Sanskrit only: no published translation is held for this verse.
विषयासक्तचित्तानां प्राकृतानां नृणां प्रभो । अपराधा हरेर् आशु वर्ज्या नैव भवन्ति हि
viṣayāsaktacittānāṃ prākṛtānāṃ nṛṇāṃ prabho / aparādhā harer āśu varjyā naiva bhavanti hi
Sanskrit only: no published translation is held for this verse.
अतो येन प्रकारेण तरन्ति प्राकृता अपि । अपराधान् कृतान् देव तन् ममाख्यातुम् अर्हसि
ato yena prakāreṇa taranti prākṛtā api / aparādhān kṛtān deva tan mamākhyātum arhasi
Sanskrit only: no published translation is held for this verse.
श्रीशिव उवाच । प्रदक्षिणशतं कृत्वा दण्डवत् प्रणमेद् भुवि । अपराधशतं तस्य क्षमते स्वस्य केशवः
śrīśiva uvāca / pradakṣiṇaśataṃ kṛtvā daṇḍavat praṇamed bhuvi / aparādhaśataṃ tasya kṣamate svasya keśavaḥ
Sanskrit only: no published translation is held for this verse.
प्रदक्षिणं सकृत् कृत्वा यो न जानुशिरं नमेत् । निष्फलं तद् भवेत् तस्य तस्मात् प्रत्येकशो नमेत्
pradakṣiṇaṃ sakṛt kṛtvā yo na jānuśiraṃ namet / niṣphalaṃ tad bhavet tasya tasmāt pratyekaśo namet
Sanskrit only: no published translation is held for this verse.
जगन्नाथेति ते नाम व्याहरिष्यन्ति ते यदि । अपराधशतं तेषां क्षमते नात्र संशयः
jagannātheti te nāma vyāhariṣyanti te yadi / aparādhaśataṃ teṣāṃ kṣamate nātra saṃśayaḥ
Sanskrit only: no published translation is held for this verse.
नाम्नो ऽपराधास् तरति नाम्न एव सदा जपात् । विना भक्तापराधेन तत्प्रसादविवर्जितः
nāmno 'parādhās tarati nāmna eva sadā japāt / vinā bhaktāparādhena tatprasādavivarjitaḥ
Sanskrit only: no published translation is held for this verse.
सर्वापराधांस् तरति विष्णुपादाम्बुजाश्रयः । विष्णोर् अप्य् अपराधान् वै नामसंकीर्तनात् तरेत्
sarvāparādhāṃs tarati viṣṇupādāmbujāśrayaḥ / viṣṇor apy aparādhān vai nāmasaṃkīrtanāt taret
Sanskrit only: no published translation is held for this verse.
विष्णुभक्तापराधानां नैवास्त्य् अन्या प्रतिक्रिया । श्रीनारद उवाच । भक्तापराधान् मे ब्रूहि यथा तेषां प्रतिक्रिया । अनुग्रहाय लोकानां भगवन् मम चापि हि
viṣṇubhaktāparādhānāṃ naivāsty anyā pratikriyā / śrīnārada uvāca / bhaktāparādhān me brūhi yathā teṣāṃ pratikriyā / anugrahāya lokānāṃ bhagavan mama cāpi hi
Sanskrit only: no published translation is held for this verse.
श्रीशिव उवाच । विष्णुभक्तस्य सर्वस्वहरणं द्विजसत्तम । भर्त्सनं चोत्तमे भक्ते स्वप्ने चापि प्रहारणम्
śrīśiva uvāca / viṣṇubhaktasya sarvasvaharaṇaṃ dvijasattama / bhartsanaṃ cottame bhakte svapne cāpi prahāraṇam
Sanskrit only: no published translation is held for this verse.
एते ऽपराधा भक्तानां शृण्व् एषां प्रतिक्रिया । तद्धनं द्विगुणं दत्त्वा कृत्वा पादाभिवन्दनम्
ete 'parādhā bhaktānāṃ śṛṇv eṣāṃ pratikriyā / taddhanaṃ dviguṇaṃ dattvā kṛtvā pādābhivandanam
Sanskrit only: no published translation is held for this verse.
कथयेन् मे क्षमस्वेति तद्दोषं धनकर्षणम् । यावत् तद्भर्त्सनं कृत्वा तावन् मासान् समाहितः
kathayen me kṣamasveti taddoṣaṃ dhanakarṣaṇam / yāvat tadbhartsanaṃ kṛtvā tāvan māsān samāhitaḥ
Sanskrit only: no published translation is held for this verse.
निर्मत्सरः परिचरेत् तत्प्रसादेन शुध्यति । यावज् जीवं प्रहारे तु परिचर्येद् अतन्द्रितः
nirmatsaraḥ paricaret tatprasādena śudhyati / yāvaj jīvaṃ prahāre tu paricaryed atandritaḥ
Sanskrit only: no published translation is held for this verse.
तत्प्रसादेन तत्पापान् निष्कृतिर् नान्यथा भवेत् । अकृत्वा निष्कृतीन् एतान् नरकान् नास्ति निष्कृतिः
tatprasādena tatpāpān niṣkṛtir nānyathā bhavet / akṛtvā niṣkṛtīn etān narakān nāsti niṣkṛtiḥ
Sanskrit only: no published translation is held for this verse.
अज्ञानतः कृते विप्र तत्प्रसादेन नश्यति । ज्ञानात् तु द्विगुणं कुर्याद् एष धर्मः सनातनः
ajñānataḥ kṛte vipra tatprasādena naśyati / jñānāt tu dviguṇaṃ kuryād eṣa dharmaḥ sanātanaḥ
Sanskrit only: no published translation is held for this verse.
पुत्रे शिष्ये च जायायां शासने नास्ति दूषणम् । अन्यया तु कृते दोषो भवत्य् एव न संशयः
putre śiṣye ca jāyāyāṃ śāsane nāsti dūṣaṇam / anyayā tu kṛte doṣo bhavaty eva na saṃśayaḥ
Sanskrit only: no published translation is held for this verse.
केशाकर्षे पदाघाते मुखे च चर्पटे कृते । न निष्कृतिं प्रपश्यामि तस्मात् तान् न समाचरेत्
keśākarṣe padāghāte mukhe ca carpaṭe kṛte / na niṣkṛtiṃ prapaśyāmi tasmāt tān na samācaret
Sanskrit only: no published translation is held for this verse.