यो ऽग्नौ रुद्रो यो ऽप्स्व् अन्तर् य ओषधीर् वीरुध आविवेश । य इमा विश्वा भुवनानि चक्लपे तस्मै रुद्राय नमो ऽस्त्व् अग्नये । यो रुद्रो ऽग्नौ यो रुद्रो ऽप्स्व् अन्तर् यो रुद्र ओषधीर् वीरुध आविवेश । यो रुद्र इमा विश्वा भुवनानि चक्लपे तस्मै रुद्राय नमोनमः । यो रुद्रो ऽप्सु यो रुद्र ओषधिषु यो रुद्रो वनस्पतिषु । येन रुद्रेण जगद् ऊर्ध्वं धारितं पृथिवी द्विधा त्रिधा धर्ता धारिता नागा ये ऽन्तरिक्षे तस्मै रुद्राय वै नमोनमः । मूर्धानम् अस्य संसेव्याप्य् अथर्वा हृदयं च यत् । मस्तिष्काद् ऊर्ध्वं प्रेरयत्य् अवमानो ऽधिशीर्षतः
yo 'gnau rudro yo 'psv antar ya oṣadhīr vīrudha āviveśa / ya imā viśvā bhuvanāni caklape tasmai rudrāya namo 'stv agnaye / yo rudro 'gnau yo rudro 'psv antar yo rudra oṣadhīr vīrudha āviveśa / yo rudra imā viśvā bhuvanāni caklape tasmai rudrāya namonamaḥ / yo rudro 'psu yo rudra oṣadhiṣu yo rudro vanaspatiṣu / yena rudreṇa jagad ūrdhvaṃ dhāritaṃ pṛthivī dvidhā tridhā dhartā dhāritā nāgā ye 'ntarikṣe tasmai rudrāya vai namonamaḥ / mūrdhānam asya saṃsevyāpy atharvā hṛdayaṃ ca yat / mastiṣkād ūrdhvaṃ prerayaty avamāno 'dhiśīrṣataḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.